സമ്മതിദായക ദേശീയ ദിനാഘോഷത്തിന്റെ ജില്ലാതല ഉദ്‌ഘാടനം ജനുവരി 25 രാവിലെ 11 ന്‌ തൃശൂര്‍ ടൗണ്‍ഹാളില്‍ സിനിമതാരം രചന നാരായണന്‍കുട്ടി നിര്‍വഹിക്കും. തുടര്‍ന്ന്‌ സമ്മതിദായക പ്രതിജ്ഞ ചൊല്ലികൊടുക്കും. ജില്ലാ കളക്‌ടര്‍ ടി വി അനുപമ അദ്ധ്യക്ഷത വഹിക്കും. അസിസ്റ്റന്റ്‌ കളക്‌ടര്‍ പ്രേംകൃഷ്‌ണന്‍ 'നോ വോട്ടര്‍ ടു ബി ലെഫ്‌റ്റ്‌ ബിഹൈന്‍ഡ്‌ ' എന്ന വിഷയത്തില്‍ മുഖ്യപ്രഭാഷണം നടത്തും. ഡെപ്യൂട്ടി കളക്‌ടര്‍ ജനറല്‍ ഇന്‍-ചാര്‍ജ്ജ്‌ എ പി കിരണ്‍ ജില്ലാതല സ്‌കൂള്‍ മത്സര വിജയികള്‍ക്ക്‌ സമ്മാനദാനം നിര്‍വഹിക്കും. കഴിഞ്ഞ വര്‍ഷം മികച്ച പ്രവര്‍ത്തനം കാഴ്‌ചവെച്ച ബൂത്ത്‌ ലെവല്‍ ഓഫീസര്‍മാരെ ആദരിക്കും.

ജില്ലയില്‍ റിപ്പബ്ലിക്‌ ദിനാഘോഷത്തിന്റെ ഭാഗമായി ജനുവരി 26 രാവിലെ 8 ന്‌ തേക്കിന്‍കാട്‌ മൈതാനത്ത്‌ കൃഷി വകുപ്പു മന്ത്രി അഡ്വ. വി എസ്‌ സുനില്‍കുമാര്‍ പതാക ഉയര്‍ത്തി അഭിവാന്ദ്യം സ്വീകരിക്കും. മന്ത്രി റിപ്പബ്ലിക്‌ ദിനസന്ദേശം നല്‍കും. പരേഡ്‌ മാര്‍ച്ച്‌ പാസ്റ്റ്‌, ദേശഭക്തിഗാനാലപനം, ട്രോഫി വിതരണം തുടങ്ങിയവയുണ്ടാക്കും. എംപി മാര്‍, എംഎല്‍എ മാര്‍, ജില്ലാ പഞ്ചായത്ത്‌ പ്രസിഡണ്ട്‌, കോര്‍പ്പറേഷന്‍ മേയര്‍ തുടങ്ങിയവര്‍ പങ്കെടുക്കും. റിപ്പബ്ലിക്‌ ദിനാഘോഷത്തിന്റെ ഭാഗമായ ഡ്രസ്സ്‌ റിഹേഴ്‌സല്‍ 24 രാവിലെ 7 ന്‌ തേക്കിന്‍ കാട്‌ മൈതനാത്ത്‌ നടക്കും. ഗ്രീന്‍ പ്രോട്ടോകോളോടുകൂടിയാണ്‌ ദിനാഘോഷ പരിപാടികള്‍.

ജില്ലാ സ്‌പോര്‍ട്‌സ്് കൗണ്‍സിലിന്റെ ആഭിമുഖ്യത്തില്‍ ഗാന്ധിജിയുടെ 150 ാം ജന്മവാര്‍ഷികത്തോടനുബന്ധിച്ച് നാളെ (25) രാവിലെ ഏഴിന്  കാസര്‍കോട് പുതിയ ബസ്സ്റ്റാന്റ് മുതല്‍ വിദ്യാനഗര്‍ മുന്‍സിപ്പല്‍ സ്റ്റേഡിയം വരെ കൂട്ട നടത്തം സംഘടിപ്പിക്കും.  പങ്കെടുക്കുന്നവര്‍ അന്നേ ദിവസം രാവിലെ കാസര്‍കോട് പുതിയ ബസ്സ്റ്റാന്‍ഡ് പരിസരത്ത്  എത്തിച്ചേരണം.

പൊതുമരാമത്ത് വകുപ്പ് വെസ്റ്റ് എളേരിയുടെ കീഴിലുള്ള വരക്കാട് - എളേരിത്തട്ട് പരമ്പ റോഡില്‍ വരക്കാടിനും ചീര്‍ക്കായത്തിനും ഇടയില്‍ ടാറിംഗ് നടത്തേണ്ടതിനാല്‍ നാളെ(25) മുതല്‍ ഇനി ഒരു അറിയിപ്പ് ഉണ്ടാകുന്നതു വരക്കാടിനും - ചീര്‍ക്കയത്തിനും ഇടയില്‍ ഗതാഗതം പൂര്‍ണ്ണമായും നിരോധിച്ചു. വരക്കാട് നിന്നും എങ്ങംചാലിലേക്ക് പോകേണ്ട വാഹനങ്ങള്‍ വരക്കാട് - ഭീമനടി- വെള്ളരിക്കുണ്ട് - പൂങ്ങംചാല്‍ റോഡ് ഉപയോഗിക്കണമെന്ന് എക്‌സിക്യുട്ടീവ് എഞ്ചിനീയര്‍ അറിയിച്ചു.
 

ഹരിത കേരളമിഷന്റെ  മാലിന്യത്തില്‍ നിന്നും സ്വാതന്ത്ര്യം  രണ്ടാം ഘട്ട ഹരിത നിയമാവലി ക്യാമ്പയിന്‍ ജില്ലാതല ഉദ്ഘാടനം ഈ മാസം 26ന് നടക്കും. കാസര്‍കോട് മുനിസിപ്പല്‍ വനിതഹാളില്‍ രാവിലെ 11ന് നടക്കുന്ന ചടങ്ങില്‍ എന്‍.എ നെല്ലിക്കുന്ന് എംഎല്‍എ ഉദ്ഘാടനം നിര്‍വഹിക്കും.  കാസര്‍കോട് മുനിസിപ്പാലിറ്റി വൈസ് ചെയര്‍മാന്‍  എല്‍.എ മഹമ്മൂദ് അധ്യക്ഷത വഹിക്കും.  ജില്ലാ കളക്ടര്‍ ഡോ സജിത്ബാബു മുഖ്യ പ്രഭാഷണം നടത്തും. 

മാനവരാശി അഭിമുഖീകരിക്കുന്ന ഏറ്റവും വലിയ പൊതുജനാരോഗ്യ പ്രശ്‌നമെന്ന് ലോകാരോഗ്യസംഘടന വിലയിരുത്തിയ പുകയില ഉപഭോഗത്തിനെതിരേ ശക്തമായ നടപടികളുമായി ജില്ലാ ഭരണകൂടം. പുകയില ഉല്‍പന്നങ്ങളുടെ ഉപയോഗത്തിനെതിരേ കുട്ടികളില്‍ അവബോധം സൃഷ്ടിക്കാനും പുകയില വിരുദ്ധ പ്രവര്‍ത്തനങ്ങളില്‍ കുട്ടികളെ മുന്നണിപ്പോരാളികളാക്കാനും ജില്ലയില്‍ പുകയില വിരുദ്ധ വിദ്യാലയ നയം പ്രഖ്യാപിച്ചു. 

*ജനുവരി 25ന് ചങ്ങാതിക്കുടുക്ക മുഖ്യമന്ത്രിക്ക് കൈമാറും

അതിജീവിക്കുന്ന കേരളത്തിന് സഹായഹസ്തവുമായി പ്രവാസിമലയാളി കുട്ടികളെത്തുന്നു. നവകേരളനിർമിതിയിൽ പുതുതലമുറ പ്രവാസിമലയാളികളെ പങ്കുചേർത്ത് മലയാളം മിഷൻ ഒരുക്കിയ ധനസമാഹരണ പദ്ധതിയായ ചങ്ങാതിക്കുടുക്കയുടെ ഭാഗമായാണ് വിവിധ ഇന്ത്യൻ സംസ്ഥാനങ്ങളിൽനിന്നുള്ള വിദ്യാർഥികൾ സഹായനിധിയുമായി കേരളത്തിലെത്തുന്നത്.    

സ്‌കോൾ-കേരള ഓപ്പൺ, റെഗുലർ ഹയർ സെക്കൻഡറി കോഴ്‌സ് ഒന്നാം വർഷ പരീക്ഷ എഴുതേണ്ട വിദ്യാർത്ഥികളിൽ രണ്ടാം ഗഡു ഫീസായ 900 രൂപ അടച്ചിട്ടില്ലാത്തവർ 30 രൂപ പിഴയോടെ പോസ്റ്റോഫീസ് മുഖേന അടച്ച ചെലാന്റെ അസ്സൽ പകർപ്പ് സ്‌കോൾ-കേരളയുടെ സംസ്ഥാന ഓഫീസിൽ ജനുവരി 31 നകം എത്തിക്കണമെന്ന് എക്‌സിക്യൂട്ടീവ് ഡയറക്ടർ അറിയിച്ചു.

പി.എൻ.എക്സ്. 261/19

അസാപ് നടപ്പിലാക്കുന്ന സ്റ്റേറ്റ് ഇന്റേൺഷിപ്പ് പോർട്ടലിന്റെ ഉദ്ഘാടനം ഉന്നത വിദ്യാഭ്യാസ വകുപ്പ് മന്ത്രി കെ.ടി.ജലീൽ ഇന്ന് (ജനുവരി 24) രാവിലെ 11 നു ശ്രീകാര്യം കോളേജ് ഓഫ് എൻജിനീയറിങ്ങിൽ നിർവ്വഹിക്കും. ഉന്നത വിദ്യാഭ്യാസ വകുപ്പ് പ്രിൻസിപ്പൽ സെക്രട്ടറി ഡോ.ഉഷ ടൈറ്റസ് സ്വാഗതം പറയും. അസാപ്, കെ.ടി.യു., എന്നിവയിലെ ഉന്നത ഉദ്യോഗസ്ഥർ, വ്യവസായ പ്രമുഖർ, അക്കാദമിക് വിദഗ്ദ്ധർ തുടങ്ങിയവർ പങ്കെടുക്കും.

പി.എൻ.എക്സ്. 260/19