ഹർത്താലിൽ അതിക്രമങ്ങൾ നേരിട്ടവർക്കും, സ്വത്തിനും ജീവനും നാശം സംഭവിച്ചവർക്കും സംസ്ഥാനത്തെ നിയമ സേവന കേന്ദ്രങ്ങൾ മുഖേനയും ലോക് അദാലത്തുകളിലൂടെയും സൗജന്യ നിയമസഹായം നൽകും. 1987ലെ നിയമസേവന അതോറിറ്റി ആക്ട്, വകുപ്പ് 12നും 13നും വിധേയമായാണ് നിയമസഹായം നൽകുന്നത്. സഹായം ആവശ്യമുള്ളവർ ജില്ലാ നിയമ സേവന കേന്ദ്രങ്ങളിലോ/താലൂക്ക് നിയമ സേവന കേന്ദ്രങ്ങളിലോ സമീപിക്കാമെന്ന് സംസ്ഥാന ലീഗൽ സർവീസസ് അതോറിറ്റി മെമ്പർ സെക്രട്ടറി അറിയിച്ചു.

പി.എൻ.എക്സ്. 366/19

കേരള സ്റ്റേറ്റ് സിവിൽ സർവീസ് അക്കാഡമിയുടെ മണ്ണന്തല ക്യാമ്പസിൽ മാർച്ച് 20ന് ആരംഭിക്കുന്ന രണ്ട് മാസം ദൈർഘ്യമുള്ള സിവിൽ സർവീസ് പ്രിലിമിനറി ക്രാഷ് കോഴ്‌സിലേക്ക് അപേക്ഷ ക്ഷണിച്ചു.  അപേക്ഷകൾ മാർച്ച് 16ന് മുമ്പ് ചാരാച്ചിറയിലുള്ള സെന്റർ ഫോർ കണ്ടിന്യൂയിംഗ് എഡ്യൂക്കേഷൻ കേരളയുടെ ഡയറക്ടറേറ്റിൽ ലഭിക്കണം.  കൂടുതൽ വിവരങ്ങൾക്ക്: www.ccek.org. ഫോൺ: 0471-2313065, 2311654.  200 രൂപയാണ് അപേക്ഷാ ഫീസ്.  13,800 രൂപയാണ് ട്യൂഷൻ ഫീസ്.

പി.എൻ.എക്സ്. 365/19

കേരള ലോകായുക്ത ഫെബ്രവരിയിൽ കണ്ണൂർ, കോഴിക്കോട് എന്നിവിടങ്ങളിൽ ക്യാമ്പ് സിറ്റിംഗ് നടത്തും. 18ന് കണ്ണൂർ ടൗൺ കോ-ഓപ്പറേറ്റീവ് ബാങ്ക് മിനി കോൺഫറൻസ് ഹാളിലും 20ന് കോഴിക്കോട് കളക്ടറേറ്റ് കോൺഫറൻസ് ഹാളിലുമാണ് ഉപലോകായുക്ത ജസ്റ്റിസ് എ.കെ.ബഷീറിന്റെ സിറ്റിംഗ്. ഈ ദിവസങ്ങളിൽ നിശ്ചിത ഫോറത്തിലുളള പുതിയ പരാതികൾ സ്വീകരിക്കും.

പി.എൻ.എക്സ്. 364/19

ജില്ലയില്‍ കേരള തയ്യല്‍ തൊഴിലാളി  ക്ഷേമനിധി ബോര്‍ഡില്‍ നിന്നും പെന്‍ഷന്‍ വാങ്ങുന്നവര്‍ ലൈഫ് സര്‍ട്ടിഫിക്കറ്റ് ഹാജരാക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.  ഫോണ്‍: 0468 2320449.           (പിഎന്‍പി 375/19)

പിന്നാക്ക വിഭാഗ വികസന വകുപ്പ് നടപ്പാക്കുന്ന മത്സരപരീക്ഷാ പരിശീലന ധനസഹായ പദ്ധതിയായ എംപ്ലോയബിലിറ്റി എന്‍ഹാന്‍സ്‌മെന്റ് പ്രോഗ്രാമിന്റെ (സിവില്‍ സര്‍വീസ് പരീക്ഷാ പരിശീലനം 2018-19) ഓണ്‍ലൈന്‍ അപേക്ഷ സമര്‍പ്പിക്കുന്നതിനുള്ള തീയതി ഫെബ്രുവരി 10 വരെ നീട്ടി.                                                        (പിഎന്‍പി 374/19)

നാരങ്ങാനം ഗ്രാമപഞ്ചായത്ത് വനിതകള്‍ക്കായി നടപ്പാക്കുന്ന ആട് വിതരണം പദ്ധതി പ്രകാരം ആടുകളെ വിതരണം ചെയ്തു. ഗ്രാമപഞ്ചായത്ത് പ്രസിഡന്റ് കടമ്മനിട്ട കരുണാകരന്‍ ഉദ്ഘാടനം ചെയ്തു.  ഒരു വയസുള്ള 28 ആടുകളെയാണ് 14 വനിതകള്‍ക്കായി വിതരണം ചെയ്തത്.  ഗ്രാമപഞ്ചായത്ത് വൈസ് പ്രസിഡണ്ട് അമ്പിളി ഹരിദാസ്, വികസന സ്ഥിരം സമിതി അധ്യക്ഷന്‍ കെ.ജി സുരേഷ് കുമാര്‍, നാരങ്ങാനം വെറ്ററിനറി സര്‍ജന്‍ ഡോ. കെ. അനില്‍ എന്നിവര്‍ പങ്കെടുത്തു. (പിഎന്‍പി 372/19)

ജില്ലാ വികസന സമിതിയോഗം നാളെ (2) രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും.                                                                      (പിഎന്‍പി 372/19)