പത്തനംതിട്ട ജില്ലയില്‍ കോവിഡ് 19 രോഗബാധ പ്രതിരോധ പ്രവര്‍ത്തനങ്ങളുടെ ഭാഗമായി എല്ലാ എടിഎമ്മുകളിലും ബാങ്കുകളിലും സാനിറ്റൈസര്‍ നിര്‍ബന്ധമാക്കണമെന്ന് ജില്ലാ കളക്ടര്‍ പി.ബി നൂഹ് പറഞ്ഞു. ജില്ലയില്‍ ഇതുവരെയായി 838 കോവിഡ് പോസിറ്റീവ് കേസുകള്‍ റിപ്പോര്‍ട്ട്  ചെയ്യപ്പെട്ടിട്ടുണ്ട്. ഇതില്‍ 244 പേര്‍ക്ക്  സമ്പര്‍ക്കം വഴിയാണ് രോഗം പകര്‍ന്നിട്ടുള്ളത്. ഇവരുടെ സമ്പര്‍ക്കം പൂര്‍ണമായും കണ്ടെത്താന്‍ കഴിഞ്ഞിട്ടില്ല. ആരോഗ്യ വകുപ്പ് കാര്യക്ഷമമായി ഇടപെടുകയും സമ്പര്‍ക്ക പട്ടിക തയാറാക്കുകയും വീട് വീടാന്തരം കയറി പലതരത്തിലുള്ള പ്രതിരോധ പ്രവര്‍ത്തനങ്ങളും നടത്തി വരുന്നുണ്ട്.

ആറന്മുള മണ്ഡലത്തിലെ കോഴഞ്ചേരിയില്‍ പ്രവര്‍ത്തിക്കുന്ന കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്റര്‍ രണ്ട് ദിവസത്തിനുള്ളില്‍ പ്രവര്‍ത്തന സജ്ജമാകുമെന്ന് വീണാ ജോര്‍ജ് എംഎല്‍എ അറിയിച്ചു. സിഎഫ്എല്‍റ്റിസിയായി പ്രവര്‍ത്തിക്കുന്ന മുത്തൂറ്റ് നഴ്‌സിംഗ് ഹോസ്റ്റല്‍  സന്ദര്‍ശിച്ച് നിര്‍മാണ പുരോഗതി എംഎല്‍എ വിലയിരുത്തി. ഗ്രൗണ്ട് ഫ്‌ളോര്‍ ഉള്‍പ്പടെ ആറു നിലകളിലായി പ്രവര്‍ത്തിക്കുന്ന ഹോസ്റ്റലില്‍ 350 കിടക്കകളാണ് രോഗികള്‍ക്കായി ക്രമീകരിച്ചിരിക്കുന്നതെന്ന് എംഎല്‍എ പറഞ്ഞു. ഇവിടെ രോഗികള്‍ക്കായും, ഡോക്ടേഴ്‌സ് ഉള്‍പ്പടെ ജീവനക്കാര്‍ക്കായും റെഡ് സോണ്‍, ഗ്രീന്‍ സോണ്‍ എന്നിങ്ങനെ രണ്ടു മേഖലകളായി തിരിച്ചിട്ടുണ്ട്.

  ഇളമാട് പഞ്ചായത്തിലെ കാരാളികോണത്തുള്ള ഹംദാന്‍ ഫൗണ്ടേഷന്റെ അറബിക് കോളേജ് കെട്ടിടം കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായി ഒരുങ്ങി. 130 കിടക്കള്‍ ഇവിടെ ഒരുക്കിയിട്ടുണ്ട്. ഓടനാവട്ടത്തുള്ള എ കെ എസ്  ഓഡിറ്റോറിയത്തില്‍ 100 കിടക്കകളും സജ്ജമാക്കി.

സര്‍ക്കാര്‍ ഓഫീസുകളില്‍ കര്‍ശന നിയന്ത്രണമേര്‍പ്പെടുത്താന്‍ ജില്ലാ കലക്ടര്‍ ബി അബ്ദുല്‍ നാസര്‍ നിര്‍ദേശിച്ചു. സിവില്‍ സ്റ്റേഷനില്‍  തെക്കുഭാഗത്തുള്ള പ്രധാന കവാടം(ഔട്ട് ഗേറ്റ്), കിഴക്ക് ഭാഗത്തെ കവാടം എന്നിവ മാത്രം തുറക്കും.  സിവില്‍ സ്റ്റേഷന്‍, കോടതി ജീവനക്കാര്‍ക്കും വളരെ അത്യാവശ്യമുള്ള സന്ദര്‍ശകര്‍ക്കും മാത്രമാണ് പ്രവേശനം. മറ്റ് ഓഫീസുകളിലും സമാന നിയന്ത്രണം ഏര്‍പ്പെടുത്തും. ഒന്നിലധികം ഗേറ്റ് വഴി പ്രവേശനം ഉള്ള ഓഫീസുകളില്‍ ഒരു ഗേറ്റ് മാത്രം തുറക്കാം. കലക്‌ട്രേറ്റില്‍ ഉന്നതതല യോഗത്തിലാണ് തീരുമാനം. രോഗവ്യാപനം തടയുന്നതിന് തീരദേശം ഉള്‍പ്പടെ ബോധവത്കരണം ശക്തമാക്കാനും കലക്ടര്‍ നിര്‍ദേശിച്ചു.

കൊല്ലം കേന്ദ്രീയ വിദ്യാലയത്തില്‍ പ്ലസ് വണ്‍ പ്രവേശനത്തിന് അപേക്ഷിക്കാം. രജിസ്ട്രേഷന്‍ ഫോമും ഓപ്ഷന്‍ ഫോമും  സീഹഹമാ.സ്‌.െമര.ശി എന്ന  വെബ്സൈറ്റില്‍ നിന്നും ഡൗണ്‍ലോഡ് ചെയ്യാം. പൂരിപ്പിച്ച എട്ട് പേജുള്ള അപേക്ഷാ ഫോമുകളും മറ്റ് രേഖകളും ജൂലൈ 27 ന് ഉച്ചയ്ക്ക് മൂന്നിനകം സ്‌കാന്‍ ചെയത് മറാശശൈീിസ്‌സീഹഹമാ@ഴാമശഹ.രീാ എന്ന വിലാസത്തില്‍ ഇ-മെയില്‍ ചെയ്യാം.

ജില്ലയില്‍ ഇന്നലെ(ജൂലൈ 20) 12 പേര്‍ രോഗമുക്തരായി. പ•ന സ്വദേശി(34), കരുനാഗപ്പള്ളി സ്വദേശി(32), കരിക്കോട് സ്വദേശി(42), തൊടിയൂര്‍ സ്വദേശി(37), ഓടനാവട്ടം സ്വദേശി(32), കെ എസ് പുരം സ്വദേശിനി(52), പത്തനാപുരം സ്വദേശിനി(30), പനയം സ്വദേശി(58), മരുത്തടി സ്വദേശി(24), പ•ന സ്വദേശി(33), കരുനാഗപ്പള്ളി പട നോര്‍ത്ത് സ്വദേശി(46), കണ്ണനല്ലൂര്‍ സ്വദേശി(33) എന്നിവരാണ് രോഗമുക്തരായി ആശുപത്രി വിട്ടത്.
(പി.ആര്‍.കെ നമ്പര്‍ 1938/2020)

രോഗബാധിതരില്‍ ബി എസ് എഫ് ജവാനും രണ്ട് ആരോഗ്യ പ്രവര്‍ത്തകരും

രണ്ട് ദിവസത്തിനകം 2500 കിടക്കകളാകും

ജില്ലയില്‍ കോവിഡ് വ്യാപന സാധ്യത മുന്നില്‍ കണ്ട് രോഗബാധിതരെ ചികിത്സിക്കുന്നതിനുള്ള പ്രാഥമിക ചികിത്സാ കേന്ദ്രങ്ങളായ കോവിഡ് ഫസ്റ്റ്‌ലൈന്‍ ട്രീറ്റ്‌മെന്റ് സെന്ററുകളുടെ (സി.എഫ്.എല്‍.ടി.സി) സജ്ജീകരണം അന്തിമഘട്ടത്തില്‍. എട്ട് കേന്ദ്രങ്ങളിലായി 1500 ഓളം കിടക്കകള്‍ ഇന്നലെയോടെ സജ്ജമായി. ജൂലൈ 23 നകം കിടക്കകളുടെ എണ്ണം 2500 ആക്കി വര്‍ധിപ്പിക്കുന്നതിനുള്ള ക്രമീകരണങ്ങളാണ് ജില്ലാ ഭരണകൂടം പൂര്‍ത്തിയാക്കി വരുന്നത്.

വയനാട് ജില്ലയില്‍ ഇന്ന് (20.07.20) 26 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ അറിയിച്ചു. ഇതില്‍ ആറ് പേര്‍ വിദേശത്ത് നിന്നും 13 പേര്‍ ഇതര സംസ്ഥാനങ്ങളില്‍ നിന്നും വന്നവരാണ്. ഏഴ് പേര്‍ക്ക് സമ്പര്‍ക്കത്തിലൂടെയാണ് രോഗം പകര്‍ന്നത്. ജില്ലയില്‍ ഇന്ന് രോഗം സ്ഥിരീകരിച്ചവരില്‍ ഒരു മലപ്പുറം സ്വദേശിയും ഒരു തൃശൂര്‍ സ്വദേശിയുമുണ്ട്.

പത്തനംതിട്ട ജില്ലയില്‍ ഇന്ന് (20) മൂന്നു പേര്‍ക്ക് കോവിഡ്-19 സ്ഥിരീകരിച്ചു. ഇതില്‍ രണ്ടു പേര്‍ക്ക് ട്രൂനാറ്റ് പരിശോധനയിലൂടെയും, ഒരാള്‍ക്ക് ആര്‍ടിപിസിആര്‍ പരിശോധനയിലൂടെയും ആണ് രോഗം സ്ഥിരീകരിച്ചത്. ഇന്ന് (20) രോഗം സ്ഥിരീകരിച്ചവരില്‍ രണ്ടു പേര്‍ മറ്റ് സംസ്ഥാനങ്ങളില്‍ നിന്നും വന്നവരും, ഒരാള്‍ സമ്പര്‍ക്കത്തിലൂടെ രോഗം ബാധിച്ചതുമാണ്.

മറ്റ് സംസ്ഥാനങ്ങളില്‍ നിന്ന് വന്നവര്‍
1) ഉത്തര്‍പ്രദേശില്‍ നിന്നും എത്തിയ ഇതര സംസ്ഥാന തൊഴിലാളിയായ 28 വയസുകാരന്‍. ട്രൂനാറ്റ് പരിശോധനയിലൂടെ രോഗം സ്ഥിരീകരിച്ചു.
2) മഹാരാഷ്ട്രയില്‍ നിന്നും എത്തിയ പത്തനംതിട്ട സ്വദേശിയായ 25 വയസുകാരന്‍.