ദേശിയ ദുരന്ത നിവാരണ അതോറിറ്റിയും, കേരള സംസ്ഥാന ദുരന്ത നിവാരണ അതോറിറ്റിയും സംയുക്തമായി 2025 ഏപ്രിൽ 11-ന് സംസ്ഥാനതല ചുഴലിക്കാറ്റും അനുബന്ധ ദുരന്തങ്ങളുടെയും തയ്യാറെടുപ്പുകൾ വിലയിരുത്തുന്നതിനായി മോക്ക് ഡ്രിൽ സംഘടിപ്പിക്കുന്നു.

ഇതിന്റെ മുന്നോടിയായി ഏപ്രിൽ 2-ന്  സംസ്ഥാന വ്യാപകമായി ഒരു ഓൺലൈൻ തയ്യാറെടുപ്പ് യോഗവും  ഏപ്രിൽ 8 നു - ടേബിൾ ടോപ്പ് എക്സർസൈസ് യോഗവും നടക്കുകയുണ്ടായി. 

സംസ്ഥാന കായിക വകുപ്പിന്റെ നേതൃത്വത്തിൽ ലഹരി വിരുദ്ധ ക്യാമ്പയിൻ സംഘടിപ്പിക്കുന്നതിന്റെ  ഭാഗമായുള്ള ജില്ലാതല സംഘാടകസമിതി യോഗം ചേർന്നു.
തിരുവനന്തപുരം ജില്ലാ പഞ്ചായത്ത് ഹാളിൽ ചേർന്ന യോഗം കളക്ടർ അനു കുമാരി ഉദ്ഘാടനം ചെയ്തു.  

സമൂഹത്തിൽ ലഹരി വലിയ വിപത്തായി മാറിയിക്കുകയാണെന്നും പുതിയ തലമുറ സ്പോർട്സിലേക്ക് തിരിഞ്ഞാൽ വലിയ മാറ്റം കൊണ്ട് വരാൻ സാധിക്കുമെന്നും കളക്ടർ പറഞ്ഞു.

സപ്ലൈകോ വിഷു -ഈസ്റ്റർ ഫെയറിന് തുടക്കമായി. ശവക്കോട്ട പാലത്തിന് സമീപമുള്ള സപ്ലൈകോ പീപ്പിൾസ് ബസാറിൽ പി പി ചിത്തരഞ്ജൻ  എംഎൽഎ ഫെയർ ഉദ്ഘാടനം ചെയ്തു. രാജ്യത്ത് അനുദിനമുള്ള വിലക്കയറ്റത്തിൽ പൊറുതിമുട്ടിയ സാധാരണക്കാർക്ക് കൈത്താങ്ങാകാനാണ് സംസ്ഥാന സർക്കാർ സിവിൽ സപ്ലൈസ് വഴി ഫെയറുകൾ ഒരുക്കുന്നതെന്ന് എംഎൽഎ പറഞ്ഞു.

മാവേലിക്കര ഐഎച്ച്ആര്‍ഡി കോളജ് ഓഫ് അപ്ലൈഡ് സയന്‍സില്‍ യു.ജി.സി നെറ്റ് പേപ്പര്‍ 1 (ഹ്യുമാനിറ്റീസ്), പേപ്പര്‍ 2 (ലൈബ്രറി സയന്‍സ്, കൊമേഴ്സ്, കംപ്യൂട്ടര്‍ സയന്‍സ്, മാനേജ്‌മെന്റ്, ടൂറിസം അഡ്മിനിസ്ട്രേഷന്‍ ആന്റ് മാനേജ്‌മെന്റ്) വിഷയങ്ങള്‍ക്കുള്ള പരിശീലനം ആരംഭിക്കുന്നു. താല്‍പര്യമുള്ളവര്‍ ഏപ്രില്‍ 21 നകം കോളേജുമായി ബന്ധപ്പെടേണ്ടതാണ്. ഫോണ്‍: 9495069307, 8547005046, 9526743283.

മുണ്ടൂര്‍ കുപ്പിക്കഴുത്ത് പ്രശ്‌നത്തിന് പരിഹാരം കാണുമ്പോള്‍ സ്ഥലം ഏറ്റെടുപ്പുമായി ബന്ധപ്പെട്ട് കൃത്യവും സുതാര്യവുമായ നഷ്ടപരിഹാര, പുനസ്ഥാപന പാക്കേജ് ഉറപ്പാക്കണമെന്ന് സേവ്യര്‍ ചിറ്റിലപ്പിള്ളി എം.എല്‍.എ പറഞ്ഞു. റോഡ് നവീകരണത്തിന്റെ ഭാഗമായി സ്ഥലം ഏറ്റെടുക്കുന്നവരുടെ കരട് പാക്കേജിലുള്ള ആക്ഷേപ ഹിയറിങ്ങ് യോഗം ഉദ്ഘാടനം ചെയ്ത് സംസാരിക്കുകയായിരുന്നു എം.എല്‍.എ. തൃശ്ശൂര്‍ താലൂക്കിലെ അഞ്ഞൂര്‍ വില്ലേജില്‍ ഉള്‍പ്പെടുന്ന സംസ്ഥാന ഹൈവേ 69 ന്റെ മുണ്ടൂര്‍ ജംഗ്ഷന്‍ മുതല്‍ പുറ്റേക്കര ജംഗ്ഷന്‍ വരെയുള്ള 1.86 കിലോ മീറ്റര്‍ ദൂരം 22 മീറ്റര്‍ വീതിയില്‍ നിര്‍മ്മിക്കുന്നതിന് 1.0987 ഹെക്ടര്‍ ഭൂമിയാണ് ഏറ്റെടുക്കുന്നത്.

തദ്ദേശ സ്വയംഭരണ, നിയമസഭാ തിരഞ്ഞെടുപ്പുകള്‍ക്ക് മുന്നോടിയായുള്ള പ്രവര്‍ത്തനം അവലോകനം ചെയ്യാന്‍ ജില്ലാ കലക്ടര്‍ വിളിച്ചു ചേര്‍ക്കുന്ന യോഗത്തില്‍ അംഗീകൃത രാഷ്ട്രീയ പാര്‍ട്ടികളുടെ സാന്നിദ്ധ്യം ഉറപ്പാക്കുന്നതിന് പാര്‍ട്ടികളുടെ പ്രസിഡന്റ്/ സെക്രട്ടറിമാരുടെ പേര്. ഓഫീസ് വിലാസം, മൊബൈല്‍ നമ്പര്‍, ഇ മെയില്‍ എന്നിവ ജില്ലാ ഇലക്ഷന്‍ ഓഫീസില്‍ അറിയിക്കണമെന്ന് ജില്ലാ കലക്ടര്‍ എസ് പ്രേം കൃഷ്ണന്‍ അറിയിച്ചു.

സംസ്ഥാന സര്‍ക്കാരിന്റെ നാലാം വാര്‍ഷികത്തോടനുബന്ധിച്ച് ഏപ്രില്‍ 24ന് മുഖ്യമന്ത്രി പിണറായി വിജയന്റെ നേതൃത്വത്തില്‍ നടക്കുന്ന ജില്ലാതല യോഗത്തില്‍  വിവിധ വിഷയങ്ങള്‍ ശ്രദ്ധയില്‍പ്പെടുത്താമെന്ന് ആരോഗ്യ വനിത ശിശുവികസന വകുപ്പ് മന്ത്രി വീണാ ജോര്‍ജ് പറഞ്ഞു. മുഖ്യമന്ത്രിയുടെ  യോഗവുമായി ബന്ധപ്പെട്ട കലക്ടറേറ്റ് കോണ്‍ഫറന്‍സ് ഹാളില്‍ മന്ത്രിയുടെ  നേതൃത്വത്തില്‍  ചേര്‍ന്ന അവലോകന യോഗത്തിലാണ് ഇക്കാര്യം പറഞ്ഞത്.

സഹകരണ വകുപ്പിന്റെ സ്‌കില്‍ ആന്റ് നോളഡ്ജ് ഡവലപ്‌മെന്റ് സെന്റര്‍, കേരള നോളഡ്ജ് ഇക്കണോമി മിഷനുമായി ചേര്‍ന്ന്  എസ്എസ്എല്‍സി  യോഗ്യതയുള്ളവര്‍ക്ക് ആറുമാസം ദൈര്‍ഘ്യമുള്ള ജനല്‍ ഡ്യൂട്ടി അസിസ്റ്റന്റ് (നഴ്‌സിംഗ് അസിസ്റ്റന്റ്)  കോഴ്‌സിലേക്ക് അപേക്ഷ ക്ഷണിച്ചു.  ഫോണ്‍ : 9496244701.

തിരുവല്ല താലൂക്ക് ആസ്ഥാന ആശുപത്രി മോര്‍ച്ചറിയിലെ എയര്‍ കണ്ടീഷനിംഗ് യൂണിറ്റുകളുടെ തകരാറുകള്‍ പരിഹരിക്കുന്നതിന് വാര്‍ഷിക അറ്റകുറ്റപണി ഉടമ്പടി പുതുക്കുന്നതിന് അംഗീകൃത സ്ഥാപനങ്ങളില്‍ നിന്ന് ദര്‍ഘാസ് ക്ഷണിച്ചു. അവസാന തീയതി മേയ് അഞ്ച്.  ഫോണ്‍ : 0469 2602494.