സംസ്ഥാന സര്‍ക്കാര്‍ നടപ്പിലാക്കുന്ന ലൈഫ് ഭവന പദ്ധതിയുടെ മൂന്നാം ഘട്ടം ഈ വര്‍ഷം തന്നെ ആരംഭിക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. പിണറായി കണ്‍വെന്‍ഷന്‍ സെന്ററിന് സമീപം നടന്ന പരിപാടിയില്‍ വച്ച് പിണറായി ഗ്രാമപഞ്ചായത്തില്‍ ലൈഫ് ഭവന പദ്ധതിയിലുള്‍പ്പെടുത്തി നിര്‍മ്മിച്ച 11 വീടുകളുടെ താക്കോല്‍ ദാനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം. 

കണ്ണൂര്‍ കോര്‍പ്പറേഷന്‍ അമൃത് ശുദ്ധജല വിതരണ പദ്ധതിക്കായി പൊതുമരാമത്ത്, ദേശീയപാതാ റോഡുകളില്‍ പൈപ്പ് ലൈന്‍ സ്ഥാപിക്കുന്ന നടപടികള്‍ വേഗത്തിലാക്കാന്‍ തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി ബന്ധപ്പെട്ടവര്‍ക്ക് നിര്‍ദ്ദേശം നല്‍കി. മന്ത്രിയുടെ അദ്ധ്യക്ഷതയില്‍ തിരുവനന്തപുരത്ത് ചേര്‍ന്ന അവലോകന യോഗത്തിലാണ് നിര്‍ദ്ദേശം നല്‍കിയത്. 

യുവാക്കൾക്ക് കരിയർ രൂപപ്പെടുത്താനും യോഗ്യതയ്ക്കും അഭിരുചിയ്ക്കുമനുസരിച്ച് തൊഴിൽ ലഭിക്കാനും സഹായിക്കുന്ന മോഡൽ കരിയർ സെന്റർ തലസ്ഥാനത്ത് പ്രവർത്തനം ആരംഭിക്കുന്നു. തൊഴിൽ വകുപ്പിന്റെ ആഭിമുഖ്യത്തിൽ പി. എം. ജിയിലെ സ്റ്റുഡന്റ്‌സ് സെന്ററിൽ പ്രവർത്തിക്കുന്ന യൂണിവേഴ്‌സിറ്റി എംപ്ലോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോയുടെ ഭാഗമായാണ് കേന്ദ്രം പ്രവർത്തിക്കുക. രാജ്യത്ത് ആരംഭിക്കുന്ന 100 മോഡൽ കരിയർ സെന്ററിൽ ഒന്നാണിത്. കേന്ദ്ര സർക്കാരിന്റെ ദേശീയ കരിയർ സർവീസ്, കേരള സർവകലാശാല എന്നിവരുടെ സഹകരണത്തോടെയാണ് തൊഴിൽ വകുപ്പ് കേന്ദ്രം ഒരുക്കിയിരിക്കുന്നത്. 

2018-നവംബർ മാസം നടത്തിയ പത്താംതരം തുല്യതാ പരീക്ഷാ ഫലം പ്രസിദ്ധീകരിച്ചു. പരീക്ഷാഫലം www.keralapareekshabhavan.in     എന്ന വെബ്‌സൈറ്റിൽ ലഭ്യമാണ്.  ഉത്തരക്കടലാസ് പുനർമൂല്യനിർണ്ണയത്തിന് അപേക്ഷിക്കുന്നവർ അപേക്ഷയും, പേപ്പർ ഒന്നിന് 400 രൂപ നിരക്കിൽ അപേക്ഷ ഫീസും ഫെബ്രുവരി നാലിന് മുമ്പ് അതാത് പരീക്ഷ കേന്ദ്രത്തിലെ ഹെഡ്മാസ്റ്റർക്ക് സമർപ്പിക്കണം.

പി.എൻ.എക്സ്. 253/19

ഉണ്ണായി വാര്യര്‍ സ്‌മാരക കലാനിലയത്തിന്റെ ഭരണസമിതി യോഗം ജനുവരി 25 രാവിലെ 11 ന്‌ കലാനിലയത്തില്‍ ചേരും.
 

മുകുന്ദപുരം താലൂക്ക്‌ വികസന സമിതി യോഗം ഫെബ്രുവരി 2 രാവിലെ 10.30 ന്‌ താലൂക്ക്‌ ഓഫീസ്‌ കോണ്‍ഫറന്‍സ്‌ ഹാളില്‍ ചേരുമെന്ന്‌ തഹസില്‍ദാര്‍ അറിയിച്ചു.

ഖാദി ഗ്രാമ വ്യവസായ ബോര്‍ഡ്‌ 'ഗാന്ധി സ്‌മൃതി ഖാദി മേള' ഒളരി ഇഎസ്‌ഐ ആശുപത്രിക്ക്‌ സമീപം ആരംഭിച്ചു. മഹാത്മഗാന്ധിജിയുടെ 150-ാം ജന്മവാര്‍ഷികവും ഖാദിയുടെ 100-ാം വാര്‍ഷികവും ആഘോഷിക്കുന്നതിന്റെ ഭാഗമായാണ്‌ മേള സംഘടിപ്പിച്ചിരിക്കുന്നത്‌. വില്‍പനയില്‍ ഓരോ 1000 രൂപ പര്‍ച്ചേഴ്‌സിനും 100 രൂപ ഗിഫ്‌റ്റ്‌ വൗച്ചര്‍ ലഭിക്കും. 50 ശതമാനം വരെ വില്‍ക്കുറവുണ്ട്‌. മേള ഫെബ്രുവരി 6 ന്‌ സമാപിക്കും. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2338699.

പൊയ്യ ഗ്രാമപഞ്ചായത്തിലെ പട്ടികജാതി വിഭാഗത്തിലെ വൃദ്ധജനങ്ങള്‍ക്കുള്ള കട്ടില്‍ വിതരണം ഗ്രാമപഞ്ചായത്ത്‌ പ്രസിഡന്റ്‌ ടി. എം രാധാകൃഷ്‌ണന്‍ ഉദ്‌ഘാടനം ചെയ്‌തു. എ സി ഹാളില്‍ നടന്ന പരിപാടിയില്‍ വികസന സ്റ്റാന്റിങ്‌ കമ്മിറ്റി ചെയര്‍മാന്‍ പി എം അയ്യപ്പന്‍ കുട്ടി അധ്യക്ഷത വഹിച്ചു. 2018-19 വാര്‍ഷിക പദ്ധതിയില്‍ ഉള്‍പ്പെടുത്തി മൂന്നു ലക്ഷം രൂപ ചിലവില്‍ 85 പേര്‍ക്ക്‌ കട്ടില്‍ വിതരണം ചെയ്‌തു. അസി. സെക്രട്ടറി പി കെ സുജന്‍ പദ്ധതി വിശദീകരണം നടത്തി. വൈസ്‌ പ്രസിഡണ്ട്‌ സി ബി ഫ്രാന്‍സിസ്‌ ആസൂത്രണവിഭാഗം സീനിയര്‍ ക്ലാര്‍ക്ക്‌ രതീഷ്‌ സി ആര്‍ തുടങ്ങിയവര്‍ സംസാരിച്ചു.