2018-19 സാമ്പത്തിക വര്‍ഷം അടിമാലി ട്രൈബല്‍ ഡെവലപ്‌മെന്റ് ഓഫീസിന്റെ കീഴിലുള്ള വിവിധ കമ്മ്യൂണിറ്റി ഹാളുകളിലേക്ക് പ്ലാസ്റ്റിക് കസേരകള്‍ ( ആംലെസ്സ്) വിതരണം ചെയ്യുന്നതിന് താല്‍പര്യമുള്ള സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു.  താല്‍പര്യമുള്ളവര്‍ ഫെബ്രുവരി 10ന് രണ്ട് മണിക്ക് മുമ്പായി മുദ്രവച്ച കവറില്‍ ടെണ്ടറുകള്‍ ഇ.എം.ഡി, 200 രൂപയുടെ മുദ്രപത്രവും സഹിതം ഓഫീസില്‍ ഹാജരാക്കണം. അന്നേ ദിവസം മൂന്ന് മണിക്ക് ടെണ്ടര്‍ സമര്‍പ്പിച്ചവരുടെ സാന്നിധ്യത്തില്‍ ടെണ്ടറുകള്‍ തുറക്കും .

ജില്ലാ സ്‌പോര്‍ട്‌സ് കൗണ്‍സിലിലേക്കുള്ള തിരഞ്ഞെടുപ്പിന് ഫെബ്രുവരി രണ്ട് (ശനിയാഴ്ച) കലക്ടറേറ്റ് കോണ്‍ഫറന്‍സ് ഹാളില്‍ നടത്താനിരുന്ന യോഗം ഇനിയൊരു അറിയിപ്പ് ഉണ്ടാകുന്നതുവരെ നിര്‍ത്തിവച്ചതായി റിട്ടേണിംഗ് ഓഫീസറായ അസി. രജിസ്ട്രാര്‍ (എസ്.സി) അറിയിച്ചു. തിരഞ്ഞെടുപ്പുമായി ബന്ധപ്പെട്ട പെറ്റീഷനില്‍  ഹൈക്കോടതി  സ്റ്റേ പുറപ്പെടുവിച്ച സാഹചര്യത്തിലാണ് നടപടികള്‍ നിര്‍ത്തിവച്ചത്. 

പ്ലസ് ടു, ഐ.ടി.ഐ ഡിപ്ലോമ, നഴ്‌സിംഗ് കോഴ്‌സുകള്‍ പാസായ 18നും 35നും ഇടയില്‍ പ്രായമുള്ള പട്ടികജാതി വിഭാഗത്തില്‍പ്പെട്ട തൊഴില്‍ രഹിതരായ യുവതീ യുവാക്കള്‍ക്ക് തൊഴില്‍ പരിശീലന ബോധവല്‍ക്കരണ ശില്‍പശാല ഫെബ്രുവരി രണ്ടിന് രാവിലെ 10 മുതല്‍ ഉച്ചക്ക് രണ്ട് വരെ തൊടുപുഴ ലയണ്‍സ് ക്ലബ് ഹാളില്‍ പട്ടികജാതി വികസന വകുപ്പിന്റെ ആഭിമുഖ്യത്തില്‍ നടത്തും. ആദ്യം രജിസ്റ്റര്‍ ചെയ്യുന്ന 150  വിദ്യാര്‍ത്ഥികള്‍ക്കാണ് അവസരം. യാത്രാചിലവും ഭക്ഷണവും വകുപ്പ് ലഭ്യമാക്കും. വിവരങ്ങള്‍ക്ക് പട്ടികജാതി വികസന ഓഫീസുമായി ബന്ധപ്പെടാം. ഫോണ്‍ 04862 252003.

കട്ടപ്പന ഗവണ്‍മെന്റ് ഐ.ടി.ഐയില്‍ ടര്‍ണര്‍, ഇലക്ട്രീഷ്യന്‍ ട്രേഡുകളില്‍ ഗസ്റ്റ് ഇന്‍സ്ട്രക്ടര്‍മാരുടെ ഒഴിവുള്ളതായി പ്രിന്‍സിപ്പാള്‍ അറിയിച്ചു. നിശ്ചിത യോഗ്യതയുള്ള ഉദ്യോഗാര്‍ത്ഥികള്‍ ഫെബ്രുവരി ആറിന് രാവിലെ 11 മണിക്ക് കട്ടപ്പന ഗവ.ഐ.ടി.ഐ പ്രിന്‍സിപ്പാള്‍ മുമ്പാകെ എല്ലാ അസ്സല്‍ സര്‍ട്ടിഫിക്കറ്റുകളും അവയുടെ പകര്‍പ്പുകളുമായി ഇന്റര്‍വ്യൂവിന് ഹാജരാകണം. കൂടുതല്‍ വിവരങ്ങള്‍ക്ക് 04868 272216 എന്ന നമ്പരില്‍ ബന്ധപ്പെടാം.