കോവിഡ് 19 പ്രതിരോധ പ്രവർത്തനങ്ങളും ചികിത്സയും കാര്യക്ഷമമാക്കുന്നതിനായി ആരംഭിച്ച ഫസ്റ്റ് ലൈൻ ട്രീറ്റ്‌മെന്റ് സെന്ററുകളിലും റിവേഴ്‌സ് ക്വാറന്റീൻ സെന്ററുകളിലും നോഡൽ ഓഫീസറെ നിയമിച്ച് ഉത്തരവായി. കേന്ദ്രങ്ങളിലേക്കുള്ള വിഭവസമാഹരണത്തിനും വിതരണത്തിനും എൽ എ (എച്ച്എൻഡിപി) ഡെപ്യൂട്ടി കളക്ടർ സോളി ആന്റണിയെയാണ് (ഫോൺ: 9495235566) നോഡൽ ഓഫീസറായി നിയമിച്ചത്.

കോവിഡ് വ്യാപനം തടയുന്നതിന്റെ ഭാഗമായി 3 തദ്ദേശസ്ഥാപനപ്രദേശങ്ങൾ കൂടി കണ്ടെയ്ൻമെന്റ് സോണായി പ്രഖ്യാപിച്ചു. കോടശ്ശേരി ഗ്രാമപഞ്ചായത്തിലെ 3, 4 വാർഡുകൾ, പോർക്കുളം ഗ്രാമപഞ്ചായത്തിലെ 11-ാം വാർഡ്, ചേലക്കര ഗ്രാമപഞ്ചായത്തിലെ 3, 20, 21, 22 വാർഡുകളുമാണ് പുതുതായി കണ്ടെയ്ൻമെന്റ് സോണായി പ്രഖ്യാപിച്ചത്.

ജില്ലയിൽ കോവിഡ് 19 സമൂഹവ്യാപനം തടയുന്നതിനുളള മുന്നൊരുക്കങ്ങളുടെ ഭാഗമായി കോവിഡ് ഫസ്റ്റ് ലൈൻ ട്രീറ്റ്‌മെന്റ് സെന്ററുകൾ, റിവേഴ്‌സ് ക്വാറന്റയിൻ ഫെസിലിറ്റീസ് സെന്ററുകൾ എന്നിവ തുടങ്ങുന്നതിന് കൂടുതൽ കെട്ടിടങ്ങൾ ഏറ്റെടുത്ത് ജില്ലാ കളക്ടർ എസ് ഷാനവാസ് ഉത്തരവിട്ടു.

ലഭ്യമായ വിഭവങ്ങളുടെ ഫലപ്രദമായ സമാഹരണത്തിലൂടെ ഇരവിപേരൂര്‍ ഗ്രാമപഞ്ചായത്തിന്റെ കോവിഡ് കാല പ്രവര്‍ത്തനങ്ങള്‍ വേറിട്ടതാകുന്നു. ലോക്ക്ഡൗണ്‍ കാലത്ത് 300 പേര്‍ക്ക് വീതം ദൈനദിനം ഭക്ഷണം നല്‍കുന്നതിനായി ആരംഭിച്ച കമ്മ്യൂണിറ്റി കിച്ചണ് വേണ്ടി വന്ന വിഭവങ്ങളും പണവും വിവിധ സംഘടനകളില്‍ നിന്നും വ്യക്തികളില്‍നിന്നും സംഭാവനയായി സ്വീകരിക്കുകയായിരുന്നു. ലോക്ക്ഡൗണിന് ശേഷം കമ്മ്യൂണിറ്റി കിച്ചണ്‍ അവസാനിപ്പിച്ച് ബജറ്റ് ഹോട്ടലിലേക്ക് മാറിയപ്പോള്‍ നീക്കിയിരുപ്പ് വന്ന തുക 1.5 ല

 കോന്നി ഗവ.മെഡിക്കല്‍ കോളജിലെ പ്രിന്‍സിപ്പല്‍ ഓഫീസും സൂപ്രണ്ട് ഓഫീസും ജൂലൈ 24 ന്  പ്രവര്‍ത്തനം ആരംഭിക്കുമെന്ന് അഡ്വ. കെ.യു. ജനീഷ് കുമാര്‍ എംഎല്‍എ അറിയിച്ചു. അഡ്വ. കെ.യു.ജനീഷ് കുമാര്‍ എംഎല്‍എയും ജില്ലാ കളക്ടര്‍ പി.ബി. നൂഹും പങ്കെടുത്ത കോന്നി മെഡിക്കല്‍ കോളജില്‍ ചേര്‍ന്ന അവലോകന യോഗത്തിലാണ് ഇതുസംബന്ധിച്ച തീരുമാനമായത്. മെഡിക്കല്‍ കോളജ് പ്രവര്‍ത്തനം ഓഗസ്റ്റ് മാസത്തില്‍ ആരംഭിക്കുന്നതിന്റെ ഭാഗമായി എംഎല്‍എയും, ജില്ലാ കളക്ടറും പങ്കെടുത്ത് ആഴ്ചതോറും അവലോകന യോഗം നടത്താന്‍ തീരുമാനിച്ചിരുന്നതിന്റെ ഭാഗമായാണ് മെഡിക്കല്‍ കോളജില്‍ യോഗം ചേര്‍ന്നത്.

കോന്നി ഗവ.മെഡിക്കല്‍ കോളജിലെ നിര്‍മാണം പൂര്‍ത്തീകരിച്ച രണ്ടു ലിഫ്റ്റ്കളുടെ കമ്മീഷനിംഗ് നടത്തി.  അഡ്വ.കെ.യു. ജനീഷ് കുമാര്‍ എംഎല്‍എയും ജില്ലാ കളക്ടര്‍ പി.ബി.നൂഹും ഓരോ ലിഫ്റ്റുകള്‍ വീതം നാടമുറിച്ചാണ് കമ്മീഷനിംഗ് നടത്തിയത്.
        മെഡിക്കല്‍ കോളജ് ഹോസ്പിറ്റലില്‍ പത്ത് ലിഫ്റ്റും, അക്കാഡമിക്ക് ബ്ലോക്കില്‍ രണ്ട് ലിഫ്റ്റുമാണ് സ്ഥാപിക്കുന്നത്. ഒന്നാം ഘട്ടത്തില്‍ ആശുപത്രി ബില്‍ഡിംഗില്‍ നിര്‍മിക്കുന്ന നാലു ലിഫ്റ്റുകളില്‍ നിര്‍മാണം പൂര്‍ത്തിയാക്കിയ രണ്ടെണ്ണത്തിന്റെ കമ്മീഷനിംഗാണ് നടത്തിയത്.