കോവിഡ് 19 ബാധിതരായി  ജില്ലയില്‍ നിലവില്‍ 270 പേരാണ് ചികിത്സയിലുള്ളത്.  ഇന്ന് (ജൂലായ് 18) ജില്ലയില്‍ 49 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 29 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 29378 സാമ്പിളുകള്‍ പരിശോധനയ്ക്കായി അയച്ചതില്‍ 26624 പരിശോധനാ ഫലങ്ങളാണ് ലഭ്യമായത്. ഇന്ന് 809 പരിശോധനാ ഫലങ്ങളാണ് ലഭിച്ചത്. പുതുതായി 576 സാമ്പിളുകൾ അയച്ചു. 1028 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 752 പേർ രോഗമുക്തി നേടി. ഇനി 2754 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ജൂലൈ 18) കുമരംപുത്തൂർ, തൃത്താല സ്വദേശികളായ രണ്ട്,14 വയസ്സുള്ള ആൺകുട്ടികൾക്കും മണ്ണാർക്കാട് സ്വദേശിയായ രണ്ട് വയസ്സുള്ള പെൺകുട്ടിക്കും ഉൾപ്പെടെ 49 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. യുഎഇ, സൗദി എന്നിവിടങ്ങളിൽ നിന്നെത്തിയവരാണ് രോഗം സ്ഥിരീകരിച്ചവരിൽ കൂടുതലും. നാല് പേർക്ക് രോഗബാധ ഉണ്ടായ ഉറവിടം വ്യക്തമല്ലെന്നും അധികൃതർ അറിയിച്ചു.ഇന്ന് രോഗം സ്ഥിരീകരിച്ചവരിൽ രണ്ട് പാലക്കാട് സ്വദേശികൾ മലപ്പുറത്ത് ചികിത്സയിലാണ്. കൂടാതെ ജില്ലയിൽ 24 പേർ രോഗ മുക്തി നേടിയതായും അധികൃതർ അറിയിച്ചിട്ടുണ്ട്.

കോവിഡ് 19 ബാധിതരായി  ജില്ലയില്‍ നിലവില്‍ 247 പേരാണ് ചികിത്സയിലുള്ളത്.  ഇന്ന് (ജൂലായ് 17) ജില്ലയില്‍ 31 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 42 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 28802 സാമ്പിളുകള്‍ പരിശോധനയ്ക്കായി അയച്ചതില്‍ 25815 പരിശോധനാ ഫലങ്ങളാണ് ലഭ്യമായത്. ഇന്ന് 118 പരിശോധനാ ഫലങ്ങളാണ് ലഭിച്ചത്. പുതുതായി 477 സാമ്പിളുകൾ അയച്ചു. 977 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 728 പേർ രോഗമുക്തി നേടി. ഇനി 2987 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  17) വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 9 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 19  പേരെ അറസ്റ്റ് ചെയ്തു. ഒരു വാഹനവും പിടിച്ചെടുത്തു.
 
*മാസ്ക് ധരിക്കാത്ത 152 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 152 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

ജില്ലയിലെ പട്ടികവർഗ്ഗ ഊരുകളിൽ സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ ബിരുദം/ മറ്റ് പ്രൊഫഷണൽ കോഴ്സുകൾ ചെയ്യുന്ന സമർത്ഥരായ വിദ്യാർത്ഥികൾക്ക്   മാതൃഭൂമിയും വിവോ ടെക്നോളജി കമ്പനിയും സംയുക്തമായി നൽകുന്ന      ഫോൺ -  ടാബ് എന്നിവ ജില്ലാ കലക്ടർക്ക്  കൈമാറി.  20 ഫോണുകളും 4 ടാബുകളുമാണ് ഗുണഭോക്താക്കൾക്ക് നൽകാൻ ജില്ലാ കലക്ടർക്ക് കൈമാറിയിട്ടുള്ളത്.  അർഹരായ വിദ്യാർത്ഥികൾക്ക് അവ വിതരണം ചെയ്യുന്നതിന്  കോവിഡ്- 19 നോഡൽ ഓഫീസർ (പട്ടികവർഗ്ഗ ക്ഷേമം & ജില്ലാ പ്ലാനിംഗ് ഓഫീസറെ) ചുമതലപ്പെടുത്തിയതായി ജില്ലാ കലക്ടർ    
ഡി. ബാലമുരളി അറിയിച്ചു.