സംസ്ഥാനത്തെ വിവിധ ഗ്രാന്റ്-ഇൻ-എയ്ഡ് സ്ഥാപനങ്ങളുടെ ശമ്പളപരിഷ്‌കരണവുമായി ബന്ധപ്പെട്ട് ഗ്രാന്റ്-ഇൻ-എയ്ഡ് സ്ഥാപനമേധാവികളിൽ നിന്നും ജീവനക്കാരുടെ എണ്ണം, നിലവിലെ ശമ്പള സ്‌കെയിൽ തുടങ്ങിയ വിവരങ്ങൾ ശമ്പള പരിഷ്‌കരണ കമ്മീഷൻ തേടി.  കമ്മീഷന്റെ വെബ്‌സൈറ്റ്  (www.prc.kerala.gov.in) വഴിയാണ് ആവശ്യപ്പെട്ടിട്ടുള്ളത്.  സ്ഥാപനമേധാവികൾ വെബ്‌സൈറ്റ് സന്ദർശിച്ച് വിവരം ഇ-മെയിൽ/ തപാൽ വഴി ജൂലൈ 15 നുള്ളിൽ അയയ്ക്കണം.  സ്ഥാപനമേധാവികൾക്ക് നേരിട്ട് അറിയിപ്പ് നൽകുന്നതല്ല.  ഇ-മെയിൽ: office.prc@kerala.gov.in.    

കശുവണ്ടി സംസ്‌ക്കരണ വ്യവസായത്തെ ചെറുകിട -  ഇടത്തരം  വ്യവസായ ലിസ്റ്റിൽ ഉൾപ്പെടുത്തി പരാമാവധി  ബാങ്കിംഗ് സഹായങ്ങളും, സർക്കാർ സഹായങ്ങളും ലഭ്യമാക്കുന്നതിനുള്ള  മാർഗ്ഗനിർദ്ദേശങ്ങൾ പുറപ്പെടുവിച്ചതായി ഫിഷറീസ,് കശുവണ്ടി   വ്യവസായ മന്ത്രി ജെ. മേഴ്‌സിക്കുട്ടി അമ്മ അറിയിച്ചു.
കോവിഡ് -19 ന്റെ പശ്ചാത്തലത്തിൽ കേന്ദ്ര സർക്കാർ പ്രഖ്യാപിച്ച ആത്മനിർഭർ ഭാരത് പദ്ധതി പ്രകാരം എം.എസ്.എം.ഇ. സ്‌കീമിന്റെ നിബന്ധനകൾ പരിഷ്‌ക്കരിച്ച് കശുവണ്ടി വ്യവസായത്തെ ചെറുകിട - ഇടത്തരം വ്യവസായത്തിന്റെ   പരിധിയിൽ കൊണ്ടുവന്നിട്ടുണ്ട്.  അതിനാൽ  ഈ വ്യവസായങ്ങൾക്കുള്ള എല്ലാ ആനുകൂല്യങ്ങൾക്കും കശുവണ്ടി വ്യവസായത്തിനും അർഹതയുണ്ട്.

കേരള സംസ്ഥാന തിരഞ്ഞെടുപ്പ് കമ്മീഷനിൽ ഓഫീസ് അറ്റൻഡന്റിന്റെ രണ്ട് ഒഴിവുകളിലേയ്ക്ക് ഡെപ്യൂട്ടേഷൻ വ്യവസ്ഥയിൽ നിയമനത്തിന് അപേക്ഷ ക്ഷണിച്ചു.ന്നു.സെക്രട്ടറിയേറ്റിലും മറ്റ് സർക്കാർ വകുപ്പുകളിലും സമാന തസ്തികയിൽ ജോലി ചെയ്യുന്നവർ വകുപ്പ് മുഖേന ജൂലൈ 21 നകം സെക്രട്ടറി, സംസ്ഥാന തിരഞ്ഞെടുപ്പ് കമ്മീഷൻ, കോർപ്പറേഷൻ ഓഫീസ് സമുച്ചയം, എൽ.എം.എസ്. ജംഗ്ഷൻ, തിരുവനന്തപുരം - 695033 എന്ന വിലാസത്തിൽ അപേക്ഷിക്കണം.
പി.എൻ.എക്സ്. 2349/2020

കേരളത്തിലെ സർക്കാർ മെഡിക്കൽ കോളേജുകൾ പഠനം പൂർത്തിയാക്കിയ ശേഷം മെഡിക്കൽ കൗൺസിൽ രജിസ്‌ട്രേഷന് ജൂൺ 30 വരെ അപേക്ഷ നൽകിയിട്ടുളളവർക്ക് നിലവിലെ സാഹചര്യം പരിഗണിച്ച് രജിസ്‌ട്രേഷൻ നമ്പർ അനുവദിച്ചു. www.medicalcouncil.kerala.gov.in  ൽ പരിശോധിക്കാം. കോവിഡ് 19 മഹാമാരിയെ ചെറുക്കുന്നതിന് ഗ്രാമീണ മേഖലകളിൽ സർക്കാർ നിയോഗിച്ച, ഇന്റേൺഷിപ്പ് പൂർത്തികരിച്ച, ബിരുദധാരികൾക്കാണ് രജിസ്‌ട്രേഷൻ അനുവദിച്ചത്. ഇപ്പോൾ അനുവദിച്ച രജിസ്‌ട്രേഷൻ നമ്പർ ഉപയോഗിച്ച് ജോലി ചെയ്യുന്നതിന് തടസ്സമില്ലെന്ന് ട്രാവൻകൂർ കൊച്ചിൻ മെഡിക്കൽ കൗൺസിൽ രജിസ്ട്രാർ അറിയിച്ചു.

*വിദ്യാർഥി കൺസഷൻ നിരക്കിൽ വർധനവില്ല
ജസ്റ്റിസ് രാമചന്ദ്രൻ കമ്മിറ്റിയുടെ ഇടക്കാല റിപ്പോർട്ടിന്റെ നിർദേശങ്ങൾ പരിഗണിച്ച് കോവിഡ് കാലത്തേക്ക് ബസ് നിരക്കിൽ വർധനവ് വരുത്താൻ തീരുമാനിച്ചു. മിനിമം ചാർജ് കൂട്ടിയിട്ടില്ല. എട്ടൂരൂപ മിനിമം ചാർജായി തുടരുമെന്ന് ഗതാഗത മന്ത്രി എ.കെ. ശശീന്ദ്രൻ വാർത്താസമ്മേളനത്തിൽ അറിയിച്ചു.
എന്നാൽ മിനിമം ചാർജിൽ സഞ്ചരിക്കാവുന്ന ദൂരം അഞ്ചു കിലോമീറ്റർ എന്നത് രണ്ടര കിലോമീറ്ററായി കുറച്ചിട്ടുണ്ട്.

*മന്ത്രി പി.തിലോത്തമൻ ഉദ്ഘാടനം ചെയ്തു

കുറ്റിക്കാട്ടൂര്‍ 110 കെ.വി സബ് സ്റ്റേഷന്‍ ആഗസ്ത് 17 ന് മുഖ്യമന്ത്രി പിണറായി വിജയന്‍ വീഡിയോ കോണ്‍ഫറൻസിലൂടെ ഉദ്ഘാടനം ചെയ്യും. വൈദ്യുതി വകുപ്പ് മന്ത്രി എം.എം മണി അദ്ധ്യക്ഷത വഹിക്കും.

കുന്ദമംഗലം നിയോജക മണ്ഡലത്തിലെ വിവിധ ഭാഗങ്ങളിലേക്കും നഗര പ്രദേശങ്ങളിലേക്കും വൈദ്യുതി വിതരണം ചെയ്യുന്ന പ്രധാനപ്പെട്ട സബ് സ്റ്റേഷനുകളില്‍ ഒന്നായ കുറ്റിക്കാട്ടൂര്‍ 66 കെ.വി സബ് സ്റ്റേഷന്‍റെ ശേഷി 110 കെ.വിയായി ഉയര്‍ത്തിയിരിക്കുകയാണ്. ഇവിടെ 20 എം.വി.എ ശേഷിയുള്ള രണ്ട് 110/11 കെ.വി ട്രാന്‍സ്ഫോമറുകള്‍ സ്ഥാപിക്കുകയും 40 എം.വി.എയിലേക്ക് സ്ഥാപിതശേഷി ഉയര്‍ത്തുകയും ചെയ്തിട്ടുണ്ട്.

സംസ്ഥാന സർക്കാർ ശുചിത്വ മേഖലയിൽ സുസ്ഥിര വികസം നടത്തിയ തദ്ദേശ സ്വയംഭരണ സ്ഥാപനങ്ങൾക്ക് നൽകുന്ന ശുചിത്വ പദവിക്ക് കൊയിലാണ്ടി നഗരസഭ അർഹത നേടി. ഇതോടെ ജില്ലയിൽ ശുചിത്വ പദവി നേടിയ ആദ്യ നഗരസഭയായി കൊയിലാണ്ടി മാറി. നഗരസഭയിൽ കോവിഡ് മാനദണ്ഡങ്ങൾ പാലിച്ച് നടത്തിയ ചടങ്ങിൽ നഗരസഭ ചെയർമാൻ അഡ്വ കെ സത്യൻ ശുചിത്വ പദവി പ്രഖ്യാപനം നടത്തി.

തുടര്‍ച്ചയായി നഗരസഭ കൈവരിക്കുന്ന അവാർഡുകൾ നഗരസഭയുടെ ശുചിത്വ മേഖലയിലുളള മികച്ച പ്രവര്‍ത്തനങ്ങൾക്ക് ലഭിച്ച അംഗീകാരമാണെന്ന് ചെയർമാൻ പറഞ്ഞു. ഹരിത കേരളം മിഷൻ ജില്ലാ കോർഡിനേറ്റർ പി പ്രകാശ് മുഖ്യാതിഥിയായി. വൈസ്‌ ചെയർപേഴ്സൺ വി.കെ പദ്മിനി അധ്യക്ഷത വഹിച്ചു.

കോഴിക്കോട് ജില്ലയിലെ ആരോഗ്യസംരക്ഷണ സ്ഥാപനങ്ങളില്‍ പ്രോട്ടീന്‍ അനലൈസര്‍ വിതരണം ചെയ്യുന്നതിനും ഇന്‍സ്റ്റാള്‍ ചെയ്യുന്നതിനുമായി  വിതരണക്കാരില്‍ നിന്ന് ടെണ്ടര്‍ ക്ഷണിച്ചു. അവസാന തീയതി ആഗസ്റ്റ് 21 ന് ഉച്ച രണ്ട് മണി വരെ. വിവരങ്ങൾക്ക് ഫോണ്‍ : 0495 2374990.
 

സംസ്ഥാന സർക്കാർ ശുചിത്വ മേഖലയിൽ സുസ്ഥിര വികസം നടത്തിയ തദ്ദേശ സ്വയംഭരണ സ്ഥാപനങ്ങൾക്ക് നൽകുന്ന ശുചിത്വ പദവിക്ക് ഉള്ളിയേരി  പഞ്ചായത്ത് അർഹത നേടി. ഗ്രാമപഞ്ചായത്ത് പ്രസിഡണ്ട് ഷാജു ചെറുക്കാവിൽ ശുചിത്വ പദവി പ്രഖ്യാപനം നടത്തി. പഞ്ചായത്തിൽ നടന്ന ചടങ്ങ് പൂർണ്ണമായും കോവിഡ് മാനദണ്ഡങ്ങൾ പാലിച്ചാണ് നടത്തിയത്. ഹരിത കേരളം മിഷൻ ജില്ലാ കോർഡിനേറ്റർ പി പ്രകാശ് മുഖ്യാതിഥിയായി. വൈസ്‌ പ്രസിഡൻ്റ് ചന്ദ്രിക പൂമഠത്തിൽ അധ്യക്ഷത വഹിച്ചു.