പട്ടികജാതി പട്ടിക ഗോത്രവര്‍ഗ കമ്മീഷന്‍ അഴുത ബ്ലോക്ക് പഞ്ചായത്ത് ഹാളില്‍ നടത്തിയ അദാലത്തില്‍ നിലവിലുണ്ടായിരുന്ന 61 പരാതികള്‍ പരിഗണിക്കുകയും 53 എണ്ണം തീര്‍പ്പാക്കുകയും ചെയ്തു. നാലു പുതിയ പരാതികള്‍ സ്വീകരിച്ചു. എട്ട പരാതികളിന്മേല്‍ വിവിധ വകുപ്പുകളോട് റിപ്പോര്‍ട്ട് തേടി. വസ്തുതര്‍ക്കം, തൊഴില്‍ പ്രശ്‌നങ്ങള്‍ തുടങ്ങിയവയുമായി ബന്ധപ്പെട്ടതായിരുന്നു പരാതികളിലേറെയും എന്ന് ചെയര്‍മാന്‍ ബി.എസ് മാവോജിയും അംഗം മുന്‍ എം.പി എസ്.അജയ്കുമാറും പറഞ്ഞു. 

പുറ്റടി കമ്യൂണിറ്റി ഹെല്‍ത്ത് സെന്ററിന്റെ

സമഗ്രവികസനം ലക്ഷ്യമിട്ട് കട്ടപ്പന ബ്ലോക്ക്പഞ്ചായത്ത് പുതുതായി നിര്‍മ്മിച്ച സാനിറ്ററി കോംപ്ലക്‌സിന്റെ  ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് സാലി ജോളി നിര്‍വ്വഹിച്ചു. 

ഭക്ഷ്യസുരക്ഷാ കമ്മീഷണറുടെ പ്രത്യേക നിര്‍ദേശപ്രകാരം തൊടുപുഴ ടൗണിലുള്ള ഹോട്ടലുകളിലും ഫാസ്റ്റഫുഡ് കടകളിലും റസ്റ്റോറന്റ്കളിലും ഭക്ഷ്യസുരക്ഷ അസിസ്റ്റന്റ് കമ്മീഷണര്‍  ബെന്നി ജോസഫിനെയും തൊടുപുഴ സര്‍ക്കിള്‍ ഫുഡ് സേഫ്റ്റി ഓഫീസര്‍  അരുണ്‍ കുമാറിന്റെയും നേതൃത്വത്തില്‍ പരിശോധനകള്‍ നടത്തി. പോരായ്മകള്‍ കണ്ടെത്തിയ 3സ്ഥാപനങ്ങള്‍ക്ക് നോട്ടീസുകള്‍ നല്‍കുകയും 6 സ്ഥാപനങ്ങളില്‍ നിന്നുമായി 28,000 രൂപ പിഴ ഈടാക്കുകയും ചെയ്തു.

പ്രളയത്തെതുടര്‍ന്നുള്ള പുനര്‍നിര്‍മാണത്തിനായി ദുരിതബാധിതര്‍ക്ക് ജില്ലയില്‍ 29.83 കോടി രൂപ ഇതേവരെ വിതരണം ചെയ്തു. വീട് നഷ്ടപ്പെട്ടവര്‍ക്ക് 18.49 കോടി രൂപയും കെയര്‍ഹോം പദ്ധതിപ്രകാരം വീട് നിര്‍മാണത്തിന് 99.38 ലക്ഷം രൂപയും മൃഗസംരക്ഷണ കര്‍ഷകര്‍ക്ക് 67 ലക്ഷം രൂപയും കര്‍ഷകര്‍ക്ക് 9.67 കോടി രൂപയുമാണ് വിതരണം ചെയ്തത്.

പുതുതായി ആരംഭിച്ച ചിത്തിരപുരം ഗവണ്‍മെന്റ് ഐ.ടി.ഐയില്‍ തുടങ്ങുന്ന രണ്ടുവര്‍ഷം ദൈര്‍ഘ്യമുള്ള ഡ്രാഫ്റ്റ്‌സ്മാന്‍ സിവില്‍, ഇലക്ടീഷ്യന്‍, എന്നീ ട്രേഡുകളിലേക്ക് പത്താംക്ലാസ് പാസായവരില്‍ നിന്ന് അപേക്ഷ ക്ഷണിച്ചു. ചിത്തിരപുരം ഗവണ്‍മെന്റ് ഹൈസ്‌കൂളില്‍ പ്രവര്‍ത്തിക്കുന്ന ഐ.ടി.ഐ ഓഫീസിലും കൊച്ചുമുല്ലക്കാനത്ത് പ്രവര്‍ത്തിക്കുന്ന രാജാക്കാട് ഐ.ടി.ഐ ഓഫീസിലും അപേക്ഷകള്‍ ലഭ്യമാണ്. അവസാന തീയതി 25. വിവരങ്ങള്‍ക്ക് 04868 241813, 9847432553 

സംസ്ഥാന മന്ത്രിസഭയുടെ ആയിരം ദിനാഘോഷ പരിപാടികളുടെ ആലോചനായോഗം വൈദുതിവകുപ്പ്  മന്ത്രി എം.എം മണിയുടെ അധ്യക്ഷതയില്‍ 26 ന് രാവിലെ 9.30 ന് ഇടുക്കി ഐ.ഡി.എ ഗ്രൗണ്ടിനുസമീപമുള്ള വോളിബോള്‍ അക്കാഡമി ഇന്‍ഡോര്‍ സ്റ്റേഡിയത്തില്‍ ചേരും. എല്ലാ വകുപ്പുകളിലെയും ജിലാതല മേധാവികള്‍ യോഗത്തില്‍ നിര്‍ബന്ധമായും പങ്കെടുക്കണമെന്ന് ജില്ലാ കളക്ടര്‍ അറിയിച്ചു. 

എഴുപതാമത് റിപ്പബ്ലിക് ദിനത്തിന്റെ ജില്ലാതല ആഘോഷം ഇടുക്കി ജില്ലാ പഞ്ചായത്ത് മൈതാനത്ത് 26 ന് വിപുലമായ പരിപാടകളോടെ സംഘടിപ്പിക്കും. വൈദ്യുതി വകുപ്പ് മന്ത്രി എം.എം മണി 8.30 ന് ദേശീയ പതാക ഉയര്‍ത്തി അഭിവാദ്യം സ്വീകരിക്കുകയും റിപ്പബ്ലിക്ദിന സന്ദേശം നല്‍കുകയും ചെയ്യും.  തുടര്‍ന്ന് നടക്കുന്ന പരേഡില്‍ പോലീസ്, എക്‌സൈസ്, ഫോറസ്റ്റ്, എന്‍.സി.സി, സ്‌കൗട്ട്‌സ് ആന്‍ഡ് ഗൈഡ്, എസ്.പി.സി, ബാന്‍ഡ് സംഘങ്ങള്‍ എന്നിവ അണിനിരക്കും. എം.പി, എം.എല്‍.എമാര്‍, ജില്ലാ പഞ്ചായത്ത് പ്രസിഡന്റ്, ജനപ്രതിനിധികള്‍ തുടങ്ങിയവര്‍ ചടങ്ങില്‍ പങ്കെടുക്കും.

ഇടുക്കി ഐ ടി ഡി പി ഓഫീസിന്റെ കീഴില്‍ വെള്ളിയാമറ്റം പഞ്ചായത്തില്‍ വെള്ളക്കയത്ത് പ്രവര്‍ത്തിച്ചു വരുന്ന ഒ പി ക്ലിനിക്കില്‍ എ.എന്‍.എം തസ്തികയില്‍ ഒരു വര്‍ഷത്തേക്ക് കരാര്‍ അടിസ്ഥാനത്തില്‍ അപേക്ഷ ക്ഷണിച്ചു. യോഗ്യത ജനറല്‍ നഴ്‌സിങ്. വിദ്യാഭ്യാസ യോഗ്യത, ജാതി വരുമാനം എന്നിവ തെളിയിക്കു സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പുകള്‍ സഹിതം  അപേക്ഷിക്കണം. അവസാന തീയതി 30.വിവരങ്ങള്‍ക്ക് 04862 222399

ഇടുക്കി ജില്ലാ വികസന സമിതിയുടെ ജനുവരി മാസത്തെ യോഗം ഫെബ്രുവരി 2 ശനിയാഴ്ച രാവിലെ 11 മണിക്ക് കളക്ടറേറ്റ് കോണ്‍ഫറന്‍സ് ഹാളില്‍ ചേരും.