ജില്ലാ ഇന്‍ഫര്‍മേഷന്‍ ഓഫീസിന്റെ ഫോട്ടോഗ്രാഫര്‍ പാനലിലേക്കുള്ള അഭിമുഖം ഇന്ന് (22) രാവിലെ 11ന് കളക്ടറേറ്റ് ഒന്നാം നിലയിലുള്ള ഓഫീസില്‍ നടക്കും. അപേക്ഷ നല്‍കിയിട്ടുള്ളവര്‍ ക്യാമറ, യോഗ്യത സര്‍ട്ടിഫിക്കറ്റുകള്‍ എന്നിവ സഹിതം ഹാജരാകണം. 

          (പിഎന്‍പി 245/19)

മാന്തുക ഗവ.യു.പി സ്‌കൂളില്‍ ശീതക്കാല പച്ചക്കറി കൃഷി വിളവെടുപ്പുനടത്തി. കാബേജ്, തക്കാളി ചീര, വെണ്ട, മത്തന്‍, വെള്ളരി,മുളക്, വഴുതനം എന്നീ ഇനങ്ങളാണ്       സ്‌കൂള്‍ കൃഷിത്തോട്ടത്തില്‍ നട്ടത്. വിഷ രഹിത പച്ചക്കറി സ്‌കൂള്‍ ഉച്ചഭക്ഷണ പരിപാടിയില്‍ ഉള്‍പ്പെടുത്തുക എന്ന ലക്ഷ്യത്തോടെയാണ് പച്ചക്കറി കൃഷി ആരംഭിച്ചത്. കുളനട കൃഷി ഭവന്റെയും സ്‌കൂള്‍ കാര്‍ഷിക ക്ലബ്ബിന്റെയും സഹായത്തോടെയാണ് കൃഷി നടത്തിയത്. കൃഷിഭവന്‍ ലഭ്യമാമാക്കിയ വിത്തുകളും ജൈവവളവും ജൈവ കീടനാശിനിയുമാണ് ഉപയോഗിച്ചത്. 

മംഗല്‍പ്പാടി സി എച്ച് സിലെ ലാബിലേക്ക് ലാബ് അനുബന്ധ സാമഗ്രികള്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ നാളെ (23) ഉച്ചയ്ക്ക് ഒന്നിനകം സമര്‍പ്പിക്കണം.  കൂടുതല്‍ വിവരങ്ങള്‍ക്ക് 04998 242098.

പി.കരുണാകരന്‍ എം പിയുടെ പ്രദേശിക വികസന ഫണ്ടില്‍ നിന്നും തൃക്കരിപ്പൂര്‍ ഗ്രാമപഞ്ചായത്തിലെ പറയമ്മാനം കോളനി കുടിവെളള പദ്ധതിക്ക് പത്ത് ലക്ഷം രൂപ അനുവദിച്ചു.  പദ്ധതിക്ക് ജില്ലാ കളക്ടര്‍ ഡോ ഡി സജിത് ബാബു ഭരണാനുമതി നല്കി.

 ജില്ലാ പോലീസ് കംപ്ലയന്‍സ് അതോറിറ്റിയുടെ സിറ്റിംഗ് നാളെ (23) രാവിലെ 11 ന് കളക്ടറേറ്റ് മിനി കോണ്‍ഫറന്‍സ് ഹാളില്‍ ചേരും.

ജില്ലാ ആസൂത്രണ സമിതിയുടെ യോഗം ഈ മാസം 24 ന് ഉച്ചയ്ക്ക് രണ്ടിന് ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ ചേരും.

ജില്ലയിലെ കടല്‍, ഉള്‍നാടന്‍ മത്സ്യത്തൊഴിലാളികളുടെ ഈ മാസത്തെ സമ്പാദ്യ സമാശ്വാസ പദ്ധതി തുക  ഈ മാസം 24 മുതല്‍ 31 വരെ ബന്ധപ്പെട്ട കളക്ഷന്‍ സെന്ററില്‍ സ്വീകരിക്കും.  നിശ്ചിത തീയ്യതിക്കകം തന്നെ ഗുണഭോക്താക്കള്‍ തുക ഒടുക്കി അത് പദ്ധതിയുടെ കാര്‍ഡില്‍ രേഖപ്പെടുത്തിക്കണം.  കഴിഞ്ഞ മാസം ഈ പദ്ധതിയില്‍ അംഗമാകാന്‍ സാധിക്കാത്തവര്‍ക്ക് പുതിയതായി ചേരുന്നതിന് ഈ മാസം കൂടി അവസരം നല്‍കും. കൂടുതല്‍ വിവരങ്ങള്‍ക്ക് 0467 2202537 

 ജില്ലാ എംപ്ലോയ്‌മെന്റ് എക്‌സ്‌ചേഞ്ചിനു കീഴിലുള്ള എംപ്ലോയബിലിറ്റി സെന്ററില്‍  ഈ മാസം 25 ന് രാവിലെ 11 ന് ടെലി കോളര്‍, ഫ്രണ്ട്  ഓഫീസ് സ്റ്റാഫ്  തസ്തികളിലേക്ക് അഭിമുഖം നടത്തുന്നു. രണ്ടൊഴിവാണ് ഉള്ളത്. പ്ലസ്ടുവാണ് യോഗ്യത. ശമ്പളം 7000-15000 രൂപയാണ്. താല്‍പര്യമുള്ള ഉദ്യോഗാര്‍ത്ഥികള്‍ അന്നേ ദിവസം  കളക്ടറേറ്റില്‍ സ്ഥിതിചെയ്യുന്ന എംപ്ലോയബിലിറ്റി സെന്ററില്‍ തിരിച്ചറിയല്‍ കാര്‍ഡിന്റെ കോപ്പിയും ഉന്നത വിദ്യാഭ്യാസ സര്‍ട്ടിഫിക്കറ്റിന്റെ കോപ്പിയും സഹിതം 250 രൂപ അടച്ച് വണ്‍ ടൈം രജിസ്റ്റര്‍ ചെയ്ത് അഭിമുഖത്തില്‍ പങ്കെടുക്കണം. കൂടുതല്‍ വിവരങ്ങള്‍ക്ക് :9207155700-04994 297470   
    
       

 ഫിഷറീസ് വകുപ്പില്‍ ജില്ലയില്‍ 'മറൈന്‍ ഡാറ്റാ കളക്ഷനും ജുവൈനല്‍ ഫിഷിംഗ് പഠനവും'  സംബന്ധിച്ച  സര്‍വേയുടെ വിവരണ ശേഖരണത്തിന് ഒരു പാര്‍ട്ട് ടൈം എന്യൂമറേറ്ററെ കരാര്‍ അടിസ്ഥാനത്തില്‍ നിയമിക്കുന്നു. ഫിഷറീസ് സയന്‍സില്‍ ബിരുദമോ, ബിരുദാനന്തര ബിരുദമോ  ഉള്ളവര്‍ ആയിരിക്കണം അപേക്ഷകര്‍. നിലവില്‍ മറൈന്‍ ക്യാച്ച്  അസസ്സ്‌മെന്റ് സര്‍വേയില്‍ ജോലി ചെയ്യുന്നവര്‍ക്കും മുമ്പ് ചെയ്തിരുന്നവര്‍ക്കും മുന്‍ഗണന ലഭിക്കും. പ്രായം 21 നും 36 നും മധ്യേ ആയിരിക്കണം.  യാത്രാബത്ത  ഉള്‍പ്പെടെ  പ്രതിമാസ വേതനം 25,000 രൂപ.