എസ്.സി.വി.റ്റി ജൂലൈ 2018 സപ്ലിമെന്ററി ട്രേഡ് ടെസ്റ്റിന് അപേക്ഷ ക്ഷണിച്ചു. അപേക്ഷാ ഫീസായ 160 രൂപ 0230-L&E-00-800-OR-88-OI എന്ന ശീര്‍ഷകത്തില്‍ അടച്ച ചെലാനും അപേക്ഷയും അനുബന്ധ രേഖകളും ഈ മാസം ഒന്‍പതിനകം ചെന്നീര്‍ക്കര ഗവണ്‍മെന്റ് ഐടിഐയില്‍ സമര്‍പ്പിക്കണം. ഫോണ്‍: 0468 2258710. 

      (പി എന്‍പി 1733/18)

പട്ടികജാതി വികസന വകുപ്പിന് കീഴില്‍ റാന്നിയില്‍ പ്രവര്‍ത്തിക്കുന്ന ആണ്‍കുട്ടി കള്‍ക്കായുള്ള പ്രീ-മെട്രിക് ഹോസ്റ്റലില്‍ 2018-19 വര്‍ഷം യുപി ക്ലാസ് വിദ്യാര്‍ഥികളെ എല്ലാ വിഷയവും പഠിപ്പിക്കുന്നതിന് ടിടിസി/ബിഎഡ് യോഗ്യതയുള്ളവര്‍ക്ക് അപേക്ഷിക്കാം. പ്രതിമാസം 3000 രൂപ ലഭിക്കും. എസ്.സി വിഭാഗത്തിലുള്ളവര്‍ക്ക് മുന്‍ഗണനയുണ്ട്. വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതമുള്ള അപേക്ഷ ഈ മാസം അഞ്ചിനകം റാന്നി ബ്ലോക്ക് പട്ടികജാതി വികസന ഓഫീസില്‍ ലഭിക്കണം. ഫോണ്‍: 8547630043.                  (പിഎന്‍പി 1726/18)

സംസ്ഥാന പട്ടികജാതി പട്ടികവര്‍ഗ വികസന സഹകരണ ഫെഡറേഷന്റെ ആയൂര്‍ധാരയിലെ ആയൂര്‍വേദ ഉത്പന്നങ്ങള്‍, ട്രൈഫെഡിന്റെ ഉത്പന്നങ്ങള്‍, അംഗ സംഘങ്ങളുടെ കരകൗശല ഉത്പന്നങ്ങള്‍, വനവിഭവങ്ങള്‍ തുടങ്ങിയവ ജില്ലയിലെ വിവിധ സ്ഥലങ്ങളില്‍ വില്‍ക്കുന്നതിന്  ഏജന്‍സിക്ക് അപേക്ഷിക്കാം. ഫോണ്‍: 0487 2354851, 04712433850.                   (പിഎന്‍പി 1725/18)

ടൂറിസം രംഗത്ത് അനന്ത സാധ്യതയുള്ള ജില്ലയാണ് പത്തനംതിട്ടയെന്ന് ജലവിഭവ വകുപ്പ് മന്ത്രി മാത്യു ടി തോമസ് പറഞ്ഞു. ഡിടിപിസിയുടെ തിരുവല്ലയിലെ സത്രത്തിന്റെ സൗന്ദര്യവല്‍ക്കരണത്തിന്റെ നിര്‍മാണോദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. ജില്ലയുടെ ടൂറിസം സാധ്യതയെ സ്പിരിച്വല്‍ എന്നു മാത്രം കണ്ടാല്‍ മതിയാകില്ല. തീര്‍ഥാടന ടൂറിസത്തിനപ്പുറം പ്രകൃതിയുടെ സൗന്ദര്യം ആസ്വദിക്കാന്‍ പര്യാപ്തമായ സംവിധാനങ്ങളും ചരിത്രവും ജില്ലയിലുണ്ട്. ഇത് ലോകത്തിനു മുന്‍പാകെ എത്തിക്കാന്‍ നമുക്ക് കഴിയണം.