മുൻ പ്രധാനമന്ത്രി രാജീവ് ഗാന്ധിയുടെ ജ•ദിനമായ ആഗസ്റ്റ് 20 ന് സംസ്ഥാനവ്യാപകമായി സദ്ഭാവനാദിനം ആചരിക്കും. കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി കേന്ദ്ര സർക്കാർ പുറപ്പെടുവിച്ചിട്ടുളള മാർഗ്ഗനിർദ്ദേശങ്ങളായ ശരിയായ ശുചിത്വം പാലിക്കൽ, സാമൂഹ്യ അകലം പാലിക്കൽ, മാസ്‌ക് ധരിക്കൽ തുടങ്ങിയവ പാലിച്ചുകൊണ്ടും പങ്കെടുക്കുന്നവരുടെ എണ്ണം പരിമിതപ്പെടുത്തിക്കൊണ്ടും എല്ലാ ജില്ലാ കളക്ടർമാരും വകുപ്പു മേധാവികളും പൊതുമേഖലാ സ്ഥാപനങ്ങളുടെ മേധാവികളും തങ്ങളുടെ നിയന്ത്രണത്തിലുളള ഓഫീസുകളിൽ 20ന് രാവിലെ 11 മണിക്ക് സദ്ഭാവനാദിന പ്രതിജ്ഞാ ചടങ്ങ് നടത്തണം.

2020-21 ൽ പുതിയതായി ലോട്ടറി ഏജൻസി എടുത്തതും 40 ശതമാനമോ അതിനു മുകളിലോ ഭിന്നശേഷിത്വവുമുളള ലോട്ടറി ഏജന്റുമാർക്ക് 5000 രൂപ വീതം (രണ്ടു ഗഡുക്കളായി) കേരള സംസ്ഥാന വികലാംഗക്ഷേമ കോർപ്പറേഷൻ ധനസഹായം നൽകുന്നു. അപേക്ഷകരുടെ വാർഷിക വരുമാനം ഒരു ലക്ഷം രൂപയിൽ കവിയരുത്. അപേക്ഷാഫോറം പൂരിപ്പിച്ച് ആവശ്യമായ രേഖകൾ സഹിതം മാനേജിംഗ് ഡയറക്ടർ, കേരള സംസ്ഥാന വികലാംഗക്ഷേമ കോർപ്പറേഷൻ, പൂജപ്പുര, തരുവനന്തപുരം, 695012 എന്ന വിലാസത്തിൽ അപേക്ഷിക്കണം. അപേക്ഷ സ്വീകരിക്കുന്ന അവസാന തീയതി സെപ്റ്റംബർ 15 വൈകിട്ട് അഞ്ചു വരെ. അപേക്ഷാഫോറം www.hpwc.kerala.gov.in ൽ ലഭിക്കും.

സ്‌കോൾ-കേരള മുഖേന രജിസ്റ്റർ ചെയ്ത് ഹയർസെക്കണ്ടറി കോഴ്‌സ് (2019-21 ബാച്ച്) രണ്ടാം വർഷ ഓപ്പൺ റഗുലർ വിദ്യാർത്ഥികളുടെ സ്വയം പഠന സഹായികൾ അതത് പഠനകേന്ദ്രങ്ങളിൽ ലഭിക്കും. കോവിഡ്19 പ്രോട്ടോകോളിന് വിധേയമായി അവയുടെ വിതരണം നടന്നുവരുന്നു. സ്വയംപഠന സഹായികൾ ഇനിയും കൈപ്പറ്റിയിട്ടില്ലാത്ത വിദ്യാർത്ഥികൾ പഠനകേന്ദ്രം പ്രിൻസിപ്പാൾ/കോഡിനേറ്റിംഗ് ടീച്ചറുമായി ബന്ധപ്പെട്ട്, തിരിച്ചറിയൽ രേഖയുമായി ഹാജരായി കൈപ്പറ്റണം.
പി.എൻ.എക്‌സ്. 2799/2020

കേരള ലോകായുക്തയുടെ ഈ മാസം 21 വരെയുളള സ്ഥിരം സിറ്റിംഗുകൾ റദ്ദാക്കി. അതേസമയം അത്യാവശ്യ കേസുകൾ പരഗണിക്കുന്നതിനായുളള പ്രത്യേക സിറ്റിങ്ങുകൾ വീഡിയോ കോൺഫറൻസിംഗ് സംവിധാനത്തിലൂടെ 20 നും 21 നും നടക്കും. 20ന് കണ്ണൂർ, തലശ്ശേരി, കോഴിക്കോട് എന്നിവിടങ്ങളിലെ മുടങ്ങിക്കിടക്കുന്നതും പുതിയതുമായ കേസുകൾ പരിഗണിക്കും. അത്യാവശ്യമായി പരിഗണിക്കേണ്ട കേസുകൾ സംബന്ധിച്ച അപേക്ഷ 18ന് വൈകിട്ട് അഞ്ചിനു മുൻപായി സമർപ്പിക്കണം. പ്രത്യേക സിറ്റിംഗിൽ പരിഗണിക്കുന്ന കേസുകൾ സംബന്ധിച്ച വിവരങ്ങൾ 19നും 20നും വൈകിട്ട് മൂന്നിന് വെബ്‌സൈറ്റിൽ പ്രസിദ്ധീകരിക്കും.

കേന്ദ്ര ടെക്സ്റ്റയിൽ മന്ത്രാലയം നടപ്പിലാക്കുന്ന 'സപ്പോർട്ട് ടു ആർട്ടിസൻസ്  ഇൻ  ഇൻഡിജന്റ് സർക്കംസ്റ്റാൻസസ്' എന്ന സംരംഭത്തിലേക്ക് സംസ്ഥാന/ദേശീയ നാഷണൽ അവാർഡ് നേടിയ 60 വയസ്സിന് മുകളിലുള്ള മാസ്റ്റർ പേഴ്സണുകളിൽ നിന്നും ധനസഹായത്തിന് അപേക്ഷ ക്ഷണിച്ചു. കൂടുതൽ വിവരങ്ങൾക്ക് ഫോൺ: 0471 2331358, തിരുവനന്തപുരം: 0471 2321366, തൃശ്ശൂർ: 9654175439, www.handicrafts.nic.in    
പി.എൻ.എക്‌സ്. 2797/2020

* നാലു വർഷത്തിൽ പതിനായിരത്തിലേറെ റോഡുകൾ ബി.എം.ബി.സി നിലവാരത്തിലാക്കി

* ലോക്സഭാ സ്പീക്കർ ഓം ബിർള ഉദ്ഘാടനം ചെയ്തു
കേരള നിയമസഭയുടെ ടെലിവിഷൻ ചാനലായ സഭ ടി.വിക്ക് തുടക്കമായി. ലോക്സഭാ സ്പീക്കർ ഓം ബിർള ഓൺലൈനായി ഉദ്ഘാടനം നിർവഹിച്ചു.
ജനങ്ങളും സർക്കാരും നിയമസഭയും തമ്മിലുള്ള പാലമായി സഭ ടി.വിക്ക് മാറാൻ കഴിയുമെന്ന് അദ്ദേഹം പറഞ്ഞു. കാലത്തിനനുസരിച്ച് ടെലിവിഷൻ രംഗത്ത് മാറ്റങ്ങളുണ്ടായിട്ടുണ്ട്. ഈ മാറ്റങ്ങൾ ഉൾക്കൊണ്ട് സഭാനടപടികൾ ജനങ്ങളിലെത്തിക്കാനുള്ള സഭ ടി.വിയെന്ന നടപടി സ്വാഗതാർഹമാണെന്ന് അദ്ദേഹം പറഞ്ഞു.

വ്യാപാരി ക്ഷേമനിധി പെൻഷൻ ഗുണഭോക്താക്കളിൽ ഇതുവരെ മസ്റ്റർ ചെയ്യാത്തവർക്കും ജൂൺ വരെ പെൻഷൻ അപേക്ഷ സമർപ്പിച്ച് പെൻഷൻ ലഭിക്കാത്ത അംഗങ്ങൾക്കും 15 വരെ അക്ഷയ കേന്ദ്രങ്ങളിൽ മസ്റ്റർ ചെയ്യാം. മസ്റ്റർ ചെയ്യുന്നമ്പോൾ വ്യാപാരി ക്ഷേമ പെൻഷനു വേണ്ടി മസ്റ്റർ ചെയ്യുന്നതിന് അംഗങ്ങൾ ശ്രദ്ധിക്കണം. ബയോമെട്രിക്ക് മസ്റ്ററിംഗ് പരാജയപ്പെടുന്നവർ ലൈഫ് സർട്ടിഫിക്കറ്റ് 16 മുതൽ 22 വരെയുളള കാലയളവിൽ വ്യാപാരി ക്ഷേമ ബോർഡിൽ ഹാജരാക്കി മസ്റ്റർ ചെയ്യണം.
പി.എൻ.എക്സ്. 2379/2020

കേന്ദ്ര മാനവവിഭവശേഷി മന്ത്രാലയത്തിനു കീഴിൽ ഉന്നത വിദ്യാഭ്യാസ സ്ഥാപനങ്ങളുടെ ഗുണനിലവാരം വിലയിരുത്താനായി പ്രവർത്തിക്കുന്ന നാഷണൽ ഇൻസ്റ്റിറ്റിയൂഷണൽ റാങ്കിംഗ് ഫ്രെയിം വർക്കിന്റെ (എൻ.ഐ.ആർ.എഫ്) 2020ലെ റാങ്കിങ്ങിൽ ആർട്‌സ് സയൻസ് വിഭാഗത്തിൽ തിരുവനന്തപുരം സർക്കാർ വനിതാ കോളേജിന് അഖിലേന്ത്യാതലത്തിൽ നാൽപതാം റാങ്കും, സംസ്ഥാനതലത്തിൽ മുന്നാം റാങ്കും ലഭിച്ചു.