റേഷന്‍ കടകള്‍ക്ക് ഞായറാഴ്ച (ആഗസ്റ്റ് 16) പ്രവൃത്തി ദിവസമായതിനാല്‍ ജില്ലയിലെ എല്ലാ റേഷന്‍ കടകളേയും ലോക്ക്ഡൗണില്‍ നിന്നും ഒഴിവാക്കിയതായി ജില്ലാ കലക്ടര്‍ അറിയിച്ചു.

കാക്കൂര്‍ ഗ്രാമപഞ്ചായത്തിലെ മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ആട്ടിന്‍കൂട്, പശുതൊഴുത്ത്, കോഴിക്കൂട്, കിണര്‍, കമ്പോസ്റ്റ് കുഴി, അസോളടാങ്ക്, കുളം നിര്‍മ്മാണം, കിണര്‍ പുനര്‍ജ്ജീവനം എന്നിവക്ക് സഹായം അനുവദിക്കുന്നതിന് അപേക്ഷ ക്ഷണിച്ചു. കാക്കൂര്‍ ഗ്രാമപഞ്ചായത്ത് ഓഫീസിലെ തൊഴിലുറപ്പ് പദ്ധതി ഓഫീസുമായോ വില്ലേജ് എക്സറ്റന്‍ഷന്‍ ഓഫീസുമായോ ബന്ധപ്പെടുക. ഫോണ്‍ 0495 2260232. 

   സംസ്ഥാന സര്‍ക്കാര്‍ ആവിഷ്‌കരിച്ച സുഭിക്ഷ കേരളം പദ്ധതിയുടെ ഭാഗമായി ഉല്‍പാദിപ്പിക്കുന്ന കര്‍ഷകരുടെ പച്ചക്കറികള്‍ക്ക്  വിപണി കണ്ടെത്താന്‍ ഹോര്‍ട്ടികോര്‍പ്പ് ജില്ലയില്‍ പുതുതായി 5 സ്റ്റാളുകള്‍ ഓണത്തിനു മുമ്പായി തുറക്കുമെന്ന് കൃഷി അസിസ്റ്റന്റ് ഡയറക്ടര്‍ അറിയിച്ചു.

കര്‍ഷകരുടെ ഉല്‍പ്പന്നങ്ങള്‍ക്ക് ന്യായവില ലഭ്യമാക്കുന്നതോടൊപ്പം ഉപഭോക്താക്കള്‍ക്ക് മിതമായ വിലയില്‍ പച്ചക്കറി ലഭ്യമാക്കുക എന്നതാണ് സര്‍ക്കാര്‍ ലക്ഷ്യമിടുന്നത്.

കോവിഡ് 19 മായി ബന്ധപ്പെട്ട് ആശ്വാസ പ്രവര്‍ത്തനങ്ങളുടെ ഭാഗമായി സര്‍ക്കാര്‍ വിതരണം ചെയ്യുന്ന സൗജന്യ ഓണകിറ്റ് വിതരണം ജില്ലയില്‍ തുടങ്ങി. എ.എ.വൈ കാര്‍ഡുടമകള്‍ക്കാണ് ആദ്യഘട്ടത്തില്‍ കിറ്റുകള്‍ വിതരണം ചെയ്യുന്നത്. ജില്ലയിലെ ആകെയുള്ള 38,849 എ.എ.വൈ (മഞ്ഞ) കാര്‍ഡുടമകളില്‍ 11,472 പേര്‍ വ്യാഴാഴ്ച കിറ്റുകള്‍ കൈപ്പറ്റി. വെള്ളി (ആഗസ്റ്റ് 14), ഞായര്‍ (ആഗസ്റ്റ് 16) ദിവസങ്ങളിലും എ.എ.വൈ.കാര്‍ഡുടമകള്‍ക്കുള്ള കിറ്റ് വിതരണം തുടരും. റേഷന്‍കടകള്‍ വഴിയാണ് കിറ്റുകള്‍ വിതരണം ചെയ്യുന്നത്.

കോഴിക്കോട് എഫ്.എല്‍.ടി.സി, മെഡിക്കല്‍ കോളേജ്, എന്‍.ഐ.ടി. എഫ്.എല്‍.ടി.സികളില്‍ ചികിത്സയിലായിരുന്ന 12 പേര്‍ രോഗമുക്തി നേടി. കൊടുവള്ളിയില്‍ എട്ടുപേരും കടലുണ്ടി, രാമനാട്ടുകര, വടകര, കൊയിലാണ്ടി എന്നിവിടങ്ങളില്‍ ഓരോത്തരുമാണ് രോഗം ഭേദമായി ആശുപത്രി വിട്ടത്. 

സമ്പര്‍ക്കം വഴി 80 പേര്‍ക്ക്

ക്ഷീര വികസന വകുപ്പിന്റെ ആഭിമുഖ്യത്തില്‍ കോവിഡ് 19 പശ്ചാത്തലത്തില്‍ ക്ഷീര കര്‍ഷകര്‍ക്ക്  സബ്സിഡി നിരക്കില്‍ കാലിത്തീറ്റ നല്‍കുന്നതിന്റെ ജില്ലാതല വിതരണോദ്ഘാടനം ഓഗസ്റ്റ് 17 ന് (ചിങ്ങം 1) ഉച്ചയ്ക്ക് 12 ന് ചിറ്റൂര്‍ ബ്ളോക്കിലെ വിളയോടി ക്ഷീര സംഘത്തില്‍ ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി നിര്‍വഹിക്കും. 300 ല്‍പ്പരം  ക്ഷീര സഹകരണ സംഘങ്ങളിലും അതത് സംഘം ഭരണസമിതിയുടെ നേത്യത്വത്തില്‍ കാലിത്തീറ്റ വിതരണോദ്ഘാടനം നടത്തും. കോവിഡ് മാനദണ്ഡങ്ങള്‍ പാലിച്ചാണ്   ഉദ്ഘാടന പരിപാടികള്‍ നടത്തുന്നത്.