കർക്കിടക വാവുബലിയോട് അനുബന്ധിച്ചുളള ക്രമീകരണങ്ങൾ വിലയിരുത്തുന്നതിനായി വർക്കല എം.എൽ.എ. വി.ജോയിയുടെ നേതൃത്വത്തിൽ വർക്കല താലൂക്ക് തല ഉദ്യോഗസ്ഥരുടെ അവലോകന യോഗം താലൂക്ക് ആഫീസ് കോൺഫറൻസ് ഹാളിൽ നടന്നു.

വട്ടിയൂർക്കാവ് സെൻട്രൽ പോളിടെക്ക്‌നിക് കോളേജിന് കീഴിൽ പ്രവർത്തിക്കുന്ന വൊക്കേഷണൽ ട്രെയിനിംഗ് സെൻ്ററിൽ ഒരു വർഷം ദൈർഘ്യമുള്ള കെ.ജി.റ്റി.ഇ പ്രിന്റിംഗ് ടെക്നോളജി (പാർട്ട് ടൈം) പോസ്റ്റ് പ്രസ്സ് ഓപ്പറേഷൻ ആന്റ് ഫിനിഷിംഗ് കോഴ്സിലേക്ക് ജനറൽ മെരിറ്റ് വിഭാഗത്തിൽ ഒഴിവുള്ള സീറ്റുകളിലേക്കുള്ള അഡ്‌മിഷൻ 19/07/2024 -ന് നടത്തും. ജനറൽ മെരിറ്റ് വിഭാഗം റാങ്ക് ലിസ്റ്റിൽ ഉൽപ്പെട്ടിട്ടുള്ള അപേക്ഷകർ ആവശ്യമായ സർട്ടിഫിക്കറ്റുകൾ സഹിതം രാവിലെ 9.30 -ന് സെൻട്രൽ പോളിടെക്ക്നിക് കോളേജിൽ ഹാജരാകേണ്ടതാണ് എന്ന് പ്രിൻസിപ്പാൾ അറിയിച്ചു. വിശദവിവരങ്ങൾ www.cpt.ac.in എന്ന വെബ്സൈറ്റിൽ ലഭ്യമാണ്.

കോട്ടയം: ഒറ്റപ്പെട്ട ശക്തമായ മഴയ്ക്കു സാധ്യതയുള്ളതിനാൽ ഇന്ന് (വെള്ളിയാഴ്ച, ജൂലൈ 12) കോട്ടയം ജില്ലയിൽ കേന്ദ്രകാലാവസ്ഥ വകുപ്പ് മഞ്ഞ അലേർട്ട് പ്രഖ്യാപിച്ചു. 24 മണിക്കൂറിൽ 64.5 മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴയായി കണക്കാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.

തിരുവനന്തപുരം ജില്ലയിലെ തൊഴിൽരഹിതരായ ഉദ്യോഗാർത്ഥികൾക്ക് അനുയോജ്യമായ സംരംഭങ്ങൾ ആരംഭിച്ച് സ്വയം തൊഴിൽ കണ്ടെത്തുന്നതിനായി എംപ്ലോയ്‌മെന്റ് എക്‌സ്‌ചേഞ്ചുകൾ മുഖാന്തരം നടപ്പാക്കിവരുന്ന വിവിധ സ്വയം തൊഴിൽ പദ്ധതികളെക്കുറിച്ച് അറിയാനും രജിസ്‌ട്രേഷനുമായി 0471 2741713 എന്ന നമ്പറിൽ ബന്ധപ്പെടാവുന്നതാണെന്ന് ജില്ലാ എംപ്ലോയ്‌മെന്റ് ഓഫീസർ അറിയിച്ചു.

എംപ്ലോയബിലിറ്റി സെന്റർ രജിസ്‌ട്രേഷൻ ക്യാമ്പ് വെള്ളിയാഴ്ച (ജൂലൈ 19 ) രാവിലെ 10 മണിക്ക് കാട്ടാക്കട ടൗൺ എംപ്ലോയ്‌മെന്റ് എക്‌സ്‌ചേഞ്ചിൽ നടക്കും. പ്ലസ് ടു , ഐ.ടി.ഐ, ഡിപ്ലോമ, ബിരുദം ,ബിരുദാനന്തര ബിരുദം , പാരാമെഡിക്കൽ, മറ്റ് പ്രൊഫഷണൽ യോഗ്യതയുള്ള ഉദ്യോഗാർത്ഥികൾക്ക് ക്യാമ്പിൽ പങ്കെടുക്കാവുന്നതാണ്. 35 വയസിൽ താഴെ പ്രായമുള്ള, കാട്ടാക്കട താലൂക്കിലും സമീപ പ്രദേശങ്ങളിലുമുള്ള ഉദ്യോഗാർത്ഥികൾക്ക് സ്വകാര്യ സ്ഥാപനങ്ങളിൽ ജോലിക്കായി അവസരം ഒരുക്കുകയാണ് ക്യാമ്പിന്റെ ലക്ഷ്യം.

പകർച്ചവ്യാധികൾ പ്രതിരോധിക്കുന്നതിനായി ജില്ലാ മെഡിക്കൽ ഓഫീസിന്റെ നേതൃത്വത്തിൽ 'മാറിയേ മതിയാകൂ' ക്യാമ്പയിന് ഇന്ന് (ജൂലൈ 18) തുടക്കമാകും. ആരോഗ്യ പ്രവർത്തകരുടെ  നേതൃത്വത്തിൽ സംഘടിപ്പിക്കുന്ന ഉറവിട നശീകരണ പ്രവർത്തനങ്ങൾ, മാലിന്യ നിർമാർജ്ജന-ബോധവത്ക്കരണ പ്രവർത്തനങ്ങൾ എന്നിവയാണ് ക്യാമ്പയിനിലൂടെ ലക്ഷ്യമിടുന്നത്. കൂടാതെ കൊതുക് വളരാനുള്ള സാധ്യത നിലനിർത്തുന്നവർക്കെതിരെയും  മാലിന്യവും മലിനജലവും പൊതുജനാരോഗ്യത്തിന് ഹാനികരമായ രീതിയിൽ  നിക്ഷേപിക്കുന്നവർക്കെതിരെയും നിയമനടപടികളുൾപ്പെടെ ക്യാമ്പയിന്റെ ഭാഗമായി നടപ്പാക്കും. പൊതുജനങ്ങൾ ക്യാമ്പയിനുമായി പൂർണമായും സഹകരിക്കണമെന്ന് ജില്ലാ മെഡിക്കൽ ഓഫീസർ അറിയിച്ചു.

കർക്കിടക വാവുബലിയുമായി ബന്ധപ്പെട്ട് ജില്ലയിലെ ബലിതർപ്പണ കേന്ദ്രങ്ങളിൽ സുരക്ഷിതമായ ബലിതർപ്പണം നടത്തുന്നതിനുള്ള സജ്ജീകരണങ്ങൾ ഒരുക്കാൻ വിവിധ വകുപ്പുകൾക്ക് ജില്ലാ കളക്ടർ ജെറോമിക് ജോർജ് നിർദ്ദേശം നൽകി. ജില്ലയിലെ വിവിധ വകുപ്പുകളിലെ ഉദ്യോഗസ്ഥർ പങ്കെടുത്ത യോഗത്തിൽ വാവുബലിയുമായി ബന്ധപ്പെട്ട് സ്വീകരിക്കേണ്ട ക്രമീകരണങ്ങൾ കളക്ടർ വിശദീകരിച്ചു. തിരുവല്ലം, ശംഖുമുഖം, വർക്കല, അരുവിക്കര, വെള്ളായണി, അരുവിപ്പുറം, നെയ്യാറ്റിൻകര, കഠിനംകുളം എന്നിങ്ങനെ 8 ഇടങ്ങളിലാണ് ഇത്തവണ ബലിതർപ്പണ ചടങ്ങുകൾ നടക്കുക.

ഇന്നും (ജൂലൈ 17) നാളെയും (ജൂലൈ 18) ജില്ലയിൽ 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ, കേന്ദ്രകാലാവസ്ഥാവകുപ്പ് മഞ്ഞ അലർട്ട് മുന്നറിയിപ്പ് നൽകി.

മോട്ടോര്‍ തൊഴിലാളി ക്ഷേമനിധി ബോര്‍ഡില്‍ സജീവാംഗങ്ങളായ തൊഴിലാളികളുടെ സര്‍ക്കാര്‍, എയ്ഡഡ് സ്‌കൂളുകളില്‍ 2024 - 25 അദ്ധ്യായന വര്‍ഷത്തില്‍ ഒന്ന് മുതല്‍ ഏഴ് വരെ ക്ലാസ്സുകളില്‍ പഠിക്കുന്ന കുട്ടികള്‍ക്കുള്ള പഠനോപകരണ കിറ്റിനുള്ള അപേക്ഷ ക്ഷണിച്ചു. അവസാന തീയതി ജൂലൈ 27.കൂടുതല്‍ വിവരങ്ങള്‍ക്ക് 04862 220308

തൊടുപുഴ ജില്ലാ ആശുപത്രിയിലേക്ക് മരുന്നുകള്‍ ലഭ്യമാക്കുന്നതിന് ടെണ്ടര്‍ അപേക്ഷ നൽകാം. ജൂലൈ 30 ന് വൈകിട്ട് 3 വരെ ടെണ്ടര്‍ ഫോമുകള്‍ ലഭിക്കും. ജൂലൈ 31 ന് 11 വരെ ടെണ്ടര്‍ അപേക്ഷകള്‍ സ്വീകരിക്കുന്നതും തുടര്‍ന്ന് ഉച്ചക്ക് 2.30 ന് തുറന്ന് പരിശോധിക്കുന്നതുമാണ്.

യുഎസ്ജി, സി റ്റി, എംആര്‍ഐ എന്നീ സ്‌കാനിംഗുകള്‍ ലഭ്യമാക്കുന്നതിന് ജൂലൈ 29 ന് വൈകിട്ട് 3 മണി വരെ ഫോമുകള്‍ ലഭിക്കും. ജൂലൈ 30 ന് 11 വരെ ടെണ്ടര്‍ അപേക്ഷകള്‍ സ്വീകരിക്കുന്നതും തുടര്‍ന്ന് ഉച്ചക്ക് 2.30 ന് തുറന്ന് പരിശോധിക്കുന്നതുമാണ്.