കോട്ടയം: കേരള സർക്കാർ സ്ഥാപനമായ എൽ.ബി.എസ് സെന്റർ ഫോർ സയൻസ് ആൻഡ് ടെക്‌നോളജിയുടെ ആഭിമുഖ്യത്തിൽ പാമ്പാടി ഉപകേന്ദ്രത്തിൽ ഓഗസ്റ്റിൽ ആരംഭിക്കുന്ന തൊഴിലധിഷ്ഠിത കോഴ്‌സുകളായ പി.ജി.ഡി.സി.എ, ഡി.സി.എ, ഡി.സി.എ.(എസ്.) എന്നിവയിലേക്ക് അപേക്ഷ ക്ഷണിച്ചു. എസ്.എസ്.എൽ.സി. പാസായവർക്ക് ഡി.സി.എ.യ്ക്കും പ്ലസ് ടു പാസായവർക്ക് ഡി.സി.എ.(എസ്്) കോഴ്‌സിനും ഡിഗ്രി പാസായവർക്ക് പി.ജി.ഡി.ഡി.എക്കും അപേക്ഷിക്കാം. എസ്.സി./എസ്.ടി./ഒ.ഇ.സി. വിഭാഗങ്ങളിൽപ്പെടു വിദ്യാർത്ഥികൾക്ക് നിയമാനുസൃത ഫീസാനുകൂല്യം ലഭിക്കും. ഫോൺ:0481-2505900, 9895041706

കോട്ടയം: കേരള ഉത്തരവാദിത്ത ടൂറിസം മിഷൻ സൊസൈറ്റിയുടെ സ്ത്രീ സൗഹാർദ്ദ വിനോദസഞ്ചാരപദ്ധതിയുടെ ഭാഗമായി വനിതാ ജനപ്രതിനിധികൾക്കായുള്ള സംസ്ഥാനതല പരിശീലന പരിപാടി  കുമരകം കവണാറ്റിൻകരയിലുള്ള ജില്ലാ ടൂറിസം ഓഫീസിൽ നടന്നു. വിവിധ പഞ്ചായത്തുകളിൽ നിന്നായി 30 ജനപ്രതികൾ പങ്കെടുത്തു.രണ്ടുദിവസത്തെ പരിശീലന പരിപാടി കേരള ഉത്തരവാദിത്ത ടൂറിസം മിഷൻ സൊസൈറ്റി സി.ഇ.ഒ: കെ. രൂപേഷ്‌കുമാർ ഉദ്ഘാടനം ചെയ്തു.

കോട്ടയം: പുതുപ്പള്ളി ഗവ. ഹയർ സെക്കൻഡറി സ്‌കൂളിലെ യു.പി.എസ്.ടി. അധ്യാപക ഒഴിവിലേക്കു ദിവസ വേതന അടിസ്ഥാനത്തിൽ നിയമനം നടത്തുന്നു. യോഗ്യരായ ഉദ്യോഗാർഥികൾ ജൂലൈ 22ന് രാവിലെ 11.00 മണിക്ക് അസൽ രേഖകളുമായി സ്‌കൂളിൽ നടക്കുന്ന അഭിമുഖത്തിന് ഹാജരാകുക.

മലപ്പുറം ജില്ലയിലെ ഭിന്നശേഷിക്കാരുടെ ഉന്നമനം ലക്ഷ്യമാക്കി ജില്ലാ കളക്ടര്‍ വി.ആര്‍ വിനോദിന്റെ നേതൃത്വത്തില്‍ ജില്ലാ ഭരണകൂടം നടപ്പാക്കുന്ന ‘ഒപ്പം ഇനീഷ്യേറ്റീവ്’ പദ്ധതിക്ക് തുടക്കമായി. പദ്ധതിയുടെ ഓഫീസ് ഉദ്ഘാടനം മലപ്പുറം സിവില്‍ സ്റ്റേഷന്‍ കോമ്പൗണ്ടില്‍ ജില്ലാ ആന്റ് സെഷന്‍ഡ് ജഡ്ജ് കെ. സനില്‍കുമാര്‍ നിര്‍വഹിച്ചു. ഭിന്നശേഷിക്കാര്‍ക്ക് പ്രത്യേക പരിശീലനവും പിന്തുണയും നല്‍കുകയും അതു വഴി അവരുടെ ജീവിത സുരക്ഷയും ക്ഷേമവും ഉറപ്പാക്കുകയും ചെയ്യുകയെന്ന ലക്ഷ്യത്തോടെയാണ് ‘ഒപ്പം’ പദ്ധതി നടപ്പിലാക്കുന്നത്.

ഈ വര്‍ഷത്തെ ഹോമിയോപ്പതി ദിനാചരണം നാളെ (ജൂലൈ 20, ശനി) രാവിലെ 9.30ന്  കായിക, വഖഫ്, ഹജ്ജ് വകുപ്പ് മന്ത്രി വി അബ്ദുറഹ്‌മാന്‍ ഉദ്ഘാടനം ചെയ്യുമെന്ന് ജില്ലാ കളക്ടര്‍ വി.ആര്‍ വിനോദ് വാര്‍ത്താസമ്മേളനത്തില്‍ അറിയിച്ചു.

പ്രവാസിസംരംഭകര്‍ക്കായി നോർക്ക റൂട്ട്സും കാനറാ ബാങ്കും സംയുക്തമായി സംഘടിപ്പി ക്കുന്ന  ബിസിനസ് ലോൺ ക്യാമ്പും എന്‍.ഡി.പി.ആര്‍.ഇ.എം പദ്ധതിയുടെ നടപ്പുസാമ്പത്തികവര്‍ഷത്തെ പരിപാടികളുടെ സംസ്ഥാനതല ഉദ്ഘാടനവും  നാളെ (ജൂലൈ 20) മലപ്പുറം റോസ് ലോഞ്ച് ഓഡിറ്റോറിയത്തില്‍ നടക്കും. രാവിലെ ഒമ്പതിന് പി. ഉബൈദുളള എം.എല്‍.എ ഉദ്ഘാടനം നിര്‍വ്വഹിക്കും. ചടങ്ങില്‍ നോര്‍ക്ക റൂട്ട്സ് റസിഡന്റ് വൈസ് ചെയര്‍മാന്‍ പി. ശ്രീരാമകൃഷ്ണന്‍ അധ്യക്ഷത വഹിക്കും. കാനറാ ബാങ്ക് ജനറല്‍ മാനേജരും എസ്.എല്‍.ബി.സി കണ്‍വീനറുമായ പ്രദീപ്. കെ.എസ് മുഖ്യപ്രഭാഷണം നിര്‍വ്വഹിക്കും.

കുട്ടികൾക്കിടയിൽ മാലിന്യ പരിപാലനത്തെ കുറിച്ച് അവബോധമുണ്ടാക്കുന്നതിനും കുട്ടികളുടെ ഇടപെടൽ സജീവമാക്കുന്നതിനുമായി കുടുംബശ്രീ, ജില്ലാ ശുചിത്വ മിഷന്‍ എന്നിവയുടെ ആഭിമുഖ്യത്തില്‍ കുടുംബശ്രീ ബാലസഭാംഗങ്ങൾ, ഹൈസ്‌കൂൾ, ഹയർ സെക്കന്ററി വിദ്യാർഥികൾ എന്നിവര്‍ക്കായി പ്രബന്ധരചനാ മത്സരം സംഘടിപ്പിക്കുന്നു. ‘നവകേരളം മാലിന്യ മുക്ത പ്രശ്ന‌ങ്ങളും സാധ്യതകളും’ എന്ന വിഷയത്തില്‍ മലയാളത്തിലാണ് പ്രബന്ധങ്ങൾ തയ്യാറാക്കേണ്ടത്. തയ്യാറാക്കിയ പ്രബന്ധങ്ങള്‍ ജൂലൈ 25 ന് വൈകീട്ട് അഞ്ചു മണിക്ക് മുമ്പായി മലപ്പുറം സിവില്‍ സ്റ്റേഷനില്‍ പ്രവര്‍ത്തിക്കുന്ന കുടുംബശ്രീ ജില്ലാ മിഷന്‍ ഓഫീസില്‍ എത്തിക്കണം.

നിലമ്പൂർ വെളിയന്തോട് ഇന്ദിരാഗാന്ധി മെമ്മോറിയൽ മോഡൽ റസിഡൻഷ്യൽ സ്‌കൂളിൽ ഒഴിവുളള എല്‍.പി.എസ്.ടി, കമ്പ്യൂട്ടർ ഇൻസ്ട്രക്ട‌ർ തസ്‌തികകളിലേക്ക് ദിവസ വേതനാടിസ്ഥാനത്തിൽ നിയമനം നടത്തുന്നു.  കമ്പ്യൂട്ടര്‍ ഇന്‍സ്ട്രക്ടര്‍ക്ക് എസ്.എസ്.എല്‍.സി/ ടി.എച്ച്.എസ്.എല്‍.സിയും ബന്ധപ്പെട്ട ട്രേഡില്‍ എന്‍.ടി.സി അല്ലെങ്കില്‍ കെ.ജി.സി.ഇ അല്ലെങ്കില്‍ വി.എച്ച്.എസ്.സി വിജയവുമാണ് യോഗ്യത. ഒരു വര്‍ഷത്തില്‍ കുറയാത്ത പ്രവൃത്തി പരിചയം വേണം. എല്‍.പി.എസ്.ടിക്ക് പി.എസ്.സി നിഷ്കര്‍ഷിക്കുന്ന യോഗ്യതകളും വേണം. യോഗ്യരായവര്‍ക്കായി ഇന്ന് (ജൂലൈ 19) സ്കൂള്‍ ഓഫീസില്‍ വെച്ച് കൂടിക്കാഴ്ച നടക്കും.

കൊണ്ടോട്ടി ഗവ. ആര്‍ട്സ് ആന്റ് സയന്‍സ് കോളേജില്‍ സൈക്കോളജി അപ്രന്റീസിനെ നിയമിക്കുന്നു. റഗുലർ പഠനത്തിലൂടെ സൈക്കോളജിയിൽ ബിരുദാനന്തരബിരുദം നേടിയ ഉദ്യോഗാർഥികൾ അസ്സൽ സർട്ടിഫിക്കറ്റുകൾ സഹിതം ജൂലൈ 24 ന് രാവിലെ 10 ന് കോളേജ് ഓഫീസില്‍ വെച്ച് നടക്കുന്ന അഭിമുഖത്തിന് ഹാജരാവണം.