ജാഗ്രത പാലിക്കണം

ചൊവ്വ കെ എസ് ഇ ബി പരിധിയിലെ 110 കെ വി സബ്‌സ്റ്റേഷന്‍ മുതല്‍ തിലാന്നൂര്‍ വയല്‍ വരെയും 110 കെ വി സബ്‌സ്റ്റേഷന്‍ മുതല്‍ കിഴുത്തള്ളി ഓവുപാലം(ബൈപ്പാസ് റോഡ്) വരെയും നിര്‍മിച്ച 11 കെ വി ഭൂഗര്‍ഭ കേബിള്‍ വഴി ജനുവരി 25 ന് രാവിലെ ഒമ്പത് മണി മുതല്‍ വൈദ്യുതി പ്രവഹിപ്പിക്കുന്നതാണ്.  ആയതിനാല്‍ ഭൂഗര്‍ഭ കേബിളുകളിലോ അനുബന്ധ ഉപകരണങ്ങളിലോ പൊതുജനങ്ങള്‍ സ്പര്‍ശിക്കരുതെന്ന് അസിസ്റ്റന്റ് എഞ്ചിനീയര്‍ അറിയിച്ചു.

ഏകദിന യുവ മാധ്യമ സെമിനാര്‍

കോട്ടയത്ത് നടന്ന പതിനാറാമത് സംസ്ഥാന എക്‌സൈസ് കലാ-കായികമേളയില്‍ കലാമത്സരത്തില്‍ കണ്ണൂര്‍ ജില്ല ഓവറോള്‍ ചാമ്പ്യന്‍മാരായി.  ഗ്രൂപ്പിനങ്ങളില്‍ ഒപ്പന, തിരുവാതിര എന്നീ ഇനങ്ങളില്‍ ഒന്നാം സ്ഥാനവും നാടകം, സ്‌കിറ്റ് ഇനങ്ങളില്‍ രണ്ടാം സ്ഥാനവും നേടിയാണ് കണ്ണൂര്‍ ചാമ്പ്യന്‍ഷിപ്പ് കരസ്ഥമാക്കിയത്.    മികച്ച നാടകനടനായി പി സി പ്രഭുനാഥും കലാതിലകമായി ജെസ്‌ന ജോസഫും തെരഞ്ഞെടുക്കപ്പെട്ടു.  ഗെയിംസിനത്തില്‍ വോളിബോള്‍ മത്സരത്തില്‍ ഇത്തവണയും കണ്ണൂര്‍ ജില്ല ജേതാക്കളായി.

പ്രളയത്തിലും കാലവര്‍ഷത്തിലും ഭാഗികമായി തകര്‍ന്ന വീടുകള്‍ക്കുള്ള നഷ്ടപരിഹാര ഇനത്തില്‍ മാത്രം ജില്ലയില്‍ വിതരണം ചെയ്തത് 6,42,45,786 രൂപ. 3104 കുടുംബങ്ങള്‍ക്കായാണ് ഈ തുക വിതരണം ചെയ്തത്. വീട് പൂര്‍ണമായി തകര്‍ന്നവര്‍ക്കും വീടും സ്ഥലവും പൂര്‍ണമായി നഷ്ടപ്പെട്ടവര്‍ക്കും വീട് നിര്‍മിച്ചു നല്‍കുന്നതിന് പ്രളയാനന്തര പുനര്‍നിര്‍മാണ പദ്ധതിയില്‍ (റീ ബില്‍ഡ് കേരള) പ്രത്യേക സ്‌കീമുകള്‍ ജില്ലയില്‍ നടപ്പിലാക്കിവരികയാണ്. 

ജനുവരി 26ന് രാവിലെ എട്ടു മണിക്ക് കണ്ണൂര്‍ പോലിസ് മൈതാനിയില്‍ നടക്കുന്ന റിപ്പബ്ലിക്ദിന പരേഡില്‍ വ്യവസായ മന്ത്രി ഇ പി ജയരാജന്‍ സല്യൂട്ട് സ്വീകരിക്കും. സെറിമോണിയല്‍ പരേഡില്‍ കെ.എ.പി നാലാം ബറ്റാലിയന്‍, സായുധ പോലിസ്, ലോക്കല്‍ പോലിസ് (പുരുഷന്‍-വനിത), എക്‌സൈസ്, ഫോറസ്റ്റ്, ജയില്‍, ഫയര്‍ ആന്റ് റെസ്‌ക്യൂ വിഭാഗങ്ങളുടെ ഓരോ പ്ലാറ്റൂണുകള്‍, എന്‍.സി.സി, സ്‌കൗട്ട്‌സ്&ഗൈഡ്‌സ്, ജൂനിയര്‍ റെഡ്‌ക്രോസ് എന്നിവയുടെ ഏഴ് വീതം പ്ലാറ്റൂണുകള്‍, സ്റ്റുഡന്റ്‌സ് പോലിസ് കേഡറ്റിന്റെ രണ്ട് പ്ലാറ്റൂണുകള്‍ എന്നിവ അണിനിരക്കും. ആര്‍മി സ്‌കൂള്‍, ഡിഎസ്‌സി എന്നിവയുടെ ബാന്റ് വാദ്യം പരേഡിന് കൊഴുപ്പേകും.

പിന്നോക്ക വിഭാഗ വികസന കോര്‍പ്പറേഷന്‍ പിന്നോക്ക വിഭാഗക്കാര്‍ക്കും മത ന്യൂനപക്ഷ വിഭാഗക്കാര്‍ക്കും 6 ശതമാനം മുതല്‍ 8 ശതമാനം വരെ പലിശ നിരക്കില്‍ വായ്‌പ നല്‍കുന്നു. 18 നും 55 നും മദ്ധ്യേ പ്രായമുളളവര്‍ക്ക്‌ അപേക്ഷിക്കാം. അപേക്ഷഫോറവും വിശദവിവരങ്ങളും തൃശൂര്‍ രാമനിലയത്തിനു സമീപമുളള ജില്ലാ ഓഫീസില്‍ നിന്നു ലഭിക്കും. ഫോണ്‍ : 0487-2321776.
 

ജില്ലാ ആശുപത്രിയില്‍ എത്തുന്ന സാമ്പത്തികമായി വിഷമം അനുഭവിക്കുന്ന രോഗികള്‍ക്കു നൂതന ചികിത്സ സൗകര്യങ്ങള്‍ ഒരുക്കിയിട്ടുണ്ടെന്നു കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍. തൃശൂര്‍ മുനിസിപ്പല്‍ കോര്‍പ്പറേഷന്‍ ജനറല്‍ ആശുപത്രിയില്‍ കൃഷി വകുപ്പ്‌ മന്ത്രി വി എസ്‌ സുനില്‍ കുമാറിന്റെ 2018-19 വര്‍ഷത്തെ ആസ്‌തി വികസന ഫണ്ടില്‍ നിന്ന്‌ അനുവദിച്ച 47.12 ലക്ഷം രൂപ വിനിയോഗിച്ച്‌ ഗൈനക്ക്‌, ഹിസ്‌ക്രോമേറ്റ്‌ ഡയാലിസിസ്‌ വിഭാഗങ്ങളിലേക്ക്‌ അനുവദിച്ച ഉപകരണങ്ങളുടെ ഉദ്‌ഘാടനം നിര്‍വഹിച്ചു സംസാരിക്കുയായിരുന്നു മന്ത്രി.

പട്ടികവര്‍ഗ്ഗ വികസന വകുപ്പിന്റെ കീഴിലുളള മോഡല്‍ റസിഡന്‍ഷ്യല്‍ സ്‌കൂളില്‍ 2019-20 അദ്ധ്യയന വര്‍ഷം 5, 6 ക്ലാസ്സുകളിലേക്കുളള പ്രവേശനത്തിന്‌ അപേക്ഷ ക്ഷണിച്ചു. വിശദവിവരങ്ങളും അപേക്ഷഫോറത്തിന്റെ മാതൃകയും ചാലക്കുടി ട്രൈബല്‍ ഡവലപ്പ്‌മെന്റ്‌ ഓഫീസ്‌, ആമ്പല്ലൂര്‍ ട്രൈബല്‍ എക്‌സറ്റന്‍ഷന്‍ ഓഫീസ്‌, നായരങ്ങാടി മോഡല്‍ റസിഡന്‍ഷ്യല്‍ സ്‌കൂള്‍ എന്നിവിടങ്ങളില്‍ നിന്നും ലഭിക്കും. അപേക്ഷ സ്വീകരിക്കുന്ന അവസാന തീയതി ഫെബ്രുവരി 10. കൂടുതല്‍ വിവരങ്ങള്‍ക്ക്‌ ഫോണ്‍ : 0480-2706100, 9496070362.

കോടതി കുടിശ്ശിക ഈടാക്കുന്നതിന്‌ വരവൂര്‍ വില്ലേജ്‌ റീസര്‍വെ 340/4 ല്‍ ഉള്‍പ്പെട്ട 0.0202 ഹെക്‌ടര്‍ സ്ഥലം ഉള്‍പ്പെടെയുളള വസ്‌തുവഹകള്‍ ഫെബ്രുവരി 21 രാവിലെ 11 ന്‌ വരവൂര്‍ വില്ലേജ്‌ ഓഫീസില്‍ ലേലം ചെയ്യും. കൂടുതല്‍ വിവരങ്ങള്‍ക്ക്‌ ഫോണ്‍ : 04884-232226.
 

പൂങ്കുന്നം ഗവ. ഹയര്‍ സെക്കണ്ടറി സ്‌കൂളിലെ ഹയര്‍ സെക്കണ്ടറി വിഭാഗത്തിനായി നിര്‍മ്മിക്കുന്ന ക്ലാസ്‌ മുറികളുടെ നിര്‍മ്മാണോദ്‌ഘാടനം കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാര്‍ നിര്‍വഹിച്ചു. പൊതുവിദ്യാഭ്യാസ സംരക്ഷണത്തിന്റെ ഭാഗമായി പൊതുവിദ്യാലയങ്ങള്‍ മികവിന്റെ കേന്ദ്രങ്ങളായി മാറികൊണ്ടിരിക്കുകയാണ്‌. ഇതിന്റെ ഭാഗമായി കൃഷി വകുപ്പ്‌ മന്ത്രി അഡ്വ. വി എസ്‌ സുനില്‍കുമാറിന്റെ 2016-17 വര്‍ഷത്തെ ആസ്‌തി വികസന ഫണ്ടില്‍ നിന്നും അനുവദിച്ച ഒരു കോടി പതിമൂന്ന്‌ ലക്ഷം രൂപയാണ്‌ ഈ കെട്ടിടനിര്‍മ്മാണത്തിന്‌ ഉപയോഗിച്ചത്‌. കോര്‍പ്പറേഷന്‍ മേയര്‍ അജിത വിജയന്‍ അദ്ധ്യക്ഷത വഹിച്ചു.

ജില്ലയില്‍ സബ്‌സിഡി നിരക്കില്‍ ബയോഗ്യാസ്‌ പ്ലാന്റുകള്‍ വീടുകളില്‍ സ്ഥാപിച്ചു നല്‍കുന്നതിന്‌ അപേക്ഷ ക്ഷണിച്ചു. അപേക്ഷ ഫെബ്രുവരി 11 നകം അതത്‌ കൃഷി ഭവനില്‍ നല്‍കണം. കൂടുതല്‍ വിവരങ്ങള്‍ക്ക്‌ ഫോണ്‍ : 0487-2444297.