മാനന്തവാടി ട്രൈബല്‍ പ്ലാന്റേഷന്‍ കോ-ഓപ്പറേറ്റീവ് സൊസൈറ്റിയുടെ കീഴിലുള്ള പ്രിയദര്‍ശിനി ടീ ഫാക്ടറിയില്‍ ഇലക്ട്രീഷന്‍ തസ്തികയില്‍ നിലവിലുള്ള ഒഴിവിലേക്ക് നിയമനം നടത്തുന്നു. ടീ ഫാക്ടറിയില്‍ അഞ്ച് വര്‍ഷത്തില്‍ കുറയാത്ത പ്രവൃത്തി പരിചയവും ഇലക്ട്രിക്കല്‍ എഞ്ചിനീയറിംഗില്‍ ഡിപ്ലോമ അല്ലെങ്കില്‍ ഐ.ടി.ഐ യോഗ്യതയുള്ള 40 വയസില്‍ താഴെ പ്രായമുള്ളവര്‍ക്ക് അപേക്ഷിക്കാം. പട്ടികവര്‍ഗ്ഗക്കാര്‍ക്ക് മുന്‍ഗണന. താല്‍പര്യമുള്ളവര്‍ ബയോഡാറ്റയും വിശദ വിവരങ്ങളും 15 ദിവസത്തിനുള്ളില്‍ സബ് കളക്ടര്‍, മാനേജിംഗ് ഡയറക്ടര്‍, പ്രിയദര്‍ശിനി ടീ എസ്റ്റേറ്റ്, മാനന്തവാടി എന്ന വിലാസത്തില്‍ അപേക്ഷിക്കാം. ഫോണ്‍ 9048320073.

അസാപ് ഓണ്‍ലൈന്‍ വഴി വിവിധ വിദേശ ഭാഷ കോഴ്സുകളില്‍ പരിശീലനം നല്‍കുന്നു. ജാപ്പനീസ്, ജര്‍മ്മന്‍, ഫ്രഞ്ച്, അറബിക് സ്പാനിഷ്  എന്നീ ഭാഷകളിലാണ് പരിശീലനം നല്‍കുന്നത്. ആദ്യ ഘട്ടത്തില്‍ ജര്‍മ്മന്‍, ഫ്രഞ്ച്, ജാപ്പനീസ് എന്നീ ഭാഷകളുടെ ക്ലാസ്സുകളും അടുത്ത ഘട്ടത്തില്‍ സ്പാനിഷ്, അറബിക് എന്നീ ഭാഷാ കോഴ്സുകളും ആരംഭിക്കും. അതത് വിദേശ രാജ്യത്തെ സര്‍ക്കാരുമായോ സര്‍ക്കാര്‍ അംഗീകൃത ഏജന്‍സികളുമായോ ചേര്‍ന്നാണ് അസാപ് വിദേശ ഭാഷ പഠിക്കാന്‍ വിദ്യാര്‍ത്ഥികള്‍ക്ക് അവസരം ഒരുക്കുന്നത്. ജര്‍മന്‍, ജാപ്പനീസ് ഫ്രഞ്ച് ഭാഷകളുടെ ക്ലാസുകള്‍ ഓഗസ്റ്റ് അവസാന വാരം ആരംഭിക്കും.

ജില്ലാ പഞ്ചായത്തിന്റെ സാധാരണ യോഗം ആഗസ്റ്റ് 20 ന് രാവിലെ 11 ന് പഞ്ചായത്ത് കമ്മിറ്റി ഹാളില്‍ ചേരും.
(പി.ആര്‍.കെ നമ്പര്‍ 2229/2020)

അസാപ് കമ്മ്യൂണിറ്റി സ്‌കില്‍ പാര്‍ക്കില്‍ വിദേശ ഭാഷകള്‍ ഓണ്‍ലൈനായി ജപ്പാനീസ്, ജര്‍മന്‍, ഫ്രഞ്ച് ഭാഷകള്‍ പഠിക്കാന്‍ അവസരം. 15 വയസ് പൂര്‍ത്തിയാക്കിയവര്‍ക്ക് കോഴ്‌സില്‍ പങ്കെടുക്കാം. https://skillparkkerala.in/foreign-language-training/     എന്ന ലിങ്കിലൂടെയോ www.asapkerala.gov.in     വെബ്‌സൈറ്റിലൂടെയോ രജിസ്റ്റര്‍ ചെയ്യാം. വിശദ വിവരങ്ങള്‍ 9495999684, 9495999762 എന്നീ നമ്പരുകളില്‍ ലഭിക്കും.
(പി.ആര്‍.കെ നമ്പര്‍ 2228/2020)

മുഖത്തല ബ്ലോക്ക് പഞ്ചായത്ത് വൃദ്ധര്‍ക്ക് തടി കട്ടില്‍(ആഞ്ഞിലി) വിതരണം ചെയ്യുന്നു. ഇതിനായി കട്ടില്‍ നല്‍കാന്‍ തയ്യാറായവരില്‍ നിന്നും ക്വട്ടേഷന്‍ ക്ഷണിച്ചു. ആഗസ്റ്റ് 20 വരെ സമര്‍പ്പിക്കാം. വിശദ വിവരങ്ങള്‍ ഐ സി ഡി എസ് ഓഫീസിലും മുഖത്തല ബ്ലോക്ക് പഞ്ചായത്ത് ഓഫീസിലും 0474-2504411, 8281999106 എന്നീ നമ്പരുകളിലും ലഭിക്കും.
(പി.ആര്‍.കെ നമ്പര്‍ 2227/2020)

ഫിഷറീസ് വകുപ്പ് മൈനാഗപളളി ഗ്രാമപഞ്ചായത്തിലെ കല്ലുകടവില്‍ 2.50 ലക്ഷം കാര്‍പ്പ് കുഞ്ഞുങ്ങളെ നിക്ഷേപിച്ചു. പരിപാടി ജില്ലാ പഞ്ചായത്ത് പ്രഡിഡന്റ് സി രാധാമണി ഉദ്ഘാടനം ചെയ്തു. ജില്ലാപഞ്ചായത്ത് അംഗം ശ്രീലേഖ വേണുഗോപാല്‍ അധ്യക്ഷയായി. ഫിഷറീസ് ഡെപ്യൂട്ടി ഡയറക്ടര്‍ കെ സുഹൈര്‍, ഫിഷറീസ് എക്സ്റ്റന്‍ഷന്‍ ഓഫീസര്‍ തസ്‌നിമ ബീഗം, ജനപ്രതിനിധികള്‍, ഫിഷറീസ് മാനേജ്‌മെന്റ് കൗണ്‍സില്‍ അംഗങ്ങള്‍, പ്രദേശവാസികള്‍, ഫിഷറീസ് വകുപ്പ് ഉദേ്യാഗസ്ഥര്‍ തുടങ്ങിയര്‍ പങ്കെടുത്തു.
(പി.ആര്‍.കെ നമ്പര്‍ 2226/2020)

തൃക്കോവില്‍വട്ടം ഗ്രാമപഞ്ചായത്തില്‍ കോവിഡ് പ്രാഥമിക ചികിത്സാ കേന്ദ്രം പ്രവര്‍ത്തനം തുടങ്ങി. പേരയം ഡോണ്‍ ബോസ്‌കോ ആര്‍ട്സ് ആന്റ് സയന്‍സ് കോളേജില്‍ ആരംഭിച്ച ചികിത്സാ കേന്ദ്രത്തിന്റെ  ഉദ്ഘാടനം ഫിഷറീസ് വകുപ്പ് മന്ത്രി ജെ മേഴ്സികുട്ടിയമ്മ വീഡിയോ കോണ്‍ഫറന്‍സിലൂടെ നിര്‍വ്വഹിച്ചു.

സംസ്ഥാന സര്‍ക്കാരിന്റെ സുഭിക്ഷ കേരളം പദ്ധതിയുടെ ഭാഗമായി കല്ലുവാതുക്കല്‍ ഗ്രാമപഞ്ചായത്തിലെ പാമ്പുറം വാര്‍ഡിലെ പൊയ്കമുക്കിലെ അഞ്ച് ഏക്കര്‍ ഭൂമിയില്‍ തരിശ് രഹിത കൃഷിക്ക് തുടക്കമായി. ജി എസ് ജയലാല്‍ എം എല്‍ എ പദ്ധതി ഉദ്ഘാടനം ചെയ്തു. കല്ലുവാതുക്കല്‍ പഞ്ചായത്ത് പ്രസിഡന്റ് കെ സിന്ധു അധ്യക്ഷയായി.
മഹാത്മാ ഗാന്ധി ദേശീയ തൊഴിലുറപ്പ് പദ്ധതിയും കൃഷി വകുപ്പും കുടുംബശ്രീ മിഷനും സംയുക്തമായാണ് കൃഷി ചെയ്യുന്നത്. കുടുംബശ്രീ പാമ്പുറം എ ഡി എസ് സമിതിക്കാണ് ചുമതല. പച്ചക്കറി,വാഴ, മരച്ചീനി, ഇടവിളകള്‍ എന്നിവ കൃഷി ചെയ്യും.