കേരള കര്‍ഷക തൊഴിലാളി ക്ഷേമനിധി ബോര്‍ഡില്‍ അംഗങ്ങളില്‍ കുടിശികയുള്ളവര്‍ക്ക് ഈ മാസം 28 വരെ അംശദായം അടച്ച് അംഗത്വം പുതുക്കാമെന്ന് ക്ഷേമനിധി ഓഫീസര്‍ അറിയിച്ചു. പ്രതിവര്‍ഷം 10 രൂപ നിരക്കില്‍ പലിശ സഹിതമാണ് അംശദായം അടയ്‌ക്കേണ്ടത്.                              (പിഎന്‍പി 396/19)

ഹരിത കേരളം മിഷന്റെ ഭാഗമായി ജില്ലയില്‍ നടന്നിട്ടുള്ള ജലസംരക്ഷണ പ്രവര്‍ത്തനങ്ങള്‍ പരിചയപ്പെടുത്തുന്നതിനു വേണ്ടി  'ജലമാണ് ജീവന്‍' ജില്ലാതല ശില്‍പ്പശാല സംഘടിപ്പിക്കും. ഇന്ന് രാവിലെ 10 ന് പത്തനംതിട്ട ഗീതാഞ്ജലി ഓഡിറ്റോറിയത്തില്‍ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവിയുടെ അധ്യക്ഷതയില്‍ വീണാജോര്‍ജ് എംഎല്‍എ ശില്‍പ്പശാല ഉദ്ഘാടനം ചെയ്യും. ഹരിത കേരളം മിഷന്‍ ജില്ലാ കോ-ഓര്‍ഡിനേറ്റര്‍ ആര്‍. രാജേഷ് ക്യാമ്പയിന്‍ അവതരണം നടത്തും. 

അടൂര്‍ താലൂക്ക് വികസന സമിതിയോഗം നാലിന് രാവിലെ 10ന് താലൂക്കാഫീസില്‍ ചേരും. ബന്ധപ്പെട്ടവര്‍ പങ്കെടുക്കണമെന്ന് തഹസീല്‍ദാര്‍ അറിയിച്ചു. 

(പിഎന്‍പി 394/19)

ഏനാദിമംഗലം ഗ്രാമപഞ്ചായത്തില്‍ 2018-19 വര്‍ഷത്തെ ബഡ്‌സ് സ്‌കൂള്‍ വൈദ്യുതീകരണം, ഗവണ്‍മെന്റ് എല്‍പിഎസ് കിച്ചണ്‍ ബ്ലോക്ക് വൈദ്യുതീകരണം എന്നിവയ്ക്ക് ടെന്‍ഡര്‍ ക്ഷണിച്ചു. ഫോണ്‍: 04734 246031.                               (പിഎന്‍പി 393/19)

ഓച്ചിറ ക്ഷീരോത്പന്ന പരിശീലന വികസന കേന്ദ്രത്തില്‍ ക്ഷീരകര്‍ഷകര്‍ക്കായി ആറിനും ഏഴിനും പാല്‍ ഉത്പാദനത്തില്‍ പരിശീലനം നല്‍കും. ഫോണ്‍: 0476 2698550.

          (പിഎന്‍പി 392/19)

ഭിന്നശേഷിക്കാര്‍ക്കായി സംസ്ഥാന ദുരന്ത നിവാരണ അതോറിറ്റിയുടെ  ദുരന്ത നിവാരണവും പ്രഥമശുശ്രൂഷയും എന്ന വിഷയത്തിലുള്ള  പരിശീലനം  ഫെബ്രുവരി അഞ്ചു മുതല്‍ എട്ടു വരെ പത്തനംതിട്ടയില്‍ നടക്കും. 

2016ല്‍ പാര്‍ലമെന്റ് പാസാക്കിയ ഭിന്നശേഷിക്കാരുടെ അവകാശ നിയമത്തില്‍ ദുരന്ത നിവാരണത്തില്‍ ഭിന്നശേഷിക്കാരുടെ പങ്ക് വ്യക്തമാക്കിയിട്ടുണ്ട്.  സാമൂഹ്യനീതി വകുപ്പിന്റെ കണക്കു പ്രകാരം കേരളത്തില്‍ 7,93,937 ഭിന്നശേഷിക്കാര്‍ ഉണ്ട്. 2016 ല്‍ തുടങ്ങിയ പദ്ധതിയുടെ കീഴില്‍ എല്ലാ ജില്ലകളിലുമുള്ള ഭിന്നശേഷിക്കാര്‍ക്കായി വിദഗ്ധ പരിശീലനം നല്‍കി വരുകയാണ്. 

പ്രവേശന പരീക്ഷാ കമ്മീഷണറുടെ കാര്യാലയത്തിൽ ജോയിന്റ് കമ്മീഷണർ (അക്കാദമിക്) ആയി സുരേഷ്‌കുമാർ.ആറിനെ നിയമിച്ച് ഉത്തരവായി.

പി.എൻ.എക്സ്. 380/19

സംസ്ഥാന സർക്കാർ നിയന്ത്രണത്തിലുള്ള പൊതുവിദ്യാലയങ്ങളിലെ അദ്ധ്യാപക യോഗ്യതാ പരീക്ഷയായ കെ.ടെറ്റിന്റെ എൽ.പി.(കാറ്റഗറി-1), യു.പി.(കാറ്റഗറി-2) പരീക്ഷകൾ ഇന്ന് (ഫെബ്രുവരി 2) നടക്കും. 87 പരീക്ഷാകേന്ദ്രങ്ങളിലാണ് പരീക്ഷ. ഫെബ്രുവരി നാലിന് നിശ്ചയിച്ചിരുന്ന കാറ്റഗറി-3 (എച്ച്.എസ്) പരീക്ഷ അഞ്ചിനും കാറ്റഗറി(4)ന്റെ പരീക്ഷ ആറിനും നടക്കും.

പി.എൻ.എക്സ്. 379/19