ജില്ലയില്‍ ചെറുകിട വ്യവസായ സ്ഥാപനങ്ങള്‍ നേരിടുന്ന പ്രശ്‌നങ്ങള്‍ പരിഹരിക്കുന്നതിനും വിവിധ കാരണങ്ങളാല്‍ തീര്‍പ്പാകാതെ കിടക്കുന്ന അപേക്ഷകളില്‍ തീരുമാനമെടുക്കുന്നതിനുമായി ഫെബ്രുവരി 16 ന്  വ്യവസായ വകുപ്പ് മന്ത്രി ഇ.പി ജയരാജന്‍ വ്യവസായ അദാലത്ത് നടത്തുന്നു. പരാതികള്‍ ഫെബ്രുവരി അഞ്ചിനകം ജില്ലാ വ്യവസായ കേന്ദ്രത്തിലോ, ഏറനാട്, തിരൂര്‍, പൊന്നാനി, പെരിന്തല്‍മണ്ണ, തിരൂരങ്ങാടി, നിലമ്പൂര്‍ എന്നീ താലൂക്ക് വ്യവസായ ഓഫീസുകളിലോ സമര്‍പ്പിക്കണം. ഫോണ്‍. 0483 2737405  .

2019ലെ പൊതു തിരഞ്ഞെടുപ്പ് മുന്നൊരുക്കവുമായി ബന്ധപ്പെട്ട് കേന്ദ്ര തിരഞ്ഞെടുപ്പ് കമ്മീഷൻ നടത്താനിരുന്ന വീഡിയോ കോൺഫറൻസ് മാറ്റിവെച്ചു. ഇന്നലെ (ജനുവരി 22) നടത്താനിരുന്ന വീഡിയോ കോൺഫറൻസാണ് മാറ്റിയത്. ചീഫ് സെക്രട്ടറി, സംസ്ഥാന പോലീസ് മേധാവി, ആഭ്യന്തര അഡീ.ചീഫ് സെക്രട്ടറി, ചീഫ് ഇലക്ടറൽ ഓഫീസർ എന്നിവരുമായാണ് തിരഞ്ഞെടുപ്പ് ഒരുക്കങ്ങൾ, ഒഴിവുകൾ നികത്തൽ, റിട്ടേണിംഗ് ഓഫീസർമാരുടേയും, അസിസ്റ്റൻറ് റിട്ടേണിംഗ് ഓഫീസർ, മറ്റ് തിരഞ്ഞെടുപ്പ് ഉദ്യോഗസ്ഥരുടെ നിയമനം തുടങ്ങിയവ ചർച്ച ചെയ്യാനായിരുന്നു വീഡിയോ കോൺഫറൻസ്.

പി.എൻ.എക്സ്. 255/19

പെരുമ്പാവൂർ: കൂവപ്പടി ബ്ലോക്ക് പഞ്ചായത്ത് സൗരോർജ്ജ പ്രഭയിൽ .       6.92 ലക്ഷം രൂപ ചിലവിൽ ബ്ലോക്ക് പഞ്ചായത്തോഫീസിൽ സ്ഥാപിച്ച  സൗരോർജ്ജ പാനലാണ് പ്രവർത്തന സജ്ജമായത്. 25 കിലോവാട്ട് വൈദ്യുതി ഇതിലൂടെ ഉത്പാദിപ്പിക്കാനാണ് ലക്ഷ്യമിടുന്നത്. പ്രതിദിനം 25 യൂനിറ്റ് വൈദ്യുതി ഇതിലൂടെ ലഭിക്കും. ബ്ലോക്ക് പഞ്ചായത്തിന്റെ പ്രതിദിന ഉപയോഗം ശരാശരി15 യൂണിറ്റാണ്. ബാക്കി ഉത്പാദിപ്പിക്കുന്ന വൈദ്യുതി ഇലക്ടിസിറ്റി ബോർഡുമായി  ഉണ്ടാക്കിയ ധാരണ പ്രകാരം  വൈദ്യംത ലൈനിലേക്ക് നേരിട്ട് കടത്തിവിടും. ഇതോടെ വൈദ്യുത ബിൽ തുക ലാഭിക്കാമെന്നതിന് പുറമേ  വൈദ്യുതി വിൽപനയിലൂടെ ബ്ലോക്കിന് സാമ്പത്തീക നേട്ടമുണ്ടാകുകയും ചെയ്യും.

കോതമംഗലം: കോതമംഗലം ബ്ലോക്ക് പഞ്ചായത്ത് പോത്താനിക്കാട് ഡിവിഷനിലെ തായ്മറ്റത്ത് നിര്‍മ്മിച്ചിരിക്കുന്ന തായ്മറ്റം സ്വാശ്രയ കുടിവെള്ള പദ്ധതിയുടെ ഉദ്ഘാടനം ബുധനാഴ്ച രാവിലെ 9.30-ന് ജോയ്സ് ജോര്‍ജ് എം.പി നിര്‍വഹിക്കും.എല്‍ദോ എബ്രഹാം എം.എല്‍.എ പൊതു സമ്മേളനം ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്റ് റഷീദ സലിം അധ്യക്ഷത വഹിക്കും.  ബ്ലോക്ക് പഞ്ചായത്ത് പോത്താനിക്കാട് ഡിവിഷനില്‍ നടപ്പിലാക്കുന്ന 6 സ്വാശ്രയ കുടിവെള്ള പദ്ധതികളില്‍ നിര്‍മ്മാണം പൂര്‍ത്തിയായ മൂന്നാമത്തെ പദ്ധതിയാണ്  തായ്മറ്റം കുടിവെള്ള പദ്ധതി.

പട്ടികജാതി വിഭാഗത്തിൽപെട്ട യുവതികൾക്ക് തൊഴിൽ പരിശീലനത്തിന് അപേക്ഷ ക്ഷണിച്ചു

കൊച്ചി: മാതാപിതാക്കളുടെയും മുതിര്‍ന്ന പൗരന്മാരുടെയും ക്ഷേമവും സംരക്ഷണവും നിയമം 2007 അനുസരിച്ച് മൂവാറ്റുപുഴ റവന്യൂ ഡിവിഷണല്‍ ഓഫീസറുടെ കാര്യാലയത്തില്‍ പ്രവര്‍ത്തിക്കുന്ന മെയിന്റനന്‍സ് ട്രൈബ്യൂണലിന്റെ കണ്‍സീലിയേഷന്‍ പാനലിലേക്ക് കണ്‍സീലിയേഷന്‍ ഓഫീസര്‍മാരെ നിയമിക്കുന്നതിന് നിയമ പരിജ്ഞാനമുളളവരില്‍ നിന്നും അപേക്ഷ ക്ഷണിച്ചു. എം.എസ്.ഡബ്ലിയു/എം.എ സൈക്കോളജി യോഗ്യതയുളളവര്‍ക്കും കൗണ്‍സിലിംഗില്‍ 15 വര്‍ഷത്തിനുമേല്‍ മുന്‍പരിചയം ഉളളവര്‍ക്കും മുന്‍ഗണന. തീര്‍പ്പാക്കുന്ന ഓരോ കേസിനും 1000 രൂപ നിരക്കില്‍ പാനലിന് പ്രതിഫലം ലഭിക്കും. ഒരോ കേസിനും 1000 രൂപ നിരക്കില്‍ പാനലിന് പ്രതിഫലം ലഭിക്കും.

എച്ച് ആര്‍ ഡി അറ്റസ്റ്റേഷന്‍ നാളെ

കല്ല്യാശ്ശേരി മണ്ഡലത്തിലെ ലൈബ്രറികളുടെ ഹൈടെക്വല്‍ക്കരണ പ്രവൃത്തികള്‍ അന്തിമ ഘട്ടത്തിലെത്തിയതായി ടി വി രാജേഷ് എംഎല്‍എയുടെ അധ്യക്ഷതയില്‍ ചേര്‍ന്ന യോഗം വിലയിരുത്തി. എംഎല്‍എയുടെ പ്രത്യേക വികസന നിധിയില്‍ നിന്ന് 1.28 കോടി രൂപ ചെലവഴിച്ച് മണ്ഡലത്തിലെ ലൈബ്രറികള്‍ക്ക് പ്രൊജക്ടര്‍, പ്രിന്റര്‍, സ്‌ക്രീന്‍, ലാപ്ടോപ്, തുടങ്ങിയവ വിതരണം ചെയ്തു. ലൈബ്രറികളിലേക്കുള്ള മൈക്ക് സെറ്റുകള്‍ ജനുവരി അവസാനത്തോടെ വിതരണം ചെയ്യുമെന്നും അദ്ദേഹം അറിയിച്ചു.  

പൊതു ഇടങ്ങളില്‍ അമ്മമാര്‍ക്ക് സൗകര്യപ്രദമായി മൂലയൂട്ടാന്‍ സംവിധാനമൊരുക്കുന്ന ജില്ലാ പഞ്ചായത്തിന്റെ അമ്മയ്ക്കൊരിടം പദ്ധതിക്ക് ജില്ലയില്‍ തുടക്കമായി. ജില്ലാ ഗവ.ആശുപത്രിയില്‍ നടന്ന ചടങ്ങില്‍ പി കെ ശ്രീമതി എംപി പദ്ധതിയുടെ ഉദ്ഘാടനം നിര്‍വഹിച്ചു.