കോവിഡ് പ്രതിരോധ പ്രവര്‍ത്തനങ്ങളുടെ  ഭാഗമായി മലമ്പുഴ വനിതാ ഹോസ്റ്റല്‍,  നവോദയ വിദ്യാലയം എന്നിവിടങ്ങളില്‍ ഫസ്റ്റ് ലൈന്‍ ട്രീറ്റ്മെന്റ് സെന്ററുകള്‍ സജ്ജമാക്കി. മലമ്പുഴ വനിതാ ഹോസ്റ്റലില്‍  50 ആളുകള്‍ക്കും നവോദയ വിദ്യാലയത്തില്‍ 340 പേര്‍ക്കും താമസിക്കുന്നതിനുള്ള സൗകര്യങ്ങളും ഒരുക്കിയിട്ടുണ്ട്. മലമ്പുഴ പഞ്ചായത്തില്‍ രോഗികളുടെ എണ്ണം താരതമ്യേന കുറവാണെങ്കിലും ജില്ലയിലെ നിലവിലെ സാഹചര്യം കണക്കിലെടുത്താണ് ഫസ്റ്റ്ലൈന്‍  ട്രീറ്റ്മെന്റ് സെന്ററുകള്‍  ക്രമീകരിച്ചത്.

കോവിഡ് 19 ബാധിച്ച് കരിമ്പ ഗ്രാമപഞ്ചായത്തില്‍ നിലവില്‍ 12 പേരാണ് ചികിത്സയില്‍ ഉള്ളത്. ഇതില്‍ പത്ത് പേര്‍ക്ക് സമ്പര്‍ക്കത്തിലൂടെയും അന്യസംസ്ഥാനങ്ങളില്‍ നിന്നെത്തിയ രണ്ടുപേര്‍ക്കുമാണ് രോഗം സ്ഥിരീകരിച്ചത്. നിലവില്‍ ചികിത്സയിലുള്ളവരുടെ ആരോഗ്യ നിലയില്‍ ആശങ്കപ്പെടാനില്ലെന്ന് അധികൃതര്‍ അറിയിച്ചു. പഞ്ചായത്തില്‍ ഇതുവരെ 1384  പേര്‍ക്ക് ആന്റിജന്‍ പരിശോധന നടത്തിയതല്‍ 57 പേര്‍ക്ക് രോഗം സ്ഥിരീകരിച്ചു. ഇതില്‍ 30 പേര്‍ക്കാണ് സമ്പര്‍ക്കത്തിലൂടെ രോഗബാധ ഉണ്ടായത്. ആകെ 45 പേര്‍ രോഗമുക്തരായി.

യുവസമൂഹത്തിന് ദിശാബോധം നൽകാനും അവരെ ഭാവി നേതാക്കൻമാരായി വളർത്തിയെടുക്കുന്നതിനും ലക്ഷ്യം വെച്ച് യൂത്ത് ലീഡർഷിപ്പ് അക്കാദമി സ്ഥാപിക്കാൻ മന്ത്രിസഭായോഗം തീരുമാനിച്ചതായി മുഖ്യമന്ത്രി പിണറായി വിജയൻ അറിയിച്ചു.

* ജോലിക്കുപോകാത്ത സർക്കാർ ജീവനക്കാരും അധ്യാപകരും കോവിഡ് പ്രതിരോധ ഭാഗമാകണം
രോഗികളുടെ എണ്ണം വർധിക്കുന്ന സാഹചര്യത്തിൽ സംസ്ഥാനത്ത് വാർഡുതല സമിതികളുടെ പ്രവർത്തനം കൂടുതൽ സജീവമാക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. ആശുപത്രികളിൽനിന്ന് ഡിസ്ചാർജ് ചെയ്യുന്നവർ നാട്ടിലേക്ക് പോകുമ്പോൾ വാർഡ്തല സമിതികളെ അറിയിക്കണം. മാസ്‌ക് ധരിക്കാത്ത 5373 സംഭവങ്ങൾ സംസ്ഥാനത്ത് ബുധനാഴ്ച റിപ്പോർട്ട് ചെയ്തിട്ടുണ്ട്. ക്വാറൻറൈൻ ലംഘിച്ച 15 പേർക്കെതിരെ ബുധനാഴ്ച കേസ് രജിസ്റ്റർ ചെയ്തു.

മടങ്ങിവരുന്ന പ്രവാസികളുടെ പുനരധിവാസവും സംസ്ഥാനത്തിന്റെ സമഗ്രവികസനവും ലക്ഷ്യമിട്ട് 'ഡ്രീം കേരള' എന്ന പദ്ധതി നടപ്പാക്കാൻ മന്ത്രിസഭ തീരുമാനിച്ചതായി മുഖ്യമന്ത്രി പിണറായി വിജയൻ പറഞ്ഞു.
വിദേശങ്ങളിൽ നിന്നും രാജ്യത്തിന്റെ മറ്റു ഭാഗങ്ങളിൽ നിന്നും കേരളത്തിലേക്ക് തിരിച്ചുവരുന്ന വലിയ വിഭാഗം പ്രൊഫഷണലുകളുണ്ട്. വിവിധ തൊഴിലുകളിൽ അന്താരാഷ്ട്ര വൈദഗ്ധ്യം നേടിയവരും സംരംഭങ്ങൾ നടത്തി പരിചയമുള്ളവരുമാണ് ഇവരിൽ നല്ല പങ്ക്. ഇവരുടെ കഴിവിനെ സംസ്ഥാനത്തിന്റെ ഭാവിക്കു വേണ്ടി ഉപയോഗപ്പെടുത്തുക എന്ന ലക്ഷ്യം കൂടി ഈ പദ്ധതിക്കുണ്ട്.

വനാശ്രിത സമൂഹത്തിന്റെ സാമ്പത്തിക സ്വാശ്രയത്തം ലക്ഷ്യമാക്കി വനംവകുപ്പ് ആവിഷ്‌കരിച്ച ആദിവാസി കോളനികളിലെ  വൃക്ഷവത്ക്കരണം  പദ്ധതിക്ക് സംസ്ഥാനത്ത് തുടക്കമായി. വനമഹോത്സവത്തിന്റെ ഭാഗമായി തിരുവനന്തപുരം നാരകത്തിൻകാല ആദിവാസി കോളനിയിൽ സംഘടിപ്പിച്ച ചടങ്ങിൽ വൃക്ഷത്തെ നട്ട് വനം മന്ത്രി  അഡ്വ. കെ. രാജു  പദ്ധതി ഉദ്ഘാടനം ചെയ്തു. പട്ടികവർഗവകുപ്പുമായി ചേർന്നു നടപ്പിലാക്കുന്ന വൃക്ഷവൽക്കരണം പദ്ധതിയുടെ  ഭാഗമായി  സംസ്ഥാനത്തെ 488 കോളനികളിൽ 2.18 ലക്ഷം തൈകളാണ് നട്ടുപരിപാലിക്കുക. പട്ടികജാതി-പട്ടികവർഗ വകുപ്പ് മന്ത്രി എ കെ ബാലൻ ചടങ്ങിൽ വിശിഷ്്ടാതിഥിയായിരുന്നു.

കല്ലാർ ഇക്കോ ടൂറിസത്തിൽ ഒരുക്കിയ ഔഷധ സസ്യ പ്രദർശനോദ്യാനം വനം മന്ത്രി അഡ്വ. കെ. രാജു നാടിന് സമർപ്പിച്ചു. വനമഹോത്സവപരിപാടികളുടെ ഭാഗമായി  കല്ലാർ ഇക്കോ ടൂറിസം സെന്ററിൽ നടന്ന ചടങ്ങിലാണ്  ഔഷധവനം പൊതു ജനങ്ങൾക്കായി തുറന്നുകൊടുത്തത്. ടൂറിസം സെന്ററിലെ അഞ്ച് സെന്റ് ഭൂമിയിൽ ഒരുക്കിയ ഔഷധോദ്യാനത്തിൽ  നക്ഷത്രവനവൃക്ഷ ഇനങ്ങളിൽപ്പെട്ട 27 മരങ്ങളും ത്രിഫല, ത്രികടു, ദശമൂലം, ദശപുഷ്പം തുടങ്ങി അപൂർവ്വ ഔഷധ സസ്യങ്ങളും  നട്ടുപരിപാലിച്ചിട്ടുണ്ട്. ഇക്കോടൂറിസം സെന്ററിലെ  ആദിവാസി ഗൈഡുമാർക്കുള്ള യൂണിഫോമിന്റെ വിതരണവും മന്ത്രി നിർവഹിച്ചു. ചടങ്ങിൽ കെ.എസ്. ശബരീനാഥൻ എം.എൽ.എ, ജില്ലാ പഞ്ചായത്ത് പ്രസിഡന്റ് വി.കെ.

* 15 അധ്യാപക തസ്തികകളും 87 അനധ്യാപക തസ്തികകളും