ജില്ലാ തല  സ്വാതന്ത്ര്യ ദിനാഘോഷ പരിപാടി വെസ്റ്റ്ഹില്‍ ക്യാപ്റ്റന്‍ വിക്രം മൈതാനത്ത്  നടക്കും.   കോവിഡ്, ഗ്രീന്‍ പ്രോട്ടോക്കോള്‍ പാലിച്ചാണ് ആഘോഷം സംഘടിപ്പിക്കുന്നത്.  രാവിലെ ഒന്‍പത് മണിക്ക് നടക്കുന്ന പരേഡിൽ  എ.ഡി.എം റോഷ്നി   നാരായണൻ അഭിവാദ്യം സ്വീകരിക്കും.
പങ്കെടുക്കുന്നവരുടെ എണ്ണം 100 ആയി പരിമിതപ്പെടുത്തിയിട്ടുണ്ട്.

സമ്പര്‍ക്കം വഴി 75 പേര്‍ക്ക്

ബിനോയ് വിശ്വം എംപിയുടെ സന്‍സദ് ആദര്‍ശഗ്രാമ യോജന പദ്ധതി  പ്രകാരം ദത്തെടുത്ത വളയം ഗ്രാമപഞ്ചായത്തിലെ നിര്‍ധനരായ പത്ത്‌ യുവതികള്‍ക്ക് തയ്യല്‍ മെഷീനുകള്‍ സമ്മാനിച്ചു. കുറഞ്ഞ വരുമാനക്കാർക്ക് ഒരു അധിക വരുമാനം എന്ന നിലക്ക് സർക്കാർ ആരംഭിക്കാന്‍ ഉദ്ദേശിക്കുന്ന 'മേക്കിങ് ആന്‍ഡ് ഇമ്പാക്ട്' എന്ന പദ്ധതിയുടെ ഭാഗമായാണ് എംപിയുടെ ഈ സഹായം. പദ്ധതി ഉദ്ഘാടനം ബിനോയ് വിശ്വം എം.പി യും തയ്യല്‍ മെഷീന്‍ വിതരണം ഇ.കെ. വിജയന്‍ എം.എല്‍.എ യും വീഡിയോ കോൺഫറൻസിലൂടെ നിര്‍വ്വഹിച്ചു. ഗ്രാമ പഞ്ചായത്ത്‌ പ്രസിഡണ്ട്  സുമതി അധ്യക്ഷത വഹിച്ചു.

വനിതാശിശു വികസന വകുപ്പിന് കീഴില്‍ തോടന്നൂര്‍ ബ്ലോക്ക് ഓഫീസിലെ ശിശുവികസന പദ്ധതി കാര്യാലയത്തിനു കീഴിലെ അങ്കണവാടികളിലേക്കാവശ്യമായ ഫര്‍ണിച്ചര്‍  വിതരണം ചെയ്യുന്നതിനു വ്യക്തികളില്‍ നിന്നും സ്ഥാപനങ്ങളില്‍ നിന്നും  ടെണ്ടര്‍  ക്ഷണിച്ചു. 10,000 രൂപ പ്രകാരം 27 അങ്കണവാടികള്‍ക്കും 7000 രൂപ പ്രകാരം ഒരു മിനി അങ്കണവാടിക്കും ഫര്‍ണിച്ചര്‍ ആവശ്യമുണ്ട്. ടെണ്ടര്‍ ഫോറങ്ങള്‍ സ്വീകരിക്കുന്ന സമയം സെപ്തംബര്‍ നാലിന് ഉച്ച,  2.30 മണി. ഫോണ്‍ : 0496-2592722, 8281999291.

കോവിഡ് പശ്ചാത്തലത്തിൽ പ്രയാസം നേരിടുന്ന ക്ഷീര കര്‍ഷകര്‍ക്ക് കാലിത്തീറ്റ വിതരണം ചെയ്യാന്‍ ക്ഷീര വികസന വകുപ്പ് തീരുമാനിച്ചു. പദ്ധതിയുടെ സംസ്ഥാനതല വിതരണ ഉദ്ഘാടനം ആഗസ്ത് 17-ന് രാവിലെ 10 മണിക്ക്  ക്ഷീര വികസന മന്ത്രി കെ. രാജു ഫെയ്‌സ് ബുക്ക് ലൈവ് പ്രോഗ്രാമിലൂടെ നിര്‍വ്വഹിക്കും. ക്ഷീര വികസന വകുപ്പിന്റെ കീഴില്‍ രജിസ്റ്റര്‍ ചെയ്ത ക്ഷീര സംഘങ്ങളില്‍ പാല്‍ അളന്ന ക്ഷീര കര്‍ഷകര്‍ക്ക് 50 കിലോയുള്ള ഒരു ചാക്ക് കാലിത്തീറ്റയ്ക്ക് 400  രൂപയാണ് സബ്‌സിഡി നല്‍കുന്നത്. 

കോഴിക്കോട് പൊതുമരാമത്ത് വകുപ്പ്, നിരത്ത് ഉപ വിഭാഗം കാര്യാലയത്തിന് കീഴിലുളള നിരത്ത് സെക്ഷന്‍, കുന്ദമംഗലം കാര്യാലയത്തിലെ കീഴിലെ കളളന്‍തോട് - കൂളിമാട് റോഡ് പുനരുദ്ധാരണത്തിന്റെ ഭാഗമായി മുറിച്ച് മാറ്റേണ്ട 218 മരങ്ങളുടെ ലേലം ആഗസ്റ്റ് 25 ന്  രാവിലെ 11.30 ന് നായര്‍കുഴി ഹയര്‍സെക്കണ്ടറി സ്‌കൂള്‍ പരിസരത്ത് അസി. എക്സിക്യൂട്ടീവ് എഞ്ചിനീയര്‍ നടത്തും. ഫോണ്‍ 0495 2724727.

ചേളന്നൂര്‍ ഓഫീസിനെ സ്മാര്‍ട്ട് വില്ലേജ് ഓഫീസായി മാറ്റുന്നതിന് നിലവിലുള്ള പഴയ കെട്ടിടം പൊളിച്ചു മാറ്റി ആഗസ്റ്റ് 20 ന് രാവിലെ 11.30 മണിക്ക് ചേളന്നൂര്‍ വില്ലേജ് ഓഫീസില്‍ ലേലം ചെയ്യും.