ഐ.എച്ച് ആര്‍ഡിയുടെ കീഴില്‍  മാനന്തവാടിയില്‍ പ്രവര്‍ത്തിക്കുന്ന പി.കെ കാളന്‍ മെമ്മോറിയല്‍ കോളേജ് ഓഫ് അപ്ലൈഡ് സയന്‍സില്‍ ഡിഗ്രി കോഴ്‌സുകളിലേക്ക്  ഓണ്‍ലൈന്‍ അഡ്മിഷന്‍ ആരംഭിച്ചു. ബി.എസ്.സി ഇലക്ട്രോണിക്‌സ്, ബി.എസ്.സി കമ്പ്യൂട്ടര്‍ സയന്‍സ്, ബികോം കമ്പ്യൂട്ടര്‍ ആപ്ലിക്കേഷന്‍ എന്നീ കോഴ്‌സുകളിലേക്കാണ് പ്രവേശനം. കൂടുതല്‍ വിവരങ്ങള്‍ക്ക് http//ihrd.kerala.gov.in/cascap എന്ന വെബ്‌സൈറ്റ് സന്ദര്‍ശിക്കുക. ഫോണ്‍  8547005060, 9961288283.
 

ശനിയാഴ്ച്ച റേഷന്‍ കടകള്‍ക്ക് അവധിയായതിനാല്‍ നാളെ (ഓഗസ്റ്റ് 16) റേഷന്‍ കടകള്‍ തുറന്ന് പ്രവര്‍ത്തിക്കുമെന്ന് ജില്ല സപ്ലൈ ഓഫീസര്‍ അറിയിച്ചു.
 

പനമരം ബ്ലോക്ക് പഞ്ചായത്ത് നടപ്പിലാക്കുന്ന സഞ്ചരിക്കുന്ന മൃഗാശുപത്രിയുടെ സേവനം പനമരം ഗ്രാമ പഞ്ചായത്തിലെ ക്ഷീര കര്‍ഷകര്‍ക്ക് ആഗസ്റ്റ് 17 മുതല്‍ 21 വരെ ലഭിക്കും. സേവനം ആവശ്യമുള്ള കര്‍ഷകര്‍ ക്ഷീര സംഘങ്ങള്‍ മുഖേന ഡ്യൂട്ടി ഡോക്ടറുമായി ബന്ധപ്പെടുക. ഫോണ്‍ 9495478744.

എലിപ്പനി പ്രതിരോധ പ്രവര്‍ത്തനങ്ങളുമായി ബന്ധപ്പെട്ട് വ്യാഴാഴ്ച്ച ജില്ലയില്‍ നടത്തിയ ഡോക്‌സി ഡേയില്‍ 19894 ആളുകള്‍ക്ക് എലിപ്പനി പ്രതിരോധ ഗുളികയായ ഡോക്സി സൈക്ലിന്‍ വിതരണം ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. ജില്ലയിലാകെ ഒരുക്കിയ 70 ഡോക്സി കിയോസ്‌കുകള്‍ വഴിയാണ് ഗുളികകള്‍ വിതരണം ചെയ്തത്.  ബോധവല്‍ക്കരണത്തിന്റെ ഭാഗമായി 5489 നോട്ടീസുകളും വിതരണം ചെയ്തു. ജില്ലയിലെ ആരോഗ്യപ്രവര്‍ത്തകര്‍, ആശ പ്രവര്‍ത്തകര്‍, 676 സന്നദ്ധ പ്രവര്‍ത്തകര്‍ എന്നിവര്‍ പങ്കാളികളായി.

വയനാട് ജില്ലയില്‍ ഇന്ന് (15.08.20) 48 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. വിദേശത്തുനിന്നെത്തിയ രണ്ടു പേര്‍, ഇതര സംസ്ഥാനങ്ങളില്‍ നിന്നെത്തിയ അഞ്ചുപേര്‍, സമ്പര്‍ക്കം 39 പേര്‍, ഉറവിടം വ്യക്തമല്ലാത്ത രണ്ടുപേര്‍ എന്നിങ്ങനെയാണ് രോഗം സ്ഥിരീകരിച്ചത്. 20 പേര്‍ രോഗമുക്തി നേടി.

എടവക ഗ്രാമപഞ്ചായത്തിലെ വാര്‍ഡ് 9, 

 തിരുനെല്ലി ഗ്രാമപഞ്ചായത്തിലെ വാര്‍ഡ് 8, 9, 11, 12, 14 എന്നിവ കണ്ടെയ്ന്‍മെന്റ് സോണുകള്‍ ആയി ജില്ലാ കലക്ടര്‍ പ്രഖ്യാപിച്ചു

വയനാട് ജില്ലയില്‍ ഇന്ന് (16.08.20) 49 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. വിദേശത്തുനിന്നെത്തിയ ഒരാള്‍, ഇതര സംസ്ഥാനങ്ങളില്‍ നിന്നെത്തിയ 13 പേര്‍, സമ്പര്‍ക്കം വഴി 35 പേര്‍ (ഇവരില്‍ ഒരാളുടെ ഉറവിടം വ്യക്തമല്ല) എന്നിങ്ങനെയാണ് രോഗം സ്ഥിരീകരിച്ചത്. 61 പേര്‍ ഇന്ന് രോഗമുക്തി നേടി.

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 1131 ആയി. ഇതില്‍ 807 പേര്‍ രോഗമുക്തരായി. ചികിത്സക്കിടെ അഞ്ചു പേര്‍ പേര്‍ മരണപ്പെട്ടു. 319 പേരാണ് ചികിത്സയിലുള്ളത്. 305 പേര്‍ ജില്ലയിലും 14 പേര്‍ ഇതര ജില്ലകളിലും ചികിത്സയില്‍ കഴിയുന്നു.

ലോക വയോജന വാരാചരണത്തിന്റെ ഭാഗമായി ജില്ലാ ഭരണകൂടത്തിന്റെയും നെഹ്‌റു യുവ കേന്ദ്രയുടെയും സംയുക്താഭിമുഖ്യത്തില്‍  റേഡിയോ മാറ്റൊലി 90.4 യുമായി ചേര്‍ന്ന് ആഗസ്റ്റ് 21 വരെ വയോമിത്രം എന്ന പേരില്‍ ലൈവ് ഫോണ്‍ ഇന്‍ പരിപാടി സംഘടിപ്പിക്കുന്നു. ഉച്ചയ്ക്ക് 2 മണി മുതല്‍ 3 മണി വരെ വയോജനങ്ങള്‍ക്ക് 9562482008
നമ്പറിലേക്ക് വിളിച്ച്  ബാല്യകാല അനുഭവങ്ങള്‍, ഓര്‍മ്മകള്‍ പങ്കുവെക്കാം. കുടുംബാംഗങ്ങള്‍ക്ക് തങ്ങളുടെ  കുടുംബത്തിലെ മുതിര്‍ന്നവര്‍ക്ക് വേണ്ടി ഇഷ്ടപ്പെട്ട ചലച്ചിത്രഗാനങ്ങള്‍ ഡെഡിക്കേറ്റ് ചെയ്യാം.