പറക്കോട് ബ്ലോക്ക് പഞ്ചായത്തില്‍ ഭിന്നശേഷിക്കാരായവര്‍ക്ക് കൃത്രിമകാല്‍ വിതരണം ചെയ്യുന്നതിന് ഇ-ടെന്‍ഡര്‍ ക്ഷണിച്ചു. ഈ മാസം 19 വരെ ടെന്‍ഡര്‍ സ്വീകരിക്കും. കൂടുതല്‍ വിവരം etenders.kerala.gov.in എന്ന വെബ്‌സൈറ്റില്‍ ലഭ്യമാണ്.                                                                                 (

സ്‌കോള്‍ കേരള മുഖേന ഹയര്‍ സെക്കന്‍ഡറി കോഴ്‌സില്‍  രണ്ടാം വര്‍ഷ പ്രവേശനവും പുനപ്രവേശനവും നേടാന്‍ ആഗ്രഹിക്കുന്ന വിദ്യാര്‍ഥികള്‍ക്ക് ഈ മാസം 24 വരെ ഓണ്‍ലൈനായി അപേക്ഷിക്കാം. ഓണ്‍ലൈനില്‍ രജിസ്റ്റര്‍ ചെയ്ത അപേക്ഷയുടെ പ്രിന്റൗട്ടും അനുബന്ധ രേഖകളും 26ന് മുമ്പ് സ്‌കോള്‍ കേരളയുടെ സംസ്ഥാന ഓഫീസില്‍ ലഭ്യമാക്കണം. കൂടുതല്‍ വിവരം www.scolekerala.org എന്ന വെബ്‌സൈറ്റില്‍ ലഭിക്കും. ഫോണ്‍: 0471 2342950, 2342271.

ചാത്തന്‍തറ കൈരളി കലാവേദിയുടെ ആഭിമുഖ്യത്തില്‍ നടത്തിയ ബിരിയാണി ചലഞ്ചില്‍ ലഭിച്ച 35,500 രൂപ  മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കുന്നതിനായി ജില്ലാ കളക്ടര്‍ പി.ബി നൂഹിന് കൈമാറി. കൈരളി കലാവേദി സെക്രട്ടറി തോമസ് മാത്യു, പ്രസിഡന്റ് കെ.സാബു എന്നിവര്‍ ചേര്‍ന്നാണ് ചെക്ക് കൈമാറിയത്.

കോന്നി താഴത്ത് അതുമ്പുംകുളം വാഴക്കാലായില്‍ വീട്ടില്‍  ജഗദമ്മ തന്റെ പേരിലുള്ള 50 സെന്റ് സ്ഥലം സൗജന്യമായി സര്‍ക്കാരിലേക്ക് വിട്ടുനല്‍കി. ലൈഫ്മിഷന്‍ പദ്ധതിയില്‍ ഉള്‍പ്പെടുത്തി പാവപ്പെട്ടവര്‍ക്ക് വീടു വച്ചുനല്‍കുന്നതിനു വേണ്ടിയാണ് ഭൂമി നല്‍കിയിട്ടുള്ളത്. 

ജഗദമ്മയുടെ വീട്ടില്‍ നടന്ന ചടങ്ങില്‍ സ്ഥലം വിട്ടു നല്‍കാനുള്ള സമ്മതപത്രം കെ.യു.ജനീഷ് കുമാര്‍ എം.എല്‍.എ ഏറ്റുവാങ്ങി. ചടങ്ങില്‍ ലൈഫ്മിഷന്‍ ജില്ലാ കോ ഓര്‍ഡിനേറ്റര്‍ സി.പി.സുനില്‍ ഉള്‍പ്പെടെയുള്ളവര്‍ പങ്കെടുത്തു.

ഓണത്തോടനുബന്ധിച്ച് സംസ്ഥാന സര്‍ക്കാര്‍ പ്രഖ്യാപിച്ച  സൗജന്യ പലവ്യഞ്ജന കിറ്റുകള്‍ നാളെ(ആഗസ്റ്റ് 13 വ്യാഴം) മുതല്‍ ജില്ലയില്‍ ഘട്ടം ഘട്ടമായി വിതരണം ആരംഭിക്കുമെന്ന്  ജില്ലാ സപ്ലൈ ഓഫീസര്‍ അറിയിച്ചു. എ.എ.വൈ.(മഞ്ഞ കാര്‍ഡ്) വിഭാഗത്തിന് ആഗസ്റ്റ് 13, 14, 16 തീയതികളിലായി വിതരണം ചെയ്യും. തുടര്‍ന്ന്  മുന്‍ഗണനാ വിഭാഗത്തിനും പൊതുവിഭാഗം സബ്‌സിഡി,  സബ്‌സിഡി ഇതര കാര്‍ഡുകള്‍ക്കും കിറ്റ് വിതരണം ചെയ്യും. 

വെള്ളപ്പൊക്ക രക്ഷാപ്രവര്‍ത്തനങ്ങളുടെ ഭാഗമായി തിരുവല്ലയിലെത്തിയ മത്സ്യത്തൊഴിലാളികളില്‍ ഏഴുവള്ളങ്ങളിലെ മത്സ്യത്തൊഴിലാളികള്‍ നാട്ടിലേക്ക് മടങ്ങി. തിരുവല്ല തഹസില്‍ദാര്‍ മിനി കെ തോമസിന്റെ നേതൃത്വത്തിലാണ് ഇവരെ കൊല്ലത്തേക്ക് യാത്രയാക്കിയത്. 

  കൊടുമണ്‍ ഗ്രാമപഞ്ചായത്തില്‍ 102 കിടക്കകളും അനുബന്ധ സജീകരണങ്ങളുമുള്ള കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്റര്‍ (സി.എഫ്.എല്‍.ടി.സി) ഐക്കാട് ഐ.ടി.ഐയില്‍ നാളെ (ആഗസ്റ്റ് 13 വ്യാഴം )  വൈകിട്ട് മൂന്നിന് ചിറ്റയം ഗോപകുമാര്‍ എംഎല്‍എ ഉദ്ഘാടനം ചെയ്യും. കൊടുമണ്‍ ഗ്രാമപഞ്ചായത്ത് പ്രസിഡന്റ് കുഞ്ഞന്നാമ്മകുഞ്ഞ് അധ്യക്ഷത വഹിക്കും.

കൃഷി വകുപ്പില്‍ അസിസ്റ്റന്റ് ഗ്രേഡ്-2 (കാറ്റഗറി നമ്പര്‍ 444/16) സാധ്യതാ പട്ടികയില്‍ ഉള്‍പ്പെട്ടവര്‍ക്കുള്ള ഒറ്റത്തവണ വെരിഫിക്കേഷന്‍ ആഗസ്റ്റ് 17 ന് പി എസ് സി കൊല്ലം മേഖലാ ഓഫീസില്‍ നടത്തും.
(പി.ആര്‍.കെ നമ്പര്‍ 2173/2020)

ഐ എച്ച് ആര്‍ ഡി യുടെ എറണാകുളം(0484-2575370), ചെങ്ങന്നൂര്‍(0479-2451424), കരുനാഗപ്പള്ളി(0476-2665935), ചേര്‍ത്തല(0478-2553416), കല്ലൂപ്പാറ(0469-2677890) എഞ്ചിനിയറിംഗ് കോളജുകളില്‍ എം ടെക് സ്‌പോണ്‍സേഡ് സീറ്റുകളിലെ പ്രവേശനത്തിന് അപേക്ഷിക്കാം. അപേക്ഷ www.ihrd.kerala.gov.in/mtech  സൈറ്റില്‍ ആഗസ്റ്റ് 21 ന് വൈകിട്ട് നാലുവരെ സമര്‍പ്പിക്കാം. വിശദ വിവരങ്ങള്‍ www.ihrd.ac.in/    വെബ്‌സൈറ്റിലും ihrd.itd@gmail.com     ഇ-മെയിലിലും ലഭിക്കും.
(പി.ആര്‍.കെ നമ്പര്‍ 2172/2020)