നെല്ലിനെ ബാധിക്കുന്ന പ്രധാന കീടരോഗങ്ങള്‍, അവയുടെ നിയന്ത്രണമാര്‍ഗങ്ങള്‍, നെല്പാടങ്ങളില്‍ കാണപ്പെടുന്ന ഉപകാരികളായ ഷഡ്പദങ്ങള്‍, ചിലന്തികള്‍ മുതലായവയെ സംബന്ധിച്ച ലഘുവിവരണങ്ങളും ചിത്രങ്ങളുമടങ്ങിയ രണ്ട് കൈപ്പുസ്തകങ്ങള്‍, മങ്കൊമ്പ് കീടനിരീക്ഷണകേന്ദ്രം മുഖേന നെല്‍കര്‍ഷകര്‍ക്കായി സൗജന്യമായി വിതരണം ചെയ്യുന്നു. ആവശ്യമുള്ള കര്‍ഷകര്‍ മങ്കൊമ്പ് കീടനിരീക്ഷണകേന്ദ്രവുമായി 9847571553 എന്ന നമ്പറില്‍ ബന്ധപ്പെടണം.

ആലപ്പുഴ : കോവിഡ് -19 ന്റെ പശ്ചാത്തലത്തില്‍ നടന്ന കേരള എന്‍ട്രന്‍സ് പരീക്ഷ ജില്ലയില്‍ വിജയകരമായി പൂര്‍ത്തിയാക്കാനായതിനു പിന്നില്‍ ഒരു കൂട്ടം സന്നദ്ധ പ്രവര്‍ത്തകരുടെ സഹായവമുണ്ട്.  ജില്ലയില്‍  20 പരീക്ഷാ കേന്ദ്രങ്ങളിലായി ക്രമീകരണങ്ങള്‍ ഒരുക്കിയിരുന്നത്. കോവിഡ് പശ്ചാത്തലത്തില്‍ ഏറെ ജാഗ്രതയോടെയാണ് ജില്ലാ ഭരണകൂടം പരീക്ഷാ നടത്തിപ്പിനെ നോക്കിക്കണ്ടത്. ഈ  കോവിഡ് - നിയന്ത്രണങ്ങള്‍ കര്‍ശനമായി പാലിക്കാന്‍ പുറമെ നിന്നും സന്നദ്ധ പ്രവര്‍ത്തകരുടെ സഹായം കലക്ടര്‍ എ. അലക്സാണ്ടര്‍ ജില്ലാ കളക്ടറുടെ ഫെയിസ്ബുക്ക് പേജിലൂടെ അഭ്യര്‍ഥിച്ചത്. 

ആലപ്പുഴ: ജില്ലയിൽ ഉൾനാടൻ ജലാശയങ്ങളിൽ അനധികൃത മത്സ്യബന്ധന തടയുന്നതിനായി ഫിഷറീസ് 

ഉദ്യോഗസ്ഥർക്ക് കായൽ പട്രോളിങ് നടത്തുന്നതിന് സ്വന്തമായി ബോട്ടുകൾ ഉള്ളവർ, ഏജൻസികൾ എന്നിവരിൽ നിന്ന് 2021 മാർച്ച് വരെ ബോട്ട് വാടകയ്ക്ക് ലഭ്യമാക്കുന്നതിന് ക്വട്ടേഷനുകൾ ക്ഷണിച്ചു. ക്വട്ടേഷൻ സമർപ്പിക്കേണ്ട അവസാന തീയതി ജൂലൈ 30 ഉച്ചകഴിഞ്ഞ്  മൂന്നു വരെയാണ് . വിശദ വിവരത്തിന് ഫിഷറീസ് ഡെപ്യൂട്ടി ഡയറക്ടറുമായി ബന്ധപ്പെടണം. ഫോൺ: 0477 22 51103.

ആലപ്പുഴ: കോവിഡ് 19 കേസുകള്‍ വര്‍ധിക്കുന്ന സാഹചര്യത്തില്‍ സ്രവപരിശോധനഫലം ലഭിക്കുന്നതില്‍ കാലതാമസം വരുന്നത് പൂര്‍ണ്ണമായും പരിഹരിക്കാന്‍ രണ്ടുദിവസത്തിനകം സംവിധാനം ഒരുങ്ങുമെന്ന് ജില്ല കളക്ടര്‍ എ അലക്സാണ്ടര്‍ വ്യക്തമാക്കി. വൈറോളജി ലാബില്‍ സാമ്പിള്‍ പരിശോധനയ്ക്ക് അത്യാധുനിക സജ്ജീകരണം ഒരുങ്ങിക്കൊണ്ടിരിക്കുകയാണ്. വണ്ടാനം മെഡിക്കല്‍ കോളേജില്‍ കോവിഡ് 19 പരിശോധനയ്ക്ക് ലാബ് സജ്ജീകരിച്ചുവരികയാണെന്നും ഉടന്‍ പ്രവര്‍ത്തനക്ഷമമാകുമെന്നും ജില്ല കളക്ടര്‍ അറിയിച്ചു.

ആലപ്പുഴ: മെഡിക്കല്‍ കോളേജ് ആശുപത്രിയിലെ കോവിഡ് വാര്‍ഡില്‍ നിന്നും രോഗത്തെ കൂസാതെ രണ്ട് വിദ്യാര്‍ഥികള്‍ കേരള എഞ്ചിനീയറിംഗ് - ഫാര്‍മസി പ്രവേശന പരീക്ഷ എഴുതി. സര്‍ക്കാര്‍  ഉത്തരവനുസരിച്ച്  കോവിഡ് മാനദണ്ഡങ്ങള്‍ പാലിച്ചാണ് പരീക്ഷ നടത്തിയതെന്ന് മെഡിക്കല്‍ കോളേജ് പ്രിന്‍സിപ്പല്‍ ഡോ വിജയലക്ഷ്മിയും സൂപ്രണ്ട്  ഡോ ആര്‍ വി രാംലാലും പറഞ്ഞു. മറ്റു കുട്ടികള്‍ക്കുള്ള നിയമങ്ങളും നിബന്ധനകളും  പാലിച്ചു. 

ജില്ലയിലെ മുഴുവന്‍ കടല്‍തീരപ്രദേശങ്ങളിലെ മത്സ്യബന്ധനത്തിനും വിപണനത്തിനുമുള്ള നിരോധനം ജൂലൈ 22 രാത്രി 12 വരെ ദീര്‍ഘിപ്പിച്ച് ജില്ലാ കളക്ടര്‍ ഉത്തരവായി.  ജില്ലയിലെ മത്സ്യത്തൊഴിലാളികള്‍ക്കും മത്സ്യസംസ്‌കരണമേഖലയിലെ തൊഴിലാളികള്‍ക്കും കോവിഡ് രോഗബാധ സ്ഥിരീകരിച്ചതിനെതുടര്‍ന്ന് മത്സ്യബന്ധനവും വിപണനവും ജൂലൈ 16 വരെ നേരത്തെ നിരോധിച്ചിരുന്നു. തീരപ്രദേശത്തെ രോഗവ്യാപനനിയന്ത്രണത്തിന് ജൂലൈ 22 വരെ നിരോധനം ദീര്‍ഘിപ്പിക്കേണ്ടത് ആവശ്യമാണെന്ന് ജില്ലാ ദുരന്തനിവാരണ അതോറിറ്റിയുടെ യോഗതീരുമാനത്തെത്തുടര്‍ന്നാണ് ഇപ്പോഴത്തെ ഉത്തരവ്.

മെഡിക്കൽ കോളേജ് മോർച്ചറിയിൽ ഉണ്ടായിരുന്ന 6 അനാഥ മൃതദേഹങ്ങളും ആലപ്പുഴ വലിയ ചുടുകാട് ശ്മശാനത്തിൽ സംസ്കരിച്ചു.  കലക്ടറുടെ നിർദേശാനുസരണം ആർഡിഒ സന്തോഷ് കുമാറാണ് മൃതദേഹങ്ങൾ ഏറ്റെടുത്തത്. നഗരസഭാ ചെയർമാൻ ഇല്ലിക്കൽ കുഞ്ഞുമോൻ, സെക്രട്ടറി തുടങ്ങിയവയുടെ സഹകരണത്തോടെയാണ് സംസ്കാരത്തിനുള്ള ഒരുക്കങ്ങൾ വലിയ ചുടുകാട് ശ്മശാനത്തിൽ നടത്തിയത്

--