തിരൂര്‍ താലൂക്കില്‍ ഓഗസ്റ്റ് 22ന് രാവിലെ 10ന് നടത്താന്‍ നിശ്ചയിച്ചിരുന്ന ജില്ലാ കലക്ടറുടെ പൊതുജന പരാതി പരിഹാര അദാലത്ത് അന്നേ ദിവസം പൊതു അവധിയായതിനാല്‍ ഓഗസ്റ്റ് 21 ലേക്ക് മാറ്റിയതായി ജില്ലാ കലക്ടര്‍ അറിയിച്ചു.   

    നിലമ്പൂര്‍ താലൂക്കില്‍  എ.എ.വൈ കാര്‍ഡുടമകള്‍ക്ക് സംസ്ഥാന സര്‍ക്കാരിന്റെ ഓണക്കിറ്റ് ഇന്നലെ(ഓഗസ്റ്റ് 13) മുതല്‍ വിതരണം ചെയ്യാന്‍ തുടങ്ങിയിട്ടുണ്ട്. ജൂലൈ മാസം റേഷന്‍ കൈപ്പറ്റിയ റേഷന്‍ കടകളില്‍ നിന്നു തന്നെ കിറ്റ് കൈപ്പറ്റാമെന്ന് താലൂക്ക് സപ്ലൈ ഓഫീസര്‍ അറിയിച്ചു.
 

    കോട്ടക്കല്‍ മണ്ഡലത്തിലെ പൊ•ള പഞ്ചായത്തില്‍ കോണ്‍ക്രീറ്റ് ചെയ്ത് നവീകരിച്ച തലകാപ്പ് മദ്രസ റോഡിന്റെ ഉദ്ഘാടനം പ്രൊഫ.ആബിദ് ഹുസൈന്‍ തങ്ങള്‍ എം.എല്‍.എ നിര്‍വഹിച്ചു. എം.എല്‍.എയുടെ ആസ്തി വികസന ഫണ്ടില്‍ നിന്നും അനുവദിച്ച  10 ലക്ഷം രൂപ ഉപയോഗിച്ചാണ് റോഡ് കോണ്‍ക്രീറ്റ് ചെയ്തത്.
പഞ്ചായത്ത് പ്രസിഡന്റ് കെ. മൊയ്തീന്‍ അധ്യക്ഷനായി. മലപ്പുറം ബ്ലോക്ക് പഞ്ചായത്ത് വൈസ് പ്രസിഡന്റ് വി.എ റഹ്മാന്‍, വാര്‍ഡ് മെമ്പര്‍ മൈമൂന കടക്കാടന്‍ തുടങ്ങി വിവിധ ജനപ്രതിനിധികള്‍ പങ്കെടുത്തു. 
 

    പി.എം. കിസാന്‍ സമ്മാന്‍ പദ്ധതിയില്‍ വേങ്ങരയില്‍ നിന്ന് 8252 കര്‍ഷകര്‍ അര്‍ഹരായി. വേങ്ങര ബ്ലോക്കിലെ ഏഴു ഗ്രാമപഞ്ചായത്തുകളിലെ ചെറുകിട കര്‍ഷകരാണ് 2020-2021 വര്‍ഷത്തെ പി.എം കിസാന്‍ സമ്മാന്‍ പദ്ധതിയില്‍ അര്‍ഹത നേടിയത്.  കിസാന്‍ സമ്മാന്‍ പദ്ധതി പോര്‍ട്ടലില്‍ രജിസ്റ്റര്‍ ചെയ്ത കര്‍ഷകര്‍ക്ക് ആദ്യ ഗഡുവായ 2,000 രൂപയാണ് ഇപ്പോള്‍ ലഭിക്കുന്നത്. മൂന്ന്  ഗഡുക്കളായി 6,000 രൂപയാണ് പി.എം കിസാന്‍ സമ്മാന്‍ പദ്ധതിയിലൂടെ കര്‍ഷകര്‍ക്ക് ലഭിക്കുക. കോവിഡ് 19ന്റ പശ്ചാത്തലത്തില്‍ അടുത്ത ഗഡുവായ 2,000 രൂപ  പോസ്റ്റ് ഓഫീസ് വഴി കര്‍ഷകരില്‍ നേരിട്ടെത്തിക്കും. 
 

    കാര്‍ഷിക വികസന കര്‍ഷക ക്ഷേമ വകുപ്പില്‍ അഗ്രിക്കള്‍ച്ചറല്‍ അസിസ്റ്റന്റ് ഗ്രേഡ് 2 (കാറ്റഗറി നമ്പര്‍ 444/2016) തസ്തികയുടെ 2020 ഫെബ്രുവരി 24ന് നിലവില്‍ വന്ന സാധ്യതാ പട്ടികയില്‍ ഉള്‍പ്പെട്ട ജില്ലയിലെ ഉദ്യോഗാര്‍ഥികളുടെ സര്‍ട്ടിഫിക്കറ്റ് പരിശോധന ഓഗസ്റ്റ് 17 മുതല്‍  ജില്ലാ പി.എസ്.സി ഓഫീസില്‍ നടത്തും. ഉദ്യോഗാര്‍ഥികള്‍ക്ക് എസ്.എം.എസ്/പ്രൊഫൈല്‍ മെസ്സേജ് മുഖനേ അറിയിപ്പ് നല്‍കിയിട്ടുണ്ട്. ഉദ്യോഗാര്‍ഥികള്‍ നിര്‍ദേശിക്കപ്പെട്ട ദിവസങ്ങളിലും സമയത്തും അസ്സല്‍ രേഖകളുമായി നേരിട്ട് ഹാജരാക്കണമെന്ന് പി.എസ്.സി ജില്ലാ ഓഫീസര്‍ അറിയിച്ചു. 
 

മിനി സിവില്‍ സ്റ്റേഷന്‍ മാതൃകയില്‍ കാളികാവ് ബ്ലോക്ക് പഞ്ചായത്ത് ഓഫീസ് പുതിയ കെട്ടിടത്തില്‍ പ്രവര്‍ത്തനം തുടങ്ങി

    നിലമ്പൂര്‍ താലൂക്കിലെ പോത്തുകല്ലില്‍ നിര്‍മാണം പൂര്‍ത്തിയാക്കിയ 33 കെവി സബ്‌സ്റ്റേഷന്റെ ഉദ്ഘാടനം ഓഗസ്റ്റ് 17ന് വൈകീട്ട് മൂന്നിന് മുഖ്യമന്ത്രി പിണറായി വിജയന്‍  വീഡിയോ കോണ്‍ഫറന്‍സിങിലൂടെ നിര്‍വഹിക്കും. വൈദ്യുതി വകുപ്പ് മന്ത്രി എം.എം മണി അധ്യക്ഷനാവും. പി.വി അന്‍വര്‍ എം.എല്‍.എ മുഖ്യാതിഥിയാവും.