**വിദ്യാർത്ഥികൾക്ക് ലാപ്ടോപ്പ്, മേശ കസേര
**മത്സ്യ തൊഴിലാളികൾക്ക് മോട്ടോർസൈക്കിൾ, ഐസ് ബോക്സ് എന്നിവ വിതരണം ചെയ്തു

ചിറയിൻകീഴ് ഗ്രാമപഞ്ചായത്തിന്റെ 2018-19 സാമ്പത്തിക വർഷത്തിൽ ഉൾപ്പെട്ട വിവിധ പദ്ധതികളുടെ വിതരണ ഉദ്ഘാടനം പഞ്ചായത്ത് കമ്മ്യൂണിറ്റി ഹാളിൽ നടന്ന പരിപാടിയിൽ  പ്രസിഡന്റ് എസ്. ഡീന നിർവഹിച്ചു. ചിറയിൻകീഴ്  ഗ്രാമപഞ്ചായത്ത് വൈസ് പ്രസിഡന്റ് എം. വി കനകദാസ് അധ്യക്ഷനായി.

മത്സ്യ തൊഴിലാളികളുടെ ജീവിത നിലവാരം മെച്ചപ്പെടുത്തുന്നതിനും അവരുടെ കുട്ടികൾക്ക് മികച്ച വിദ്യാഭ്യാസം നൽകുന്നതിനും മുൻതൂക്കം നൽകുമെന്ന് ഉദ്ഘാടന പ്രസംഗത്തിൽ പ്രസിഡന്റ് പറഞ്ഞു.

ഭൂവിഭവ സംരക്ഷണ ബോധവൽക്കരണ പരിപാടികളുടെ ഭാഗമായി 'നവകേരള നിർമ്മിതിയും ഭൂവിനിയോഗാസൂത്രണവും' എന്ന വിഷയത്തിൽ സെമിനാർ സംഘടിപ്പിച്ചു. സംസ്ഥാന ഭൂവിനിയോഗ ബോർഡും ഹരിതകേരള മിഷനും സംയുക്തമായി സംഘടിപ്പിച്ച സെമിനാർ കെ. മുരളീധരൻ എം.എൽ.എ ഉദ്ഘാടനം ചെയ്തു. ഐ.ബി. സതീഷ് എം.എൽ.എ അധ്യക്ഷത വഹിച്ചു. നവകേരളം കർമ്മപദ്ധതി കോ-ഓർഡിനേറ്റർ ചെറിയാൻ ഫിലിപ്പ് നീർത്തട വിവര സംവിധാന സമർപ്പണം നടത്തി. പഞ്ചായത്തു തല ഡാറ്റാ ബാങ്ക് പ്രകാശനം മുഖ്യമന്ത്രിയുടെ സാമൂഹിക വികസനകാര്യ ഉപദേഷടാവ് സി.എസ്. രഞ്ജിത്ത് നിർവഹിച്ചു.

കൊച്ചി: മഹാത്മജിയുടെ 150-ാം ജന്മജയന്തിയും ഖാദി പ്രസ്ഥാനത്തിന്റെ 100 -ാം വാര്‍ഷികവും പ്രമാണിച്ച് കേരള ഖാദി ഗ്രാമ വ്യവസായ ബോര്‍ഡ് ജില്ലകള്‍ തോറും സംഘടിപ്പിക്കുന്ന ഗാന്ധി സ്മൃതി ഖാദി മേള 2019 ന്റെ ജില്ലാതല ഉദ്ഘാടനം പെരുമ്പാവൂര്‍ എസ് എന്‍ ഡി പി  വ്യാപാര സമുച്ചയത്തില്‍ പെരുമ്പാവൂര്‍ നഗരസഭ ചെയര്‍പേഴ്‌സണ്‍ സതി ജയകൃഷ്ണന്‍ നിര്‍വഹിച്ചു. ജനുവരി 21 മുതല്‍ ഫെബ്രുവരി 6 വരെ ജില്ലയിലെ വിവിധ കേന്ദ്രങ്ങളില്‍ മേള  ഉണ്ടായിരിക്കും.

1. ദര്‍ഘാസ്  ക്ഷണിച്ചു

കൊച്ചി: എറണാകുളം ജനറല്‍ ആശുപത്രിയിലെ ബ്ലഡ് ബാങ്കിലെ 125 കെ.വി.എ ഡീസല്‍ ജനറേറ്ററിന് എ.എം.എഫ് പാനല്‍ ചെയ്തു നല്‍കുന്നതിന് പൊതുമരാമത്ത് വകുപ്പില്‍ നിന്നും ലഭ്യമായിട്ടുളള ഇലക്ട്രിക്കല്‍ സി-ക്ലാസ് അല്ലെങ്കില്‍ അതിനു മുകളില്‍ ലൈസന്‍സ് ഉളള കരാറുകാരില്‍ നിന്നും മുദ്രവച്ച കവറുകളില്‍ ദര്‍ഘാസുകള്‍ ക്ഷണിച്ചു. സ്‌പെസിഫിക്കേഷന്‍ ഓഫീസില്‍ ലഭ്യമാണ്. ടെന്‍ഡറുകള്‍ സ്വീകരിക്കുന്ന അവസാന തീയതി ഫെബ്രുവരി ഒന്നിന് വൈകിട്ട് അഞ്ചുവരെ.   

2. ദര്‍ഘാസ്  ക്ഷണിച്ചു

കൊച്ചി: എംപ്ലോയ്‌മെന്റ് വകുപ്പിന്റെ ആഭിമുഖ്യത്തില്‍ എറണാകുളം മേഖലയില്‍ കളമശേരി കൊച്ചിന്‍ യൂണിവേഴ്‌സിറ്റി കാമ്പസില്‍ സംഘടിപ്പിച്ച മെഗാ ജോബ് ഫെസ്റ്റ് നിയുക്തി പ്രൊഫ:കെ.വി.തോമസ് എം.പി ഉദ്ഘാടനം ചെയ്തു. വി.കെ.ഇബ്രാഹിംകുഞ്ഞ് അദ്ധ്യക്ഷത വഹിച്ചു. കുസാറ്റ് വൈസ് ചാന്‍സലര്‍, പ്രൊ.ഡോ.ആര്‍.ശശിധരന്‍ മുഖ്യ പ്രഭാഷണം നടത്തി. ജില്ലാ പഞ്ചായത്ത് വൈസ് പ്രസിഡന്റ്, അഡ്വ.ബി.മുത്തലിബ്, കളമശേരി നഗരസഭാ  ചെയര്‍പേഴ്‌സണ്‍ റുക്കിയ ജമാല്‍, എംപ്ലോയ്‌മെന്റ് ഗൈഡന്‍സ് ബ്യൂറോ ചീഫ്, പ്രൊഫ.ഡോ.സാം തോമസ്, മേഖല എംപ്ലോയ്‌മെന്റ് ഡപ്യൂട്ടി ഡയറക്ടര്‍ എം.എന്‍.പ്രഭാകരന്‍ എന്നിവര്‍ സംസാരിച്ചു.

കാക്കനാട്:വയോജനങ്ങള്‍ക്ക് രക്തത്തിലെ ഗ്ലൂക്കോസിന്റെ അളവ് പരിശോധിക്കാനുള്ള ഗ്ലൂക്കോമീറ്ററിന്റെ ആദ്യഘട്ട സൗജന്യ വിതരണോദ്ഘാടനം ജില്ലാ പഞ്ചായത്ത് പ്രസിഡന്റ് ആശാ സനില്‍ നിര്‍വ്വഹിച്ചു. കേരളത്തിലെ 80% വൃദ്ധരും പ്രമേഹ രോഗികളാണെന്ന പഠനത്തിന്റെ അടിസ്ഥാനത്തിലാണ് സാമൂഹ്യ നീതിവകുപ്പുമായി ചേര്‍ന്ന് വയോമധുരം എന്ന പേരില്‍ ജില്ലയിലെ ദാരിദ്രരേഖയ്ക്ക് താഴെയുള്ള 1000 വയോജനങ്ങള്‍ക്ക് ഗ്ലൂക്കോമീററര്‍ ലഭ്യമാക്കുന്നത്. പദ്ധതിയുടെ ആദ്യ ഘട്ടത്തില്‍ 400 പേര്‍ക്കാണ് ഇവ വിതരണം ചെയ്തത്. 

പുതുയുഗം പദ്ധതിയിലുൾപ്പെട്ട മികവുപുലർത്തുന്ന വിദ്യാർത്ഥികൾക്ക് കൂടുതൽ മെച്ചപ്പെട്ട പഠനത്തിന് ഉപകരിക്കുന്ന ഓൺലൈൻ പ്ലാറ്റ്ഫോം ജില്ലാ കലക്ടർ കെ മുഹമ്മദ് വൈ സഫിറുള്ള ഉദ്ഘാടനം ചെയ്തു.

അങ്കമാലി: ഇന്ത്യയുടെ മതനിരപേക്ഷ സംസ്കാരം സംരക്ഷിക്കാൻ ജനങ്ങൾ ഭരണഘടനാ സാക്ഷരരാകണമെന്ന് വിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ് അഭിപ്രായപ്പെട്ടു. അങ്കമാലിയിൽ ഭരണഘടനാ സാക്ഷരതാ സന്ദേശ യാത്രയ്ക്ക് നൽകിയ സ്വീകരണ സമ്മേളനം ഉദ്ഘാടനം ചെയ്യുകയായിരുന്നു മന്ത്രി. 

ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെസ്വയംതൊഴില്‍വിഭാഗത്തിന്റെആഭിമുഖ്യത്തില്‍ വണ്ടൂര്‍ സുബ്ബറാവുപൈ ഇന്‍സ്റ്റിറ്റ്യൂട്ടില്‍  ഇന്ന് (ജനുവരി 23) സ്വയം തൊഴില്‍ ബോധവത്കരണ ശില്‍പ്പശാല  സംഘടിപ്പിക്കുന്നു. താത്പര്യമുള്ളവര്‍ വണ്ടൂര്‍ സുബ്ബറാവുപൈ ഇന്‍സ്റ്റിറ്റ്യൂട്ടില്‍ രാവിലെ 10 ന് ഹാജരാകണം.