​ തോട്ടപ്പള്ളിയിലെ നിലവിലെ സ്പിൽവെയ്ക്ക് പകരം ആധുനിക സ്പിൽവേ നിർമ്മിക്കുന്നതിനും നിലവിലുള്ള സ്പിൽവേയുടെ കേടുപാടുകൾ സംഭവിച്ച ഷട്ടറുകൾ മാറ്റി പുതിയവ സ്ഥാപിക്കുന്നതിനുമുള്ള എസ്റ്റിമേറ്റുകൾ അടിയന്തരമായി സമർപ്പിക്കാൻ ജലസേചന വകുപ്പിന് നിർദ്ദേശം.

 അമ്പലപ്പുഴ നിയോജകമണ്ഡലത്തിലെ വിവിധ വകുപ്പുകളുടെ പ്രവൃത്തികൾ അവലോകനം ചെയ്യുന്നതിനായി കളക്ടറേറ്റ് കോൺഫറൻസ് ഹാളിൽ ചേർന്ന യോഗത്തിൽ അധ്യക്ഷത വഹിച്ച് സംസാരിക്കവെ  ജി. സുധാകരൻ എം.എൽ.എയാണ് നിർദ്ദേശം നൽകിയത്. 

അടൂർ സർക്കാർ പോളിടെക്നിക്കിലെ ഡിപ്ലോമ കോഴ്സുകളിലെ ഒഴിവുള്ള സീറ്റുകളിലേക്ക് ജൂലൈ 28 ന് സ്പോട്ട് അഡ്മിഷൻ നടക്കും. നിലവിൽ റാങ്ക് ലിസ്റ്റിൽ ഉൾപ്പെട്ടിട്ടുള്ളവർക്കും ഇതുവരെ അപേക്ഷ സമർപ്പിക്കാത്തവർക്ക് പുതുതായി അപേക്ഷ സമർപ്പിച്ചും സ്പോട്ട് അഡ്മിഷനിൽ പങ്കെടുക്കാം. അപേക്ഷിക്കുന്നതിനും സീറ്റ് ഒഴിവുകൾക്കും മറ്റ് വിശദവിവരങ്ങൾക്കും www.polyadmission.org എന്ന വെബ്സൈറ്റ് സന്ദർശിക്കുക. രജിസ്ട്രേഷൻ സമയം രാവലെ 9.30 മുതൽ 10.30 വരെ. അഡ്മിഷൻ ലഭിക്കുന്നവർ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളും, ടി.സി, കോൺഡക്ട് സർട്ടിഫിക്കറ്റ് എന്നിവയും പ്രവേശനസമയത്ത് ഹാജരാക്കണം. ഫോൺ: 9446661515, 9656597062.

 
കേന്ദ്ര പ്രതിരോധമന്ത്രാലയത്തിന്റെ കീഴിലുള്ള സെൻട്രൽ പൂൾ ക്വാട്ട സീറ്റുകളിലേക്ക് സൈനികരുടെയും വിമുക്തഭടന്‍മാരുടെയും നീറ്റ്-2026 പ്രവേശന പരീക്ഷ യോഗ്യത നേടിയ ആശ്രിതരിൽ  നിന്നും എംബിബിഎസ്/ബിഡിഎസ് സീറ്റുകളിലേക്ക് കേന്ദ്രീയ സൈനിക ബോര്‍ഡ്‌ അപേക്ഷ ക്ഷണിച്ചു.  www.ksb.gov.in എന്ന വെബ്സൈറ്റ് മുഖേന അപേക്ഷ സമര്‍പ്പിക്കാവുന്നതാണ്. അപേക്ഷ സമര്‍പ്പിക്കേണ്ട അവസാന തീയതി ആഗസ്റ്റ് 28. കുടുതല്‍ വിവരങ്ങള്‍ക്ക് ജില്ലാ സൈനികക്ഷേമ ഓഫീസുമായി ബന്ധപ്പെടുക. ഫോൺ: 0477 2245673.
(പിആർ/എഎൽപി/1483)

ജില്ലയിൽ മൃഗസംരക്ഷണ വകുപ്പിലെ ലബോറട്ടറി ടെക്നീഷ്യൻ ഗ്രേഡ്-2/ലബോറട്ടറി അസിസ്റ്റന്റ് ഗ്രേഡ്-2 (കാറ്റഗറി നമ്പർ : 614/2024) തസ്തികയിലേയ്ക്കുള്ള അഭിമുഖം പി.എസ്.സി. കോട്ടയം ജില്ലാ ആഫീസിൽ വച്ച് ഓഗസ്റ്റ് അഞ്ചിന് നടത്തും. ഫോൺ: 0481-2578278.

പാറത്തോട്-പാലപ്ര റോഡിൽ പാറത്തോട് മുതൽ പിണ്ണാക്കനാട് റോഡ് തിരിയുന്ന ജംഗ്ഷൻ വരെയുള്ള പുനരുദ്ധാരണം നടക്കുന്നതിനാൽ ഇതുവഴിയുള്ള വാഹന ഗതാഗതം ജൂലൈ 27 മുതൽ 31 വരെ പൂർണമായി നിരോധിച്ചതായി പൊതുമരാമത്ത് വകുപ്പ് കാഞ്ഞിരപ്പള്ളി അസിസ്റ്റന്റ് എൻജിനീയർ അറിയിച്ചു.

മാക്കേക്കടവ് - നേരേകടവ് പാലത്തിന്റെ നിർമാണവുമായി ബന്ധപ്പെട്ട് നേരേകടവ് ഭാഗത്ത് അപ്രോച്ച് റോഡിന്റെ നിർമാണപ്രവർത്തനങ്ങൾ നടക്കുന്നതിനാൽ ഇതുവഴിയുള്ള ഗതാഗതം ജൂലൈ 27 മുതൽ ഇനിയൊരു അറിയിപ്പ് ഉണ്ടാകുന്നത് വരെ പൂർണ്ണമായും നിരോധിച്ചതായി ആലപ്പുഴ പൊതുമരാമത്ത് വകുപ്പ് ബ്രിഡ്ജസ് വിഭാഗം  അസിസ്റ്റന്റ് എൻജിനീയർ അറിയിച്ചു.

ആലപ്പുഴ പുന്നപ്രയിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഓഫ് മാനേജ്മെന്റ് ആൻഡ് ടെക്നോളജി (ഐ.എം.ടി) പുന്നപ്രയിൽ ദിവത്സര ഫുൾടൈം എം.ബി.എ പ്രോഗ്രാമിൽ എസ്.സി / എസ്.ടി. ഒഇ.സി വിഭാഗത്തിലേക്കും ജനറൽ വിഭാഗത്തിലേക്കും ഒഴിവുള്ള സീറ്റിലേക്ക് സ്പോട്ട് അഡ്മിഷൻ ജൂലായ് 28, 29, 30 തീയതികളിൽ രാവിലെ 10ന് നടക്കും.ഫോൺ: 0477 2267602, 9188067601,9946488075, 9747272045. വെബ്സൈറ്റ്: www.imtpunnapra.org

സംസ്ഥാന രാജ്യ സൈനിക ബോർഡ് പുനഃസംഘടിപ്പിക്കുന്നതിന്റെ ഭാഗമായി ബോർഡിലെ നോൺ ഒഫീഷ്യൽ അംഗങ്ങളാകാൻ സന്നദ്ധരായ കോട്ടയം ജില്ലയിൽ നിന്നുള്ള കര, നാവിക, വ്യോമസേനകളിലെ വിമുക്തഭടന്മാരിൽനിന്ന് അപേക്ഷ ക്ഷണിച്ചു. ഓഫീസർ, ജെ.സി.ഒ, നോൺകമ്മീഷൻഡ് ഓഫീസർ വിഭാഗങ്ങളിൽ നിന്നുള്ള വിമുക്തഭടന്മാർ ബയോഡേറ്റ, സമ്മതപത്രം എന്നിവ ഓഗസ്റ്റ് മൂന്നിന് വൈകിട്ട് അഞ്ചിനു മുൻപായി മണർകാടുള്ള ജില്ലാ സൈനികക്ഷേമ ഓഫീസിൽ നൽകണം. ഫോൺ: 0481-2371187.

മിനി സിവിൽ സിറ്റേഷൻ കെട്ടിടത്തിൽ പ്രവർത്തിക്കുന്ന ലാൻഡ് അക്വിസിഷൻ ജനറൽ സ്പെഷ്യൽ തഹസീൽദാരുടെ കാര്യാലയത്തിൽ ലാൻഡ് അക്വിസിഷൻ പ്രവർത്തനങ്ങൾക്കായി അഞ്ചു സീറ്റുള്ള വാഹനം മാസ വാടകയ്ക്ക് നൽകുന്നതിന് ക്വട്ടേഷൻ ക്ഷണിച്ചു. ജൂലൈ 30ന് ഉച്ചകഴിഞ്ഞ് മൂന്നുവരെ സ്വീകരിക്കും.

കേരളാ ഷോപ്സ് ആൻഡ്  കൊമേഴ്സ്യൽ എസ്റ്റാബ്ലിഷ്മെൻറ് തൊഴിലാളി ക്ഷേമനിധി ബോർഡിൽ നിന്ന് 2025 ഡിസംബർ 31 വരെ പെൻഷൻ അനുവദിക്കപ്പെട്ട മുഴുവൻ ഗുണഭോക്താക്കളും സെപ്റ്റംബർ 30നകം അക്ഷയ കേന്ദ്രം വഴി വാർഷിക ബയോമെട്രിക്ക് മസ്റ്ററിംഗ് പൂർത്തീകരിക്കണം. ഫോൺ: 0481 2582090.