പ്ലസ് വൺ ഏകജാലക പ്രവേശന നടപടികൾ ആഗസ്റ്റ് 20 വരെ നീട്ടി. അപേക്ഷ സമർപ്പിക്കുന്നതിനുള്ള അവസാന തീയതി ആഗസ്റ്റ് 14 ആയിരുന്നു.

തൃശൂർ കോർപ്പറേഷൻ സമ്പൂർണ കുടിവെള്ള പദ്ധതിയുടെ ഭാഗമായി നിലവിൽ വാട്ടർ കണക്ഷൻ ഇല്ലാത്ത എല്ലാ വീടുകളിലും വാട്ടർ കണക്ഷൻ നൽകുന്നതിന് അപേക്ഷ നൽകേണ്ട അവസാന തീയതി ആഗസ്റ്റ് 20ലേക്ക് നീട്ടി.
 

മത്സ്യത്തൊഴിലാളികളുടെ മക്കൾക്ക് ഒരു വർഷത്തെ മെഡിക്കൽ പ്രവേശനപരീക്ഷ പരിശീലനത്തിന് ഫിഷറീസ് വകുപ്പ് ധനസഹായം നൽകുന്നു. അപേക്ഷാഫോറവും വിശദവിവരങ്ങളും ജില്ലാ ഫിഷറീസ് ഓഫീസുകളിൽ ലഭ്യമാണ്. പൂരിപ്പിച്ച അപേക്ഷ ആഗസ്റ്റ് 17 നകം ജില്ലാ ഫിഷറീസ് ഓഫീസിൽ നൽകണം. ഫോൺ: 0487-2441132, 9496007030.

കോവിഡ് വ്യാപനം പ്രതിരോധിക്കുന്നതിനായി സ്ഥാപിക്കുന്ന ഫസ്റ്റ് ലൈൻ ട്രീറ്റ്‌മെന്റ് സെന്ററുകളുടെ നടത്തിപ്പിന് പൊതുജനങ്ങൾക്കും സംഭാവന നൽകാം. നിലവിലുളള സർക്കാർ ആശുപത്രികളുടെ പ്രവർത്തനത്തെ ബാധിക്കാത്ത തരത്തിൽ കോവിഡ് ചികിത്സ ഉറപ്പുവരുത്തുന്ന കേന്ദ്രങ്ങളാണ് ഫസ്റ്റ് ലൈൻ ട്രീറ്റ്‌മെന്റ് സെന്ററുകൾ. പൊതുജനങ്ങളുടെ സ്ഥാപനങ്ങളുടെയും സംഭാവന ജില്ലാ കളക്ടറുടെ പ്രത്യേക അക്കൗണ്ടിലേക്ക് അയ്ക്കാവുന്നതാണ്. അക്കൗണ്ട്: ദ ഡിസ്ട്രിക്റ്റ് കളക്ടർ തൃശൂർ സിഎഫ്എൽടിസി, അക്കൗണ്ട് നമ്പർ 6757101001639. ഐഎഫ്എസ്‌സി കോഡ്: CNRB0006757. എംഐസിആർ കോഡ്: 680015039, ബ്രാഞ്ച് കോഡ്: 6757, കാനറാ ബാങ്ക്, അയ്യന്തോൾ ബ്രാഞ്ച്, തൃശൂർ.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ഓഗസ്റ്റ് 13) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 21 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 37 പേരെ അറസ്റ്റ് ചെയ്തു. മൂന്നു  വാഹനങ്ങൾ പിടിച്ചെടുത്തു.

 മാസ്ക് ധരിക്കാത്ത 295 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 295 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

ജില്ലയിൽ കോവിഡ്  രോഗ ബാധിതർ വർധിച്ചു വരുന്ന സാഹചര്യത്തിൽ   ഫസ്റ്റ് ലൈൻ ട്രീറ്റ്മെന്റ് സെന്ററുകളായി പ്രവർത്തിക്കുന്നതിന് 131 കെട്ടിടങ്ങൾക്ക്    അംഗീകാരം നൽകിയതായി ജില്ലാ കലക്ടറും ജില്ലാ ദുരന്തനിവാരണ അതോറിറ്റി ചെയർമാനുമായ ഡി.ബാലമുരളി അറിയിച്ചു. നോഡൽ ഓഫീസർമാരായ പഞ്ചായത്ത് ഡെപ്യൂട്ടി ഡയറക്ടറും ജില്ലാ പഞ്ചായത്ത് സെക്രട്ടറിയും കെട്ടിടങ്ങളുടെ അംഗീകാരത്തിനായി അപേക്ഷ സമർപ്പിച്ചതിന്റെ അടിസ്ഥാനത്തിലാണ് തീരുമാനം. കെട്ടിടങ്ങൾ സി. എഫ്.എൽ.ടി.സികളായി പ്രവർത്തിക്കുന്നതിനു വേണ്ട സൗകര്യങ്ങൾ ബന്ധപ്പെട്ട തദ്ദേശ സ്വയംഭരണ സ്ഥാപന സെക്രട്ടറിമാർ  ഒരുക്കണമെന്ന്  ജില്ലാ കളക്ടർ നിർദേശം നൽകി.
 

കോവിഡ് 19 ബാധിതരായി  ജില്ലയില്‍ നിലവില്‍ 860 പേരാണ് ചികിത്സയിലുള്ളത്.  ഇന്ന് (ഓഗസ്റ്റ് 13) ജില്ലയില്‍ 202 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 183 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 35142 സാമ്പിളുകള്‍ പരിശോധനയ്ക്കായി അയച്ചതില്‍ 33670 പരിശോധനാ ഫലങ്ങളാണ് ലഭ്യമായത്. ഇന്ന് 292 പരിശോധനാ ഫലങ്ങളാണ് ലഭിച്ചത്. പുതുതായി 256 സാമ്പിളുകൾ അയച്ചു. 2866 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 1994 പേർ രോഗമുക്തി നേടി. ഇനി 680 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

ജില്ലയിൽ നിലവിൽ 11 ക്യാമ്പുകളിൽ 131 കുടുംബങ്ങളിലെ 380 പേർ തുടരുന്നതായി ജില്ലാ ദുരന്തനിവാരണ അതോറിറ്റി അധികൃതർ അറിയിച്ചു. മണ്ണാർക്കാട് താലൂക്കിൽ ഒമ്പതും ചിറ്റൂരിലും ഒറ്റപ്പാലം താലൂക്കിലും ഒന്ന് വീതം ക്യാമ്പുകളാണ് ഉള്ളത്.  ഇതിൽ 139 സ്ത്രീകളും 123 പുരുഷന്മാരും 118 കുട്ടികളും ഉൾപ്പെടുന്നു.

നാല് ക്യാമ്പുകൾ അടച്ചു

പാലക്കാട് ജില്ലയിൽ ഇന്ന്(ഓഗസ്റ്റ് 13) 202 പേർക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.ഇതിൽ പട്ടാമ്പിയിലും സമീപ പ്രദേശങ്ങളിലുമായി 82 പേർക്ക് രോഗം സ്ഥിരീകരിച്ചതുൾപ്പടെ സമ്പർക്കത്തിലൂടെ രോഗബാധ ഉണ്ടായ 136 പേർ,  ഇതര സംസ്ഥാനങ്ങളിൽ നിന്ന് വന്ന 22 പേർ, വിവിധ രാജ്യങ്ങളിൽ നിന്ന് വന്ന 21 പേർ, ഉറവിടം അറിയാത്ത രോഗബാധ ഉണ്ടായ 23  പേർ ,  എന്നിവർ ഉൾപ്പെടും. 67 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.