അടിയന്തിര അറ്റകുറ്റപണികള്‍ക്കായി നാലുകോടി റെയില്‍വെ ഗേറ്റ് ജനുവരി 29, 30 ദിവസങ്ങളിലും ഏറ്റുമാനൂര്‍-അതിരമ്പുഴ റോഡ് ജനുവരി 28 മുതല്‍ 90 ദവിസത്തേക്ക് അടച്ചിടുമെന്ന് ജില്ലാ കളക്ടര്‍ അറിയിച്ചു. ചിങ്ങവനം കുറുപ്പുന്തറ  റെയില്‍വേപാത ഇരട്ടിപ്പിക്കലിന്റെ  ഭാഗമായി ഏറ്റുമാനൂര്‍ ഓവര്‍ബ്രിഡ്ജ്, പുനര്‍ നിര്‍മ്മിക്കുന്നതിനാണ് ഏറ്റുമാനൂര്‍-അതിരമ്പുഴ റോഡ് അടയ്ക്കുന്നത്. 

     ഈ മാസത്തെ ജില്ലാവികസന സമിതി യോഗം ഫെബ്രുവരി രണ്ട് രാവിലെ 11ന് ചേരും. കളക്‌ട്രേറ്റ് കോണ്‍ഫറന്‍സ് ഹാളില്‍ നടക്കുന്ന യോഗത്തില്‍ ജില്ലാ കളക്ടര്‍ പി. കെ സുധീര്‍ ബാബു അദ്ധ്യക്ഷത വഹിക്കും. 

രാജ്യത്തിന്റെ 70-ാമത് റിപ്പബ്ലിക് ദിനത്തോടനുബന്ധിച്ചുള്ള ജില്ലാതല ആഘോഷച്ചടങ്ങില്‍ മുഖ്യതിഥിയായ ജലവിഭവ വകുപ്പു മന്ത്രി കെ. കൃഷ്ണന്‍കുട്ടി പതാക ഉയര്‍ത്തി അഭിവാദ്യം സ്വീകരിക്കും. കോട്ടയം പൊലീസ് പരേഡ് ഗ്രൗണ്ടില്‍ ഇന്ന് (ജനുവരി 26) രാവിലെ 8ന് ആഘോഷപരിപാടികള്‍ ആരംഭിക്കും.  

കോട്ടയം: മുഖ്യമന്ത്രി  പിണറായി വിജയന്‍ നേതൃത്വം നല്‍കുന്ന എല്‍.ഡി.എഫ് സര്‍ക്കാര്‍ ആയിരം ദിനം പൂര്‍ത്തിയാക്കിയതിന്റെ ആഘോഷപരിപാടികള്‍ക്ക് ഫെബ്രുവരി 20ന് ജില്ലയില്‍ തുടക്കം കുറിക്കും. ഒരാഴ്ച്ച നീണ്ടുനില്‍ക്കുന്ന പ്രദര്‍ശന - വിപണനമേള, വികസന സെമിനാര്‍, സാംസ്‌കാരികപരിപാടികള്‍ എന്നിവയോടെയാണ് ആഘോഷം സംഘടിപ്പിക്കുകയെന്ന് ഇത് സംബന്ധിച്ച് കളക്ട്രേറ്റില്‍ ചേര്‍ന്ന യോഗത്തില്‍ അദ്ധ്യക്ഷത  വഹിച്ച ജലവിഭവ  വകുപ്പു മന്ത്രി കെ. കൃഷ്ണന്‍കുട്ടി അറിയിച്ചു.  ഇതിന് പുറമെ എല്ലാ നിയോജകമണ്ഡലങ്ങളിലും മൂന്നു ദിവസം നീണ്ടു നില്‍ക്കുന്ന പരിപാടികളും സംഘടിപ്പിക്കും.