നെഹ്‌റു യുവ കേന്ദ്രയുടെ ആഭിമുഖ്യത്തില്‍ ജില്ലയിലെ 15-29 വയസ്സ് പ്രായമുള്ള യുവതീ -യുവാക്കള്‍ക്ക് നേതൃത്വ പരിശീലന ക്യാമ്പ് സംഘടിപ്പിക്കും.   ഈ മാസം 26 മുതല്‍ 28 വരെ പടന്ന ഷറഫ് ആര്‍ട്‌സ് ആന്‍ഡ് സയന്‍സ് കോളേജിലാണ് ക്യാമ്പ്. താമസവും ഭക്ഷണവും സൗജന്യമാണ്.പങ്കെടുക്കുവാന്‍ താല്പര്യമുള്ളവര്‍ ജനുവരി 24 നകം ജില്ലാ യൂത്ത് കോ ഓര്‍ഡിനേറ്റര്‍, നെഹ്‌റു യുവ കേന്ദ്ര, സിവില്‍ സ്റ്റേഷന്‍, കാസര്‍കോട് എന്ന വിലാസത്തില്‍ പേര് രജിസ്റ്റര്‍ ചെയ്യണം.  കൂടുതല്‍ വിവരങ്ങള്‍ക്ക്  -9747321959  

2019-2020 അധ്യയന വര്‍ഷത്തിലേക്ക് ജിവി രാജ സ്‌പോര്‍ട്‌സ് സ്‌കൂളിലും കണ്ണൂര്‍ സ്‌പോര്‍ട്‌സ് ഡിവിഷന്‍ സ്‌കൂളിലും പ്രവേശനത്തിന് ജില്ലാതലത്തില്‍ സെലക്ഷന്‍ ട്രയല്‍ നടത്തും. ഏഴ്, എട്ട്, ഒന്‍പത്, പ്ലസ് വണ്‍/വിഎച്ച്എസ്ഇ ക്ലാസുകളിലേക്കാണ് പ്രവേശനം. കാസര്‍കോട് ജില്ലയില്‍ നാളെ(23) പെരിയ നവോദയ വിദ്യാലയത്തില്‍ സെലക്ഷന്‍ ട്രയല്‍സ് നടക്കും. കൂടുതല്‍ വിവരങ്ങള്‍ക്ക്  www.sportskerala.org എന്ന വെബ്‌സൈറ്റ് സന്ദര്‍ശിക്കുക.

പൊതുമരാമത്ത് വകുപ്പ് വെസ്റ്റ് എളേരിയുടെ കീഴിലുള്ള വരക്കാട്-എളേരിത്തട്ട്-പരമ്പ റോഡില്‍ വരക്കാടിനും ചീര്‍ക്കയത്തിനും ഇടയില്‍ ടാറിംഗ് നടത്തേണ്ടതിനാല്‍ ഇന്ന്(22) മുതല്‍ ഇനി ഒരു അറിയിപ്പ് ഉണ്ടാകുന്നതുവരെ ഗതാഗതം പൂര്‍ണ്ണമായും നിരോധിച്ചു. വരക്കാട് നിന്നും പുങ്ങംചാലിലേക്ക് പോകേണ്ട വാഹനങ്ങള്‍ വരക്കാട്-ഭീമനടി-വെള്ളരിക്കുണ്ട്-പുങ്ങംചാല്‍ റോഡ് ഉപയോഗിക്കണമെന്ന് പൊതുമരാമത്ത് റോഡ്‌സ് ഡിവിഷന്‍ എക്‌സിക്യുട്ടീവ് എഞ്ചിനീയര്‍ അറിയിച്ചു.

സ്ത്രീകളുടെ സാമൂഹിക-സാമ്പത്തിക ഉന്നമനം ലക്ഷ്യമാക്കി കുടുംബശ്രീയുടെ 'ലിംഗ പദവി: സമത്വവും നീതിയും' എന്ന പ്രമേയത്തിലുള്ള നാലാംഘട്ട സ്വയംപഠന പ്രക്രിയക്ക് ജില്ലയില്‍ തുടക്കമായി. കുടുംബശ്രീ ജെന്‍ഡര്‍ പദ്ധതിയുടെ ഭാഗമായി സംസ്ഥാന തലത്തില്‍ നടപ്പിലാക്കി വരുന്ന പഠന പദ്ധതിയുടെ ജില്ലാതല ഉദ്ഘാടനം ചെമ്മനാട് ഗ്രാമപഞ്ചായത്ത് ഹാളില്‍ വൈദ്യുതി വകുപ്പ് മന്ത്രി എം.എം. മണി നിര്‍വഹിച്ചു. കെ. കുഞ്ഞിരാമന്‍ എം.എല്‍.എ. അധ്യക്ഷനായി. ചടങ്ങില്‍ പഠനപ്രക്രിയ പഠന സഹായി പുസ്തക പ്രകാശനം മന്ത്രി നിര്‍വഹിച്ചു. കൂടാതെ കുടുംബശ്രീ ഗ്രാമകിരണം നിര്‍മ്മിക്കുന്ന സോളാര്‍ ഔട്ട്‌ഡോര്‍ ലൈറ്റ് മന്ത്രി ഉദ്ഘാടനം ചെയ്തു.  

* എയർഇന്ത്യയുടെ അമിതനിരക്ക് കുറയ്ക്കണമെന്ന് മുഖ്യമന്ത്രി

* വിമാനക്കമ്പനി സി.ഇ.ഒ മാരുമായി മുഖ്യമന്ത്രി ചർച്ച നടത്തി

സർവതല സ്പർശിയായ വികസനമാണ് നവകേരളത്തിന് വേണ്ടതെന്ന് മുഖ്യമന്ത്രി പിണറായി വിജയൻ പറഞ്ഞു. കേരള സർവകലാശാലയിൽ ഇക്കണോമിക്‌സ് ഇന്റർ യൂണിവേഴ്‌സിറ്റി സെന്റർ സംഘടിപ്പിച്ച കേരള സമ്പദ്‌വ്യവസ്ഥ പുനസംഘടന: ബദൽ കാഴ്ചപ്പാട് എന്ന വിഷയത്തിലെ അന്തർദ്ദേശീയ സമ്മേളനം ഉദ്ഘാടനം ചെയ്യുകയായിരുന്നു. 

ജില്ലയില്‍ 9-12 ക്ലാസുകളില്‍ പഠിക്കുന്ന വിദ്യാര്‍ഥികള്‍ക്ക് സമ്മതിദായകരുടെ ദേശീയ ദിനാചരണത്തിന്റെ ഭാഗമായി നാളെ (23) ഡ്രായിംഗ് ആന്‍ഡ് പെയിന്റിംഗ് മത്സരവും 24ന് ക്വിസ് മത്സരവും നടത്തും. കളക്ടറേറ്റ് കവാടത്തിന് സമീപമുള്ള പുതിയ വില്ലേജ് ഓഫീസ് കെട്ടിടത്തില്‍ രാവിലെ 10.30 മുതല്‍ ഒന്ന് വരെയാണ് മത്സരം നടത്തുക. ക്വിസ് മത്സരത്തിന് ഒരു സ്‌കൂളില്‍ നിന്ന് രണ്ട് പേര്‍ അടങ്ങുന്ന ടീമിന് പങ്കെടുക്കാം. പങ്കെടുക്കുന്നവരുടെ പട്ടിക ഇന്ന് കളക്ടറേറ്റിലെ ഇലക്ഷന്‍ വിഭാഗത്തില്‍ ലഭ്യമാക്കണം. ഫോണ്‍: 0468 2224256.            (പിഎന്‍പി 247/19)

ജില്ലാ പ്രവാസി പരാതി പരിഹാര കമ്മിറ്റിയുടെ രണ്ടാമത് യോഗം കളക്ടറേറ്റ് കോണ്‍ഫറന്‍സ് ഹാളില്‍ നടന്നു. പഞ്ചായത്ത് ഡെപ്യൂട്ടി ഡയറക്ടര്‍ പി.എന്‍.അബൂബക്കറിന്റെ അധ്യക്ഷതയില്‍ നടന്ന യോഗത്തില്‍ ജില്ലാ പോലീസ് സൂപ്രണ്ടിന്റെ പ്രതിനിധി, സര്‍ക്കാ പ്രതിനിധികളായ സജി ജോണ്‍സണ്‍, പീറ്റര്‍ മാത്യു, സുധ രഞ്ചന്‍ എന്നിവര്‍ പങ്കെടുത്തു.