പരീക്ഷാ വിജ്ഞാപനം പ്രസിദ്ധീകരിച്ചു
    ജൂലൈയില്‍ നടക്കുന്ന കെ.ജി.ടി. (കൊമേഴ്‌സ് ഗ്രൂപ്പ്) പരീക്ഷ സംബന്ധിച്ച വിജ്ഞാപനം പരീക്ഷാഭവന്‍ വെബ്‌സൈറ്റില്‍ പ്രസിദ്ധീകരിച്ചു.  ജൂലൈ രണ്ട് മുതല്‍ 16 വരെ ഓണ്‍ലൈനായി അപേക്ഷിക്കാം.  കൂടുതല്‍ വിവരങ്ങള്‍ക്ക് www.keralapareekshabhavan.in.
പി.എന്‍.എക്‌സ്.2702/18

    തിരുവനന്തപുരം സര്‍ക്കാര്‍ വനിതാ കോളേജില്‍ സുവോളജി വിഭാഗത്തില്‍ നാളെ (ജൂലൈ രണ്ട്) പകല്‍ 11 ന് നടത്താനിരുന്ന എഫ്.ഐ.പി സബ്സ്റ്റിറ്റിയൂട്ട് അധ്യാപക നിയമനം  മാറ്റിവച്ചതായി പ്രിന്‍സിപ്പല്‍ അറിയിച്ചു.
പി.എന്‍.എക്‌സ്.2701/18

    തിരുവനന്തപുരം കോളേജ് ഓഫ് എഞ്ചിനീയറിംഗില്‍ മെക്കാനിക്കല്‍ എഞ്ചിനീയറിംഗ് വിഭാഗത്തില്‍ ദിവസവേതനാടിസ്ഥാനത്തില്‍ ഗസ്റ്റ് ലക്ചറര്‍മാരുടെ ഒഴിവുണ്ട്.  മെക്കാനിക്കല്‍ എഞ്ചിനീയറിംഗില്‍ ബിരുദാനന്തരം ബിരുദം ഉള്ളവര്‍ക്ക് അപേക്ഷിക്കാം.  ( ഇന്‍ഡസ്ട്രിയല്‍, മാനുഫാക്ചറിംഗ് എഞ്ചിനീയറിംഗില്‍ ബിരുദാനന്തര ബിരുദധാരികള്‍ക്ക് മുന്‍ഗണന).  താല്പര്യമുള്ളവര്‍ ബയോഡേറ്റയും അസല്‍ സര്‍ട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകര്‍പ്പും സഹിതം രണ്ടിന് രാവിലെ 10 ന് മെക്കാനിക്കല്‍ എഞ്ചിനീയറിംഗ് വിഭാഗം മേധാവിയുടെ ഓഫീസില്‍ അഭിമുഖത്തിന് എത്തിച്ചേരണം.  വിശദവിവരങ്ങള്‍ക്ക് 0471 - 2515561, 9447324844.

    സംസ്ഥാനത്തെ ഗവ: ഐ.ടി.ഐകളിലെ 2018 ആഗസ്റ്റ് സെഷനിലേക്കുള്ള ഓണ്‍ലൈന്‍ അപേക്ഷ സമര്‍പ്പിക്കേണ്ട തീയതി നീട്ടി.  അപേക്ഷയുടെ പ്രിന്റൗട്ട്, ഫീസ് എന്നിവ ഐ.ടി.ഐ.കളില്‍ ജൂലൈ അഞ്ച് വൈകുന്നേരം അഞ്ചിനകം നല്‍കണം
പി.എന്‍.എക്‌സ്.2699/18

    ധനകാര്യവകുപ്പില്‍ ചീഫ് എക്‌സാമിനര്‍ തസ്തികയിലേക്ക് വിരമിച്ച ജീവനക്കാര്‍ക്ക് അപേക്ഷിക്കുന്നതിനുള്ള പ്രായപരിധി 65 വയസായി ഉയര്‍ത്തി.  ജൂലൈ ഏഴുവരെ അപേക്ഷിക്കാം.  വെബ്‌സൈറ്റ് : www.finance.kerala.gov.in 
പി.എന്‍.എക്‌സ്.2697/18

    സംസ്ഥാനത്തെ 45 സര്‍ക്കാര്‍ പോളിടെക്‌നിക്കുകളിലേക്കും ആറ് എയ്ഡഡ് പോളിടെക്‌നിക്കുകളിലേക്കും 19 സ്വാശ്രയ പോളിടെക്‌നിക്കുകളിലെ ഉയര്‍ന്ന ഫീസോടുകൂടിയ (22,500) സര്‍ക്കാര്‍ സീറ്റുകളിലേക്കുമുള്ള അവസാന റാങ്ക് ലിസ്റ്റും ആദ്യ അലോട്ട്‌മെന്റും നാളെ (ജൂലൈ 2) പ്രസിദ്ധീകരിക്കും. www.polyadmission.org, www.dtekerala.gov.in, www.sitttrkerala.ac.in എന്നീ വെബ്‌സൈറ്റുകളില്‍ റാങ്ക് ലിസ്റ്റും അലോട്ട്‌മെന്റും ലഭ്യമാകും.
പി.എന്‍.എക്‌സ്.2696/18

    മറവി രോഗം (ഡിമെന്‍ഷ്യ) ബാധിച്ചവര്‍ക്ക് ആവശ്യമായ പരിരക്ഷയും ശ്രുശ്രൂഷയും നല്‍കി പുനരധിവസിപ്പിക്കുന്നതിനും സംരക്ഷിക്കുന്നതിനുമായി സ്ഥാപനങ്ങള്‍ നടത്താന്‍ ഈ രംഗത്ത് പ്രവര്‍ത്തിക്കുന്ന സന്നദ്ധ സംഘടനകളില്‍ നിന്നും സാമൂഹ്യനീതി വകുപ്പ് താല്പര്യപത്രം ക്ഷണിച്ചു.  താല്പര്യമുള്ളവര്‍ക്ക് ഇതു സംബന്ധിച്ച മാര്‍ഗനിര്‍ദ്ദേശങ്ങള്‍ വകുപ്പിന്റെ വെബ്‌സൈറ്റായ www.sjdkerala.gov.in ല്‍ നിന്നോ സാമൂഹ്യനീതി വകുപ്പിന്റെ കാര്യാലയത്തില്‍ നിന്നോ ലഭിക്കും.  പ്രൊപ്പോസലുകള്‍ തയാറാക്കി ജില്ലാ ഓഫീസ് മുഖേന സാമൂഹ്യനീതി ഡയറക്ടറേറ്റില്‍ ലഭ്യമാക്കണം.
പി.എന്‍.എക്‌സ്.2695/18

മുദാക്കല്‍ കൃഷിഭവന്‍ കേന്ദ്രീകരിച്ചുള്ള അഗ്രോ സര്‍വീസ് സെന്ററിന്റെ ഉദ്ഘാടനം ജൂലൈ മൂന്നിന് വൈകിട്ട്  നാലിന് കാര്‍ഷിക വികസന കര്‍ഷകക്ഷേമ വകുപ്പ് മന്ത്രി വി.എസ്. സുനില്‍ കുമാര്‍ നിര്‍വഹിക്കും.  മുദാക്കല്‍ വില്ലേജോഫീസില്‍ നടക്കുന്ന പരിപാടിയില്‍ നിയമസഭാ ഡെപ്യൂട്ടി  സ്പീക്കര്‍ വി. ശശി അധ്യക്ഷത വഹിക്കും. വിള ആരോഗ്യ പരിപാലന കേന്ദ്രത്തിന്റെയും ഇക്കോ ഷോപ്പിന്റെയും ഉദ്ഘാടനവും മന്ത്രി നിര്‍വഹിക്കും.

നെടുമങ്ങാട് ബ്ലോക്ക് പഞ്ചായത്തില്‍ പ്രവര്‍ത്തിക്കുന്ന അഗ്രോ സര്‍വീസ് സെന്റ്ററില്‍ കൃഷി ഓഫീസറുടെ താത്കാലിക ഒഴിവിലേക്ക് അപേക്ഷ ക്ഷണിച്ചു.  ബി.എസ്‌സി. അഗ്രികള്‍ച്ചര്‍ ബിരുദമുള്ളവര്‍ക്ക് അപേക്ഷിക്കാം.  സേവനത്തില്‍ നിന്നു വിരമിച്ചവര്‍ക്കും നെടുമങ്ങാട് നിവാസികള്‍ക്കുമാണ് മുന്‍ഗണനന. അപേക്ഷയും വിശദമായ ബയോഡേറ്റയും ജൂലൈ ഏഴിനകം നെടുമങ്ങാട് വേള്‍ഡ് മാര്‍ക്കറ്റ് ക്യാമ്പസില്‍ പ്രവര്‍ത്തിക്കുന്ന കൃഷി അസിസ്റ്റന്റ് ഡയറക്ടറുടെ ഓഫീസില്‍ നല്‍കണം.  കൂടുതല്‍ വിവരങ്ങള്‍ക്ക് ഫോണ്‍: 04722802011.

(പി.ആര്‍.പി 1769/2018)