എസ്.എസ്.എയുടെ നേതൃത്വത്തില്‍ ഏപ്രില്‍, മെയ് മാസങ്ങളില്‍ നടന്ന അവധിക്കാല അധ്യാപക പരിശീലനത്തില്‍ മറ്റ് ജില്ലകളില്‍ പങ്കെടുത്ത അധ്യാപകര്‍ക്ക് പത്തനംതിട്ട ജില്ലയില്‍ നിന്നും മെസ് അലവന്‍സ് അനുവദിച്ചുനല്‍കും. മറ്റ് ജില്ലകളില്‍ പരിശീലനത്തില്‍ പങ്കെടുത്ത അധ്യാപകര്‍ ഡ്യൂട്ടി സര്‍ട്ടിഫിക്കറ്റ്, പങ്കെടുത്ത ജില്ലയില്‍ മെസ് അലവന്‍സ് കൈപ്പറ്റിയിട്ടില്ല എന്ന സാക്ഷ്യപത്രം എന്നിവ ബന്ധപ്പെട്ട ബിആര്‍സികളിലെ ബിപിഒമാര്‍ക്ക് നല്‍കി ജൂലൈ അഞ്ചിനകം അലവന്‍സ് കൈപ്പറ്റണമെന്ന് എസ്എസ്എ ജില്ലാ പ്രൊജക്ട് ഓഫീസര്‍ അറിയിച്ചു.          (പിഎന്‍പി 1742/18)

കോഴഞ്ചേരി താലൂക്കില്‍ ജൂണ്‍ മാസത്തെ റേഷന്‍ സാധനങ്ങള്‍ ഈ മാസം നാല് വരെ ഇ-പോസ് വഴി കൈപ്പറ്റാമെന്ന് താലൂക്ക് സപ്ലൈ ഓഫീസര്‍ അറിയിച്ചു. ബയോമെട്രിക് സംവിധാനം വഴി റേഷന്‍ കാര്‍ഡുമായി ആധാര്‍ ബന്ധിപ്പിച്ചിട്ടില്ലാത്ത എല്ലാ കാര്‍ഡുടമകളും അംഗങ്ങളും ആധാറുമായി റേഷന്‍ കടയിലെത്തി ഇ-പോസ് മെഷിന്‍ വഴി ജൂലൈ 15ന് മുമ്പ് ആധാര്‍ ബന്ധിപ്പിക്കണമെന്നും താലൂക്ക് സപ്ലൈ ഓഫീസര്‍ അറിയിച്ചു. 

                (പി എന്‍പി 1741/18)

ജില്ലയില്‍ പനി ബാധിച്ച് ഇന്നലെ (30) 492 പേര്‍ വിവിധ ആശുപത്രികളില്‍ ചികിത്സ തേടി. \ാല് പേര്‍ക്ക് ഡങ്കിപ്പനിയും ഒരാള്‍ക്ക് എലിപ്പനിയും സ്ഥിരീകരിച്ചു. വയറിളക്കരോഗങ്ങള്‍ക്ക് 65 പേര്‍ ചികിത്സ തേടി. കാഞ്ഞീറ്റുകര, എഴുമറ്റൂര്‍, വല്ലന, ഏഴംകുളം  എന്നിവിടങ്ങളിലാണ് ഡെങ്കിപ്പനി സ്ഥിരീകരിച്ചത്. ഓമല്ലൂരിലാണ് എലിപ്പനി സ്ഥിരീകരിച്ചത്.

        (പിഎന്‍പി 1738/18)

ജില്ലാ മെഡിക്കല്‍ ഓഫിസിന്റെ ആഭിമുഖ്യത്തില്‍ കോന്നിതാഴത്ത് ജലജന്യ രോഗങ്ങളെ കുറിച്ച് ബോധവത്ക്കരണ സെമിനാറും ഡോക്യുമെന്ററി പ്രദര്‍ശനവും നടത്തി. ജലനിധി പ്രസിഡന്റ് എം.എം.ഹരികുമാര്‍ ഉദ്ഘാടനം ചെയ്തു. ടെക്‌നിക്കല്‍ അസിസ്റ്റന്റ് എം.ആര്‍.അനില്‍കുമാര്‍, ഡെപ്യൂട്ടി മാസ് മീഡിയ ഓഫീസര്‍മാരായ ടി.കെ.അശോക് കുമാര്‍, എ.സുനില്‍ കുമാര്‍, ജലനിധി സെക്രട്ടറി ഇ.പി.അയ്യപ്പന്‍നായര്‍, രക്ഷാധികാരി എം.എസ്.ഗോപിനാഥന്‍, ഹെല്‍ത്ത് സൂപ്പര്‍വൈസര്‍  സി.വി.സാജന്‍ തുടങ്ങിയവര്‍ പങ്കെടത്തു.                   (പിഎന്‍പി 1737/18) 

ഏറെ ജനശ്രദ്ധ ആകര്‍ഷിച്ചതാണ് ഏഴംകുളം ഗ്രാമപഞ്ചായത്തിന്റെ ഓടാം ചാടാം ഒളിമ്പിക്‌സിലേക്ക് എന്ന പരിപാടിയെന്ന്  ചിറ്റയം ഗോപകുമാര്‍ എംഎല്‍എ പറഞ്ഞു. ഓടാം ചാടാം ഒളിമ്പിക്‌സ് പദ്ധതിയുടെ ഭാഗമായുള്ള പരിശീലന പരിപാടി ഉദ്ഘാടനം                  ചെയ്യുകയായിരുന്നു എംഎല്‍എ. ഭാവിയില്‍ ഒരു ഒളിമ്പിക്‌സ് മെഡല്‍ എന്ന ലക്ഷ്യം കൈവരിക്കുന്നതിന് പദ്ധതിയിലൂടെ കഴിയട്ടെ എംഎല്‍എ ആശംസിച്ചു.  മുന്‍ വര്‍ഷം കായിക പരിശീലനം ലഭിച്ചവര്‍ക്കുള്ള സര്‍ട്ടിഫിക്കറ്റ് വിതരണവും എംഎല്‍എ നിര്‍വഹിച്ചു. 

എസ്.സി.വി.റ്റി ജൂലൈ 2018 സപ്ലിമെന്ററി ട്രേഡ് ടെസ്റ്റിന് അപേക്ഷ ക്ഷണിച്ചു. അപേക്ഷാ ഫീസായ 160 രൂപ 0230-L&E-00-800-OR-88-OI എന്ന ശീര്‍ഷകത്തില്‍ അടച്ച ചെലാനും അപേക്ഷയും അനുബന്ധ രേഖകളും ഈ മാസം ഒന്‍പതിനകം ചെന്നീര്‍ക്കര ഗവണ്‍മെന്റ് ഐടിഐയില്‍ സമര്‍പ്പിക്കണം. ഫോണ്‍: 0468 2258710. 

      (പി എന്‍പി 1733/18)