കേരള സംഗീത നാടക അക്കാദമിയും ലക്കിടി കുഞ്ചൻ നമ്പ്യാർ സ്മാരകവും സംയുക്ത മായി തുള്ളൽ ശിൽപ്പ ശാല നടത്തുന്നു. സംസ്ഥാനത്തെ തുള്ളൽ കലാകാര•ാരെ പങ്കെടുപ്പിച്ച് ഫെബ്രുവരി 21 മുതൽ 25 വരെ കലക്കത്ത് ഭവനത്തിൽ നടക്കുന്ന ശിൽപ്പശാലയിൽ 20 നും 35 വയസ്സിനും ഉള്ളിൽ പ്രായമുള്ളവർക്ക് പങ്കെടുക്കാം. താൽപര്യമുള്ളവർ കലാരംഗത്തെ പരിചയം, വ്യക്തിഗത വിവരങ്ങൾ സഹിതം ഫെബ്രുവരി അഞ്ചിന് മുൻപ് സെക്രട്ടറി, കുഞ്ചൻ സ്മാരകം, ലക്കിടി - 679301, പാലക്കാട് എന്ന വിലാസത്തിൽ അപേക്ഷിക്കാം. കൂടുതൽ വിവരങ്ങൾക്ക് 9446530031, 0466-2230551.

പി.എൻ.എക്സ്. 220/19 

കൈത്തറിയെ പഴയകാല പ്രതാപത്തിലേക്ക് തിരിച്ചെത്തിക്കുകയാണ് സംസ്ഥാന സര്‍ക്കാരിന്റെ ലക്ഷ്യമെന്ന് വ്യവസായ മന്ത്രി ഇ പി ജയരാജന്‍. ടെക്‌സ്റ്റൈല്‍-വസ്ത്രനിര്‍മാണ മേഖലകളില്‍ തൊഴിലവസരങ്ങള്‍ സൃഷ്ടിക്കല്‍ എന്ന വിഷയത്തില്‍ സംസ്ഥാന ആസൂത്രണ ബോര്‍ഡും പബ്ലിക് സെക്ടര്‍ റീസ്ട്രക്ച്ചറിംഗ് ആന്റ് ഇന്റേണല്‍ ഓഡിറ്റ് ബോര്‍ഡും (റിയാബ്) ചേര്‍ന്ന് കണ്ണൂര്‍ ദിനേശ് ഓഡിറ്റോറിയത്തില്‍ സംഘടിപ്പിച്ച വിദഗ്ധ ശില്‍പശാല ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. 

ഡിസംബറിൽ സംസ്ഥാനത്ത് പത്തു ലക്ഷത്തോളം പേർ (9,76,232) റേഷൻ പോർട്ടബിലിറ്റി സംവിധാനം ഉപയോഗിച്ചു. ഡിസംബറിൽ റേഷൻ വാങ്ങിയ 81 ലക്ഷം റേഷൻ ഉപഭോക്താക്കളുടെ 13.7 ശതമാനമാണിത്. കേരളത്തിലെ ഏതു റേഷൻ കടയിൽ നിന്നും റേഷൻ വാങ്ങാൻ സൗകര്യമൊരുക്കുന്ന റേഷൻ പോർട്ടബിലിറ്റി സംവിധാനം 2018 ഏപ്രിലിലാണ് നിലവിൽ വന്നത്. ഇതോടെ ഗുണഭോക്താക്കൾക്ക് ഇഷ്ടമുള്ള കടയിൽ നിന്ന് റേഷൻ സാധനങ്ങൾ വാങ്ങാനാവും. ഒക്‌ടോബറിൽ 817084 ഉം നവംബറിൽ 881132 ഉം പേരാണ് റേഷൻ പോർട്ടബിലിറ്റി സംവിധാനം ഉപയോഗിച്ചത്. 

പി.എൻ.എക്സ്. 219/19 

സംസ്ഥാനത്തെ 12 ജില്ലകളിലെ 30 തദ്ദേശസ്വയംഭരണ വാർഡുകളിലെ ഉപതിരഞ്ഞെടുപ്പിനായുള്ള വിജ്ഞാപനം സംസ്ഥാന തിരഞ്ഞെടുപ്പ് കമ്മീഷൻ പുറപ്പെടുവിച്ചു.

തിരുവനന്തപുരം, പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ ജില്ലകളിലെ 22 ഗ്രാമപഞ്ചായത്ത് വാർഡുകളിലും, കൊല്ലം ജില്ലയിൽ ഒന്നും, മലപ്പുറത്തെ രണ്ടും ബ്ലോക്ക് പഞ്ചായത്തുകളിലും ആലപ്പുഴ ജില്ലയിലെ രണ്ടും പാലക്കാട് ജില്ലയിലെ ഒന്നും കണ്ണൂർ ജില്ലയിലെ ഒന്നും നഗരസഭ വാർഡുകളിലും എറണാകുളം കോർപ്പറേഷനിലെ  ഒരു വാർഡിലുമാണ് ഫെബ്രുവരി 14-ന് ഉപതിരഞ്ഞെടുപ്പ്.

 തൊഴില്‍ വകുപ്പിന്റെ ആഭിമുഖ്യത്തില്‍ ഇതര സംസ്ഥാന തൊഴിലാളികള്‍ക്ക്് ഈ മാസം 27 രാവിലെ 10.30 മുതല്‍ വൈളളരിക്കുണ്ട് വ്യാപാര ഭവനില്‍ സൗജന്യ മെഡിക്കല്‍ ക്യാമ്പും ആവാസ് കാര്‍ഡ് വിതരണവും നടക്കും.  ആവാസ് പദ്ധതിയില്‍ അംഗമാകുന്ന തൊഴിലാളികള്‍ക്ക് പ്രതിവര്‍ഷം 15000 രൂപ വരെ സൗജന്യ ചികിത്സയും അപകട മരണത്തിന് 2,00,000 രൂപയും ലഭിക്കും. വെളളരിക്കുണ്ടില്‍ ഇതര സംസ്ഥാന തൊഴിലാളികളെ ഉപയോഗിച്ച് ജോലി ചെയ്യിക്കുന്ന തൊഴിലുടമകള്‍ മുഴുവന്‍ തൊഴിലാളികളെയും ക്യാമ്പില്‍ പങ്കെടുപ്പിക്കണം. ക്യാമ്പില്‍ രോഗ നിര്‍ണ്ണയവും സൗജന്യ മരുന്ന് വിതരണവും നടത്തും.  കൂടുതല്‍ വിവരങ്ങള്‍ക്ക്- 04994 256950.

 ട്രാന്‍സ്‌ജെന്‍ഡറുകളെ സമൂഹത്തിന്റെ മുഖ്യധാരയിലേക്ക് കൊണ്ടുവരുന്നതിന്റെ ഭാഗമായി സി സ്റ്റെഡ് മുഖേന  സംഘടിപ്പിക്കുന്ന നൈപുണ്യവികസന പരിശീലന പരിപാടിയിലേക്ക് അപേക്ഷ ക്ഷണിച്ചു.  ഈ മാസം 25 ന് സി സ്റ്റെഡ് മുഖേന കോഴിക്കോട് മേഖലാ അസിസ്റ്റന്റ് ഡയറക്ടര്‍ സംഘടിപ്പിക്കുന്ന പരിശീലന പരിപാടിയില്‍ പങ്കെടുക്കാന്‍ താല്‍പര്യമുളള ട്രാന്‍സ്‌ജെന്‍ഡറുകള്‍ അപേക്ഷ നാളെ(23 )വൈകുന്നേരം അഞ്ചിനകം സമര്‍പ്പിക്കണമെന്ന് ജില്ലാ സാമൂഹ്യനീതി ഓഫീസര്‍ അറിയിച്ചു.  അപേക്ഷാ ഫോം ജില്ലാ സാമൂഹ്യനീതി ഓഫീസില്‍ ലഭിക്കും.

 കേരള പി.എസ്.സി കാറ്റഗറി നമ്പര്‍ 354/2016 പ്രകാരം വനം വകുപ്പിലെ ജില്ലയിലെ  വിവിധ തസ്തികകളിലേക്ക് നടത്തിയ പരീക്ഷയുടെ റാങ്ക് പട്ടിക പ്രസിദ്ധികരിച്ചു.  പട്ടിക ജില്ലാ ഇന്‍ഫര്‍മേഷന്‍ ഓഫീസില്‍ പരിശോധനയ്ക്ക് ലഭ്യമാണ്.

കോഴിക്കോട് നോര്‍ക്ക റൂട്ട്‌സ് സര്‍ട്ടിഫിക്കറ്റ് ഓതന്റിക്കേഷന്‍ സെന്ററില്‍ നടത്തിക്കൊണ്ടിരിക്കുന്ന എച്ച് ആര്‍ ഡി അറ്റസ്റ്റേഷന്‍ പൊതുജന സൗകര്യാര്‍ത്ഥം കണ്ണൂര്‍ ജില്ലാ പഞ്ചായത്ത് മിനി കോണ്‍ഫറന്‍സ്  ഹാളില്‍ നാളെ (23 )രാവിലെ ഒന്‍പതു മുതല്‍ 12.30 വരെ നടത്തും. അറ്റസ്റ്റേഷന് വരുന്നവര്‍ ഓണ്‍ലൈനില്‍ റജിസ്റ്റര്‍ ചെയ്ത,് അതില്‍ നിന്നും എടുത്ത പ്രിന്റഡ് അപേക്ഷയുമായി വരണം. അപേക്ഷയില്‍ ഓഫീസ് കണ്ണൂര്‍ എന്നും  തീയ്യതി 23 എന്നും ആയിരിക്കണം.