കോവിനെ തുടര്‍ന്ന് സാമ്പത്തിക പ്രതിസന്ധി നേരിടുന്ന കേരള ആട്ടോമൊബൈല്‍ ക്ഷേമനിധി അംഗങ്ങള്‍ക്ക് 1000 രൂപ സൗജന്യ ധനസഹായം അനുവദിച്ചിരുന്നു. ഇതിനൊപ്പം ഓണത്തിന് മുന്‍പായി 1000 രൂപ കൂടി സൗജന്യ ധനസഹായവും അനുവദിക്കും. ആദ്യഘട്ട ധനസഹായം ലഭിച്ചവരുടെ അക്കൗണ്ടിലേക്ക് ഈ തുക ക്രെഡിറ്റാകും. അപേക്ഷ സമര്‍പ്പിക്കാത്തവര്‍ klm.kmtwwfb@kerala.gov.in  വെബ്‌സൈറ്റില്‍ ആഗസ്റ്റ് 31 നകം അപേക്ഷിക്കണം. മാര്‍ച്ച് 28 ന് ശേഷം അംഗത്വം എടുത്തവര്‍ക്ക് 1000 രൂപയ്ക്ക് മാത്രമാണ് അര്‍ഹത.

ഇരവിപുരം കാര്‍ഷിക ബ്ലോക്കിന്റെ കാര്‍ഷിക വിജ്ഞാന കേന്ദ്രം ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടിയമ്മ വീഡിയോ കോണ്‍ഫറന്‍സിലൂടെ ഉദ്ഘാടനം ചെയ്തു. മുഖത്തല ബ്ലോക്ക് പഞ്ചായത്ത് ഓഫീസിലാണ് കാര്‍ഷിക വിജ്ഞാന കേന്ദ്രം പ്രവര്‍ത്തനമാരംഭിച്ചത്.

സംസ്ഥാന സര്‍ക്കാരിന്റെ സുഭിക്ഷ കേരളം പദ്ധതിയുടെ ഭാഗമായി കര്‍ഷക ദിനത്തില്‍ പതിറ്റാണ്ടുകളായി തരിശ് കിടന്ന ചാത്തന്നൂര്‍ ശ്രീനാരായണ കോളേജിലെ പത്തേക്കര്‍ ഭൂമിയില്‍ ചിറക്കര പഞ്ചായത്തിന്റെ നേതൃത്വത്തില്‍ കൃഷി ആരംഭിച്ച് കോളേജ് വിദ്യാര്‍ഥികളും. എം എല്‍ എ മാരായ എം മുകേഷും ജി എസ് ജയലാലും കരിമണിപ്പയര്‍ വിത്ത് വിതച്ചും മരച്ചീനി കമ്പുകള്‍ നട്ടും പദ്ധതി ഉദ്ഘാടനം ചെയ്തു. ചിറക്കര ഗ്രാമപഞ്ചായത്ത് പ്രസിഡന്റ് ടി ആര്‍ ദീപു അധ്യക്ഷനായി.

മത്സ്യത്തൊഴിലാളി മേഖലയില്‍ നടക്കുന്ന ചുഷണങ്ങള്‍ ചെറുക്കുന്നതിനാണ് മത്സ്യഫെഡ് ഇടപെടുന്നതെന്ന് മന്ത്രി  ജെ മേഴ്സിക്കുട്ടിയമ്മ. കൊല്ലത്ത് നിര്‍മാണം പൂര്‍ത്തിയായ മത്സ്യഫെഡ് ജില്ലാ ഓഫീസിന്റെ ഉദ്ഘാടനം നീണ്ടകരയില്‍ നിര്‍വഹിക്കുകയായിരുന്നു മന്ത്രി.

* പുതിയ സബ്സ്റ്റേഷനുകൾ പ്രസരണരംഗത്ത് വലിയ മെച്ചമുണ്ടാക്കും: മുഖ്യമന്ത്രി
കെ.എസ്.ഇ.ബിയുടെ 13 സബ് സ്റ്റേഷനുകളുടെ ഉദ്ഘാടനവും തലശ്ശേരി സബ് സ്റ്റേഷന്റെ ശിലാസ്ഥാപനവും മുഖ്യമന്ത്രി പിണറായി വിജയൻ വീഡിയോ കോൺഫറൻസിലൂടെ നിർവഹിച്ചു. വൈദ്യുതി മേഖലയിലെ 14 പദ്ധതികളുടെ ഉദ്ഘാടനം ആദ്യമായാണ് ഒരുമിച്ച് നടക്കുന്നത്.

ഓണക്കാലത്തോടനുബന്ധിച്ച് കെ.എസ്.ആർ.ടി.സി ആഗസ്റ്റ് 25 മുതൽ സെപ്റ്റംബർ ഏഴ് വരെ പ്രത്യേക സർവ്വീസുകൾ കേരളത്തിലെ വിവിധ കേന്ദ്രങ്ങളിൽ നിന്നും ബാംഗ്ലൂരിലേക്കും തിരിച്ചും നടത്തും.  https://online.keralartc.com  ൽ ഓൺലൈനായി ടിക്കറ്റുകൾ റിസർവ് ചെയ്യാം.

രണ്ട് ആരോഗ്യപ്രവര്‍ത്തകര്‍ ഉള്‍പ്പടെ ജില്ലയില്‍ ഇന്നലെ(ആഗസ്റ്റ് 17) 48 പേര്‍ക്ക് കോവിഡ് സ്ഥിരീകരിച്ചു. രണ്ടുപേര്‍ വിദേശത്ത് നിന്നും ഒരാള്‍ ഇതരസംസ്ഥാനത്ത് നിന്നും എത്തിയതാണ്.  സമ്പര്‍ക്കം വഴി 45 പേര്‍ക്ക്  രോഗം സ്ഥിരീകരിച്ചു.  89 പേര്‍  രോഗമുക്തി നേടി. 

* ചികിത്സയിലുള്ളത് 15,890 പേർ: 24 പുതിയ ഹോട്ട് സ്‌പോട്ടുകൾ

കേരള വന ഗവേഷണ സ്ഥാപനത്തിൽ മൂന്ന് വർഷം കാലാവധിയുളള റീ അസ്സസ്സിങ് ഇൻസെക്ട് അസ്സെംബ്ലാജ് ആഫ്റ്റർ ത്രീ ഡീക്കെഡെസ് ടു ഡെസിഫർ ക്ലൈമറ ചേഞ്ച് ഇൻഡ്യൂഡ്‌സ് ഇമ്പാക്ട് ഇൻ സതേൺ വെസ്റ്റേൺ ഘട്ട്‌സ് പദ്ധതിയിൽ താത്കാലിക ഒഴിവുകളിലേക്ക് ഓൺലൈൻ അപേക്ഷകൾ ക്ഷണിച്ചു. റിസേർച്ച് അസോസിയേറ്റ്, ജൂനിയർ റിസർച്ച് ഫെല്ലോ തസ്തികകളിലാണ് നിയമനം. വിശദവിവരങ്ങൾക്ക് www.kfri.res.in ൽ ലഭിക്കും.
പി.എൻ.എക്‌സ്. 2808/2020