കേരള സർക്കാർ സ്ഥാപനമായ ഒഡെപെക്ക് മുഖേന ദുബായിൽ കുക്ക്, മദർ & ചൈൽഡ് കെയർ (സ്ത്രീ) തസ്തികകളിലേക്ക് തിരഞ്ഞെടുക്കുന്നു. ഇൻർവ്യൂവിൽ പങ്കെടുക്കാൻ താത്പര്യമുളളവർ ബയോഡാറ്റ recruit@odepc.in ലേക്ക് 12 നകം അയക്കണം. വിശദവിവരങ്ങൾക്ക് www.odepc.kerala.gov.in, ഫോൺ: 0471-2329440/41/42.
പി.എൻ.എക്സ്. 2377/2020

സംസ്ഥാന തിരഞ്ഞെടുപ്പ് കമ്മീഷനിൽ ഓഫീസ് അറ്റൻഡന്റിന്റെ രണ്ട് ഒഴിവുകളിൽ ഡെപ്യൂട്ടേഷൻ നിയമനത്തിന് അപേക്ഷ ക്ഷണിച്ചു.  സെക്രട്ടേറിയറ്റിലും മറ്റ് സർക്കാർ വകുപ്പുകളിലും സമാന തസ്തികയിൽ ജോലി ചെയ്യുന്നവർ വകുപ്പ് മുഖേന 21 നകം സെക്രട്ടറി, സംസ്ഥാന തിരഞ്ഞെടുപ്പ് കമ്മീഷൻ,  കോർപ്പറേഷൻ ഓഫീസ് സമുച്ചയം, എൽ.എം.എസ് ജംഗ്ഷൻ, തിരുവനന്തപുരം 695033 എന്ന വിലാസത്തിൽ അപേക്ഷിക്കണം.
പി.എൻ.എക്സ്. 2375/2020

മണ്ണു പര്യവേക്ഷണ മണ്ണു സംരക്ഷണ വകുപ്പിന്റെ കീഴിലുള്ള ചടയമംഗലം നീർത്തട വികസന പരിപാലന കേന്ദ്രത്തിൽ ഇന്ദിരാഗാന്ധി നാഷണൽ ഓപ്പൺ യൂണിവേഴ്‌സിറ്റിയുടെ (ഇഗ്നോ) ഈ മാസം ആരംഭിക്കുന്ന വാട്ടർഷെഡ് മാനേജ്‌മെന്റിലുള്ള ഒരു വർഷ ഡിപ്ലോമ (ഡിബ്ല്യൂഎം), വാട്ടർ ഹാർവെസ്റ്റിംഗ് ആൻഡ് മാനേജ്‌മെന്റിലുള്ള (സിഡബ്ല്യുഎച്ച്എം) ആറുമാസ സർട്ടിഫിക്കറ്റ് കോഴ്‌സ്, പ്ലാന്റേഷൻ മാനേജ്‌മെന്റിലുള്ള (പിജിഡിപിഎം) ഒരു വർഷ പോസ്റ്റ് ഗ്രാജ്വേറ്റ് ഡിപ്ലോമ എന്നീ വിദൂര പഠന കോഴ്‌സുകളിൽ അപേക്ഷ ക്ഷണിച്ചു.

കൃഷിവകുപ്പിന്റെ 2020ലെ കർഷക അവാർഡുകൾക്ക് അപേക്ഷ ക്ഷണിച്ചു.

ലോക്ഡൗണിൽ പൂട്ടിക്കിടന്ന തിരുവനന്തപുരം വികസന അതോറിറ്റിക്ക് (ട്രിഡ) കീഴിലുളള കടകളുടെ വാടക ഒഴിവാക്കാൻ തീരുമാനമായി. വാടക ഇളവിനുളള അപേക്ഷ കട ഉടമകൾ ട്രിഡ സെക്രട്ടറിക്ക് നൽകണം. വാടക വർദ്ധന നിരക്കിൽ രണ്ട് ശതമാനം ഇളവ് അനുവദിക്കാൻ ചെയർമാൻ സി. ജയൻ ബാബുവിന്റെ അദ്ധ്യക്ഷതയിൽ ചേർന്ന എക്‌സിക്യൂട്ടീവ് കമ്മിറ്റി യോഗം തീരുമാനിച്ചു.
പി.എൻ.എക്സ്. 2372/2020

സർക്കാർ/എയ്ഡഡ് ആർട്‌സ് & സയൻസ് കോളേജുകളിൽ ഗസ്റ്റ് അദ്ധ്യാപകരുടെ രജിസ്‌ട്രേഷൻ  www.collegiateedu.kerala.gov.in ലൂടെ ചെയ്യാം.പി.എൻ.എക്സ്. 2371/2020

ഊർജ്ജ കാര്യക്ഷമതയുളള ഉപകരണങ്ങളുടെ വ്യാപനം പ്രോത്സാഹിപ്പിക്കുന്നതിനായി ഊർജ്ജമിത്ര കേന്ദ്രങ്ങളിലൂടെ  വിതരണം നടത്തുന്നതിന് ഇ.എം.സി. പദ്ധതി തയ്യാറാക്കുന്നു. ഇതിന്റെ ഭാഗമായി സംസ്ഥാനത്തിനകത്തും പുറത്തുമുളള ഊർജ്ജ കാര്യക്ഷമത ഉപകരണങ്ങളുടെ നിർമ്മാതാക്കൾ / വിതരണക്കാർ എന്നിവരെ എംപാനൽ ചെയ്യുന്നു. ബി.ഇ.ഇ. സ്റ്റാർ ലേബലിൽ അഞ്ച്, നാല് സ്റ്റാർ ഉപകരണങ്ങളുടെ നിർമ്മാതക്കൾക്കും വിതരണക്കാർക്കും അപേക്ഷിക്കാം. എല്ലാ നിയോജക മണ്ഡലങ്ങളിലും ഊർജ്ജമിത്ര കേന്ദ്രങ്ങൾ പ്രവർത്തിക്കുന്നുണ്ട. വിശദവിവരങ്ങൾക്ക്: www.keralaenergy.gov.in.    
പി.എൻ.എക്സ്. 2370/2020

തദ്ദേശഭരണ സ്ഥാപനങ്ങളിലൂടെ വിതരണം ചെയ്യുന്ന വിവിധ സാമൂഹ്യ സുരക്ഷാ പെൻഷനുകൾ വാങ്ങുന്നവരുടെ എണ്ണത്തിൽ കഴിഞ്ഞ നാലു വർഷത്തിൽ വൻവർദ്ധനവ്. 2015-16 ൽ 33.99 ലക്ഷം പേരായിരുന്നു പെൻഷൻ വാങ്ങിയിരുന്നത്. 2019-20 ൽ 48.91 ലക്ഷമായി ഉയർന്നു. ഈ കാലയളവിൽ കുറഞ്ഞ പെൻഷൻ തുക 600 രൂപയിൽ നിന്ന് 1,300 രൂപയായി ഉയർത്തുകയും ചെയ്തു. വാർദ്ധക്യകാല പെൻഷൻ, വികലാംഗ പെൻഷൻ, വിധവാ പെൻഷൻ, 50 വയസ്സിന് മുകളിൽ പ്രായമുള്ള അവിവാഹിതരായ സ്ത്രീകൾക്കുള്ള പെൻഷൻ എന്നിവയാണ് തദ്ദേശഭരണ സ്ഥാപനങ്ങളിലൂടെ വിതരണം ചെയ്യുന്നത്.

കോഴിക്കോട് ഗവൺമെന്റ് ലോ കോളേജിൽ പഞ്ചവത്സര ബി.ബി.എ. എൽ.എൽ.ബി. (ഓണേഴ്‌സ്/ത്രിവത്സര എൽ.എൽ.ബി (യൂണിറ്ററി) കോഴ്‌സുകളിലെ (ഈവൺ സെമസ്റ്ററുകളിൽ) ഒഴിവുളള സീറ്റുകളിൽ ഇടയ്ക്ക് പഠനം നിർത്തിയവർക്ക് പുന:പ്രവേശനത്തിനും തൃശ്ശൂർ ഗവ. ലോ കോളേജിൽ പഠിച്ചു കൊണ്ടിരിക്കുന്നവർക്ക് കോളേജ് മാറ്റത്തിനും പത്തിന് വൈകിട്ട് മൂന്നു വരെ അപേക്ഷിക്കാം. അപേക്ഷാഫോറവും മറ്റു വിവരങ്ങളും കോളേജ് ലൈബ്രറിയിൽ ലഭിക്കും.