#പാറശാല മണ്ഡലത്തിൽ ഉന്നത വിജയം നേടിയ  പ്രതിഭകളെ ആദരിച്ച് 
 'സൂര്യകാന്തി മികവുത്സവം'#

തുടർപഠനത്തിനായി  ശാസ്ത്ര വിഷയങ്ങൾ പോലെ ബുദ്ധിമുട്ടുള്ളവ തിരഞ്ഞെടുക്കാൻ വിദ്യാർഥികൾ ധൈര്യം കാണിക്കണമെന്ന് ഗതാഗത വകുപ്പ് മന്ത്രി സി. പി ജോൺ. പാറശാല നിയോജകമണ്ഡലത്തിൽ എസ്.എസ്.എൽ.സി, പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർത്ഥികളെ ആദരിക്കുന്ന  'സൂര്യകാന്തി മികവുത്സവം' ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. 

# ക്ഷേത്രത്തിലെ കർക്കടക വാവുബലി ഒരുക്കങ്ങൾ മന്ത്രി വിലയിരുത്തി#

കർക്കടക വാവുബലി ചടങ്ങുകൾ പ്രധാനമായും നടക്കുന്ന തിരുവല്ലം പരശുരാമ സ്വാമി ക്ഷേത്രത്തിന്റെയും ബലി കടവുകളുടെയും സമഗ്ര വികസനത്തിന്‌ ദീർഘകാല പദ്ധതി നടപ്പാക്കുമെന്ന്  ദേവസ്വം മന്ത്രി കെ.മുരളീധരൻ. കർക്കിടക വാവുബലിയോടനുബന്ധിച്ച് തിരുവല്ലം പരശുരാമ ക്ഷേത്രത്തിലെത്തിയ മന്ത്രി അവിടുത്തെ ഒരുക്കങ്ങൾ വിലയിരുത്തിയ ശേഷം സംസാരിക്കുകയായിരുന്നു. 

#ആരോഗ്യമന്ത്രി നേരിട്ടെത്തി നിർമാണം വിലയിരുത്തി#

 റീജണൽ കാൻസർ സെന്ററിലെ (ആർ.സി.സി)  പുതിയ ബഹുനില മന്ദിരം അടിയന്തരമായി പ്രവർത്തനസജ്ജമാക്കി തുറന്നു നൽകണമെന്ന് ആരോഗ്യ വകുപ്പ് മന്ത്രി കെ.മുരളീധരൻ നിർദ്ദേശം നൽകി.  കഴിഞ്ഞ ദിവസം മന്ത്രി  നേരിട്ടെത്തി  സ്ഥിതി  മനസിലാക്കിയ ശേഷമാണ്  ബന്ധപ്പെട്ട ഉദ്യോഗസ്ഥർക്ക് ഇത് സംബന്ധിച്ച നിർദ്ദേശം നൽകിയത്. 

പ്ലസ്ടു, വി.എച്ച്.എസ്.ഇ പഠനത്തിന് ശേഷം മെഡിക്കൽ, എഞ്ചിനീയറിംഗ് എൻട്രൻസ് പരീക്ഷയ്‌ക്ക് പട്ടികജാതി വികസന വകുപ്പ് തെരഞ്ഞെടുക്കുന്ന സ്ഥാപനങ്ങളിൽ പരിശീലനം നടത്തുന്നതിനുള്ള ധനസഹായത്തിന് വിഷൻ പ്ലസ് 2026-27 പദ്ധതി പ്രകാരം അപേക്ഷ ക്ഷണിച്ചു. കുടുംബ വാർഷിക വരുമാനം 6 ലക്ഷം രൂപയിൽ കവിയാത്ത, ജില്ലയിലെ പട്ടികജാതി വിഭാഗം വിദ്യാർത്ഥികൾക്ക് അപേക്ഷിക്കാം. ഒരു വർഷമാണ് പരിശീലനം. 

മലപ്പുറം ജില്ലയിലെ പ്രൈമറി സ്‌കൂളുകളില്‍ ഇംഗ്ലീഷ് എന്റിച്ച്‌മെന്റ് പ്രോഗ്രാമിനായി റിസോഴ്‌സ് അധ്യാപകരെ തിരഞ്ഞെടുക്കാന്‍ ജൂലൈ 28-ന് നിശ്ചയിച്ചിരുന്ന അഭിമുഖം ആഗസ്റ്റ് ഒന്നിന് രാവിലെ 10:30-ന് മലപ്പുറം വിദ്യാഭ്യാസ ഉപഡയറക്ടറുടെ കാര്യാലയത്തില്‍ നടക്കും. ഇംഗ്ലീഷ് ഭാഷയില്‍ ബിരുദവും, ടി.ടി.സി / ഡി.എഡ് / ഡി.എല്‍.എഡ് / ബി.എഡ് യോഗ്യതയുമുള്ളവര്‍ക്ക് പങ്കെടുക്കാം. കമ്മ്യൂണിക്കേറ്റീവ് ഇംഗ്ലീഷ് ട്രെയിനിങ് പൂര്‍ത്തിയാക്കിയവര്‍ക്കും അസാപ് പരിശീലനം നേടിയവര്‍ക്കും മുന്‍ഗണന ലഭിക്കും. താത്പര്യമുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം അഭിമുഖത്തിന് ഹാജരാകണം. ഫോണ്‍-0483-2734888.

പരപ്പനങ്ങാടി സ്‌പെഷ്യല്‍ ടീച്ചേഴ്‌സ് ട്രെയിനിങ് സെന്റര്‍, ഗവ. മോഡല്‍ ലാബ് സ്‌കൂള്‍ എന്നിവടങ്ങളിലേക്ക് ജൂണ്‍ 18-ന് നടത്തി റദ്ദാക്കിയ അഭിമുഖം പുനഃക്രമീകരിച്ചു. അന്ന് പങ്കെടുത്ത ഉദ്യോഗാര്‍ത്ഥികള്‍ക്കായി മലപ്പുറം വിദ്യാഭ്യാസ ഉപഡയറക്ടറുടെ കാര്യാലയത്തില്‍ ജൂലൈ 29, 30 തീയതികളില്‍ രാവിലെ ഒന്‍പതിന്  അഭിമുഖം നടക്കും.

മലപ്പുറം മലബാര്‍ സ്‌പെഷ്യല്‍ പോലീസ് (എം.എസ്.പി.) ആസ്ഥാനത്തെ പൊടുവണ്ണി മരം മുറിച്ചു മാറ്റുന്നതിനുള്ള പുനര്‍ലേലം ജൂലൈ 31-ന് രാവിലെ 11 ന് എം.എസ്.പി. ആസ്ഥാനത്ത് നടക്കും. പങ്കെടുക്കാന്‍ താത്്പര്യമുള്ളവര്‍ക്ക് ലേലത്തിനു മുന്‍പുള്ള ദിവസങ്ങളില്‍ രാവിലെ 11 മുതല്‍ വൈകീട്ട് നാലു വരെ ലേലവസ്തു നേരിട്ട് പരിശോധിക്കാം. ഫോണ്‍- 0483-2734921.

മങ്കട ഗവ. ആര്‍ട്‌സ് ആന്‍ഡ് സയന്‍സ് കോളേജില്‍  ഒന്നാം സെമസ്റ്റര്‍ എം.എസ്.സി. സൈക്കോളജി  കോഴ്‌സില്‍ സ്‌പോര്‍ട്‌സ് ക്വാട്ട വിഭാഗത്തില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. താത്പര്യമുള്ള യോഗ്യരായ വിദ്യാര്‍ഥികള്‍ യൂണിവേഴ്‌സിറ്റി രജിസ്‌ട്രേഷന്‍ പ്രിന്റ് ഔട്ട്, യോഗ്യതാ സര്‍ട്ടിഫിക്കറ്റുകള്‍, സ്‌പോര്‍ട്സ് സര്‍ട്ടിഫിക്കറ്റുകള്‍ എന്നിവയുടെ പകര്‍പ്പുകള്‍ സഹിതം ഓഗസ്റ്റ് മൂന്നിന് ഉച്ചയ്ക്ക് രണ്ടിനകം കോളേജ് ഓഫീസില്‍ നേരിട്ടെത്തി അപേക്ഷിക്കണം. ഫോണ്‍- 04933-202135, 9188900202.

വനിതാ ശിശു വികസന വകുപ്പിന് കീഴില്‍ വണ്ടൂര്‍ ബ്ലോക്കിലെ മമ്പാട് ഗ്രാമപഞ്ചായത്ത് പരിധിയിലുള്ള അങ്കണവാടികളിലേക്ക് അങ്കണവാടി വര്‍ക്കര്‍, ഹെല്‍പ്പര്‍ തസ്തികകളിലേക്ക് യോഗ്യരായ വനിതകളില്‍ നിന്ന് അപേക്ഷ ക്ഷണിച്ചു. മമ്പാട് പഞ്ചായത്തിലെ സ്ഥിരതാമസക്കാരായ വനിതകള്‍ക്കായിരിക്കും അവസരം. അങ്കണവാടി ഹെല്‍പ്പര്‍ തസ്തികയില്‍ അപേക്ഷിക്കുന്നവര്‍ പത്താം ക്ലാസ് പാസാകാത്തവര്‍ ആയിരിക്കണം. പ്രായപരിധി- 18 -46. പട്ടികജാതി/പട്ടികവര്‍ഗ്ഗ വിഭാഗത്തില്‍പെട്ടവര്‍ക്ക് നിയമാനുസൃത ഇളവുണ്ട്.

അരീക്കോട് കെ.എസ്.ഇ.ബി സബ്‌സ്റ്റേഷനിലെ അറ്റകുറ്റപ്പണികള്‍ കാരണം വൈദ്യുതി തടസ്സപ്പെടുന്നതിനാല്‍ ജൂലൈ 26 ഞായറാഴ്ച രാവിലെ മുതല്‍ വൈകീട്ട് വരെ കൊണ്ടോട്ടി സെക്ഷന് കീഴില്‍ പമ്പിംഗ് തടസ്സപ്പെടും.  ഇതുമൂലം രാമനാട്ടുകര, കൊണ്ടോട്ടി നഗരസഭകളിലും ചീക്കോട്, മുതുവല്ലൂര്‍, കുഴിമണ്ണ, പുളിക്കല്‍, പള്ളിക്കല്‍, ചെറുകാവ്, വാഴയൂര്‍, വാഴക്കാട് എന്നീ പഞ്ചായത്തുകളിലും കുടിവെള്ള വിതരണം താത്ക്കാലികമായി മുടങ്ങും. ഉപഭോക്താക്കള്‍ ആവശ്യമായ മുന്‍കരുതലുകള്‍ സ്വീകരിക്കണം. ഫോണ്‍- 0483-2712100, 8547638404, ടോള്‍ ഫ്രീ നമ്പര്‍- 1916.