സംസ്ഥാന ശാസ്ത്ര സാങ്കേതിക പരിസ്ഥിതി കൗൺസിൽ ഏർപ്പെടുത്തിയ 2017-ലെ കേരള ശാസ്ത്ര സാഹിത്യ പുരസ്‌കാരങ്ങൾ പ്രഖ്യാപിച്ചു. മലയാള സാഹിത്യത്തിലൂടെ ശാസ്ത്രവിഷയങ്ങളെ ജനകീയവത്കരിക്കുന്നതിൽ ഗണ്യമായ സംഭാവനകൾ നൽകിയ വ്യക്തികൾക്കാണ് പുരസ്‌കാരം നൽകുന്നത്.  ജനപ്രിയ ശാസ്ത്ര സാഹിത്യം, ബാല ശാസ്ത്ര സാഹിത്യം,  ഗഹനമായ വൈജ്ഞാനിക ശാസ്ത്ര സാഹിത്യം, ശാസ്ത്ര പത്ര പ്രവർത്തനം, ശാസ്ത്ര ഗ്രന്ഥ വിവർത്തനം (മലയാളം) എന്നീ വിഭാഗങ്ങളിലായി  2017 ൽ പ്രസിദ്ധീകരിച്ച പുസ്തകങ്ങൾക്കാണ് 50,000 രൂപയും ഫലകവും പ്രശസ്തി പത്രവുമടങ്ങുന്ന പുരസ്‌കാരം. 

2018 ജൂലൈ കെ.ജി.റ്റി. (കൊമേഴ്‌സ്) ഗ്രൂപ്പ് പരീക്ഷാഫലം പ്രസിദ്ധീകരിച്ചു. പരീക്ഷാഫലം www.keralapareekshabhavan.in  എന്ന വെബ്‌സൈറ്റിൽ ലഭ്യമാണ്.

പി.എൻ.എക്സ്. 272/19

പൊതുമേഖലാ സ്ഥാപനങ്ങളെ സംബന്ധിച്ച സമിതി(2019-21)യുടെ ചെയർമാനായി സി.ദിവാകരൻ എം.എൽ.എയെ തിരഞ്ഞെടുത്തു.  കെ.ബി.ഗണേഷ് കുമാർ, സി.കൃഷ്ണൻ, തിരുവഞ്ചൂർ രാധാകൃഷ്ണൻ, പി.ടി.എ.റഹീം, എസ്.രാജേന്ദ്രൻ, രാജൂ എബ്രഹാം, സണ്ണി ജോസഫ്, സി.എഫ്.തോമസ്, എം.ഉമ്മർ, പി.ഉണ്ണി എന്നിവർ അംഗങ്ങളാണ.് 

പി.എൻ.എക്സ്. 270/19

റീജിയണൽ കാൻസർ സെന്ററിലെ മെഡിക്കൽ ഡോക്യൂമെന്റേഷൻ ട്രെയിനിംഗ് പ്രോഗ്രാമിലേക്ക് അപേക്ഷകൾ ക്ഷണിച്ചു. ഫെബ്രുവരി ഒൻപതിന് നാല് മണിവരെ അപേക്ഷകൾ സ്വീകരിക്കും. വിശദ വിവരങ്ങൾക്കും അപേക്ഷാ ഫോറത്തിനും www.rcctvm.gov.in, www.rcctvm.org. . 

പി.എൻ.എക്സ്. 268/19

ഗവ. ആയുർവേദ കോളേജ് ബാലചികിത്സാ വിഭാഗത്തിന്റെ നേതൃത്വത്തിൽ കുട്ടികളിലെ ബ്രോങ്കിയൽ ആസ്ത്മയ്ക്കു സൗജന്യ ആയുർവേദ ചികിത്സയും യോഗ പരിശീലനവും നൽകുന്നു. ശ്വാസകോശ വികാസത്തിനുള്ള സ്‌പൈറോമെട്രി പരിശോധന, യോഗാഭ്യാസ പരിശീലനം, മരുന്നുകൾ എന്നിവ ലഭിക്കും. വിവരങ്ങൾക്ക്: 0471-2350938, 9495992148. 

പി.എൻ.എക്സ്. 267/19

തിരുവനന്തപുരം മെഡിക്കൽ കോളേജിൽ പീഡിയാട്രിക് കാർഡിയോളജി, എമർജൻസി മെഡിസിൻ വിഭാഗങ്ങളിൽ അസിസ്റ്റന്റ് പ്രൊഫസറെ കരാറടിസ്ഥാനത്തിൽ വാക്ക്-ഇൻ-ഇന്റർവ്യൂ നടത്തി നിയമിക്കുന്നു.  ആറു മാസത്തേക്കാണ് നിയമനം. ഡിഎം/ഡിഎൻബി കാർഡിയോളജി അല്ലെങ്കിൽ എംഡി/ഡിഎൻബി (പീഡിയാട്രിക്‌സ്) & പീഡിയാട്രിക് കാർഡിയോളജി ഫെല്ലോഷിപ്പ് അല്ലെങ്കിൽ ഡിഎം/ഡിഎൻബി (പീഡിയാട്രിക്‌സ്) ആണ് പീഡിയാട്രിക് കാർഡിയോളജി അസിസ്റ്റന്റ് പ്രൊഫസർക്ക് വേണ്ട യോഗ്യത. 

സംസ്ഥാനത്തെ തോട്ടണ്ടി ഉത്പാദനം വർദ്ധിപ്പിക്കുന്നതിന് കേന്ദ്ര കാർഷിക ഗവേഷണ കൗൺസിൽ വികസിപ്പിച്ച എച്ച്-130 ഇനത്തിലെ മൂന്ന് ലക്ഷം ഹൈബ്രിഡ് കശുമാവിൻ തൈകൾ കർഷകർക്ക് വിതരണം ചെയ്യുമെന്ന് ഫിഷറീസ്-ഹാർബർ എൻജിനീയറിംഗ്-കശുവണ്ടി വ്യവസായ വകുപ്പ് മന്ത്രി ജെ. മേഴ്‌സിക്കുട്ടി അമ്മ അറിയിച്ചു.

കേന്ദ്ര കാർഷിക ഗവേഷണ കൗൺസിലിന്റെ നേതൃത്വത്തിൽ ദക്ഷിണ കന്നട ജില്ലയിലെ പുത്തൂരിൽ നടന്ന കശുമാവ് ഉത്സവം ഉദ്ഘാടനം ചെയ്യുകയായിരുന്നു മന്ത്രി.