സ്വന്തമായി ഉപജീവനമാർഗം ഇല്ലാത്ത, 18 വയസ്സ് പൂർത്തിയായ ട്രാൻസ്ജെൻഡർ വ്യക്തികളെ സ്വയം പര്യാപ്തരാക്കുന്നതിനും സഹായിക്കുന്നതിനും, താൽപര്യങ്ങൾക്കും അഭിരുചിക്കനുസരിച്ചുമുള്ള തൊഴിലിൽ നൈപുണ്യപരിശീലനം നൽകുന്ന "സാകല്യം" പദ്ധതിയിലേക്ക് അപേക്ഷ ക്ഷണിച്ചു. പ്രാദേശിക കരകൗശല തൊഴിൽ, കൈതൊഴിൽ, അവിദഗ്‌ധ തൊഴിൽ, കമ്പ്യൂട്ടർ, തയ്യൽ പരിശീലനം, ഭക്ഷ്യസംസ്കരണം, ഡ്രൈവിങ്, ഫർണിച്ചർ നിർമ്മാണം, ബ്യൂട്ടീഷൻ കോഴ്സ്, ലതർവർക്ക്സ്, ഫോട്ടോഗ്രഫി തുടങ്ങിയ വിവിധ കോഴ്സുകളിലായിരിക്കും പരിശീലനം നൽകുക. താത്പര്യമുളളവർ നിശ്ചിത മാതൃകയിൽ അനുബന്ധരേഖകൾ സഹിതം ജൂലൈ 31 നകം അപേക്ഷിക്കണം.

എടരിക്കോട് 110 കെവി സബ്‌സ്റ്റേഷനിൽ അറ്റകുറ്റപണികൾ നടക്കുന്നതിനാൽ ഇന്ന് (ജൂലൈ 19) രാവിലെ 9.30 മുതല്‍ 11.30 വരെ വരെ കോട്ടയ്ക്കൽ ടൗൺ , കക്കാട് , വെന്നിയൂർ, തിരുരങ്ങാടി , പെരുമണ്ണ എന്നി 11 കെ.വി ഫീഡറുകളിൽ വൈദ്യുതി വിതരണം തടസ്സപ്പെടും.

വനിത ശിശു വികസന വകുപ്പിനു കീഴിൽ താനൂർ അഡിഷണൽ ഐ.സി.ഡി.എസ് പ്രൊജക്ടിലെ ഔദ്യോഗിക ആവശ്യങ്ങൾക്കു വേണ്ടി  ഫോര്‍ വീല്‍ വാഹനം വാടകയ്ക്ക് ആവശ്യമുണ്ട്. താല്‍പര്യമുള്ള വാഹന ഉടമകള്‍ ജൂലൈ 27ന് 2.30 നകം ഓഫീസില്‍ ടെണ്ടര്‍ ഫോറം സമര്‍പ്പിക്കണം. അന്നേ ദിവസം വൈകീട്ട് മുന്നു മണിക്ക് ഫോമുകള്‍ തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍: 0494 2441433.

വെള്ളപ്പൊക്ക ദുരിതാശ്വാസ പദ്ധതിയിലുള്‍പ്പെടുത്തി കൊണ്ടോട്ടി നഗരസഭയിലെ വെളുതരാംകുന്ന്- വട്ടപ്പറമ്പ് റോഡ് പ്രവൃത്തിക്ക് 4.90 ലക്ഷം രൂപ അനുവദിച്ചതായി ജില്ലാ കളക്ടര്‍ അറിയിച്ചു.

ഒതുക്കുങ്ങൽ ഗവ. ഹയർ സെക്കന്ററി സ്കൂളിൽ  എച്ച്. എസ്. എസ്. ടി. കൊമേഴ്സ്  (സീനിയർ, ജൂനിയർ), അറബിക്, ഇകണോമിക്സ് (സീനിയർ), സോഷ്യോളജി, ഹിസ്റ്ററി, മലയാളം, ഉർദു, പൊളിറ്റിക്കൽ സയൻസ് (ജൂനിയർ) തസ്തികകളിലേക്ക് ദിവസ വേതനാടിസ്ഥാനത്തിൽ നിയമനം നടത്തുന്നു. യോഗ്യരായ ഉദ്യോഗാർഥികൾ അസ്സൽ സർട്ടിഫിക്കറ്റുകളുമായി  ജൂലൈ 20 ന് രാവിലെ ഒമ്പതു മണിക്ക്   ഓഫീസിൽ അഭിമുഖത്തിന് ഹാജരാകണം. ഫോൺ: 0483 2839492, 9037433270

മലപ്പുറം ജില്ലയിൽ വിദ്യാഭ്യാസ വകുപ്പിൽ ജൂനിയര്‍ ലാംഗ്വേജ് ടീച്ചര്‍ (അറബിക്- യു.പി.എസ്) തസ്തികയിലേക്കുള്ള നിയമനത്തിനായി കാറ്റഗറി നം. 758/2022 (രണ്ടാം എൻ.സി.എ- എസ്.ഐ.യു.സി), കാറ്റഗറി നം. 760/2022 (രണ്ടാം എൻ.സി.എ- ഒ.ബി.സി) വിജ്ഞാപനങ്ങള്‍ പ്രകാരം നിലവില്‍ വന്ന 507/2024/SSIII, 514/2024/SSIII റാങ്ക് പട്ടികകള്‍ റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു. റാങ്ക് പട്ടികയില്‍ ഉള്‍പ്പെട്ട എല്ലാ ഉദ്യോഗാര്‍ഥികള്‍ക്കും നിയമന ശിപാര്‍ശ നല്‍കിയതിനാലാണിത്.

കേരള സ്റ്റേറ്റ് സിവിൽ സർവീസ് അക്കാദമിയുടെ ഉപകേന്ദ്രമായി പൊന്നാനിയിൽ പ്രവർത്തിക്കുന്ന ഇൻസ്റ്റിറ്റ്റ്യൂട്ട് ഓഫ് കരിയർ സ്റ്റഡീസ് ആന്റ് റിസർച്ച് (ഐ.സി.എസ്.ആർ)  നടത്തുന്ന പ്രിലിംസ് കം മെയിൻസ് റഗുലർ കോഴ്സിലേക്ക് സ്പോട്ട് അഡ്മിഷൻ നടത്തുന്നു. ഒരു വർഷം നീണ്ടു നിൽക്കുന്ന കോഴ്സിലേക്കുള്ള പ്രവേശനത്തിന് ബിരുദമാണ് യോഗ്യത. kscsa.org എന്ന വെബ് സൈറ്റ് വഴി ഓണ്‍ലൈനായി രജിസ്റ്റര്‍ ചെയ്യാം.  കൂടുതല്‍ വിവരങ്ങള്‍ക്ക് ഫോണ്‍: 0494 2665489, 8281098868, 8848346005, 9846715386, 9645988778.

വ്യവസായ വാണിജ്യ വകുപ്പിന്റെ സംരംഭകത്വ വികസന ഇൻസ്റ്റിറ്റ്യൂട്ട് ആയ കേരള ഇൻസ്റ്റിറ്റ്യൂട്ട് ഫോർ എന്റർപ്രണര്‍ഷിപ്പ് ഡവലപ്മെന്റ് (കെ.ഐ.ഇ.ഡി) ആറു ദിവസത്തെ " ഇന്നോവേറ്റ് ആന്റ് കണക്ട് (സ്റ്റാർട്ടപ്പ് സപ്പോർട്ട് പ്രോഗ്രാം) എന്ന വർക്‍ഷോപ്പ് സംഘടിപ്പിക്കുന്നു. ജൂലൈ 22 മുതൽ 27 വരെ കളമശ്ശേരിയിലുള്ള കെ.ഐ.ഇ.ഡി ക്യാംപസില്‍ വെച്ചാണ് പരിശീലനം. 18 നും 35 നും ഇടയില്‍ പ്രായമുള്ള യുവതി യുവാക്കൾക്ക് പങ്കെടുക്കാം. താത്പര്യമുള്ളവർ ഓൺലൈനായി http://kled.info/training-calender/ ൽ അപേക്ഷ സമർപ്പിക്കണം.

വണ്ടൂര്‍ അംബേദ്‌കർ കോളേജ് ഓഫ് ആർട്സ് ആന്റ് സയൻസിൽ (എയ്ഡഡ്)     മൂന്നാം സെമസ്റ്റർ ബികോം കോ ഓപ്പറേഷൻ (ഓപ്പൺ, എസ്.സി), ബി.എ ഇക്കണോമിക്സ് (ഓപ്പൺ എസ്.ടി, മാനേജ്‍മെൻറ് എസ്.ടി), ബി.എ ഇംഗ്ലീഷ് (  എസ്.സി), ബി.എസ്.സി മാത്തമാറ്റിക്‌സ് (ഓപ്പൺ എസ്.സി), അഞ്ചാം സെമസ്റ്റർ ബികോം കോ ഓപ്പറേഷൻ (എസ്.സി , എസ്.ടി), ബി.എ ഇംഗ്ലീഷ് ( ഓപ്പൺ എസ്.സി), ബി.എസ്.സി മാത്തമാറ്റിക്‌സ് (ഓപ്പൺ എസ്.സി) എന്നീ കോഴ്സുകളില്‍ സീറ്റ് ഒഴിവുണ്ട്. പ്രവേശനം ആഗ്രഹിക്കുന്നവര്‍ ജൂലൈ 29 നു വൈകീട്ട് അഞ്ച് മണിക്ക് മുമ്പായി കോളേജ് ഓഫീസിൽ അപേക്ഷ സമർപ്പിക്കണം. ഫോണ്‍: 04931 249 666

കേരളസര്‍ക്കാര്‍ ഫിഷറീസ് വകുപ്പ് മുഖാന്തിരം നടപ്പിലാക്കുന്ന പ്രധാനമന്ത്രി മത്സ്യസമ്പദ യോജന (പി.എം.എം.എസ്.വൈ) പദ്ധതിയുടെ ഘടക പദ്ധതികളായ ലൈവ്ഫിഷ് വെന്‍ഡിങ് സെന്റര്‍, ഫിഷ്‌കിയോസ്‌ക് എന്നിവയിലേക്ക് അപേക്ഷിക്കാം. താല്‍പര്യമുള്ള അപേക്ഷകര്‍ ജൂലൈ 25 ന് മുമ്പായി രേഖകള്‍സഹിതം അതത് മത്സ്യഭവനുകളിലോ, ഫിഷറീസ് ഡെപ്യൂട്ടി ഡയറക്ടറുടെ കാര്യാലായത്തിലോ അപേക്ഷ സമര്‍പ്പിക്കണം. വിശദ വിവരങ്ങള്‍ക്ക്  ഫോണ്‍: 0494-2420035