പട്ടിക ജാതി വികസന വകുപ്പിന്റെ കീഴില്‍ കുട്ടിക്കാനത്ത് പ്രവര്‍ത്തിക്കുന്ന പീരുമേട് ഗവ മോഡല്‍ റെസിഡനന്‍ഷ്യല്‍ സ്‌കൂളില്‍  (തമിഴ് മീഡിയം) 2019-20 അധ്യയന വര്‍ഷം അഞ്ചാം ക്ലാസിലേക്ക് പ്രവേശനത്തിനായി പട്ടികജാതി മറ്റിതര സമുദായത്തില്‍പ്പെട്ടവരുമായ വിദ്യാര്‍ഥികളില്‍ നിന്നും അപേക്ഷ ക്ഷണിക്കുന്നു. ആകെയുള്ള 40 സീറ്റില്‍ 10% മറ്റു പിന്നോക്ക വിഭാഗക്കര്‍ക്കായി സംവരണം ചെയ്തിരിക്കുന്നു. അപേക്ഷകര്‍ തമിഴ് മീഡിയം സ്‌കൂളില്‍ പഠിക്കുന്നവരും  അപേക്ഷകരുടെ കുടുംബ വാര്‍ഷിക വരുമാനം 10000 രുപയോ അതില്‍ താഴെയോ ആയിരിക്കണം.

ഭിന്നശേഷി വിഭാഗങ്ങളെക്കൂടി ഉള്‍പ്പെടുത്തി തിരൂര്‍ ജില്ലാ ആശുപത്രി പി.എം.ആര്‍ വിഭാഗത്തിന് കീഴിലുള്ള വരം കുട്ടായ്മയും താനാളൂര്‍ ഗ്രാമപഞ്ചായത്ത് ക്ലബ്ബ് കോര്‍ഡിനേഷന്‍ കമ്മിറ്റിയും ജി- ടെക് കമ്പ്യുട്ടര്‍ എഡ്യുക്കേഷനും സംയുക്തമായി ഫെബ്രുവരി രണ്ടിന് താനാളൂരില്‍ മെഗാ തൊഴില്‍ മേള നടത്തും. തൊഴില്‍ മേളയുടെ ഉദ്ഘാടനം രാവിലെ ഒന്‍പതിന് വി.അബ്ദുറഹിമാന്‍ എം.എല്‍.എ നിര്‍വഹിക്കും. താനൂര്‍ ബ്ലോക്ക് പഞ്ചായത്ത് പ്രസിഡന്റ് സി.കെ.എ റസാഖ് അതിഥിയാകും.

മക്കരപ്പറമ്പ് ഇലക്ട്രിക്കല്‍ സെക്ഷന് പരിധിയില്‍ വരുന്ന ചെട്ടിയാരങ്ങാടി, പോത്തുകുണ്ട്, മനാര്‍, പെരിന്താറ്റിരി എന്നീ സ്ഥലങ്ങളില്‍  ഇന്ന് (ജനുവരി 30) രാവിലെ എട്ട് മുതല്‍ വൈകീട്ട് അഞ്ചുവരെ  വൈദ്യുതി വിതരണം തടസ്സപ്പെടും.