പൊന്നോണം 2023; ആവേശമായി ഫൂട് വോളി

ജില്ലാതല ഓണാഘോഷ പരിപാടികളുടെ ഭാഗമായി കോഴിക്കോട് ബീച്ചിൽ ഫൂട് വോളി സംഘടിപ്പിച്ചു. ഫുട്ബോളിനെ സ്നേഹിക്കുന്ന കോഴിക്കോട്ടുകാര്‍ക്ക് ഫൂട് വോളി വേറിട്ട അനുഭവമായി. കളി കാണാൻ നൂറുകണക്കിന് ആളുകളാണ് ബീച്ചിലെത്തിയത്.

ബീച്ചിൽ ഒരുക്കിയ വോളിബോൾ കോർട്ടിൽ നടന്ന ഫൂട് വോളി മേയർ ഡോ. ബീന ഫിലിപ്പ് ഉദ്ഘാടനം ചെയ്തു. സ്പോർട്സ് ആന്റ് മാർഷൽ ആർട്സ് കമ്മിറ്റി കൺവീനർ ഷൈജു അധ്യക്ഷത വഹിച്ചു. മത്സരത്തിൽ നാല് ക്ലബുകൾ മാറ്റുരച്ചു. കുന്നമംഗലം ഫൂട് വോളി ക്ലബ്  കടലുണ്ടി ഫൂട് വോളി ക്ലബ്ബിനെ ഒന്നിനെതിരെ 2 സെറ്റിന് പരാജയപ്പെടുത്തി ചാമ്പ്യന്മാരായി.

സംസ്ഥാന വിനോദസഞ്ചാര വകുപ്പും, ജില്ലാ ഭരണകൂടവും, ജില്ലാ ടൂറിസം പ്രെമോഷൻ കൗൺസിലും സംയുക്തമായാണ് ഓണാഘോഷ പരിപാടികൾ സംഘടിപ്പിക്കുന്നത്.

ജില്ലാ സ്പോർട്സ് കൗൺസിൽ വൈസ് പ്രസിഡന്റ് ഡോ. റോയ് ജോൺ, സ്പോർട്സ് കമ്മിറ്റി വൈസ് ചെയർമാൻ എ മൂസ ഹാജി എന്നിവർ സംസാരിച്ചു. 

സമാപന ചടങ്ങിൽ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ സി രേഖ ജേതാക്കൾക്കുള്ള ട്രോഫികളും ഉപഹാരങ്ങളും വിതരണം ചെയ്തു. ഫൂട് വോളി അസോസിയേഷൻ വൈസ് പ്രസിഡന്റ്‌ ആർ ജയന്ത് കുമാർ അധ്യക്ഷത വഹിച്ചു. ഫൂട് വോളി അസോസിയേഷൻ ഓഫ് ഇന്ത്യ സെക്രട്ടറി ജനറൽ എ.കെ മുഹമ്മദ് അഷ്റഫ്, ഫൂട് വോളി അസോസിയേഷൻ ട്രഷറർ കെ വി അബ്ദുൽ മജീദ്, കെൻസ ബാബു, സി പി റഷീദ് , എം.എ സാജിത്, തുടങ്ങിയവർ സംസാരിച്ചു. പ്രോഗ്രാം കമ്മിറ്റി മെമ്പർ ജാസിർ നന്ദി പറഞ്ഞു.