മനുഷ്യാവകാശ കമ്മീഷന്‍ സിറ്റിങ്: 17 കേസുകള്‍ തീര്‍പ്പാക്കി
സംസ്ഥാന മനുഷ്യാവകാശ കമ്മീഷന്‍ ജുഡീഷ്യല്‍ അംഗം കെ ബൈജുനാഥിന്റെ നേതൃത്വത്തില്‍ കലക്ടറേറ്റ് കോണ്‍ഫറന്‍സ് ഹാളില്‍ നടത്തിയ സിറ്റിങ്ങില്‍ 17 കേസുകള്‍ തീര്‍പ്പാക്കി. 76 പരാതികളാണ് ലഭിച്ചത്. 59 പരാതികള്‍ അടുത്ത സിറ്റിങ്ങിലേക്ക് മാറ്റി.
പേവിഷ ബാധ നിയന്ത്രിക്കാനുള്ള കര്‍മ്മപദ്ധതി സര്‍ക്കാര്‍ ഉടന്‍ നടപ്പാക്കുമെന്നും തെരുവ് നായ്ക്കളുടെ വംശവര്‍ധനവ് നിയന്ത്രിക്കുന്നതിനുള്ള എ.ബി.സി പദ്ധതി കാര്യക്ഷമമാക്കാന്‍ ബന്ധപ്പെട്ട വകുപ്പുകള്‍ക്ക് നിര്‍ദ്ദേശം നല്‍കിയതായി അദ്ദേഹം പറഞ്ഞു.
വര്‍ധിച്ചുവരുന്ന ലഹരി ഉപയോഗത്തിനെതിരെ സര്‍ക്കാര്‍ പദ്ധതികള്‍ ആവിഷ്‌കരിച്ചിട്ടുണ്ട്. ഇതിന്റെ പ്രചാരണ പരിപാടികള്‍ക്ക് എല്ലാവരുടെയും സഹകരണം ഉണ്ടാവണം. ആംബുലന്‍സിന്റെ ഡോര്‍ തുറക്കാനാവാതെ രോഗി മരണപ്പെട്ട സാഹചര്യത്തില്‍ വാഹനങ്ങളുടെ സുരക്ഷ ഉറപ്പാക്കാന്‍ ആര്‍.ടി.ഒക്ക് നിര്‍ദ്ദേശം നല്‍കിയതായും അദ്ദേഹം പറഞ്ഞു.
- Log in to post comments