ഇടുക്കിമെഡിക്കല്‍ കോളേജിലേക്ക് എക്‌സറേ ഫ്യൂജി ഫിലിം (10*8) ലഭ്യമാക്കുന്നതിന് അംഗീക്യത വിതരണക്കാരില്‍ നിന്നും ടെൻഡർ ക്ഷണിച്ചു. ഫോമുകള്‍ ജൂലൈ 25 ന് പകൽ 11 മണി വരെ ലഭിക്കും. അന്നേ ദിവസം ഉച്ചക്ക് 2 വരെ ടെണ്ടര്‍ അപേക്ഷ സ്വീകരിക്കും. കൂടുതല്‍ വിവരങ്ങള്‍ക്ക് 04862 232474.

ജില്ലയിലെ ഒഴിവുളള വിവിധ പഞ്ചായത്തുകളിലേക്ക് അക്ഷയ സംരംഭകരെ തിരഞ്ഞെടുക്കുന്നതിന് നടത്തിയ ഓണ്‍ലൈന്‍ പരീക്ഷയില്‍ യോഗ്യത നേടിയവര്‍ക്കുളള അഭിമുഖം ജൂലൈ 22, 23, 24 തിയതികളില്‍ ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടക്കും.. കൂടുതല്‍ വിവരങ്ങള്‍ക്ക് അക്ഷയ വെബ്‌സൈറ്റിലോ, അക്ഷയ ജില്ലാ ഓഫീസുമായോ ബന്ധപ്പെടാവുന്നതാണ്. ഫോണ്‍ 04862 232215, 232209.

മഴക്കാലത്ത് പകർച്ചവ്യാധികൾ കൂടുതലായി റിപ്പോർട്ട് ചെയ്യപ്പെടുന്നതിനാൽ പൊതുജനങ്ങൾ ജാഗ്രത പുലർത്തണമെന്ന് ജില്ലാ മെഡിക്കൽ ഓഫീസർ അറിയിച്ചു .ജലദോഷം , പനി, ജലജന്യ രോഗങ്ങൾ ,കൊതുക് ജന്യ രോഗങ്ങൾ തുടങ്ങിയവ മഴക്കാല രോഗങ്ങളിൽ ഉൾപ്പെടുന്നു.രോഗബാധിതനായ ഒരാൾ തുമ്മുകയോ ചുമയ്ക്കുകയോ ചെയ്യുമ്പോൾ വായുവിൽ എത്തുന്ന കണങ്ങളിലൂടെ പകരുന്നതാണ് എച്ച് വൺ എൻ വൺ, കോവിഡ് എന്നിവ .ഈർപ്പം കൂടുതലുള്ള കാലാവസ്ഥയിൽ വൈറസ് അന്തരീക്ഷത്തിൽ തങ്ങിനിൽക്കുകയും പകരുകയും ചെയ്യും.

ആരോഗ്യവകുപ്പിന്റെ അറക്കുളത്തുള്ള സ്ത്രീകളുടെ പകല്‍ വീട്ടിലേക്ക് അറ്റന്‍ഡര്‍ തസ്തികയില്‍ നിയമനം നടത്തുന്നു. വാക്ക് ഇന്‍ ഇന്റര്‍വ്യൂ ജൂലൈ 25 രാവിലെ 11 മുതല്‍ സിവിൽ സ്റേഷനിലുള്ള ജില്ലാ മെഡിക്കല്‍ ആഫീസിൽ (ആരോഗ്യം) നടക്കും . എസ്എസ്എല്‍സിയാണ് യോഗ്യത. 55 വയസ് കവിയരുത്. ഇന്റര്‍വ്യൂവില്‍ പങ്കെടുക്കുന്ന ഉദ്യോഗാര്‍ത്ഥികള്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ അസല്‍, ആധാര്‍/വോട്ടര്‍ ഐ.ഡി. എന്നിവയുടെ അസ്സലും സാക്ഷ്യപ്പെടുത്തിയ പകര്‍പ്പും ഇന്റര്‍വ്യൂ സമയത്ത് ഹാജരാക്കേണ്ടതാണ്. നിയമനം സ്ത്രീകള്‍ക്കു മാത്രം. കൂടുതല്‍ വിവരങ്ങള്‍ക്ക് 04862 233030, 226929

കോളേജ് വിദ്യാര്‍ത്ഥികള്‍ക്കിടയില്‍ എച്ച്‌ഐവി എയ്ഡ്‌സ് ബോധവല്‍ക്കരണം നടത്തുന്നതിന്റെ ഭാഗമായി എയ്ഡ്‌സ് റ്റ്കണ്‍ട്രോള്‍ സൊസൈറ്റിയും ആരോഗ്യ കുടുംബക്ഷേമ വകുപ്പും സംയുക്തമായി ഫ്ലാഷ് മോബ് മത്സരം സംഘടിപ്പിക്കുന്നു. ജൂലൈ 26ന് വാഴത്തോപ്പ് പഞ്ചായത്ത് ടൗണ്‍ഹാളില്‍ വച്ചാണ് മത്സരം നടക്കുക .17 നും 25നും ഇടയില്‍ പ്രായമുള്ള പോളിടെക്‌നിക് കോളേജ് വിദ്യാര്‍ത്ഥികള്‍, നഴ്‌സിങ് കോളേജ് വിദ്യാര്‍ത്ഥികള്‍, പ്രൊഫഷണല്‍ കോളേജ് വിദ്യാര്‍ത്ഥികള്‍ തുടങ്ങിയ എല്ലാ കോളേജ് വിദ്യാര്‍ത്ഥികള്‍ക്കും മത്സരത്തില്‍ പങ്കെടുക്കാം .ഫ്ലാഷ് മോബില്‍ പങ്കെടുക്കുന്ന ഒരു ടീമിൽ പരമാവധി 15 പേർ മാത്രമേ പാടുള്ളൂ. സമയം 25 മിനിറ്റ്.

*തിരഞ്ഞെടുപ്പ് നടക്കുന്ന വാര്‍ഡുകളില്‍ 30 ന് പ്രദേശിക അവധി

കണ്ണൂർ സെൻട്രൽ ഗവ. എംപ്ലോയീസ് വെൽഫെയർ കോ-ഓർഡിനേഷൻ കമ്മിറ്റി കേന്ദ്ര, സംസ്ഥാന സർക്കാർ ഉദ്യോഗസ്ഥർക്ക് ആദായ നികുതി ഇ ഫയലിങ്ങിനെയും റ്റി ഡി എസ്സ് എന്നിവയെ  സംബന്ധിച്ച് ഏകദിന ശില്പശാല സംഘടിപ്പിച്ചു. കലക്ടറേറ്റ് കോൺഫറൻസ് ഹാളിൽ നടന്ന പരിപാടിയിൽ  ജില്ലാ ഇൻഫർമാറ്റിക്സ് ഓഫീസർ കെ രാജൻ, ഇൻകം ടാക്സ് ഓഫീസർ എൻ അശോകൻ, പി വി നാരായണൻ, രാജേഷ് തുടങ്ങിയവർ സംസാരിച്ചു.

ജില്ലയിൽ സമ്പൂർണ്ണ ലൈബ്രറി പദ്ധതി നടപ്പിലാക്കുന്നതിൻ്റെ ഭാഗമായി എല്ലാ തദ്ദേശ സ്വയം ഭരണ വാർഡുകളിലും ലൈബ്രറികൾ സ്ഥാപിക്കുന്നതിനും ഇതിനായി ആഗസ്റ്റ് മാസത്തിൽ പ്രത്യേക ക്യാമ്പയിൻ നടത്തുന്നതിനു തീരുമാനിച്ചു.
സമ്പൂർണ്ണ ലൈബ്രറി പദ്ധതിയുമായി ബന്ധപ്പെട്ട് ജില്ലാ കലക്ടർ അരുൺ കെ വിജയൻ്റെ അധ്യക്ഷതയിൽ കലക്ടറേറ്റ് ഓഡിറ്റോറിയത്തിൽ ചേർന്ന യോഗത്തിലാണ് തീരുമാനം.  ഡോ വി ശിവദാസൻ എം പി  യോഗത്തിൽ ആമുഖ പ്രഭാഷണം നടത്തി. തദ്ദേശ സ്വയം ഭരണ സ്ഥാപന പ്രസിഡണ്ടുമാർ , വിവിധ വകുപ്പുകളിലെ ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.