*ജനുവരി 25ന് ചങ്ങാതിക്കുടുക്ക മുഖ്യമന്ത്രിക്ക് കൈമാറും

അതിജീവിക്കുന്ന കേരളത്തിന് സഹായഹസ്തവുമായി പ്രവാസിമലയാളി കുട്ടികളെത്തുന്നു. നവകേരളനിർമിതിയിൽ പുതുതലമുറ പ്രവാസിമലയാളികളെ പങ്കുചേർത്ത് മലയാളം മിഷൻ ഒരുക്കിയ ധനസമാഹരണ പദ്ധതിയായ ചങ്ങാതിക്കുടുക്കയുടെ ഭാഗമായാണ് വിവിധ ഇന്ത്യൻ സംസ്ഥാനങ്ങളിൽനിന്നുള്ള വിദ്യാർഥികൾ സഹായനിധിയുമായി കേരളത്തിലെത്തുന്നത്.    

സ്‌കോൾ-കേരള ഓപ്പൺ, റെഗുലർ ഹയർ സെക്കൻഡറി കോഴ്‌സ് ഒന്നാം വർഷ പരീക്ഷ എഴുതേണ്ട വിദ്യാർത്ഥികളിൽ രണ്ടാം ഗഡു ഫീസായ 900 രൂപ അടച്ചിട്ടില്ലാത്തവർ 30 രൂപ പിഴയോടെ പോസ്റ്റോഫീസ് മുഖേന അടച്ച ചെലാന്റെ അസ്സൽ പകർപ്പ് സ്‌കോൾ-കേരളയുടെ സംസ്ഥാന ഓഫീസിൽ ജനുവരി 31 നകം എത്തിക്കണമെന്ന് എക്‌സിക്യൂട്ടീവ് ഡയറക്ടർ അറിയിച്ചു.

പി.എൻ.എക്സ്. 261/19

അസാപ് നടപ്പിലാക്കുന്ന സ്റ്റേറ്റ് ഇന്റേൺഷിപ്പ് പോർട്ടലിന്റെ ഉദ്ഘാടനം ഉന്നത വിദ്യാഭ്യാസ വകുപ്പ് മന്ത്രി കെ.ടി.ജലീൽ ഇന്ന് (ജനുവരി 24) രാവിലെ 11 നു ശ്രീകാര്യം കോളേജ് ഓഫ് എൻജിനീയറിങ്ങിൽ നിർവ്വഹിക്കും. ഉന്നത വിദ്യാഭ്യാസ വകുപ്പ് പ്രിൻസിപ്പൽ സെക്രട്ടറി ഡോ.ഉഷ ടൈറ്റസ് സ്വാഗതം പറയും. അസാപ്, കെ.ടി.യു., എന്നിവയിലെ ഉന്നത ഉദ്യോഗസ്ഥർ, വ്യവസായ പ്രമുഖർ, അക്കാദമിക് വിദഗ്ദ്ധർ തുടങ്ങിയവർ പങ്കെടുക്കും.

പി.എൻ.എക്സ്. 260/19

*മോഡൽ കരിയർ സെന്റർ ഉദ്ഘാടനം ചെയ്തു

കാസര്‍കോട് ഗവ.കോളജില്‍ ഫിസിക്കല്‍ എഡ്യൂക്കേഷന്‍ ഡിപ്പാര്‍ട്ട്‌മെന്റിലേക്ക് ട്രെയിനിങ് ജെഴ്‌സി, ട്രാക്ക് സ്യൂട്ട്, ഷൂസ്, ടീഷര്‍ട്ട് ആന്റ് ലോവര്‍ എന്നിവ വിതരണം ചെയ്യുന്നതിനുള്ള ക്വട്ടേഷന്‍ ക്ഷണിച്ചു.  അപേക്ഷകള്‍ പ്രിന്‍സിപ്പാള്‍, ഗവ.കോളജ് , കാസര്‍കോട്, വിദ്യാനഗര്‍ പി.ഒ-671123 എന്ന വിലാസത്തില്‍ ഈ മാസം 30നകം ലഭിക്കണം.  

കാസര്‍കോട് ഗവ.കോളജില്‍ പ്രിന്‍സിപ്പാളിന്റെ മുറിയില്‍ രണ്ട് സിസിടിവി കാമറ വിതരണം ചെയ്യുന്നതിനും സ്ഥാപിക്കുന്നതിനും ക്വട്ടേഷന്‍ ക്ഷണിച്ചു. അപേക്ഷകള്‍ പ്രിന്‍സിപ്പാള്‍, ഗവ.കോളജ് , കാസര്‍കോട്, വിദ്യാനഗര്‍ പി.ഒ-671123 എന്ന വിലാസത്തില്‍ ഫെബ്രുവരി നാലിനകം ലഭിക്കണം. 

പൊതുവിതരണ വകുപ്പിന്റെ ഉപഭോക്തൃ ബോധവത്കരണ പ്രവര്‍ത്തനങ്ങളുടെ ഭാഗമായി ഉപഭോക്തൃ ബോധവല്‍ക്കരണവുമായി ബന്ധപ്പെട്ട വിഷയത്തില്‍ ഹൈസ്‌ക്കൂള്‍ വിദ്യാര്‍ത്ഥികള്‍ക്കായി പെയിന്റിങ് (ജലച്ചായം) മത്സരം നടത്തും. കാസര്‍കോട് താലൂക്ക് സപ്ലൈ ഓഫീസ് പരിസരത്ത് ഈ മാസം 26ന് ഉച്ചകഴിഞ്ഞ് മൂന്നിന് മത്സരം നടത്തും. വിജയികള്‍ക്ക് ക്യാഷ് അവാര്‍ഡ് ലഭിക്കും. മത്സരാര്‍ത്ഥികള്‍ സ്‌കൂള്‍ മേലധികാരിയുടെ സാക്ഷ്യപത്രം സഹിതം താലൂക്ക് സപ്ലെ ഓഫീസില്‍ കൃത്യസമയത്ത് ഹാജരാകണം. ഫോണ്‍: 9188527896, 9446329855,9400229340

ഫിഷറീസ് വകുപ്പിന്റെ ആഭിമുഖ്യത്തില്‍ മത്സ്യത്തൊഴിലാളികള്‍ക്ക് കടല്‍സുരക്ഷയില്‍ പരിശീലനം നല്‍കുന്നു.  മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത മത്സ്യത്തൊഴിലാളികള്‍ക്കാണ് പരിശീലനം നല്‍കുന്നത്.  താല്പര്യമുളളവര്‍ അപേക്ഷ തയ്യാറാക്കി മത്സ്യത്തൊഴിലാളി ക്ഷേമനിധി ബോര്‍ഡ് പാസ്സ്ബുക്കിന്റെ പകര്‍പ്പ് സഹിതം കാഞ്ഞങ്ങാട് ഫിഷറീസ് ഡെപ്യൂട്ടി ഡയറക്ടറുടെ ഓഫീസിലോ, കുമ്പള, കാസര്‍കോട്്,കാഞ്ഞങ്ങാട് എന്നിവിടങ്ങളിലുളള മത്സ്യഭവനുകളിലോ സമര്‍പ്പിക്കണം.  കൂടുതല്‍ വിവരങ്ങള്‍ക്ക് -04672 202537

പ്ലസ്ടു  സയന്‍സ് വിഷയത്തില്‍ പഠിക്കുന്ന പട്ടിക വര്‍ഗ്ഗ വിദ്യാര്‍ത്ഥികള്‍ക്ക് 2019 ലെ നീറ്റ്, എന്‍ജിനിയറിംഗ്് പരീക്ഷയ്ക്ക് മുമ്പായി ഒരു  മാസത്തെ ക്രാഷ് കോച്ചിംഗ് ക്ലാസ് സംഘടിപ്പിക്കുന്നു. പ്ലസ് വണ്‍ പരീക്ഷയിലും പ്ലസ് ടു ഇതുവരെയുള്ള പരീക്ഷകളിലും വിജയം കൈവരിച്ച വിദ്യാര്‍ത്ഥി-വിദ്യാര്‍ത്ഥിനികള്‍ക്ക്  പരിശീലനത്തിന് പട്ടികവര്‍ഗ്ഗ വികസന വകുപ്പില്‍ അപേക്ഷിക്കാം.

സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ ജില്ലാ ഓഫീസിന്റെ  സഹകരണത്തോടെ  മീഞ്ച സിഡിഎസി ന് മൈക്രോ ക്രെഡിറ്റ് വായ്പ വിതരണം ചെയ്തു. മീഞ്ച ഗ്രാമപഞ്ചായത്ത് മാര്‍ക്കറ്റ്  ഹാളില്‍ നടന്ന പരിപാടി  ജില്ലാ പഞ്ചായത്ത് വികസനകാര്യ സ്റ്റാന്റിംഗ് കമ്മറ്റി ചെയര്‍മാന്‍ ഹര്‍ഷാദ് വോര്‍ക്കാടി  ഉദ്ഘാടനം ചെയ്തു. മീഞ്ച ഗ്രാമപഞ്ചായത്ത് പ്രസിഡണ്ട് ഷംഷാദ് ഷുക്കൂര്‍ അദ്ധ്യക്ഷത വഹിച്ചു. കെഎസ്ബിസിഡിസി ജില്ലാ മാനേജര്‍ കെ. ജെ  ലത കോര്‍പ്പറേഷന്റെ  വിവിധ വായ്പാപദ്ധതികള്‍, മൈക്രോ ക്രെഡിറ്റ് വായ്പ എന്നിവ വിശദീകരിച്ചു.