മൈലപ്ര ഗ്രാമപഞ്ചായത്തിലെ 2019-20 സാമ്പത്തിക വര്‍ഷത്തെ പദ്ധതി നിര്‍വ്വഹണവുമായി ബന്ധപ്പെട്ട് വ്യക്തിഗത ഗുണഭോക്താക്കളെ തെരഞ്ഞെടുക്കുന്നതിനുള്ള അപേക്ഷ ഫോറം  വിതരണം തുടങ്ങി. അപേക്ഷ സ്വീകരിക്കുന്ന അവസാന തീയതി ഈ മാസം 31. 

             പന്തളം തെക്കേക്കര ഗ്രാമപഞ്ചായത്ത് വാര്‍ഷികപദ്ധതില്‍ ഉള്‍പ്പെടുത്തിയിട്ടുള്ള  പദ്ധതികള്‍ക്ക് വ്യക്തിഗത ഗുണഭോക്താക്കളെ തെരഞ്ഞെടുക്കുന്നതിനുള്ള അപേക്ഷ ഈ മാസം 27 വരെ എല്ലാ അങ്കണവാടികളിലും സ്വീകരിക്കുമെന്ന് സെക്രട്ടറി അറിയിച്ചു.

*ബഡ്ജറ്റ് 31ന്

പതിനാലാം കേരള നിയമസഭയുടെ പതിനാലാം സമ്മേളനം ഇന്ന് (ജനുവരി 25) ഗവർണർ പി.സദാശിവത്തിന്റെ നയപ്രഖ്യാപനത്തോടെ ആരംഭിക്കും. 2019-20 വർഷത്തെ ബഡ്ജറ്റ് ജനുവരി 31 ന് അവതരിപ്പിക്കുമെന്നും നിയമസഭാസ്പീക്കർ പി. ശ്രീരാമകൃഷ്ണൻ വാർത്താസമ്മേളനത്തിൽ അറിയിച്ചു. ആകെ ഒൻപത് ദിവസമാണ് സഭ ചേരുന്നത്. നയപ്രഖ്യാപനത്തിനും ബഡ്ജറ്റ് അവതരണത്തിനും ഓരോ ദിവസവും നന്ദിപ്രമേയചർച്ചയ്ക്കും ബഡ്ജറ്റിൻമേലുള്ള പൊതുചർച്ചയ്ക്കും മൂന്ന് ദിവസം വീതവും നീക്കിവെച്ചിട്ടുണ്ട്. നിശ്ചയിച്ചിട്ടുള്ള നടപടികൾ പൂർത്തിയാക്കി സമ്മേളനം ഫെബ്രുവരി ഏഴിന് സമാപിക്കും.

   കേരള ഖാദി ഗ്രാമ വ്യവസായ ബോര്‍ഡിന്റെ സി.ബി.സി.എസ്. വായ്പ പദ്ധതി പ്രകാരം വായ്പ എടുത്ത്  വ്യവസായം ആരംഭിക്കുകയും വായ്പ തിരിച്ചടവ് കുടിശ്ശിക ആവുകയും ചെയ്ത അര്‍ഹരായ ഗുണഭോക്താക്കള്‍ക്ക് മഹാത്മജിയുടെ 150-ാം ജ•വാര്‍ഷികം പ്രമാണിച്ച് പിഴപ്പലിശ ഇളവ് ചെയ്ത്, വായ്പ ഒറ്റത്തവണയായി അടച്ചുതീര്‍ക്കാന്‍ അവസരം നല്‍കുന്നു.

    യുവമാധ്യമ രംഗത്തെ നവമുകുളങ്ങള്‍ക്കായി വൈക്കം സെന്റ് സേവ്യേഴ്‌സ് കോളേജ് ആഡിറ്റോറിയത്തില്‍ ജില്ലാതല മാധ്യമ ശില്പശാല സംഘടിപ്പിച്ചു. മലയാള മനോരമ വീക്കിലി എഡിറ്റര്‍ കെ. എ ഫ്രാന്‍സിസ് ഉദ്ഘാടനം ചെയ്തു. സെന്റ് സേവ്യേഴ്‌സ് കോളേജി പ്രിന്‍സിപ്പാല്‍ ഡോ. രാജ്‌മോന്‍ ടി മാവുങ്കല്‍ അദ്ധ്യക്ഷത വഹിച്ചു. യുവജനക്ഷേമ ബോര്‍ഡ് അംഗം സന്തോഷ് കാലാ ആമുഖം പ്രസംഗം നടത്തി. എസ്. ജി പ്രവീണ്‍കുമാര്‍ പദ്ധതി വിശദീകരിച്ചു. ജില്ലാ പഞ്ചായത്തംഗം കെ.

മലപ്പുറം മണ്ഡലത്തില്‍ നടപ്പാക്കുന്ന വികസന പദ്ധതികള്‍ സമയബന്ധിതമായി പൂര്‍ത്തിയാക്കണമെന്ന് പി ഉബൈദുള്ള എംഎല്‍എ. സര്‍ക്കാര്‍ നടപ്പാക്കുന്ന  വിവിധ പദ്ധതികളുടെയും പ്രവൃത്തികളുടേയും അവലോകന യോഗത്തില്‍ സംസാരിക്കുകയായിരുന്നു അദ്ദേഹം. പ്രളയക്കെടുതി മൂലമുള്ള നാശനഷ്ടങ്ങള്‍ക്ക് 78 കോടിയുടെ പദ്ധതികള്‍ നിര്‍ദേശം നല്‍കിയിട്ടുണ്ടെന്ന് എംഎല്‍എ അറിയിച്ചു. ഇതില്‍ 3.65 കോടി രൂപയുടെ പ്രവൃത്തി റിവര്‍ മാനേജ്മെന്റ് ഫണ്ടില്‍ ഉള്‍പ്പെടുത്തിയാണ് ചെയ്യുന്നത്. കോഡൂര്‍ മങ്ങാട്ടുപുലം ജുമാമസ്ജിദിന് സമീപം കടലുണ്ടിപ്പുഴയുടെ കരയിടിഞ്ഞ ഭാഗത്ത് സംരക്ഷണഭിത്തി നിര്‍മിക്കാന്‍ 35 ലക്ഷം അനുവദിച്ചതായും എംഎല്‍എ അറിയിച്ചു.