ജില്ലയിൽ ഓഗസ്റ്റ് 12   രാവിലെ എട്ടുമുതൽ ഇന്ന് (ഓഗസ്റ്റ് 13) രാവിലെ എട്ടു വരെ ലഭിച്ചത് 4.48 മില്ലിമീറ്റർ മഴ. ജില്ലയിലെ ആറു  താലൂക്കുകളിലായി ലഭിച്ച ശരാശരി മഴയാണിത്. 

ഒറ്റപ്പാലം താലൂക്കിൽ 8.4 ആലത്തൂർ 8.2, പട്ടാമ്പി 4.3, മണ്ണാർക്കാട്, ചിറ്റൂർ,  പാലക്കാട് താലൂക്കുകളിൽ 2 മില്ലി മീറ്റർ വീതം മഴയാണ് ലഭിച്ചത്.
 

73-മത് സ്വാതന്ത്ര്യ ദിനാഘോഷത്തോടനുബന്ധിച്ച് ഓഗസ്റ്റ് 15 ന് രാവിലെ ഒമ്പതിന് പാലക്കാട് കോട്ടമൈതാനത്ത് ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി പതാക ഉയര്‍ത്തി സല്യൂട്ട് സ്വീകരിക്കും. പൂര്‍ണമായും കേന്ദ്ര-സംസ്ഥാന സര്‍ക്കാരുകള്‍ നിര്‍ദേശിച്ച കോവിഡ് മാനദണ്ഡങ്ങള്‍ പാലിച്ച്് ഒത്തുച്ചേരല്‍ ഒഴിവാക്കിയാണ് ദിനാചരണം നടത്തുക. ഇതുമായി ബന്ധപ്പെട്ട് ജില്ലാ കലക്ടര്‍ ഡി.ബാലമുരളിയുടെ അധ്യക്ഷതയില്‍ കലക്ടറേറ്റ് കോണ്‍ഫറന്‍സ് ഹാളില്‍ അവലോകന യോഗം ചേര്‍ന്നു.

കാര്‍ഷിക വികസന കര്‍ഷകക്ഷേമ വകുപ്പില്‍ അഗ്രികള്‍ച്ചറല്‍ അസിസ്റ്റന്റ് ഗ്രേഡ് - 2 (കാറ്റഗറി നമ്പര്‍ 444/16) തസ്തികയുടെ 2020 ഫെബ്രുവരി 24 ന് നിലവില്‍ വന്ന സാധ്യതാ പട്ടികയിലുള്‍പ്പെട്ട ജില്ലയിലെ ഉദ്യോഗാര്‍ത്ഥികള്‍ക്ക് ഓഗസ്റ്റ് 18 മുതല്‍ വണ്‍ടെം വെരിഫിക്കേഷന്‍ നടക്കും. ഉദ്യോഗാര്‍ത്ഥികള്‍ക്ക് മെസേജ് മുഖേന ലഭിച്ച തീയതികളില്‍ ജില്ലാ പി.എസ്.സി. ഓഫീസില്‍ നേരിട്ട് ഹാജരാകണമെന്ന് ജില്ലാ പി.എസ്.സി. ഓഫീസര്‍ അറിയിച്ചു.

കോവിഡ് 19 ന്റെ പശ്ചാത്തലത്തില്‍ പുറത്തിറങ്ങാനാവാതെ പ്രയാസപ്പെടുന്ന 10 വയസ്സില്‍ താഴെയുള്ള കുട്ടികളുടെ മാനസിക സമ്മര്‍ദ്ദം കുറയ്ക്കാനായി ജില്ലാ ശിശു സംരക്ഷണ യൂണിറ്റിന്റെ നേതൃത്വത്തില്‍ കൗണ്‍സിലിംഗുള്‍പ്പെടെയുള്ള പ്രവര്‍ത്തനങ്ങള്‍ നടന്നു വരുന്നതായി ജില്ലാ ശിശു സംരക്ഷണ ഓഫീസര്‍ അറിയിച്ചു.

ശിശുസംരക്ഷണ കേന്ദ്രങ്ങളില്‍ ഓണ്‍കോള്‍ കൗണ്‍സിലര്‍ സേവനം