ഭവനരഹിതരില്ലാത്ത കേരളം എന്ന ലക്ഷ്യം മുന്‍ നിര്‍ത്തി സംസ്ഥാന സര്‍ക്കാരിന്റെ 'ലൈഫ്' പദ്ധതിയോട് ചേര്‍ന്ന് നീലേശ്വരം നഗരസഭയുടെ പി എം എ വൈ നഗരം ഭവന നിര്‍മ്മാണ പദ്ധതിയില്‍ പൂര്‍ത്തിയാകുന്നത് 650 വീടുകള്‍. 

സിവിൽ സപ്ലൈസ് കോർപറേഷനിൽ ജൂനിയർ മാനേജർ (അക്കൗണ്ട്‌സ്) തസ്തികയിൽ അവസരം. കരാർ നിയമനമായിരിക്കും. കാസർഗോഡ്, കണ്ണൂർ, പാലക്കാട്, തൃശൂർ, കോട്ടയം, ആലപ്പുഴ എന്നിവിടങ്ങളിലാണ് അവസരം. സി.എ. ഇന്റർമീഡിയറ്റ് ആണ് അടിസ്ഥാന യോഗ്യ. www.supplycokerala.com എന്ന വെബ്സൈറ്റിൽ അപേക്ഷഫോം ലഭ്യമാണ്. അപേക്ഷകൾ supplycomanageraa@gmail.com എന്ന ഇ-മെയിലിൽ അയക്കണം. അവസാന തീയതി ജൂലൈ 31.

തൃശൂർ ജില്ലയിലെ കോവിഡ് ഫസ്റ്റ് ലൈൻ ട്രീറ്റ്‌മെന്റ് സെന്ററുകളിലെ മാലിന്യനിർമ്മാർജ്ജനം നിർവഹിക്കാൻ സാങ്കേതിക സംവിധാനങ്ങളുളള ഏജൻസികളിൽ നിന്നും അപേക്ഷ ക്ഷണിച്ചു. ജൈവ അജൈവ മാലിന്യങ്ങൾ ശേഖരിച്ച് തരംതിരിച്ച് ശാസ്ത്രീയമായി സംസ്‌ക്കരിക്കുന്നതിൽ പ്രവൃത്തിപരിചയമുളളവരായിരിക്കണം അപേക്ഷകർ. അപേക്ഷ ജൂലൈ 24 നകം ജില്ലാ പഞ്ചായത്തിലെ ജില്ലാ ശുചിത്വ മിഷൻ കോ-ഓർഡിനേറ്റർക്ക് നൽകണം. ഫോൺ: 0487 2360154. ഇ-മെയിൽ: tsctsrkerala@gmail.com

ജില്ലയിൽ കോവിഡ് 19 സമൂഹവ്യാപനം തടയുന്നതിനുളള മുന്നൊരുക്കങ്ങളുടെ ഭാഗമായി കോവിഡ് ഫസ്റ്റ് ലൈൻ ട്രീറ്റ്‌മെന്റ് സെന്ററുകൾ, റിവേഴ്‌സ് ക്വാറന്റയിൻ ഫെസിലിറ്റീസ് സെന്ററുകൾ എന്നിവ തുടങ്ങുന്നതിന് കെട്ടിടങ്ങൾ ഏറ്റെടുക്കുന്നത് തുടരുന്നു. തലപ്പിളളി താലൂക്കിലെ കൊണ്ടാഴി ഗ്രാമപഞ്ചായത്തിലെ മായന്നൂർ ജവഹർ നവോദയ വിദ്യാലയം, ചേലക്കര ഗ്രാമപഞ്ചായത്തിലെ ഗവ. പോളിടെക്‌നിക്ക് കോളേജ് എന്നീ കെട്ടിടങ്ങൾ ഏറ്റെടുത്ത് ജില്ലാ കളക്ടർ എസ് ഷാനവാസ് ഉത്തരവിട്ടു. ഡെപ്യൂട്ടി കളക്ടർ സോളി ആന്റണി നോഡൽ ഓഫീസറായ ഉദ്യോഗസ്ഥസംഘത്തിനാണ് സിഎഫ്എൽടിസി/ആർക്യൂഎഫ്‌സിയുടെ ചുമതല.

കോവിഡ് 19 വ്യാപന സാധ്യതയെ തുടർന്ന് ജില്ലയിൽ പുതിയ കണ്ടെയ്മെന്റ് സോണുകൾ കൂടെ പ്രഖ്യാപിച്ചു. ചൂണ്ടൽ ഗ്രാമപഞ്ചായത്തിലെ 04, 14, വാർഡുകൾ, മറ്റത്തൂരിലെ 10, 11, 21 വാർഡുകൾ, എരുമപ്പെട്ടി 9-ാം വാർഡ്, പോർക്കുളം 3-ാം വാർഡ്, ചേലക്കര 17-ാം വാർഡ്, അളഗപ്പനഗർ 7-ാം വാർഡ്, പുത്തൻച്ചിറ 6-ാം വാർഡ്, കടവല്ലൂർ 12, 13 വാർഡുകൾ, വരന്തരപ്പിളളി 9-ാം വാർഡ്, ദേശമംഗലം 11, 13, 14, 15 വാർഡുകൾ, വരവൂർ 8, 9 വാർഡുകൾ, മാള 16-ാം വാർഡ്, തൃശൂർ കോർപ്പറേഷൻ 36-ാം ഡിവിഷൻ എന്നിവയാണ് പുതിയ കണ്ടെയ്‌മെന്റ് സോണുകൾ.

    അടൂര്‍ മണ്ഡലത്തില്‍ ഏഴു പഞ്ചായത്തിലും രണ്ട് നഗരസഭയിലും കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററുകള്‍ ആരംഭിക്കുമെന്ന് ചിറ്റയം ഗോപകുമാര്‍ എംഎല്‍എ പറഞ്ഞു. ഓരോ സ്ഥലത്തും ഇനി പറയുന്ന പ്രകാരം കിടക്കകള്‍ സജ്ജീകരിക്കും:  ഏറത്ത് 120, ഏഴംകുളം 120, കടമ്പനാട് 100, പള്ളിക്കല്‍ 100, പന്തളം തെക്കേക്കര 100, കൊടുമണ്‍ 50, അടൂര്‍ നഗരസഭ 250, പന്തളം നഗരസഭ 200 എന്നീ നിലയില്‍ ഫസ്റ്റ് ലൈന്‍ ട്രീറ്റ്‌മെന്റ് സെന്റര്‍ തുടങ്ങും.

പന്തളം നഗരസഭയിലെ വാര്‍ഡ് 31, 32, തിരുവല്ല നഗരസഭയിലെ വാര്‍ഡ് 14, 20, കല്ലൂപ്പാറ ഗ്രാമപഞ്ചായത്തിലെ വാര്‍ഡ് 12, അരുവാപ്പുലം ഗ്രാമപഞ്ചായത്തിലെ വാര്‍ഡ് രണ്ട്, മൂന്ന്, അഞ്ച്, നാരങ്ങാനം ഗ്രാമപഞ്ചായത്തിലെ വാര്‍ഡ് ഏഴ്, കോട്ടാങ്ങല്‍ ഗ്രാമപഞ്ചായത്തിലെ വാര്‍ഡ് മൂന്ന്, ചെറുകോല്‍ ഗ്രാമപഞ്ചായത്തിലെ വാര്‍ഡ് രണ്ട്, 13, മലയാലപ്പുഴ ഗ്രാമപഞ്ചായത്തിലെ വാര്‍ഡ് ആറ്, കടപ്ര ഗ്രാമപഞ്ചായത്തിലെ വാര്‍ഡ് എട്ട്, ഒന്‍പത് എന്നീ സ്ഥലങ്ങളെ കണ്ടെയ്ന്‍മെന്റ് സോണ്‍ നിയന്ത്രണത്തില്‍ നിന്നും ഒഴിവാക്കി.

പത്തനംതിട്ട നഗസഭയിലെ എല്ലാ വാര്‍ഡുകളിലും ജൂലൈ 22 മുതല്‍ ഏഴു ദിവസത്തേക്കും, തിരുവല്ല നഗരസഭയിലെ വാര്‍ഡ് 19 ലും ഏഴംകുളം ഗ്രാമപഞ്ചായത്തിലെ വാര്‍ഡ് 17 ലും ജൂലൈ 20 മുതല്‍ ഏഴു ദിവസത്തേക്കും, കൊടുമണ്‍ ഗ്രാമപഞ്ചായത്തിലെ വാര്‍ഡ് 12, 13, 17 ല്‍  ജൂലൈ 22 മുതല്‍ ഏഴു ദിവസത്തേക്കുമാണ് കണ്ടെയ്ന്‍മെന്റ് സോണ്‍ നിയന്ത്രണം.

മലയാലപ്പുഴ ഗ്രാമപഞ്ചായത്തിലെ വാര്‍ഡ് എട്ട്, പ്രമാടം ഗ്രാമപഞ്ചായത്തിലെ വാര്‍ഡ് മൂന്ന്, കോന്നി ഗ്രാമ പഞ്ചായത്തിലെ വാര്‍ഡ് ഒന്ന്, 16 എന്നീ സ്ഥലങ്ങളില്‍ ജൂലൈ 20 മുതല്‍ ഏഴു ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം.
രോഗം സ്ഥിരീകരിച്ചവരുടെ പ്രാഥമിക സമ്പര്‍ക്കപട്ടിക ഉയരുന്നത് കണക്കിലെടുത്ത് പത്തനംതിട്ട ജില്ലാ മെഡിക്കല്‍ ഓഫീസറുടെ (ആരോഗ്യം) ശുപാര്‍ശ പ്രകാരമാണ് പുതിയ കണ്ടെയ്ന്‍മെന്റ് സോണുകള്‍ പത്തനംതിട്ട ജില്ലാ ദുരന്തനിവാരണ അതോറിറ്റി ചെയര്‍മാന്‍ കൂടിയായ ജില്ലാ കളക്ടര്‍ പി.ബി. നൂഹ് പ്രഖ്യാപിച്ചത്.