ആന്തൂര്‍ നഗരസഭ പിഎംഎവൈ- ലൈഫ് ഭവന പദ്ധതിയില്‍ ഉള്‍പ്പെടുത്തി നിര്‍മ്മിച്ച 180 വീടുകളുടെ താക്കോല്‍ ദാനം തദ്ദേശ സ്വയംഭരണ വകുപ്പ് മന്ത്രി എ സി മൊയ്തീന്‍ നിര്‍വഹിച്ചു. വിശപ്പ് രഹിത നഗരസഭ പ്രഖ്യാപനവും അഗതി രഹിത നഗര സഭ ലക്ഷ്യം സാക്ഷാത്കരിക്കുന്നതിനായി തയ്യാറാക്കിയ ആശ്രയ പ്രൊജക്ട് റിപ്പോര്‍ട്ടിന്റെ പ്രകാശനവും മന്ത്രി നിര്‍വഹിച്ചു. ഹരിത കര്‍മ്മ സേനയുടെ ഒന്നാം വാര്‍ഷികവും ചടങ്ങില്‍ നടന്നു.

പൈതൃക കലകളെ കോർത്തിണക്കി വിനോദസഞ്ചാര വകുപ്പും ജില്ലാ ടൂറിസം പ്രൊമോഷൻ കൗൺസിലും സംഘടിപ്പിക്കുന്ന 'ഉത്സവം 2019' ന് തുടക്കമായി. മ്യൂസിയം ബാൻറ് സ്റ്റാൻഡിൽ നടക്കുന്ന പരിപാടിയിൽ ആദ്യദിനം വേലകളിയാണ് അരങ്ങേറിയത്. ശനിയാഴ്ചയും ഞായറാഴ്ചയും വൈകിട്ട് ആറിന് 'ഉത്സവ'ത്തോടനുബന്ധിച്ച് കലാപരിപാടികളുണ്ടാകും.

പണയിൽ ഗോപാലകൃഷ്ണനും സംഘവുമാണ് വെള്ളിയാഴ്ച വേലകളി അവതരിപ്പിച്ചത്. ഓട്ടൻതുള്ളൽ അവതരിപ്പിക്കുന്നത് വിശ്വകലാകേന്ദ്രം സി. ബാലകൃഷ്ണനും സംഘവുമാണ്. ഗിരീഷ് മുട്ടടയുടെയും സംഘത്തിന്റെയും നേതൃത്വത്തിലാണ് ഞായറാഴ്ച ഓട്ടൻതുള്ളൽ അവതരിപ്പിക്കുന്നത്. 

പാരാമെഡിക്കൽ ഡിപ്ലോമ കോഴ്‌സുകളുടെ വിവിധ ഗവൺമെന്റ് കോളേജുകളിൽ ഒഴിവുള്ള സീറ്റുകളിലേക്ക് ഫെബ്രുവരി 16 ന് രാവിലെ 10 ന് ഡോ.സി.ഒ.കെ ആഡിറ്റോറിയത്തിൽ അവസാന സ്‌പോട്ട് അലോട്ട്‌മെന്റ് നടത്തും.

ആകെയുള്ള നാല് പട്ടികകളിൽ (പാരാമെഡിക്കൽ സ്ട്രീം, ഡി.ഫാം, ഹെൽത്ത് ഇൻസ്‌പെക്ടർ (സയൻസ്), ഹെൽത്ത് ഇൻസ്‌പെക്ടർ (നോൺ സയൻസ്) ഉൾപ്പെടെയുള്ള മുഴുവൻ പേരും അസ്സൽ സർട്ടിഫിക്കറ്റുകൾ, മറ്റു അനുബന്ധ രേഖകൾ സഹിതം എത്തണം.

പാലക്കാട് സർക്കിളിന് കീഴിലുള്ള ആറളം വന്യജീവി ഡിവിഷനിലും പീച്ചി ഡിവിഷന് കീഴിലുള്ള സൈലന്റ്‌വാലി നാഷണൽ പാർക്കിലും കൺസർവേഷൻ ബയോളജിസ്റ്റ്, സോഷ്യോളജിസ്റ്റ് തസ്തികകളിൽ കരാർ നിയമനം നടത്തുന്നു. മൂന്ന് കൺസർവേഷൻ ബയോളജിസ്റ്റിനെയും ഒരു സോഷ്യോളജിസ്റ്റിനെയുമാണ് നിയമിക്കുന്നത്. മാർച്ച് 8 നകം അപേക്ഷിക്കണം. കൂടുതൽ വിവരങ്ങൾക്ക് www.forest.kerala.gov.in  

പി.എൻ.എക്സ്. 499/19

തിരുവനന്തപുരം നെടുമങ്ങാട് താലൂക്കിൽ വാളിക്കോട്-വട്ടപ്പാറ റോഡിൽ കിള്ളി നദിക്ക് കുറുകെ നിലവിലുള്ള വാളിക്കോട് പാലം പൊളിച്ചുമാറ്റി പുതിയ പാലം നിർമ്മിക്കുന്നതിനാൽ അതുവഴിയുള്ള ഗതാഗതം 13 മുതൽ ഇനിയൊരറിയിപ്പുണ്ടാകുന്നതുവരെ നിരോധിച്ചു. നെടുമങ്ങാട് നിന്നും വേങ്കോട,് വട്ടപ്പാറ എന്നിവിടങ്ങളിലേക്ക് പോകേണ്ട വാഹനങ്ങൾ നെടുമങ്ങാട്-പഴകുറ്റി റോഡിൽ കല്ലംപാറ ഹൗസിംഗ് ബോർഡ് കോളനിയുടെ മുന്നിലൂടെയുള്ള ഓൾഡ് രാജപാത വഴി പോകണം. തിരുവനന്തപുരത്ത് നിന്ന് കരകുളം വഴി വട്ടപ്പാറയ്ക്കു പോകേണ്ട വാഹനങ്ങൾ കരകുളത്തുനിന്നോ പത്താംകല്ലിൽ നിന്നോ ഇടത്തോട്ട് തിരിഞ്ഞു ഓൾഡ് രാജപാത വഴി പോകണം.

പി.എൻ.എക്സ്. 498/19

സംസ്ഥാനത്തിന്റെ വികസന പ്രവർത്തനങ്ങളുടെ ധനശേഖരണത്തിന്റെ ഭാഗമായി 700 കോടി രൂപ കടപ്പത്രം വഴി സമാഹരിക്കുന്നു. ഇതിനായുളള ലേലം ഫെബ്രുവരി 12ന്  മുംബൈ ഫോർട്ടിലുളള റിസർവ് ബാങ്കിൽ നടക്കും. ഇ-കുബേർ സിസ്റ്റത്തിലൂടെയാണ് ഇടപാടുകൾ. ലേലം സംബന്ധിച്ച വിശദാംശം സംസ്ഥാന ധനവകുപ്പിന്റെ വെബ്‌സൈറ്റായwww.finance.kerala.gov.in  ൽ ലഭിക്കും. (വിജ്ഞാപന നമ്പർ എസ്.എസ്.1/47/2019 ധനവകുപ്പ് തീയതി 08.02.2019). 

പി.എൻ.എക്സ്. 496/19

2010-14 കലണ്ടർ വർഷങ്ങളിൽ മികവ് തെളിയിച്ച കായികതാരങ്ങൾക്ക് സർക്കാർ സർവീസിലുള്ള ഒഴിവുകളിൽ നിയമനത്തിനുള്ള സെലക്ട് ലിസ്റ്റിന് അംഗീകാരം. ജനുവരി 16ന് കൂടിയ സെലക്ട് കമ്മിറ്റിയാണ് 409 പേരുടെ പട്ടിക അംഗീകരിച്ചത്. 249 ഒഴിവുകളാണ് 2010-14 കലണ്ടർ വർഷങ്ങളിലുള്ളത്. ഇതിൽ 248 ഒഴിവുകൾ നികത്താനാണ് ഈ പട്ടിക കേരള സ്റ്റേറ്റ് സ്‌പോർട്‌സ് കൗൺസിൽ, ജില്ലാ ഇൻഫർമേഷൻ ഓഫീസുകൾ, പ്രസ്സ് ക്ലബ്ബ്, തിരുവനന്തപുരം എന്നിവിടങ്ങളിലും ഗവ. വെബ്‌സൈറ്റിലും (www.prd.kerala.gov.in)  സെലക്ട് ലിസ്റ്റ് ഉദ്യോഗാർത്ഥികൾക്ക് പരിശോധിക്കാം.

പി.എൻ.എക്സ്. 494/19

മെഡിക്കൽ പി. ജി പ്രവേശനത്തിൽ പട്ടികജാതി പട്ടികവർഗ സീറ്റുകൾ നഷ്ടമാകാതിരിക്കാൻ സർക്കാർ നടപടി സ്വീകരിക്കണമെന്ന് സംസ്ഥാന എസ്. സി, എസ്. ടി കമ്മീഷൻ നിർദ്ദേശിച്ചു. 

സർക്കാർ സ്വകാര്യ ആശുപത്രികളെ സംയോജിപ്പിച്ചുകൊണ്ട് ക്ഷയരോഗ നിർമാർജ്ജനത്തിനായുളള സംയുക്തസംരംഭത്തിന്റെ ഉദ്ഘാടനവും ശിൽപശാലയും 10ന് രാവിലെ 10.30ന് കൊച്ചി എയർപ്പോർട്ടിലെ മാരിയറ്റിൽ നടക്കും. മുഖ്യാഥിതികളായി ലോകാരോഗ്യ സംഘടന ഡെപ്യൂട്ടി ഡയറക്ടർ ഡോ.സൗമ്യാ സ്വാമിനാഥൻ, ആരോഗ്യവകുപ്പ് അഡീഷണൽ ചിഫ് സെക്രട്ടറി രാജീവ് സദാനന്ദൻ തുടങ്ങിയവർ പങ്കെടുക്കും.

പി.എൻ.എക്സ്. 493/19