പാലക്കാട് ജില്ലയിൽ ഇന്ന്(ജൂലൈ 17) നാലു വയസ്സുകാരിക്ക് ഉൾപ്പെടെ 31 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. യുഎഇ യിൽ നിന്നെത്തിയവരാണ് രോഗം സ്ഥിരീകരിച്ചവരിൽ കൂടുതലും. ജില്ലയിൽ നടത്തിയ ആൻറിജൻ ടെസ്റ്റിലൂടെ നാല് പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ ഒരാൾക്ക് രോഗബാധ ഉണ്ടായ ഉറവിടം വ്യക്തമല്ല.  സൗദിയിൽ നിന്ന് വന്ന് നിരീക്ഷണത്തിൽ കഴിയവേ ജൂലൈ 14ന്  ആത്മഹത്യ ചെയ്ത കുനിശ്ശേരി സ്വദേശിക്കും (40, പുരുഷൻ) സാമ്പിൾ പരിശോധനയിൽ രോഗം സ്ഥിരീകരിച്ചു. മരണ ശേഷം സാമ്പിൾ  പരിശോധനയ്ക്ക് അയയ്ക്കുകയും ഇന്ന് രോഗം സ്ഥിരീകരിക്കുക യുമായിരുന്നു.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  16) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 9 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 13 പ്രതികളാണ് ഉള്ളത്.  13 പേരെയും  അറസ്റ്റ് ചെയ്തു. രണ്ട് വാഹനങ്ങൾ പിടിച്ചെടുത്തു.
 
*മാസ്ക് ധരിക്കാത്ത 114 പേർക്കെതിരെ കേസ്* 

ജില്ലയിൽ സമൂഹ വ്യാപനം ഉണ്ടായിട്ടുണ്ടോ എന്ന് പരിശോധിക്കുന്നതിനായി വിവിധ പ്രദേശങ്ങൾ കേന്ദ്രീകരിച്ച് ഇന്ന് (ജൂലൈ 16) നടത്തിയ 495 ആൻറിജൻ ടെസ്റ്റുകളുടെയും ഫലം നെഗറ്റീവ് ആയതായി ഡിഎംഒ ഡോ. കെ.പി റീത്ത അറിയിച്ചു.  മേലാമുറി, വാണിയംകുളം ചന്തകൾ ഉൾപ്പെടയുള്ള ഇടങ്ങളിലാണ് ഇന്ന് പരിശോധന നടത്തിയത്.  മേലാമുറി ചന്ത 150,കുനിശ്ശേരി 90,വാണിയംകുളം 50, കൊപ്പം 100,ഒറ്റപ്പാലം 35,ചിറ്റൂർ 70 എന്നിങ്ങനെ നടത്തിയ സാമ്പിൾ പരിശോധനകളുടെ മുഴുവൻ ഫലവും നെഗറ്റീവ് ആണെന്ന് ഡിഎംഒ അറിയിച്ചു.

കോവിഡ് 19 ബാധിതരായി  ജില്ലയില്‍ നിലവില്‍ 217 പേരാണ് ചികിത്സയിലുള്ളത്.  ഇന്ന് (ജൂലായ് 16) ജില്ലയില്‍ 25 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 28 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 28325 സാമ്പിളുകള്‍ പരിശോധനയ്ക്കായി അയച്ചതില്‍ 25697 പരിശോധനാ ഫലങ്ങളാണ് ലഭ്യമായത്. ഇന്ന് 1330 പരിശോധനാ ഫലങ്ങളാണ് ലഭിച്ചത്. പുതുതായി 179 സാമ്പിളുകൾ അയച്ചു. 948 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 726 പേർ രോഗമുക്തി നേടി. ഇനി 2628 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

 മലമ്പുഴ ജില്ലാ ജയിലിൽ  കാസർഗോഡ് കേന്ദ്ര തോട്ടവിള ഗവേഷണ കേന്ദ്രം (സി.പി.സി.ആർ.ഐ) മേൽനോട്ടത്തിൽ നടപ്പാക്കുന്ന കേരോദ്യാനം പദ്ധതി ഉദ്ഘാടനം
കൃഷി വകുപ്പ് മന്ത്രി വി.എസ് സുനിൽകുമാർ ഓൺലൈനായി നിർവഹിച്ചു. കെ. വി.  വിജയദാസ് എം.എൽ.എ അദ്ധ്യക്ഷനായി. 
ആദ്യ തെങ്ങിൻ തൈ  വിജയദാസ്  എം.എൽ.എ നട്ടു. അഞ്ചിനങ്ങളിലുള്ള 20 വീതം തെങ്ങിൻ തൈകളാണ് ആദ്യഘട്ടത്തിൽ നട്ടത്.

സംസ്ഥാന സർക്കാരിന്റെ കേര കേരളം പദ്ധതിക്കാവശ്യമായ വിത്തുതേങ്ങ ശേഖരിക്കാനാവുന്ന രീതിയിൽ മലമ്പുഴ ജില്ലാ ജയിലിലെ തോട്ടം മാതൃവൃക്ഷങ്ങളുടെ തോട്ടമായി വികസിപ്പിക്കാനാണ് പദ്ധതി ലക്ഷ്യമിടുന്നത്.   

പാലക്കാട് ജില്ലയിൽ ഇന്ന്(ജൂലൈ 16) ഒരു കുടുംബത്തിലെ അംഗങ്ങളും കുമരംപുത്തൂർ  സ്വദേശികളുമായ ഒരു വയസ്സുകാരനും നാല് വയസ്സുകാരായ രണ്ട് പേർക്കും ഉൾപ്പെടെ 25 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.സൗദിയിൽ നിന്നെത്തിയവരാണ് രോഗം സ്ഥിരീകരിച്ചവരിൽ കൂടുതലും. കൂടാതെ ജില്ലയിൽ ഇന്ന് 72 പേർ രോഗമുക്തി നേടിയിട്ടുണ്ട്.

*ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.* 

*സൗദി-13*
കുഴൽമന്ദം സ്വദേശി (46 പുരുഷൻ)

ചിറ്റൂർ തത്തമംഗലം സ്വദേശികളായ രണ്ടുപേർ (37,34 പുരുഷൻ)

എറണാകുളം: മൂവാറ്റുപുഴ താലൂക്കിലെ പരാതിപരിഹാര അദാലത്ത് 'സഫലം' വീഡിയോ കോൺഫറൻസിലൂടെ നടത്തി. ജില്ലാ കളക്ടർ എസ്.സുഹാസിൻ്റെ നേതൃത്വത്തിൽ നടന്ന അദാലത്തിൽ ഒൻപത് പരാതികൾ പരിഗണിച്ചു. ആറ് പരാതികൾക്ക് പരിഹാരം കണ്ടെത്തി. മൂന്ന് പരാതികൾ തുടർ നടപടികൾക്കായി കൈമാറി. 
    അഡീഷണൽ ജില്ലാ മജിസ്ട്രേറ്റ് സാബു.കെ. ഐസക്,  മൂവാറ്റുപുഴ തഹസിൽദാർ കെ.എസ് സതീശൻ, ഹുസൂർ ശിരസ്തീദാർ ജോർജ്ജ് ജോസഫ് എന്നിവർ പങ്കെടുത്തു. കണയന്നൂർ താലൂക്കിൽ അടുത്ത മാസം ഒന്നാം തീയതി നടക്കുന്ന 'സഫലം' പരാതിപരിഹാര അദാലത്തിലേക്ക് അപേക്ഷകൾ ഈ മാസം  22-ാം തീയതി മുതൽ 24ന് വൈകീട്ട് അഞ്ച് മണിവരെ അക്ഷയ കേന്ദ്രങ്ങളിലൂടെ സമർപ്പിക്കാം.

ആലപ്പുഴ: ജില്ല പഞ്ചായത്തിന്റെ പൊതുമരാമത്ത് പ്രവൃത്തി (ഒന്ന്) ചെയ്യുന്നതിന് ലഘുദര്‍ഘാസ് ക്ഷണിച്ചു. വിശദവിവരങ്ങള്‍    www.etenders.kerala.gov.in എന്നീ വെബ്‌സൈറ്റുകളില്‍ ലഭിക്കും. ജില്ല പഞ്ചായത്ത് കാര്യാലയം, എക്‌സിക്യൂട്ടീവ് എന്‍ജിനിയറുടെ കാര്യാലയം എന്നിവിടങ്ങളില്‍ നിന്നും കൂടുതല്‍ വിവരങ്ങള്‍ അറിയാം. ഫോണ്‍: 0477-2263746.