പയ്യന്നൂർ താലൂക്ക് തല വികസന സമിതി യോഗം ജൂലൈ  22 രാവിനെ 10.30 ന് പയ്യന്നൂർ ബ്ലോക്ക് പഞ്ചായത്ത് കോൺഫറൻസ് ഹാളിൽ നടക്കും. യോഗത്തിൽ പരിഗണിക്കേണ്ടതായ പൊതുജനങ്ങളെ ബാധിക്കുന്ന പരാതികൾ 20 ന് വൈകുന്നേരം അഞ്ച് മണിക്ക് മുമ്പായി താലൂക്ക് ഓഫീസിൽ എത്തിക്കണം. പരാതിക്കാർ യോഗത്തിൽ ഹാജരാകണമെന്ന് താലൂക്ക് ഓഫീസിൽ നിന്നും അറിയിച്ചു.

ഫിഷറീസ് വകുപ്പിന് കീഴിൽ പ്രവർത്തിക്കുന്ന സൊസൈറ്റി ഫോർ അസിസ്റ്റൻസ് ടു ഫിഷർ വിമൺ (സാഫ്) നടപ്പിലാക്കുന്ന പലിശ രഹിത വായ്‌പാ പദ്ധതിയിലേക്ക് അപേക്ഷ ക്ഷണിച്ചു. മത്സ്യത്തൊഴിലാളി വനിതകളുടെ ജോയിന്റ് ലയബിലിറ്റി ഗ്രൂപ്പുകൾക്ക് അപേക്ഷിക്കാം. മത്സ്യത്തൊഴിലാളി ഫാമിലി രജിസ്റ്ററിൽ അംഗത്വമുള്ളതും മത്സ്യകച്ചവടം, പീലിംഗ്, ഉണക്കമീൻക്കച്ചവടം എന്നീ ജോലികൾ ചെയ്യുന്നതുമായ 5 പേർ അടങ്ങുന്ന ഗ്രൂപ്പുകൾക്കാണ് അവസരം.

പട്ടുവം  കോളേജ് ഓഫ് അപ്ലൈഡ് സയൻസിൽ ബി എസ്‌ സി കമ്പ്യൂട്ടർ സയൻസ്, ബിസിഎ, ബികോം വിത്ത് കമ്പ്യൂട്ടർ അപ്ലിക്കേഷൻ ബികോം കോഓപ്പറേഷൻ എന്നീ കോഴ്‌സുകളിൽ സീറ്റുകൾ ഒഴിവുണ്ട്. ഫോൺ 8547005048, 9847007177

കണ്ണൂർ ഗവ: ഐ ടി ഐ യും ഐ എം സി യും സംയുക്തമായി നടത്തുന്ന ഡിപ്ലോമ ഇൻ ഫയർ ആൻഡ് സേഫ്റ്റി, ഡിപ്ലോമ ഇൻ ഓയിൽ ആൻഡ് ഗ്യാസ് ടെക്നോളജി , ഡിപ്ലോമ ഇൻ എയർപോർട്ട് മാനേജ്മെൻ്റ്  വിത്ത് സപ്ലൈ ചെയിൻ ആൻഡ് ലോജിസ്റ്റിക്സ്, ഡിപ്ലോമ ഇൻ മൊബൈൽ ഫോൺ ടെക്നോളജി, സി സി ടി വി, സി എൻ സി മെഷിനിസ്റ്റ്, ഡിപ്ലോമ ഇൻ ഡിജിറ്റൽ ലാൻഡ് സർവെ എന്നീ കോഴ്സുകളിലേക്ക് അപേക്ഷ ക്ഷണിച്ചു. ഫോൺ 9745479354, 8301098705

വിനോദ  സഞ്ചാര  വകുപ്പിനു  കീഴിലുള്ള  കേരള  ഇന്‍സ്റ്റിറ്റ്യൂട്ട്  ഓഫ് ഹോസ്പിറ്റാലിറ്റി മാനേജ്‌മെന്റ് കോളേജില്‍  ബി എസ് സി ഹോട്ടല്‍  മാനേജ്‌മെന്റ്  ആന്‍ഡ്  കാറ്ററിംഗ്  സയന്‍സ്  കോഴ്‌സില്‍  ഏതാനും  സീറ്റുകള്‍  ഒഴിവുണ്ട്. 45 ശതമാനം മാര്‍ക്കോടെ പ്ലസ് ടു പാസായ വിദ്യാര്‍ത്ഥികള്‍ക്ക് ജൂലൈ 24 വരെ സ്‌പോട്ട് അഡ്മിഷന് അപേക്ഷിക്കാം. എസ് സി, എസ് ടി, ഒ ബി എച്ച്, ഒ ഇ സി വിഭാഗങ്ങള്‍ക്ക് ഇ ഗ്രാന്റ്‌സ് ആനുകൂല്യം ലഭ്യമാണ്. ഫോണ്‍ 9567463159, 6282393203 , ഇ മെയില്‍: principal.kihm@kerala.gov.in

കണ്ണൂര്‍ ഗവ. എഞ്ചിനീയറിങ് കോളേജില്‍   ബസ്സ് ഡ്രൈവറുടെയും, ക്ലീനറുടെയും, ഡ്രൈവര്‍ കം ക്ലീനര്‍ (എല്ലാവരും 60 വയസില്‍ താഴെ ) ഒഴിവിലേക്ക്  താത്കാലിക നിയമനം നടത്തുന്നു. താല്പര്യമുള്ളവര്‍ യോഗ്യതയും, പരിചയവും തെളിയിക്കുന്ന രേഖകള്‍ സഹിതം  ജൂലൈ 24 ന്  രാവിലെ 10.30 ന് കോളേജ് ഓഫീസില്‍ ഹാജരാകണമെന്ന് പ്രിന്‍സിപ്പല്‍ അറിയിച്ചു.
 

മത്സ്യത്തൊഴിലാളി വനിതകള്‍ക്ക് സൂക്ഷ്മ തൊഴില്‍ സംരംഭങ്ങളുടെ യൂണിറ്റുകള്‍ തുടങ്ങുന്നതിന് അപേക്ഷകള്‍ ക്ഷണിച്ചു.

വിവിധ ഗവേഷണ സ്ഥാപനങ്ങളുടെ സഹായത്തോടെ തലശ്ശേരി മലബാര്‍  കാന്‍സര്‍ സെന്ററില്‍ (പോസ്റ്റ് ഗ്രാജുവേറ്റ് ഇന്‍സ്റ്റിറ്റ്യൂട്ട് ഓഫ് ഓങ്കോളജി സയന്‍സ്സ് ആന്‍ഡ് റിസേര്‍ച്) നടത്തുന്ന  വിവിധ താത്കാലിക ഗവേഷണ പ്രോജക്ടുകളിലേക്ക് ഉദ്യോഗാര്‍ഥികളെ തിരഞ്ഞെടുക്കുന്നു.

കണ്ണൂർ ഗവ. മെഡിക്കൽ കോളേജിലെ അൾട്രാ സൗണ്ട് സ്കാനിംഗ്, സി. ടി സ്കാനിംഗ് എന്നീ വിഭാഗങ്ങളിലെ സ്കാനിംഗ് പരിശോധനകൾ ആശുപത്രിയിൽ പ്രവേശിപ്പിക്കപ്പെട്ടിട്ടുള്ള രോഗികൾക്കും അത്യാഹിത വിഭാഗത്തിലെ രോഗികൾക്കും മാത്രമായി പരിമിതപ്പെടുത്തിയതായി ആശുപത്രി സൂപ്രണ്ട് ഡോ. കെ. സുദീപ് അറിയിച്ചു.

ആശുപത്രിയിൽ അറ്റകുറ്റപണി നടക്കുന്നതിനാലാണ് ഈ നിയന്ത്രണമെന്ന് അദ്ദേഹം പറഞ്ഞു.

നവീകരണ

പ്രവൃത്തികൾക്ക് ശേഷം ഈ വിഭാഗങ്ങൾ പൂർണ്ണരൂപത്തിൽ പ്രവർത്തന സജ്ജമാകുമെന്നും പൊതുജനങ്ങൾക്ക് ഇതുമൂലം ഉണ്ടാകുന്ന പ്രയാസങ്ങൾ പരിഹരിക്കപ്പെടുമെന്നും സൂപ്രണ്ട്  പറഞ്ഞു.

സംസ്ഥാന സര്‍ക്കാറിന്റെ ആര്‍ദ്രം മിഷനില്‍ ഉള്‍പ്പെടുത്തി മട്ടന്നൂര്‍ നിയോജക മണ്ഡലത്തിന് കീഴിലുള്ള മാലൂര്‍ പ്രാഥമിക ആരോഗ്യ കേന്ദ്രം കുടുംബാരോഗ്യ കേന്ദ്രമായി ഉയര്‍ത്തുന്നതിന്റെ ഭാഗമായുള്ള പുതിയ കെട്ടിടത്തിന്റെ ശിലാസ്ഥാപനം കെ കെ ശൈലജ ടീച്ചര്‍ എംഎല്‍എ നിര്‍വഹിച്ചു.