രാജ്യത്തിന്റെ ഐക്യവും അഖണ്ഡതയും ഭൂമിശാസ്ത്രപരമായ അതിരുകളും കാത്തു സൂക്ഷിക്കുന്നതില്‍ വിട്ടുവീഴ്ചയില്ലാത്ത സമീപനം തുടരണമെന്ന് കൊല്ലം ലാല്‍ബഹദൂര്‍ ശാസ്ത്രി സ്റ്റേഡിയത്തില്‍ നടന്ന 74-മത് സ്വാതന്ത്ര്യദിനാഘോഷം ഉദ്ഘാടനം ചെയ്തുകൊണ്ട് വനം വകുപ്പ് മന്ത്രി കെ രാജു.

ജില്ലാ ജയിലിലെ 15 ഉദ്യോഗസ്ഥര്‍ ഉള്‍പ്പടെ ജില്ലയില്‍ ഇന്നലെ(ആഗസ്റ്റ് 15) 91 പേര്‍ക്ക് കോവിഡ് രോഗം സ്ഥിരീകരിച്ചു. ഒരാള്‍ വിദേശത്ത് നിന്നും നാലുപേര്‍ ഇതരസംസ്ഥാനങ്ങളില്‍ നിന്നും എത്തിയവരാണ്. 86 പേര്‍ക്ക്  സമ്പര്‍ക്കം വഴി രോഗം സ്ഥിരീകരിച്ചു. ആഗസ്റ്റ് 13 ന് തിരുവന്തപുരം മെഡിക്കല്‍ കോളേജില്‍ ചികിത്സയിലിരിക്കെ മരണപ്പെട്ട കൊല്ലം കുണ്ടറ സ്വദേശിനി ജോസി ഭവനില്‍ ഫിലോമിന(70) യുടെ മരണം കോവിഡ് മൂലമെന്ന്  സ്ഥിരീകരിച്ചു. 

വിദേശത്ത് നിന്നും എത്തിയവര്‍
പെരിനാട് വെള്ളിമണ്‍ സ്വദേശി(24) യു എ ഇ യില്‍ നിന്നും എത്തിയതാണ്.

ജില്ലയില്‍ ഇന്നലെ(ആഗസ്റ്റ് 15) 42 പേര്‍ രോഗമുക്തി നേടി. വാളകം മേഴ്‌സി ഹോസ്പിറ്റലില്‍ നിന്ന് നാലുപേരും ശാസ്താംകോട്ട സെന്റ് മേരീസില്‍ നിന്ന് ഒന്‍പതു പേരും ആശ്രാമം ന്യൂ ഹോക്കി സ്റ്റേഡിയത്തില്‍ നിന്ന് ഒന്‍പത് പേരും ചന്ദനത്തോപ്പില്‍ നിന്ന് ഏഴുപേരും ജില്ലാ ആശുപത്രിയില്‍ നിന്ന് 10 പേരും  എറണാകുളത്ത് ചികിത്സയിലിരുന്ന ഒരാളും തിരുവനന്തപുരത്ത് ചികിത്സയിലിരുന്ന രണ്ടുപേരുമാണ്  രോഗമുക്തി നേടിയത്.
(പി.ആര്‍.കെ നമ്പര്‍ 2217/2020)
 

ചെറുകിട വായ്പാ പദ്ധതികളിലൂടെ മത്സ്യത്തൊഴിലാളികളുടെ ആരോഗ്യത്തിനും സാമ്പത്തിക സുരക്ഷിതത്വത്തിനും സര്‍ക്കാര്‍ പ്രഥമ പരിഗണനയാണ് നല്‍കുന്നതെന്ന് മന്ത്രി ജെ മേഴ്സിക്കുട്ടിയമ്മ. വനിതാ മത്സ്യത്തൊഴിലാളി ഗ്രൂപ്പുകള്‍ക്ക് വായ്പ നല്‍കുന്ന 3ആര്‍ പദ്ധതി കലക്‌ട്രേറ്റ് കോണ്‍ഫറന്‍സ് ഹാളില്‍  ഉദ്ഘാടനം ചെയ്യുകയായിരുന്നു മന്ത്രി.

*ചികിത്സയിലുള്ളത് 14,891 പേർ; 20 പുതിയ ഹോട്ട് സ്‌പോട്ടുകൾ

രാജ്യത്തിന്റെ ബഹുസ്വരതയും ജനാധിപത്യ മതനിരപേക്ഷമൂല്യങ്ങളും ഉയർത്തിപ്പിടിക്കുക എന്നതാണ് രാജ്യത്തെ ഓരോ പൗരന്റേയും കടമയെന്നും സ്വാതന്ത്ര്യസമരമൂല്യങ്ങൾ സാംശീകരിക്കാൻ കഴിഞ്ഞതിനാലാണ് ലോകത്തിലെ ഏറ്റവും വലിയ ജനാധിപത്യമാതൃകയാവാൻ ഇന്ത്യയ്ക്ക് കഴിഞ്ഞതെന്നും ജില്ലാ കളക്ടർ എസ് ഷാനവാസ് പറഞ്ഞു. 74-ാമത് സ്വാതന്ത്ര്യ ദിനാഘോഷത്തിന്റെ ഭാഗമായി നടന്ന പരേഡിൽ തൃശൂർ തേക്കിൻകാട് മൈതാനത്ത് പതാക ഉയർത്തിയതിന് ശേഷം സ്വാതന്ത്ര്യദിന സന്ദേശത്തിന്റെ ഭാഗമായി സംസാരിക്കുകയായിരുന്നു അദ്ദേഹം.

കോവിഡ് വ്യാപനത്തെ തുടർന്ന് പ്രവർത്തനം നിർത്തിവെച്ച സെറിബ്രൽ പാൾസി, ഓട്ടിസം സ്‌പെഷ്യൽ സ്‌കൂളുകളിലെ വിദ്യാർത്ഥികളെയും അദ്ധ്യാപകരെയും ഓൺലൈനിൽ പങ്കെടുപ്പിച്ചുകൊണ്ട് കല്ലേറ്റുംകര എൻഐപിഎംആറിൽ 'ഫ്രീഡം കണക്റ്റ്' എന്ന പേരിൽ സ്വാതന്ത്ര്യദിനം ആഘോഷിച്ചു. കോവിഡ് പ്രൊട്ടോക്കോൾ പാലിച്ചുകൊണ്ട് എൻഐപിഎംആർ ആസ്ഥാനത്ത് ജോയിന്റ് ഡയറക്ടർ സി ചന്ദ്രബാബു ദേശീയപതാക ഉയർത്തി. എക്‌സിക്യൂട്ടീവ് ഡയറക്ടർ ഡോ. ബി മുഹമ്മദ് അഷീൽ ഓൺലൈനായി സ്വാതന്ത്ര്യദിന സന്ദേശം നൽകി. 19 ജീവനക്കാർ നേരിട്ടും 65 പേർ ഓൺലൈനായും പങ്കെടുത്തു.