300  കുടുംബങ്ങള്‍ക്ക്  റേഷന്‍ നല്‍കി
ഓണക്കിറ്റ് വൈകാതെ ഊരുകളിലെത്തിക്കും

പോത്തുകല്ല് 33 കെ വി സബ്സ്റ്റേഷന്‍, എളങ്കൂര്‍ 220 കെവി  സബ്സ്റ്റേഷന്‍ എന്നിവയുടെ ഉദ്ഘാടനം ഇന്ന് (ഓഗസ്റ്റ് 17) വൈകീട്ട്  മൂന്നിന്  മുഖ്യമന്ത്രി പിണറായി വിജയന്‍  നാടിന് സമര്‍പ്പിക്കും. വീഡിയോ കോണ്‍ഫറന്‍സിങ്ങിലൂടെ നടക്കുന്ന ചടങ്ങില്‍  വൈദ്യുതി വകുപ്പ് മന്ത്രി എം.എം മണി അധ്യക്ഷനാവും. പോത്തുകല്ല് സബ്‌സ്റ്റേഷന്‍ ഉദ്ഘടന ചടങ്ങില്‍ പി.വി അന്‍വര്‍ എം.എല്‍.എയും എളങ്കൂരില്‍  പി.കെ കുഞ്ഞാലിക്കുട്ടി എം.പിയും  മുഖ്യാതിഥിയാവും.  എളങ്കൂര്‍ സബ്സ്റ്റേഷന്‍ ശിലാഫലകം അഡ്വ. എം ഉമ്മര്‍ എം.എല്‍.എ നിര്‍വഹിക്കും.

കോവിഡ് 19 പ്രതിരോധ പ്രവര്‍ത്തനങ്ങളില്‍ പങ്കാളികളാകുന്നതിനായി ജില്ലയിലെ സ്വകാര്യ ആശുപത്രി അധികൃതരുമായി ജില്ലാ കലക്ടര്‍ ഡോ.അദീല അബ്ദുള്ള ചര്‍ച്ച നടത്തി. പ്രതിരോധ പ്രവര്‍ത്തനങ്ങളില്‍ സ്വകാര്യ ആശുപത്രികളുടെ പങ്കാളിത്വം കൂടി ലഭിക്കുന്നതോടെ ജില്ലയില്‍ നടത്തിക്കൊണ്ടിരിക്കുന്ന ടെസ്റ്റുകളുടെ എണ്ണം വര്‍ദ്ധിപ്പിക്കാന്‍ സാധിക്കുമെന്ന് കലക്ടര്‍ പറഞ്ഞു. ഇത് രോഗബാധയേല്‍ക്കുന്നവരെ കണ്ടെത്തുന്നതിന് സഹായകരമാകും. സര്‍ക്കാര്‍ നിര്‍ദേശിച്ച ടെസ്റ്റിംഗ് ഫീസിലായിരിക്കും സ്വകാര്യ ആശുപത്രികള്‍ പ്രവര്‍ത്തിക്കുക.

മാനന്തവാടി ജില്ലാ ആശുപത്രി പി.പി യൂണിറ്റിന്റെ നേതൃത്വത്തില്‍ വയനാട് ജില്ലാ ബാര്‍ബര്‍ - ബ്യുട്ടിഷ്യന്‍ സമിതി മാനന്തവാടി  ഏരിയ കമ്മിറ്റിയുമായി സഹകരിച്ച് തൊഴിലാളികള്‍ക്കും അവരുടെ കുടുംബാംഗങ്ങള്‍ക്കും എലിപ്പനി രോഗപ്രതിരോധ ഗുളികയായ ടോക്‌സിസൈക്ലിന്‍ വിതരണം ചെയ്തു

കാലവര്‍ഷം ശക്തി കുറഞ്ഞ സാഹചര്യത്തില്‍ സര്‍ക്കാര്‍ ഓഫീസുകള്‍ അവധിദിനങ്ങളിലും തുറന്ന് പ്രവര്‍ത്തിക്കണമെന്ന ഉത്തരവ് പിന്‍വലിച്ചതായി ജില്ലാ കലക്ടര്‍ അറിയിച്ചു.

ജില്ലതല കര്‍ഷക ദിന ഉദ്ഘാടനം ആഗസ്റ്റ് 17 നു  സി.കെ ശശീന്ദ്രന്‍ എം.എല്‍.എ  ഓണ്‍ലൈന്‍ വഴി നിര്‍വ്വഹിക്കും. ജില്ലാ പഞ്ചായത്ത് പ്രസിഡന്റ് കെ.ബി നസീമ അദ്ധ്യക്ഷത വഹിക്കും. നിയോജക മണ്ഡലതലത്തില്‍ എല്ലാ കൃഷി ഭവനുകളിലും സും മീറ്റിംഗ് വഴി എം.എല്‍.എമാര്‍ കര്‍ഷക ദിനം ഉദ്ഘാടനം ചെയ്യും. ബ്ലോക്ക്തലത്തില്‍ കാര്‍ഷിക വിജ്ഞാന കേന്ദ്രങ്ങളുടെ ഉദ്ഘാടനം  കൃഷി അസിസ്റ്റന്റ് ഡയറക്ടര്‍മാരുടെ  കാര്യാലയങ്ങളില്‍  നടക്കും.

വയനാട് ജില്ലയില്‍ ഇന്ന് (14.08.20) 57 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 33 പേര്‍ രോഗമുക്തി നേടി. രോഗം സ്ഥിരീകരിച്ചവരില്‍ 56 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 1034 ആയി. ഇതില്‍ 709  പേര്‍ രോഗമുക്തരായി. മൂന്നു പേര്‍ മരണപ്പെട്ടു. നിലവില്‍ 322 പേരാണ് ചികിത്സയിലുള്ളത്. 306 പേര്‍ ജില്ലയിലും 16 പേര്‍ ഇതര ജില്ലകളിലും ചികിത്സയില്‍ കഴിയുന്നു.

രോഗം സ്ഥിരീകരിച്ചവര്‍ :

കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി പ്രവര്‍ത്തിക്കാന്‍ സന്നദ്ധതയുള്ള വിമുക്തഭടന്‍മാര്‍ ജില്ലാ സൈനികക്ഷേമ ഓഫീസില്‍ പേര് രജിസ്റ്റര്‍ ചെയ്യണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.ഫോണ്‍. 04936 202668.