ലഹരി വിരുദ്ധ ക്യാമ്പയിൻ ശക്തിപ്പെടുത്തുന്നതിന്റെ ഭാഗമായുള്ള കാര്യങ്ങൾ ചർച്ച ചെയ്യാൻ മുഖ്യമന്ത്രി പിണറായി വിജയൻ മതമേലധ്യക്ഷൻമാരുടെ യോഗവും സർവകക്ഷിയോഗവും വിളിച്ചു. ഏപ്രിൽ 16ന് രാവിലെ 11.30ന് മതമേലധ്യക്ഷൻമാരുടെ യോഗം നടക്കും. അന്ന് വൈകിട്ട് 3.30നാണ് സർവകക്ഷിയോഗം.

തീരം ശുചീകരിക്കാന്‍ കൈകോര്‍ത്ത് ജനപ്രതിനിധികളും സന്നദ്ധ പ്രവര്‍ത്തകരും ഉദ്യോഗസ്ഥരും. നീണ്ടകര ഗ്രാമപഞ്ചായത്തിലാണ് 'ശുചിത്വ സാഗരം, സുന്ദരതീരം' പദ്ധതിയുടെ രണ്ടാംഘട്ടമായി തീരശുചീകരണ ക്യാമ്പയിന്‍ ഒരുക്കിയത്. ഫിഷറീസ് വകുപ്പിന്റെ ആഭിമുഖ്യത്തില്‍ പരിമണം, ഹാര്‍ബര്‍ ആക്ഷന്‍ പോയന്റുകളില്‍ നടന്ന ശുചീകരണത്തില്‍ സന്നദ്ധപ്രവര്‍ത്തകര്‍, നീണ്ടകര ഗ്രാമപഞ്ചായത്ത് ഭരണസമിതി അംഗങ്ങള്‍, ഗ്രാമപഞ്ചായത്ത് ഹരിതകര്‍മസേന, ഉദ്യോഗസ്ഥര്‍ എന്നിവര്‍ പങ്കുചേര്‍ന്നു. ശേഖരിച്ച 510 കിലോ പ്ലാസ്റ്റിക് മാലിന്യം ശുചിത്വ സാഗരം ഷ്രെഡിങ് യൂണിറ്റിലേക്ക് കൈമാറി.

ദുരന്തസാഹചര്യങ്ങളെ നേരിടാന്‍ ജില്ല സുസജ്ജമെന്ന് ജില്ലാ ദുരന്തനിവാരണ അതോറിറ്റി ചെയര്‍മാനായ ജില്ലാ കലക്ടര്‍ എന്‍. ദേവിദാസ്. മണ്ണിടിച്ചിലും ചുഴലിക്കാറ്റും വാതകചോര്‍ച്ചയും ഉള്‍പ്പെടെയുള്ള ദുരന്തങ്ങളുണ്ടാകുമ്പോള്‍ നടത്തേണ്ട രക്ഷാപ്രവര്‍ത്തനം മോക്ഡ്രില്‍ നടത്തി പരീക്ഷിച്ചതിന്റെ അടിസ്ഥാനത്തിലാണ് വ്യക്തമാക്കിയത്.

ഐ.എച്ച്.ആര്‍.ഡി 2025 ഫെബ്രുവരിയില്‍ നടത്തിയ ഒന്നും രണ്ടും സെമസ്റ്റര്‍ പി.ജി.ഡി.സി.എ, ഡിപ്ലോമ ഇന്‍ ഡാറ്റാ എന്‍ട്രി ടെക്‌നിക്‌സ് ആന്‍ഡ് ഓഫീസ് ഓട്ടോമേഷന്‍ (ഡി.ഡി.റ്റി.ഒ.എ), ഡി.സി.എ, സര്‍ട്ടിഫിക്കറ്റ് കോഴ്‌സ് ഇന്‍ ലൈബ്രറി ആന്‍ഡ് ഇന്‍ഫര്‍മേഷന്‍ സയന്‍സ് (സി.സി.എല്‍.ഐ.എസ്) കോഴ്‌സുകളുടെ പരീക്ഷാഫലം പ്രസിദ്ധീകരിച്ചു. ഫലവും മാര്‍ക്കിന്റെ വിശദാംശങ്ങളും അതത് പരീക്ഷാ കേന്ദ്രങ്ങളിലും www.ihrd.ac.in ലും പ്രസിദ്ധപ്പെടുത്തിയിട്ടുണ്ട്. പുനര്‍മൂല്യനിര്‍ണയത്തിനും സപ്ലിമെന്ററി പരീക്ഷക്കുമുള്ള അപേക്ഷകള്‍ ഏപ്രില്‍ 21 വരെയും 200 രൂപ പിഴയോടെ 28 വരെയും സമര്‍പ്പിക്കാം.  
 

ജില്ലാ പഞ്ചായത്തിന്റെ ഉടമസ്ഥതയിലുള്ള മിനി വ്യവസായ എസ്റ്റേറ്റുകളില്‍ ഒഴിവുളള വ്യവസായ ഷെഡുകള്‍ക്ക് അപേക്ഷ ക്ഷണിച്ചു. കരീപ്ര എസ്.സി വനിത, പത്തനാപുരം എസ്.സി വനിത, പൂയപ്പള്ളി (ജനറല്‍) മിനി വ്യവസായ എസ്റ്റേറ്റുകളിലെ ഷെഡുകളാണ് ഉല്‍പാദന/സേവന സംരംഭകര്‍ക്ക് അനുവദിക്കുക. വെള്ളപേപ്പറില്‍ തയാറാക്കിയ അപേക്ഷ, പദ്ധതി രേഖ, തിരിച്ചറിയല്‍ രേഖകള്‍, ജാതി തെളിയിക്കുന്ന സര്‍ട്ടിഫിക്കറ്റ് എന്നിവ സഹിതം ഏപ്രില്‍ 16നകം ജില്ലാ പഞ്ചായത്തിലോ ജില്ലാ വ്യവസായ കേന്ദ്രം മാനേജര്‍ക്കോ സമര്‍പ്പിക്കണം. ഫോണ്‍: 0474 2748395.
 

കരുനാഗപ്പള്ളി മോഡല്‍ പോളിടെക്‌നിക് കോളേജില്‍ ഡാറ്റാ എന്‍ട്രി ഓപറേറ്റര്‍ ട്രെയിനിയെ നിയമിക്കും. യോഗ്യത: സി.ഒ ആന്‍ഡ് പി.എ/ഒരു വര്‍ഷ ദൈര്‍ഘ്യമുള്ള സര്‍ക്കാര്‍ അംഗീകൃത ഡാറ്റാ എന്‍ട്രി ടെക്‌നിക്‌സ് ആന്‍ഡ് ഓഫീസ് ഓട്ടോമേഷന്‍, മലയാളം ടൈപിങ്, ടാലി പരിജ്ഞാനം. അസല്‍ സര്‍ട്ടിഫിക്കറ്റുകളും പകര്‍പ്പുകളുമായി ഏപ്രില്‍ 21ന് രാവിലെ 10.30ന് അഭിമുഖത്തിനെത്തണം. ഫോണ്‍: 9447488348.
 

ഐ.എച്ച്.ആര്‍.ഡിയുടെ മാവേലിക്കരയിലെ കോളേജ് ഓഫ് അപ്ലൈഡ് സയന്‍സില്‍ യു.ജി.സി നെറ്റ് പേപ്പര്‍ 1 (ഹ്യുമാനിറ്റീസ്), പേപ്പര്‍ 2 (ലൈബ്രറി സയന്‍സ്, കോമേഴ്‌സ്, കമ്പ്യൂട്ടര്‍ സയന്‍സ്, മാനേജ്‌മെന്റ്, ടൂറിസം അഡ്മിനിസ്‌ട്രേഷന്‍ ആന്‍ഡ് മാനേജ്‌മെന്റ് കോഴ്‌സ് പ്രവേശനത്തിന് ഏപ്രില്‍ 21ന് കോളജില്‍ എത്തണം. ഫോണ്‍: 9495069307, 8547005046, 9526743283.
 

കൊല്ലം താലൂക്കിലെ ശക്തികുളങ്ങര വില്ലേജില്‍ ബ്ലോക്ക് നമ്പര്‍ ഒന്നിലെ സര്‍വേ നമ്പര്‍ 291/17/3 ല്‍ ഉള്‍പ്പെട്ട 1.41 ആര്‍സ് പുരയിടം മെയ് 15ന് രാവിലെ 11ന് ശക്തികുളങ്ങര വില്ലേജ് ഓഫീസില്‍ ലേലം ചെയ്യും. കൂടുതല്‍ വിവരങ്ങള്‍ക്ക് വില്ലേജ് ഓഫീസ്, റവന്യൂ റിക്കവറി തഹസില്‍ദാരുടെ കാര്യാലയം എന്നിവിടങ്ങളില്‍ ബന്ധപ്പെടാം. ഫോണ്‍: 0474 2763736.