അൺ എയ്ഡഡ്,സർക്കാർ,എയ്ഡഡ്,അംഗീകൃത സി.ബി.എസ്.ഇ.-ഐ.സി.എസ്.ഇ. അഫിലിയേറ്റഡ് സ്‌കൂളുകളിൽ ഒന്നു മുതൽ 10 വരെ ക്ലാസ്സുകളിൽ പഠിക്കുന്ന ഒ.ഇ.സി-എസ്.ടി. വിഭാഗത്തിൽപ്പെട്ട വിദ്യാർഥികൾക്ക് ഇ-ഗ്രാൻറ്‌സ് മുഖേന വിദ്യാഭ്യാസാനുകൂല്യം അനുവദിക്കുന്നതിന് ജൂലൈ 27 വരെ അപേക്ഷിക്കാം. സ്‌കൂൾ അധികൃതർ വിദ്യാർഥികളിൽ നിന്ന് അപേക്ഷ സ്വീകരിച്ച് ഇ- ഗ്രാൻറ്‌സ് മുഖേന ഡേറ്റാ എൻട്രി പൂർത്തീകരിക്കണം. ഇതു സംബന്ധിച്ച സർക്കുലർ www.egrantz.kerala.gov.in എന്ന വെബ് സൈറ്റിൽ ലഭ്യമാണ്. കൂടുതൽ വിവരങ്ങൾക്ക് പിന്നാക്ക വിഭാഗ വികസന വകുപ്പ് എറണാകുളം മേഖലാ ഓഫീസുമായി ബന്ധപ്പെടണം. ഫോൺ: 0484 2983130.

സ്റ്റേറ്റ് റിസോഴ്‌സ് സെൻററിനു കീഴിൽ പ്രവർത്തിക്കുന്ന എസ്.ആർ.സി കമ്മ്യൂണിറ്റി കോളേജിൽ ഡിപ്ലോമ ഇൻ കൗൺസലിംഗ് സൈക്കോളജി രണ്ടാം സെമസ്റ്ററിലേയ്ക്ക് ലാറ്ററൽ എൻട്രിയിലൂടെ അഡ്മിഷൻ നേടുന്നതിന് അപേക്ഷിക്കുന്നതിനുള്ള സമയപരിധി ജൂലൈ 31 വരെ നീട്ടി. https://app.srccc.in/register എന്ന ലിങ്കിലൂടെ അപേക്ഷിക്കാം. വിശദ വിവരങ്ങൾ  വെബ്സൈറ്റിൽ(www.srccc.in). ജില്ലയിലെ പഠനകേന്ദ്രങ്ങൾ: ട്രാഡ മാങ്ങാനം(8281788330,6282766829),ക്രിസ്തുരാജ് സ്‌കൂൾ ഓഫ് സൈക്കോ സ്പിരിച്വൽ കൗൺസലിംഗ്, മൂന്നാനി, പാലാ(9747497367,9496115252), മൈൻഡ് ആൻഡ് ക്യുവർ, കൊടുങ്ങൂർ(9746085144).

കേരള ഖാദി ഗ്രാമ വ്യവസായ ബോർഡിന്റെ ഓണം മേള 2026ന്റെ കോട്ടയം ജില്ലാതല ഉദ്ഘാടനം ജൂലൈ27ന്(തിങ്കൾ) രാവിലെ 11ന് നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ നിർവഹിക്കും. കോട്ടയം സി.എസ്.ഐ കോംപ്ലക്സിലെ ഖാദി ഗ്രാമ സൗഭാഗ്യ അങ്കണത്തിൽ നടക്കുന്ന ചടങ്ങിൽ ജലവിഭവ, ഭവന നിർമാണ വകുപ്പ് മന്ത്രി അഡ്വ. മോൻസ് ജോസഫ് നവീകരിച്ച ഷോറൂമിന്റെ ഉദ്ഘാടനം നിർവഹിക്കും. ജില്ലാ പഞ്ചായത്ത് പ്രസിഡൻറ് ജോഷി ഫിലിപ്പ് ഡിസൈനർ ചുരിദാറുകളുടെ ലോഞ്ചിംഗും ആദ്യ വിൽപ്പനയും ജില്ലാ കളക്ടർ ചേതൻ കുമാർ മീണ സമ്മാന കൂപ്പൺ വിതരണോദ്ഘാടനവും. നഗരസഭാ ചെയർമാൻ എം.

നിലവിൽ പേപ്പാറ അണക്കെട്ടിലെ പെൻസ്റ്റോക്ക് പൈപ്പിന്റെ ഫ്േളാ ഡിസ്പർഷൻ വാൽവ് (ഔട്ട്ലെറ്റ് വാൽവ്) മാറ്റുന്ന പ്രവൃത്തി നടന്നുകൊണ്ടിരിക്കുന്നതിനാൽ, പതിവ് വൈദ്യുതി ഉൽപാദനത്തിലൂടെ പേപ്പാറയിൽ നിന്ന് അരുവിക്കരയിലേക്ക് വെള്ളം എത്തിക്കാൻ സാധിക്കുന്നില്ല. ഈ സാഹചര്യത്തിൽ, പേപ്പാറയിൽ നിന്ന് അരുവിക്കരയിലേക്ക് വെള്ളം എത്തിക്കുന്നതിനായി പേപ്പാറ അണക്കെട്ടിലെ 1 മുതൽ 4 വരെയുള്ള ഷട്ടറുകൾ ഇന്ന് ഉച്ചയ്ക്ക് 12 മണിക്ക് 5 സെന്റിമീറ്റർ വീതം (ആകെ 20 സെന്റിമീറ്റർ) തുറക്കും. വൈദ്യുതി ഉൽപാദന സമയത്തെ സാധാരണ ഒഴുക്കിനെ അപേക്ഷിച്ച് ഇതിലൂടെയുള്ള ജലത്തിന്റെ അളവ് താരതമ്യേന കുറവായിരിക്കും.

ഡെങ്കിപ്പനി വിരുദ്ധ മാസാചരണത്തിന്റെ ജില്ലാതല ഉദ്ഘാടനം കേരള സായുധ പോലീസ് ബറ്റാലിയൻ ആസ്ഥാനമായ മാങ്ങാട്ടുപറമ്പിൽ കെ.എ.പി നാലാം കമാൻഡൻ്റ് രാജേഷ് കുമാർ ഉദ്ഘാടനം ചെയ്തു. ജില്ലാ സർവൈലൻസ് ഓഫീസർ ഡോ. കെ.സി സച്ചിൻ അധ്യക്ഷത വഹിച്ചു.

യോഗത്തിൽ ഡെപ്യൂട്ടി കമാൻഡന്റ് ഹരി എം, അസിസ്റ്റൻറ് കമാണ്ടന്റുമാരായ രാജീവൻ എ, സാലു കെ തോമസ്, ഹരിപ്രസാദ് എം.കെ, കെ.എ.പി മെഡിക്കൽ ഓഫീസർ ഡോ. ഭാവന രമേശ്, ടെക്നിക്കൽ അസിസ്റ്റൻറ് എം.ബി മുരളി, ജില്ലാ എജുക്കേഷൻ ആൻഡ് മീഡിയ ഓഫീസർ ഷബീർ വി.എ, ബയോളജിസ്റ്റ് രമേശൻ സി.പി, ഇൻസ്പെക്ടർ പുഷ്കരാക്ഷൻ മാങ്ങാട്ടുപറമ്പ് എന്നിവർ സംസാരിച്ചു.

ഭിക്ഷാടന മുക്ത കണ്ണൂർ എന്ന ലക്ഷ്യം സാക്ഷാത്കരിക്കുന്നതിനായി കേന്ദ്ര സർക്കാർ ആവിഷ്കരിച്ചു 216 പട്ടണങ്ങളിൽ നടപ്പാക്കി വരുന്ന 'സ്മൈൽ' (സപ്പോർട്ട് ഫോർ മാർജിനലൈസ്ഡ്  ഇൻഡിവിജ്വൽസ് ഫോർ ലൈവ്ലിഹുഡ് ആൻഡ് എന്റർപ്രൈസ്) പദ്ധതിയുടെ ആദ്യപാദ അവലോകന യോഗം ജില്ലാ കളക്ടറുടെ ചേമ്പറിൽ നടന്നു.

ജില്ലാ കളക്ടർ പി. വിഷ്ണു രാജ് അധ്യക്ഷത വഹിച്ചു. അക്കര ഫൗണ്ടേഷൻ സി.ഇ.ഒ മുഹമ്മദ് യാസിർ പദ്ധതിയുടെ പുരോഗതിയും തുടർപ്രവർത്തനങ്ങളും സംബന്ധിച്ച അവതരണം നടത്തി.

 മോട്ടോർ തൊഴിലാളി ക്ഷേമനിധി ബോർഡ് കുടിശ്ശിക അടയ്ക്കാം 

കേരള മോട്ടോർ തൊഴിലാളി ക്ഷേമനിധി ബോർഡിൽ ഉടമ വിഹിതം ദീർഘകാലം കുടിശ്ശിക വരുത്തിയവർക്കും തൊഴിലാളി വിഹിതം കുടിശ്ശിക വരുത്തിയവർക്കും കുടിശ്ശിക അടച്ച് തീർപ്പാക്കുന്നതിനുള്ള.അപേക്ഷ സെപ്റ്റംബർ 30 നകം സമർപ്പിക്കണമെന്ന് ജില്ലാ എക്സിക്യൂട്ടീവ് ഓഫീസർ അറിയിച്ചു​. ഉടമ വിഹിതം നാല് തവണകളായി കുടിശ്ശിക അടച്ച് തീർപ്പാക്കാം. തൊഴിലാളി വിഹിതം 36 മാസത്തിന് മുകളിൽ കുടിശ്ശികയുള്ളവർക്ക് ആനുകൂല്യത്തിന് അർഹതയുണ്ടായിരിക്കില്ല. ​ഫോൺ: 0497-2705197.

 ലെവൽ ക്രോസ്സ് അടച്ചിടും 

 -ഓണാഘോഷം വിപുലമായി സംഘടിപ്പിക്കും 

ജില്ലാ ടൂറിസം പ്രമോഷൻ കൗൺസിൽ ആഭിമുഖ്യത്തിൽ സംഘടിപ്പിക്കുന്ന ജില്ലാതല ഓണാഘോഷം ആഗസ്റ്റ് 22 മുതൽ 30 വരെ വിപുലമായി സംഘടിപ്പിക്കാൻ തീരുമാനിച്ചു.

പൂക്കളമത്സരം, വടംവലി മത്സരം, തിരുവാതിരക്കളി, മഡ് ഫുട്ബോൾ, പുലിക്കളി എന്നിവ അരങ്ങേറും. നഗരവീഥികൾ അലങ്കരിക്കുന്നതിനൊപ്പം വിവിധ കലാരൂപങ്ങൾ അണിനിരത്തി വർണാഭമായ വിളംബരഘോഷയാത്രയും സംഘടിപ്പിക്കും. 

സ്ത്രീത്വത്തെ ഹനിക്കുന്ന വ്യാജവാര്‍ത്തകളും ദൃശ്യങ്ങളും പ്രചരിപ്പിക്കുന്നതിനെതിരെ ഓണ്‍ലൈന്‍ മാധ്യമങ്ങള്‍ ഉള്‍പ്പെടെയുള്ള നവമാധ്യമങ്ങള്‍ നീതി കാട്ടണമെന്ന് വനിത കമ്മീഷനംഗം അഡ്വ. പി. കുഞ്ഞായിഷ. 
കണ്ണൂര്‍ കളക്ട്രേറ്റ് ഓഡിറ്റോറിയത്തില്‍ കമ്മീഷൻ സിറ്റിങ്ങിന് ശേഷം സംസാരിക്കുകയായിരുന്നു അവര്‍. 

ജില്ലയിൽ ഉപതിരഞ്ഞെടുപ്പ് നടക്കുന്ന മട്ടന്നൂർ നഗരസഭയിലെ 17ാം വാർഡ്  ഉരുവച്ചാൽ, പെരളശ്ശേരി ഗ്രാമപഞ്ചായത്തിലെ 6ാം വാർഡ് ബാവോഡ് ഈസ്റ്റ് എന്നിവിടങ്ങളിലേക്കുള്ള കരട് വോട്ടർ പട്ടിക പ്രസിദ്ധീകരിച്ചു. പട്ടികയിൻമേലുള്ള അപേക്ഷകളും ആക്ഷേപങ്ങളും ആഗസ്റ്റ് അഞ്ചു വരെ അറിയിക്കാം.

ഉരുവച്ചാൽ വാർഡിൽ 1125 വോട്ടർമാരാണുള്ളത്. ഇതിൽ 584 സ്ത്രീകളും 541 പുരുഷന്മാരുമാണ്. ബാവോഡ് ഈസ്റ്റ് വാർഡിലെ 1360 വോട്ടർമാരിൽ 740 പേർ സ്ത്രീകളും 620 പുരുഷന്മാരുമാണ്.