26 പേര്‍ രോഗമുക്തരായി

ഉറവിടമറിയാതെ നാല് പേര്‍ക്ക് വൈറസ്ബാധ

രോഗബാധിതരായി ചികിത്സയില്‍ 555 പേര്‍

ഇതുവരെ രോഗബാധ സ്ഥിരീകരിച്ചത് 1,214 പേര്‍ക്ക്

845 പേര്‍ക്ക് കൂടി പ്രത്യേക നിരീക്ഷണം

ആകെ നിരീക്ഷണത്തിലുള്ളത് 41,530 പേര്‍

    ജില്ലയിലെ തീവ്ര കണ്ടെയ്ന്‍മെന്റ് സോണുകളായി പ്രഖ്യാപിച്ചിട്ടുള്ള തീരദേശമേഖലകളിലെ റേഷന്‍ കോര്‍ഡുടമകള്‍ക്കുള്ള സൗജന്യ അരി വിതരണം തുടങ്ങി. അഞ്ച് കിലോഗ്രാം അരിയാണ് കാര്‍ഡുമകള്‍ക്ക് വിതരണം ചെയ്യുന്നത്. തീവ്ര കണ്ടെയ്ന്‍മെന്റ് സോണുകളായി ജില്ലയില്‍ പ്രഖ്യാപിച്ചിട്ടുള്ള പൊന്നാനി, താനൂര്‍ നഗരസഭകളിലെ തീരദേശ മേഖലയിലുള്‍പ്പെടുന്ന വാര്‍ഡുകളിലും വെളിയങ്കോട്, പെരുമ്പടപ്പ് ഗ്രാമപഞ്ചായത്തുകളിലുമാണ് സൗജന്യമായി അരി വിതരണം ചെയ്യുന്നത്. എല്ലാ റേഷന്‍ കാര്‍ഡുടമകളും ആരോഗ്യ സുരക്ഷാ മാനദണ്ഡങ്ങള്‍  പാലിച്ച് റേഷന്‍ കൈപ്പറ്റണമെന്ന് ജില്ലാ സപ്ലൈ ഓഫീസര്‍ അറിയിച്ചു.
 

    കോവിഡ് 19ന്റെ ഭാഗമായി  സംസ്ഥാന സര്‍ക്കാര്‍ നല്‍കുന്ന സ്‌കൂള്‍ ഭക്ഷ്യധാന്യ കിറ്റുകളുടെ വിതരണം തിരൂരങ്ങാടി സപ്ലൈക്കോ ഡിപ്പോയില്‍ പുരോഗമിക്കുന്നു. കൊണ്ടോട്ടി, തിരൂരങ്ങാടി തുടങ്ങിയ താലൂക്കുകളിലെ  1,21,400 കുട്ടികള്‍ക്കുള്ള കിറ്റുകളാണ് തിരൂരങ്ങാടി ഡിപ്പോ വഴി നല്‍കുന്നത്. തിരൂരങ്ങാടി സപ്ലൈകോ ഡിപ്പോക്കു കീഴിലുള്ള 25 പാക്കിങ് സെന്ററുകളിലായി കിറ്റുകളുടെ പാക്കിങ് പുരോഗമിക്കുകയാണ്. 

     പ്രളയം തകര്‍ത്ത നിലമ്പൂരിലെ ചളിക്കല്‍ കോളനി നിവാസികളുടെ പുനരധിവാസം യാഥാര്‍ഥ്യമാവുന്നു. കോളനിയിലെ കുടുംബങ്ങള്‍ക്ക് ചെമ്പന്‍കൊല്ലി(മലച്ചി)യില്‍ നിര്‍മിച്ച 34 വീടുകളുടെ താക്കോല്‍ ദാനം ജൂലൈ 21ന് വൈകീട്ട് മൂന്നിന് മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ നിര്‍വഹിക്കും. പോത്തുകല്ല് ഫാമിലി ഓഡിറ്റോറിയത്തില്‍  നടക്കുന്ന ചടങ്ങില്‍ നിയമസഭാ സ്പീക്കര്‍ പി.ശ്രീരാമകൃഷ്ണന്‍ അധ്യക്ഷനാവും.  

കൊയിലാണ്ടി ഗവ. ഐ.ടി.ഐ യില്‍ മള്‍ട്ടിമീഡിയ ആനിമേഷന്‍ ആന്‍ഡ് സ്പെഷ്യല്‍ ഇഫക്ട്സ് (MASE) ട്രേഡില്‍ ഗസ്റ്റ് ഇന്സ്ട്രക്ടറെ നിയമിക്കുന്നു. ബന്ധപ്പെട്ട ട്രേഡില്‍ എന്‍ഞ്ചിനിയറിംഗില്‍ ഡിഗ്രി ഒരു വര്‍ഷത്തെ പ്രവര്‍ത്തി പരിചയം അല്ലെങ്കില്‍ ഡിപ്ലോമ രണ്ട് വര്‍ഷത്തെ പ്രവര്‍ത്തി പരിചയം അല്ലെങ്കില്‍  എന്‍ടി സി/ എന്‍എ സി  മൂന്ന് വര്‍ഷത്തെ പ്രവര്‍ത്തിപരിചയം ഉള്ളവരായിരിക്കണം. താല്‍പ്പര്യമുള്ളവര്‍ യോഗ്യത തെളിയിക്കുന്ന അസല്‍ പ്രമാണങ്ങളുമായി ജൂലൈ 22  ന് 11  മണിയ്ക്ക് കൊയിലാണ്ടി ഗവ. ഐ ടി ഐ പ്രിന്‍സിപ്പാള്‍ മുമ്പാകെ ഹാജരാകണം. ഫോണ്‍ 0496 2631129.

2019-20 അധ്യായന വര്‍ഷം എസ്.എസ്.എല്‍.സി, പ്ലസ് ടു പരീക്ഷകളില്‍ മുഴുവന്‍ വിഷയങ്ങള്‍ക്കും എ+  നേടിയ മദ്രസ്സാദ്ധ്യാപക ക്ഷേമനിധി അംഗങ്ങളുടെ മക്കള്‍ക്ക് മെറിറ്റ് അവാര്‍ഡിന് അപേക്ഷ ക്ഷണിച്ചു. www.kmtboard.in  വെബ്സൈറ്റിലൂടെ ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. ആഗസ്റ്റ് 20 വരെ അപേക്ഷിക്കാം. വിശദ വിവരങ്ങള്‍ വെബ്സൈറ്റില്‍ ലഭ്യമാണ്.  

കൊയിലാണ്ടി നഗരസഭയിലെ കുടുംബശ്രീ ജനകീയ ഹോട്ടൽ  ദിനംപ്രതി 500 ലേറെ പേർക്ക് ഭക്ഷണം വിതരണം ചെയ്ത് മാതൃകയാവുകയാണ്.

വടകര താലൂക്കിലെ വടകര മുന്‍സിപ്പാലിറ്റി, തൂണേരി, നാദാപുരം, വാണിമേല്‍, അഴിയൂര്‍ പഞ്ചായത്തുകള്‍ മുഴുവനായും മറ്റ് പഞ്ചായത്തുകളിലെ നിരവധി വാര്‍ഡുകളും കോവിഡ് 19 ജാഗ്രത കണക്കിലെടുത്തു കണ്ടൈന്റ്‌മെന്റ് സോണുകളായി പ്രഖ്യാപിച്ചിട്ടുണ്ട്. കോവിഡ്-19 രോഗവ്യാപനം തടയുന്നതിനായി ഈ പ്രദേശങ്ങളില്‍ റേഷന്‍ വിതരണം നടത്താനായി കൈവിരല്‍ പതിപ്പിച്ചിട്ടുള്ള ബയോമെട്രിക് ഓതെന്റിക്കേഷന്‍ ഒഴിവാക്കിയിട്ടുണ്ട്. കാര്‍ഡുടമകള്‍ക്ക് റേഷന്‍ കാര്‍ഡ് കാണിച്ചു ഇപോസ് മെഷീന്‍ വഴി തന്നെ മാന്വല്‍ ആയി റേഷന്‍ കൈപ്പറ്റാവുന്നതാണെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു.