എടവക ഗ്രാമപഞ്ചായത്തിലെ വാര്‍ഡ് 3 (ഒഴക്കോടി) കണ്ടെയ്ന്‍മെന്റ് സോണായി ജില്ലാ കലക്ടര്‍ പ്രഖ്യാപിച്ചു

മേപ്പാടി ഗ്രാമപഞ്ചായത്തിലെ മുഴുവന്‍ വാര്‍ഡുകളും കണ്ടെയ്ന്‍മെന്റ് സോണില്‍ ഉള്‍പ്പെടുത്തി ജില്ലാ കലക്ടര്‍ ഡോ. അദീല അബ്ദുള്ള ഉത്തരവായി.

*13 പേര്‍ക്ക് രോഗ മുക്തി*

വയനാട് ജില്ലയില്‍ ഇന്ന് (17.08.20) 15 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. വിദേശത്ത് നിന്നു വന്ന ഒരാള്‍ക്കും കര്‍ണാടകയില്‍ നിന്നെത്തിയ രണ്ടുപേര്‍ക്കും സമ്പര്‍ക്കം മൂലം 12 പേര്‍ക്കുമാണ് രോഗം സ്ഥിരീകരിച്ചത്. 13 പേര്‍ ഇന്ന് രോഗമുക്തി നേടി.

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 1146 ആയി. ഇതില്‍ 820 പേര്‍ രോഗമുക്തരായി. ചികിത്സക്കിടെ അഞ്ചു പേര്‍ പേര്‍ മരണപ്പെട്ടു. 321 പേരാണ് ഇപ്പോള്‍ ചികിത്സയിലുള്ളത്. 308 പേര്‍ ജില്ലയിലും 13 പേര്‍ ഇതര ജില്ലകളിലും ചികിത്സയില്‍ കഴിയുന്നു.

*
സുഭിക്ഷകേരളം പദ്ധതിയുടെ ഭാഗമായി കാര്‍ഷിക വിജ്ഞാന വ്യാപനത്തിനായി ബ്ലോക്ക് തലത്തില്‍ കാര്‍ഷിക വിജ്ഞാന കേന്ദ്രങ്ങള്‍ ആരംഭിച്ചു. കര്‍ഷക ദിനത്തിലാണ് ബ്ലോക്ക് തല കാര്‍ഷിക വിജ്ഞാന കേന്ദ്രങ്ങളുടെ ഉദ്ഘാടനം മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിച്ചത് കൃഷിമന്ത്രി വി.എസ്. സുനില്‍കുമാര്‍ അധ്യക്ഷത വഹിച്ചു കാര്‍ഷകര്‍ക്കായുള്ള മൊബൈല്‍ ആപ്പിന്റെയും വെബ് പോര്‍ട്ടലിന്റേയും ലോഞ്ചിംഗും മുഖ്യമന്ത്രി നിര്‍വഹിച്ചു.

നൂല്‍പ്പുഴ കുടുംബാരോഗ്യ കേന്ദ്രത്തില്‍ വിവിധ തസ്തികകളില്‍ താത്കാലിക നിയമനം നടത്തുന്നു.

ജില്ലാതല കര്‍ഷകദിനാഘോഷം സി.കെ ശശീന്ദ്രന്‍ എം.എല്‍.എ ഓണ്‍ലൈന്‍ വഴി ഉദ്ഘാടനം ചെയ്തു. കോവിഡ് പശ്ചാത്തലത്തില്‍ ഉണ്ടായേക്കാവുന്ന ഭക്ഷ്യക്ഷാമം മുന്നില്‍ കണ്ട് കൃഷി വകുപ്പ് നടപ്പിലാക്കുന്ന സുഭിക്ഷ കേരളം പദ്ധതി്ക്ക് ജില്ലയില്‍ മികച്ച പിന്തുണയാണ് ലഭിക്കുന്നത്. തരിശു നിലങ്ങളില്‍ കൃഷിയിറക്കല്‍, കോവിഡ് കാലത്തെ പച്ചക്കറി സംഭരണത്തിന് കര്‍ഷകര്‍ക്ക് ലഭിക്കേണ്ട 116 ലക്ഷം രൂപയുടെ വിതരണം, കാലവര്‍ഷക്കെടുതിയുടെ നഷ്ട പരിഹാര കുടിശ്ശിക 935.69 ലക്ഷം രൂപയുടെ വിതരണം തുടങ്ങി കൃഷി വകുപ്പിന്റെ നടപടികള്‍ പ്രോത്സാഹനാര്‍ഹമാണെന്നു എം.എല്‍.എ ഉദ്ഘാടന ചടങ്ങില്‍ പറഞ്ഞു.

മീനങ്ങാടി ഗവ.പോളി ടെക്നിക് കോളജില്‍ സെപ്തംബറില്‍ ആരംഭിക്കുന്ന ഹ്രസ്വകാല തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു. ഇലക്ട്രിക്കല്‍ വയറിങ് ആന്‍ഡ് സര്‍വീസിങ് (10 മാസം), റെഫ്രിജറേഷന്‍ ആന്‍ഡ് എയര്‍ കണ്ടീഷന്‍ (6 മാസം) എന്നിവയാണ് കോഴ്സുകള്‍. എസ്.എസ്.എല്‍.സി. യോഗ്യതയുള്ളവര്‍ക്ക് അപേക്ഷിക്കാം. അപേക്ഷാ ഫോറം www.gptcmdi.ac.in എന്ന വെബ് സൈറ്റില്‍ ലഭിക്കും. ഫോണ്‍ 9744134901, 04936 248100.

മീനങ്ങാടി സാമൂഹികാരോഗ്യ കേന്ദ്രത്തിലെ കാന്റീനും കടമുറിയും ഒരു വര്‍ഷത്തേക്ക് വാടകാടിസ്ഥാനത്തില്‍ നടത്തുന്നതിനുള്ള ലേലം ആഗസ്ത് 20 ന് ഉച്ചയ്ക്ക് 2 ന് സാമൂഹികാരോഗ്യ കേന്ദ്രത്തില്‍ നടക്കും. ലേലത്തിനുള്ള ക്വട്ടേഷന്‍ അന്നേ ദിവസം ഉച്ചയ്ക്ക് 12 വരെ സ്വീകരിക്കും.  ഫോണ്‍ 04936 247290.

ക്ഷീരവികസന വകുപ്പിന്റെ ആഭിമുഖ്യത്തിൽ കോവിഡ് 19 പശ്ചാത്തലത്തിൽ ക്ഷീര കർഷകർക്ക് സബ്‌സിഡി നിരക്കിൽ കാലിത്തീറ്റ നൽകുന്നതിന്റെ മാനന്തവാടി ബ്ലോക്ക്‌തല വിതരണോത്ഘാടനം മാനന്തവാടി ക്ഷീരോത്പാദക സഹകരണ സംഘത്തിൽ വെച്ച് മാനന്തവാടി മുൻസിപ്പാലിറ്റി ചെയർമാൻ വി.ആർ പ്രവീജ്   നിർവഹിച്ചു. സംഘം പ്രസിഡണ്ട് പിടി ബിജുവിൻ്റെ അദ്ധ്യക്ഷതയിൽ ചേർന്ന യോഗത്തിൽ ക്ഷീരവികസന വകുപ്പ് ജില്ലാ മേധാവി കെ എം ഷൈജി പദ്ധതി വിശദീകരണം നടത്തി.